ລິ້ງ ສຳຫລັບເຂົ້າຫາ

ວັນພະຫັດ, ໒໓ ພຶດສະພາ ໒໐໒໔

ສປຊ ແລະ ອີຢູ ຮຽກຮ້ອງໃຫ້ ລີເບຍ ຮອງຮັບເອົາ ຂໍ້ຕົກລົງ ການຄອງອຳນາດຮ່ວມກັນ


ຕົວແທນຈາກ ລີເບຍ ແລະ UN ເຕົ້າໂຮມກັນ ທີ່ກອງປະຊຸມໃນ ນະຄອນຫຼວງ ເບີລິນ, 10 ມິຖຸນາ 2015
ຕົວແທນຈາກ ລີເບຍ ແລະ UN ເຕົ້າໂຮມກັນ ທີ່ກອງປະຊຸມໃນ ນະຄອນຫຼວງ ເບີລິນ, 10 ມິຖຸນາ 2015

ສະຫະ​ປະຊາ​ຊາດ ​ແລະ ບັນດາ​ປະ​ເທ​ດ​ມະຫາ​ອຳ​ນາດໂລກທີ່ສຳ
ຄັນ ​ໄດ້​ຮຽກຮ້ອງ​ໃຫ້​ພັກຝ່າຍທີ່ເປັນປໍລະປັກໃນ​ປະ​ເທດ Libya ຮັບ​ເອົາໃນ​ການ​ຕົກລົງ​ຄອງອຳນາດຮ່ວມ​ກັນ ​ແລະ ​ໃຫ້ການ​ຕໍ່​ສູ້​ທີ່​ດຳ​ເນີນ​ມາ​ເກືອບ 4 ປີ​, ການ​ກໍ່​ກາ​ນຮ້າຍ ​ແລະ ຄວາມ​ບໍ່​ສະຫງົບ ທາງ​ດ້ານ​ການ​ເມືອງ ຈົ່ງ​ຢຸດ​ຕິລົງ.

ນັກ​ການ​ທູ​ດສະຫະປະຊາຊາດ ​ແລະ ​ເຈົ້າ​ໜ້າ​ທີ່​ຂັ້ນ​ສູງ​ອື່ນໆ ທີ່​ປະຊຸມ​ກັນ​ໃນ​ນະຄອນຫຼວງ​ເບີລິນ ວັນ​ພຸດ​ວານ​ນີ້ ​ໄດ້​ອອກ​ຖະ​ແຫຼ​ງ ການ​ຮ່ວມ​ກ່າວ​ວ່າ ການ​ຕົກ​ລົງທາງ​ດ້ານ​ການ​ເມືອງ ​ທີ່ມີທຸກພັກ ຝ່າຍເຂົ້າຮ່ວມ ​ແ​ມ່ນການ​ແກ້ໄຂ​ບັນຫາແບບຍື​ນຍົງ​ວິທີ​ດຽວເທົ່ານັ້ນ ສຳລັບລີ​ເບຍ. ພວກ​ທ່ານ​ໄດ້​ຮຽກ​ຮ້ອງ​ໃຫ້ຊາວລີ​ເບຍທຸກ​ຄົນ​ຈົ່ງ ກຳຈັດ​ບັນຫາຕ່າງໆ​ທີ່​ຍັງມີ​ຢູ່ຕໍ່ການຕົກລົງນີ້.

ມີ​ຜູ້​ຕາງໜ້າ​ຊາວ​ ລີ​ເບ​ຍ ຫຼາຍ​ກວ່າ 20 ຄົນ​ໄດ້ເ​ຂົ້າຮ່ວ​ມກອງ​ປະຊຸ​ມຢູ່ ​ເບີລິ​ນ ​ເພື່ອການ
ເ​ຈລະ​ຈາ​ເຊິ່ງລວມມີທັງ​ນັກ​ການ​ທູດ​ຈາກ 5 ປະ​ເທດ​ສະມາຊິກ​ຖາວອນ​ຂອງ ສະພາ​ຄວາມ​
ໝັ້ນ​ຄົງ ສະຫະປະຊາຊາດ ທີ່ປະ ກອບດ້ວຍອັງກິດ, ຈີນ, ຝຣັ່ງ, ຣັດ​ເຊຍ ​ແລະສະຫະລັດ ພ້ອມທັງສະ ຫະພາບ ​ຢູ​ໂຣບ, ອິຕາ​ລີ, ສະ​ເປ​ນ ​ແລະ ຫຼາຍ​ປະ​ເທດ​ເພື່ອນ​ບ້ານ​ຂອງ ລີ​ເບຍ ​ໃນ​ພາກ​ເໜືອ​ຂອງ ອາຟຣິກາ.

ປະ​ເທດ ລີ​ເບຍ ​ໄດ້​ຕົກ​ຢູ່​ໃນ​ສະພາບ​ຄວາມ​ສັບສົນວຸ້ນວາຍ​ມາ​ຕັ້ງ​ແຕ່ ຜູ້ນຳຜະເດັດ​ການ Moammar Gadhafi ​ໄດ້​ຖືກ​ໂຄ່ນ​ລົ້ມ ​ແລະ ​ຖືກ​ຂ້າ​ຕາຍ​ໃນ​ປີ 2011. ພວກ​ຫົວ​ຮຸນແຮງ​ອິສລາມ ​ໄດ້ເຂົ້າ​ຢຶດ​ເອົາ​ນະຄອນຫຼວງ Tripoli ​ປີ​ກາຍ​ນີ້ ​ແລະ ​ໄດ້​ສ້າງ​ຕັ້ງ​ລັດຖະບານ​ຄູ່ແຂ່ງ ບັງຄັບ​ໃຫ້​ລັດຖະບານ​ທີ່​ສາກົນ​ຮັບ​ຮູ້ ຕ້ອງ​ໄດ້​ພາກັນຫລົບ​ໜີ ໄປ​ທາງ​ພາກ​ຕາ​ເວັນ​ອອກຂອງປະເທດ.

ພວກ​ຫົວ​ຮຸນແຮງ ລັດອິສລາມ ​ໄດ້​ສວຍໂອກາດໃຊ້​ການ​ລຸກ​ຮື້​ຂຶ້ນແລະ ​ກໍໄດ້​ຍຶດ​ເອົາ​ດິນແດນ. ພວກອົບ​ພະຍົບຊາວ ລີ​ເບຍ ຫຼາຍ​ພັນ​ຄົນທີ່​ພາກັນຊອກ​ຫາ​ທາງ​ຫຼົບໜີ​ຄວາມ​ຮຸນ​ແຮງ ​ໄດ້​ຫັນຫາ​ພວກ​ຄ້າ​ມະນຸດ ​ເພື່​ອສ່ຽງ​ອັນຕະລາຍ​ຂ້າມ​ທະ​ເລ ​ເມ​ດີ​ເທເຣນຽນ ​ໄປ​ທະວີບຢູ​ໂຣບ.

ທູດ​ພິເສດດສະຫະປະຊາຊາດ ທ່ານ Bernardino Leon ​ໄດ້​ພະ​ຍາ​ຍາມ​ແລ້ວ ​ແຕ່ມາຮອດ ປັດຈຸບັນ ຍັງບໍ່ທັນສາມາດ ​ຊອກຫາ​ວິ​ທີແກ້ໄຂ ຢ່າງສັນ​ຕິຕໍ່ບັນຫານີ້ ຍ້ອນວ່າພັກຝ່າຍຕ່າງໆ ໄດ້ປະຕິ​ເສດຕໍ່​ຂໍ້​ສະ​ເໜີ​ຫຼາຍ​ຢ່າງຂອງທ່ານ.

Libya
please wait
Embed

No media source currently available

0:00 0:01:17 0:00

XS
SM
MD
LG