ລິ້ງ ສຳຫລັບເຂົ້າຫາ

logo-print

ລມຕ ກອງທັບອາກາດ ສຫລ ກ່າວວ່າ ໄພຂົ່ມຂູ່ ຈາກກອງທັບຈີນ ຈຶ່ງຕ້ອງໄດ້ເພີ້ມ ຝຸງເຮືອບິນ ບັນທຸກນ້ຳມັນ


ເຮືອບິນບັນທຸກນ້ຳມັນ KC130J ຂອງກອງທັບອາກາດ ສະຫະລັດ ກຳລັງຕື່ມ ນ້ຳມັນ ໃຫ້ເຮືອບິນເຮລິຄັອບເຕີ ຄາຣາຄອລ ຂອງຝຣັ່ງ ສອງລຳ ທີ່ບິນຜ່ານເທິງ Champs Elysees ໃນລະຫວ່າງການສວນສະໜາມ ຂອງກອງທັບ ໃນ ວັນຊາດ ຫຼື Bastille Day ທີ່ນະຄອນຫຼວງ ປາຣີ ຂອງຝຣັ່ງ, ວັນທີ 14 ກໍລະກົດ 2016.

ກອງທັບສະຫະລັດ ຕ້ອງການຝຸງເຮືອບິນບັນທຸກນ້ຳມັນຕື່ມອີກ ເພື່ອທີ່ຈະແຂ່ງກັບ
ກອງທັບ ຂອງຈີນ ທີ່ທັນສະໄໝຂຶ້ນ ອີງຕາມຄຳ​ເວົ້າຂອງລັດຖະມົນຕີ ກອງທັບອາກາດ
ທ່ານນາງ ແຮເຕີ ວີລສັນ ໃນວັນພຸດວານນີ້.

ທ່ານນາງ ວີລສັນ ໄດ້ກ່າວຕໍ່ ບັນດາສະມາຊິກ ຂອງສະພາສູງ ໃນລະຫວ່າງ ການພິຈາ
ລະນາ ຮັບຟັງຄຳ​ໃຫ້​ການໃນວັນພຸດວານນີ້ ກ່ຽວກັບຄວາມພ້ອມຂອງ ກອງທັບອາກາດ
ວ່າ “ຄວາມທ້າທາຍໃນເຂດມະຫາສະໝຸດປາຊີຟິກນັ້ນ ແມ່ນ ຄວາມຍາກລຳບາກ
ຂອງໄລຍະທາງ ແລະ ອັນນັ້ນ ໝາຍຄວາມວ່າ ຝຸງເຮືອບິນ ບັນທຸກນ້ຳມັນ ແມ່ນມີ
ຄວາມສຳຄັນຫຼາຍ.”

ລັດຖະມົນຕີ ກອງທັບອາກາດ ທ່ານນາງ ແຮເຕີ ວີລສັນ ພວມໃຫ້ການ ຕໍ່ຄະນະກຳມະການຕຸລາການຂອງສະພາສູງ ໃນລະຫວ່າງການພິຈາລະນາຮັບຟັງການໃຫ້ປາກຄຳ ຢູ່ ລັດຖະສະພາ ຫຼຶື Capitol Hill ໃນນະຄອນຫຼວງ ວໍຊິງຕັນ, ວັນທີ 6 ທັນວາ 2017.
ລັດຖະມົນຕີ ກອງທັບອາກາດ ທ່ານນາງ ແຮເຕີ ວີລສັນ ພວມໃຫ້ການ ຕໍ່ຄະນະກຳມະການຕຸລາການຂອງສະພາສູງ ໃນລະຫວ່າງການພິຈາລະນາຮັບຟັງການໃຫ້ປາກຄຳ ຢູ່ ລັດຖະສະພາ ຫຼຶື Capitol Hill ໃນນະຄອນຫຼວງ ວໍຊິງຕັນ, ວັນທີ 6 ທັນວາ 2017.

ກອງທັບອາກາດ ເມື່ອບໍ່ດົນມານີ້ ໄດ້ປະກາດແຜນການ ທີ່ຈະເພີ້ມຈຳນວນ ຂອງຝຸງ
ເຮືອບິນບັນທຸກນ້ຳມັນ ທີ່ຕ້ອງການ ເພື່ອຕື່ມນ້ຳມັນໃຫ້ແກ່ເຮືອບິນລົບ ໃນລະຫວ່າງ
ທີ່ກຳ​ລັງບິນຢູ່ ຈາກ 40 ​ຂຶ້ນເປັນ 54 ​ລຳ ພາຍໃນປີ 2030.

ທ່ານນາງ ວີລສັນ ໄດ້ກ່າວວ່າ “ໃນເມື່ອພວກເຮົາ ຄາດຄະເນໄປໃນຊ່ວງເວລາ ປີ
2025 ຫາ 2030 ແລ້ວໄພຂົ່ມຂູ່ທີ່ເພີ່ມຂຶ້ນເລື້ອຍໆຂອງພວກເຮົາ ພວກເຮົາເຊື່ອ ວ່າ
ແມ່ນ ປະເທດຈີນ.”

ການ​ໃມ​ຫ້ຄຳເຫັນຂອງລັດຖະມົນຕີກອງທັບອາກາດ ມີຂຶ້ນຫຼັງຈາກການ​ປະ​ຕິ​ບັດ
ພາລະກິດ ທີ່ເອີ້ນວ່າ “ເສລີພາບໃນການເດີນເຮືອ” ຂອງກອງ​ທັບ​ສະ​ຫະ​ລັດເມື່ອ ບໍ່ດົນ
ມານີ້ ຊຶ່ງເປັນການປະ​ຕິ​ເສດຕໍ່ການອ້າງ​ກຳ​ມະສິດ ໃນ​ເຂດນ່ານນ້ຳສາກົນ ຂອງຈີນ ແລະ
ເພື່ອການສົ່ງເສີມການ​ເດີນ​ເຮືອຢ່າງເສລີໃນ​ເຂດນ່ານນ້ຳບ່ອນທີ່ ກຳປັ່ນບັນທຸກສິນຄ້າ
ເຄິ່ງນຶ່ງຂອງໂລກ ແລ່ນຜ່ານໄປມານັ້ນ.

ເຮືອບິນຖິ້ມລະເບີດ B-52 ຂອງກອງທັບອາກາດສະຫະລັດ ໄດ້ດຳເນີນພາລະກິດ
ການບິນເທິງນ່ານຟ້າສາກົນ ຜ່ານທະເລຈີນໃຕ້ ແລະທະເລຈີນຕາເວັນອອກ ເມື່ອເດືອນ
ແລ້ວນີ້ ຊຶ່ງທຳນຽບຫ້າແຈ ໄດ້ເອີ້ນພາກສ່ວນນຶ່ງຂອງພາລະກິດຂອງ ຕົນວ່າ “ການສືບຕໍ່
ມີໜ້າຂອງເຮືອບິນຖິ້ມລະເບີດ”
ຢູ່ໃນຂົງເຂດ ແລະຈີນກໍເອີ້ນ ມັນວ່າ “ເປັນການ
ເກາະຜິດ.”

ແຜນການຜະລິດຝຸງເຮືອບິນບັນທຸກນ້ຳມັນໃໝ່ດັ່ງກ່າວ ເປັນສ່ວນນຶ່ງຂອງການສະເໜີ
ໃຫ້ເພີ້ມຝຸງບິນໃນທົ່ວກອງທັບອາກາດ. ທ່ານນາງ ວີລສັນ ໄດ້ກ່າວວ່າ ການສະໜັບ
ສະໜູນທີ່ເພີ້ມຂຶ້ນ ໃນແຜນຍຸດທະສາດການປ້ອງກັນຊາດໃໝ່ຂອງ ລັດຖະບານ ທ່ານ
ທຣຳ ຊຶ່ງເອົາການແຂ່ງຂັນໃນດ້ານແສນຍານຸພາບ ກັບ ຈີນ ແລະ ຣັດເຊຍ ເປັນບູລິມະ
ສິດ ເໜືອກວ່າຄວາມພະຍາຍາມຕໍ່ຕ້ານການກໍ່ການ ຮ້າຍ.

ໃນເວລາ ລັດຖະມົນຕີປ້ອງກັນປະເທດ ທ່ານ ຈິມ ແມັດຕິສ ໄດ້ນຳສະເໜີແຜນຍຸດທະ
ສາດ ໃນເດືອນມັງກອນຜ່ານມາ ທ່ານໄດ້ເຕືອນກອງທັບສະຫະລັດ ວ່າ ກຳລັງຈະສູນເສຍ
ການໄດ້ປຽບໃນຄວາມສາມາດແຂ່ງຂັນ ກັບພວກຄູ່ແຂ່ງທີ່ເຄີຍ ນຳຫລັງ.

ທ່ານ ແມັດຕິສ ໄດ້ກ່າວວ່າ “ກອງທັບຂອງພວກເຮົາ ແມ່ນຍັງແຂງແກ່ນຢູ່ ແຕ່ວ່າ ຄວາມ
ໄດ້ປຽບ ຂອງພວກເຮົານັ້ນ ກຳລັງຫາຍໄປໃນທຸກໆຂອບເຂດຂອງສົງຄາມ ບໍ່ວ່າຈະ
ແມ່ນ ໃນອາກາດ ເທິງດິນ ໃນທະເລ ອະວະກາດ ແລະ ທາງໄຊ ເບີ ຫຼື ອິນເຕີແນັດ
ແລະກຳລັງສືບຕໍ່ຫາຍໄປເລື້ອຍໆ.”

ອ່ານຂ່າວນີ້ຕື່ມ ເປັນພາສາອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG