ລິ້ງ ສຳຫລັບເຂົ້າຫາ

ຢູ່ລາວມີ ຄົນຕິດຢາ ເສບຕິດ ຫຼາຍກວ່າ 60 ພັນ ຄົນແລ້ວ

  • ຊົງຣິດ ໂພນເງິນ

ທ່ານນາງ Karen Stewart ເອກອັກຄະລັດຖະທູດ ສະຫະລັດປະຈໍາລາວ ຕາງໜ້າໃຫ້ລັດຖະບານສະຫະລັດ ມອມການຊ່ວຍເຫລືອດ້ານ ຕ້ານຢາເສບຕິດແກ່ລາວ
ສະຫະລັດ ຊ່ວຍເຫຼືອລາວໃນການຫຼຸດຜ່ອນບັນຫາການຊົມໃຊ້
ຢາເສບຕິດ ໃນຂະນະທີ່ຈໍານວນຄົນຕິດຢາເສບຕິດໃນລາວ ໄດ້
ເພີ່ມຂຶ້ນເປັນຫຼາຍກວ່າ 60,000 ຄົນແລ້ວ ໃນປັດຈຸບັນນີ້.


ທ່ານນາງ Karen Stewart ເອກອັກຄະລັດຖະທູດສະຫະລັດ
ອາເມຣິກາປະຈໍານະຄອນວຽງຈັນ ໄດ້ລົງນາມໃນຂໍ້ຕົກລົງຮ່ວມ
ກັບທ່ານ ກຸ ຈັນສີນາ ຮັກສາການ ປະທານຄະນະກໍາມະການ
ຄວບຄຸມ ແລະກວດກາຢາເສບຕິດແຫ່ງຊາດລາວ ໃນຕົ້ນເດືອນສິງຫານີ້ ເພື່ອໃຫ້ການ
ຊ່ວຍເຫຼືອທາງການລາວໃນການຫຼຸດຜ່ອນບັນຫາການຊົມໃຊ້ຢາເສບຕິດ ດ້ວຍການສະ
ໜັບສະໜຸນເງິນທຶນໃນມູນຄ່າ 150,000 ໂດລາ ໃຫ້ກັບສູນບໍາບັດແລະປິ່ນປົວ ຄົນຕິດ
ຢາ ສົມສະຫງ່າ ຢູ່ໃນເຂດນະຄອນວຽງຈັນ.

ການຊ່ວຍເຫຼືອດັ່ງກ່າວນີ້ ຖືເປັນສ່ວນນຶ່ງໃນຄວາມພະຍາຍາມຂອງທາງການ ສະຫະລັດ
ທີ່ຈະໃຫ້ການຊ່ວຍເຫຼືອທາງການລາວ ເພື່ອການປ້ອງກັນແລະປາບປາມ ການຄ້າຢາເສບ
ຕິດໃຫ້ມີປະສິດທິພາບສູງຂຶ້ນ ແລະເນື່ອງຈາກວ່າ ການຊົມໃຊ້ຢາເສບຕິດ ກໍເປັນອີກບັນ
ຫານຶ່ງທີ່ໄດ້ເພີ່ມລະດັບຄວາມຮຸນແຮງສູງຂຶ້ນນັບມື້ ໂດຍສະເພາະແມ່ນການຊົມໃຊ້ຢາບ້າ
ໃນກຸ່ມເຍົາວະຊົນລາວນັ້ນ ໄດ້ເພີ່ມຈໍານວນຫຼາຍຂຶ້ນຢ່າງວ່ອງໄວ ຈຶ່ງເຮັດໃຫ້ທາງການ
ສະຫະລັດໃຫ້ຄວາມສໍາຄັນກັບການບໍາບັດ ແລະປິ່ນປົວ ເພື່ອປ້ອງກັນບໍ່ໃຫ້ຄົນ ທີ່ຜ່ານການ
ບໍາບັດແລ້ວນັ້ນ ຫັນກັບຄືນໄປຊົມໃຊ້ຢາເສບຕິດອີກເທື່ອໃໝ່ນັ້ນເອງ.

ທາງດ້ານທ່ານ ກຸ ກໍຍອມຮັບວ່າ ໃນປັດຈຸບັນນີ້ ມີເຍົາວະຊົນລາວຕິດຢາບ້າ ຫຼາຍກວ່າ 40,000 ຄົນ ແລະຖ້າຫາກຄິດລວມກັບຄົນທີ່ຊົມໃຊ້ຢາເສບຕິດຊະນິດ ອື່ນໆເຂົ້າດ້ວຍ ກໍເຊື່ອວ່າມີຄົນລາວຫຼາຍກວ່າ 60,000 ຄົນ ທີ່ຕິດຢາເສບຕິດໃນ ທົ່ວປະເທດລາວໃນ
ເວລານີ້. ໃນຈໍານວນດັ່ງກ່າວກໍແບ່ງເປັນ 80% ທີ່ຕິດຢາບ້າ. ສ່ວນ 20% ທີ່ເຫຼືອນັ້ນ ຕິດ
ຢາຝິ່ນ ເຮໂຣອີນ ກັນຊາ ແລະຢາເສບຕິດ ຊະນິດອື່ນໆ.

ການຂົນສົ່ງທາງເຮືອຢູ່ໃນແມ່ນໍ້າຂອງ ຢູ່ເຂດສາມຫລ່ຽມຄໍາ
ການຂົນສົ່ງທາງເຮືອຢູ່ໃນແມ່ນໍ້າຂອງ ຢູ່ເຂດສາມຫລ່ຽມຄໍາ

ທ່ານກຸ ໄດ້ເນັ້ນຍໍ້າດ້ວຍວ່າສໍາລັບຄົນທີ່ຕິດຢາບ້ານັ້ນ ມີຢູ່ໃນ
ທຸກສັງຄົມໃນລາວ ໂດຍບໍ່ວ່າຈະເປັນຜູ້ອອກແຮງງານ ຜູ້ສູງ
ອາຍຸ ພະນັກງານຂອງລັດຖະບານ ພະສົງ ແລະນາງຊີ ກໍຕາມ ຕ່າງກໍລ້ວນແລ້ວແຕ່ໄດ້ມີການຊົມໃຊ້ຢາບ້າດ້ວຍກັນ ທັງນັ້ນ
ໂດຍມີສາເຫດທີ່ ສໍາຄັນມາຈາກການທີ່ລາວໄດ້ກາຍເປັນເສັ້ນ
ທາງຂອງການລັກ ລອບຂົນສົ່ງຢາບ້າ ໄປຕ່າງປະເທດຫຼາຍ
ຂຶ້ນນັບມື້ ແລະໃນຂະນະດຽວກັນ ການລັກລອບປູກຝິ່ນຢູ່ໃນ
ລາວ ກໍຍັງຄົງມີການຂະຫຍາຍພື້ນທີ່ເພີ່ມຂຶ້ນຢ່າງຕໍ່ ເນື່ອງ ອີກດ້ວຍ.

ສ່ວນການດໍາເນີນມາດຕະການ ເພື່ອແກ້ໄຂບັນຫາໃນໄລຍະທີ່ຜ່ານມານັ້ນ ທ່ານ ກຸ ກໍໄດ້ໃຫ້ການຊີ້ແຈງວ່າ:
ຢູ່ ສປປ.ລາວ ສະພາບການຊົມໃຊ້ແລະການລັກລອບຄ້າຂາຍຢາເສບຕິດປະ ເພດຕ່າງໄດ້ມີແນວໂນ້ມເພີ່ມຂຶ້ນ ເພື່ອແກ້ໄຂບັນຫາດັ່ງກ່າວ ພວກເຮົາຕ້ອງໄດ້ ເພີ່ມທະວີຄວາມຮູ້ ຄວາມສາມາດ ແລະຍົກລະດັບວິຊາສະເພາະຕ່າງໆໃຫ້ແກ່ ເຈົ້າໜ້າທີ່ ທີ່ກ່ຽວຂ້ອງ ເພື່ອດໍາເນີນການກໍາຈັດ ສະກັດກັ້ນ ແລະດ້ານການລັກ ລອບຄ້າຂາຍ ແລະລໍາລຽງ ຂົນສົ່ງຢາເສບຕິດຢ່າງເອົາຈິງເອົາຈັງ.”

ການປູກຝິ່ນຢູ່ໃນເຂດສາມຫລ່ຽມຄໍາ
ການປູກຝິ່ນຢູ່ໃນເຂດສາມຫລ່ຽມຄໍາ

ທາງດ້ານ ທ່ານ David Lewis ຜູ້ຊ່ຽວຊານຂອງອົງການ
ຄວບຄຸມຢາເສບຕິດ ແລະອາດຊະຍາກໍາແຫ່ງສະຫະປະ
ຊາຊາດ (UNODC) ກໍ​ຢືນຢັນ​ວ່າ ບັນຫາຢາ ​ເສບ​ຕິດ​ຢູ່
​ເຂດ​ສາມຫຼ່ຽມ​ຄໍາ​ທີ່​ເປັນ​ເຂດ​ຊາຍ​ແດນ​ໃນ​ແມ່​ນໍ້າຂອງ​ລະ
ຫວ່າງ​ມຽນມາ ລາວ ​ແລະ​ໄທນັ້ນ ​ໄດ້​ເພີ່​ມລະດັບ​ຄວາມ
​ຮຸນ​ແຮງ​ຫຼາຍ​ຂຶ້ນ ທັງ​ໃນ​ດ້ານ​ການ​ຜະລິດ ການ​ຄ້າ ​ແລະ
​ການ​ຊົມ​ໃຊ້​ຢາ​ເສບ​ຕິດ ​ໂດຍ​ສະ​ເພາະ​ແມ່ນ​ກ່ຽວ​ກັບ​ຢາ​
ບ້າ​ໃນ​ປັດຈຸ ບັນ​ນີ້ ສາມາດ​ກ່າວ​ໄດ້​ວ່າ ​ເຂດ​ສາມຫຼ່ຽມ​ຄໍາ ​ໄດ້​ກາຍ​ເປັນ​ແຫຼ່ງຜະລິດ​ຢາ​ບ້າ​ໃຫຍ່ ທີ່​ສຸດ​ໃນ​ໂລກໄປ​ແລ້ວ.

​UNODC ​ເຊື່ອ​ວ່າ ການ​ຜະລິດ​ຢາ​ບ້ານ​ຢູ່ເຂດ​ສາມຫຼ່ຽມ​ຄໍາ ມີ​ປະລິມານ​ລວມຫຼາຍກວ່າ
2,000 ລ້ານ​ເມັດ​ໃນ​ແຕ່ລະ​ປີ ຊຶ່ງ​ສ່ວນ​ໃຫຍ່​ກໍ​ເປັນ​ການ​ລັກ​ລອ ຜະລິດ​ໂດຍ​ຂອງ​ກໍາລັງ​ຊົນ
ເຜົ່າ​ກຸ່ມ​ນ້ອຍ​ໃນ​ເຂດ​ມຽນມາ ​ແລ້ວ​ຈຶ່ງ​ລັກລອບ​ຂົນ​ສົ່ງ​ຕໍ່​ໄປຍັງ​ຕ່າງປະ​ເທດ ​ໂດຍສະເພາະ​
ແມ່ນ​ລາວ ກໍ​ນັບ​ເປັນ​ເຂດ​ທາງ​ຜ່ານ​ທີ່​ສໍາຄັນ​ທີ່​ສຸດ ​ເນື່ອງ​ຈາກ​ວ່າ​ລາວ​ເປັນ​ປະເທດ​ດຽວ​ທີ່​ສາມາດ​ເຊື່ອມ​ຕໍ່​ກັບປະ​ເທດ​ໃນ​ເຂດ​ລຸ່ມ​ແມ່ນໍ້າຂອງ​ດ້ວຍ​ກັນ​ໄດ້​ໃນ​ທຸກ​ທິດ ​ທຸກ​ທາງ ​ແລະ​ໃນ​ຂະນະ​ດຽວ​ກັນ ທາງ​ການ​ລາວກໍ ຍັງ​ມີ​ຄວາມ​ສາມາດ​ໃນ​ການ​ປາບ​ປາມ​ຢ່າງຈໍາ​ກັດ
ທັງ​ໃນ​ດ້ານ​ບຸກຄະລາ​ກອນ ​ແລະ​ງົບປະມານ​ດ້ວຍ​ນັ້ນ ນັກ​ຄ້າ​ຢາ​ເສບຕິດ​ຂ້າມ​ຊາດ​ຈຶ່ງ ສວຍ
​ໃຊ້​ລາວ​ເປັນ​ທາງຜ່ານ​ຫຼາຍ​ຂຶ້ນນັບ​ມື້​ນັ້ນ​ເອງ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG