ລິ້ງ ສຳຫລັບເຂົ້າຫາ

ວັນອັງຄານ, 29 ພະຈິກ 2022

ສົງ​ຄາມ​ ຢູ​ເຄ​ຣນ ສ້າງ​ຄວາມ​ສ່ຽງ ແລະ ຜົນ​ປະ​ໂຫຍດ ສຳ​ລັບ​ຊາວ​ນາ ສະ​ຫະ​ລັດ


​ຊ​າວ​ນາ​ເກັບ​ກ່ຽວ​ໝາກ​ຖົ່ວ​ເຫຼືອງ​ຢູ່​ນາ​ແຫ່ງ​ນຶ່ງ​ໃນ​ເມືອງ ຊີ​ອູ ຟອ​ລ​ສ໌, ລັດ ດາ​ໂກ​ຕ້າ​ໃຕ້.

ຂ່າວ​ດີ​ສຳ​ລັບ​ທ່ານ ເບັນ​ຈາ​ມິນ ໄຣ​ສ໌ ກໍ​ແມ່ນ​ວ່າ​ລາ​ຄາ​ສຳ​ລັ​ບ​ສາ​ລີ ແລະ ໝາກ​ຖົ່ວ​ເຫຼືອງ​ທີ່​ລາວ​ກຳ​ລັງ​ປູ​ກໃນ​ເມືອງ ຟີ​ໂລ ລັດ ອີ​ລີ​ນອຍ ຂອງ​ລາວ​ນັ້ນ​ໄດ້​ເພີ່ມ​ຂຶ້ນ​ໃນ​ປີນີ້, ເຊິ່ງ​ແມ່ນ​ຈຸດ​ທີ່​ສະ​ຫວ່າງ​ໃນ​ໄລ​ຍະ​ເວ​ລາ​ຂອງ​ຄວາມບໍ່​ແນ່ນອນແລະ ຄວາມ​ວຸ້ນ​ວາຍ ທີ່​ເຮັດ​ໃຫ້​ມັນ​ຮ້າຍ​ແຮງ​ຂຶ້ນ ​ສຳ​ລັບ​ບັນ​ດາ​ຜູ້​ຜະ​ລິດ​ດ້ານ​ກະ​ສິ​ກຳ​ໃນ​ທົ່ວ​ໂລກ​ຍ້ອນ​ສົງ​ຄາມ​ໃນ ຢູ​ເຄ​ຣນ.

ທ່ານ​ໄດ້​ກ່າວ​ຕໍ່​ວີ​ໂອ​ເອ​ ໃນ​ລະ​ຫວ່າງ​ເວ​ລາ​ພັກ​ຜ່ອນ​ຢູ່​ທົ່ງ​ນາໃນ​ລະ​ຫວ່າງ​ການ​ເກັບ​ກ່ຽວ​ວ່າ “ປີນີ້​ເມື່ອ​ທຽບ​ໃສ່​ສອງ​ປີ​ທີ່​ຜ່ານ​ມາ, ພວກ​ເຮົາ​ໄດ້​ຫຼາຍ​ຂຶ້ນ​ໃນ​ຂອບ​ເຂດ​ລະ​ຫວ່າງ 50 ເປີ​ເຊັນ.”

ແຕ່​ກຳ​ລັງ​ຕະຫຼາ​ດ​ທີ່​ກຳ​ລັງ​ເຮັດ​ວຽກ​ສະ​ໜັບ​ສະ​ໜູນ​ທ່ານ ໄຣ​ສ໌ ນັ້ນ​ມີ​ແຕ່​ຈະ​ໃຫ້​ຜົນ​ປະ​ໂຫຍດ​ແກ່​ລາວ ຖ້າ​ລາວ​ສາ​ມາດ​ຂາຍ​ຜົນ​ຈາກ​ການ​ເກັບ​ກ່ຽວ​ຂອງ​ລາວ​ໃຫ້​ທັນ​ເວ​ລາ. ລາວ​ໄດ້​ກ່າວ​ວ່າ “ພວກ​ເຮົາໄດ້​ເຫັນ​ການ​ປ່ຽນ​ແປງ​ທຸກວັນ​ງ່າຍໆ​ຈາກ 10 ເຊັນ, ບາງ​ເທື່ອ 15 ເຊັນ​ສຳ​ລັບ​ສາ​ລີແລະ 30 ຫາ 70 ເຊັນ​ສຳ​ລັບ​ໝາກ​ຖົ່ວ. ສະ​ນັ້ນ, ຖ້າ​ເຈົ້າ​ສາ​ມາດ​ຂາຍມື້​ນຶ່ງ​ 70 ເຊັນ ສູງກວ່າ​ລາ​ຄາ​ຂອງວັນ​ຕໍ່​ໄປ​ນັ້ນ, ມັນ​ຈະ​ບໍ່​ແມ່ນ​ການ​ປ່ຽນ​ແປງ​ຂະ​ໜາດ​ນ້ອຍ​ອີກ​ຕໍ່​ໄປ.”

ປະ​ກອບ​ກັບ​ລາຄາ​ປັ່ນ​ປວນ​ມີ​ບາງ​ປັດ​ໄຈ​ທີ່​ບັນ​ດາ​ຊາວ​ນາບໍ່​ສາ​ມາດ​ຄວບ​ຄຸມໄດ້, ຄື​ສະ​ພາບ​ອາ​ກາດ ແລະ ໄພ​ແຫ້ງ​ແລ້ງ​ໄດ້ຫຼຸດ​ລະ​ດັບ​ນ້ຳ​ຢູ່​ແມ່​ນ້ຳ ມິ​ສ​ຊິ​ສ​ຊິບ​ປີ, ເຊິ່ງ​ປ້ອງ​ກັນ​ເຮືອ​ທີ່​ຂົນ​ສົ່ງ​ຜົນ​ລະ​ປູ​ກຈາກ​ການ​ເດີນ​ທາງ​ຢ່າງ​ງ່າຍ​ດາຍ​ໃນ​ທາງ​ນ້ຳ​ທີ່​ນຳ​ໄປ​ສູ່​ທ່າ​ເຮືອ​ການ​ຂົນ​ສົ່ງ​ສາ​ກົນ.

ໃນ​ຂະ​ນະ​ທີ່​ລາ​ຄາ​ຜົນ​ລະ​ປູກ​ທີ່​ສູງ​ແມ່ນ​ຂ່າວ​ດີ​ສຳ​ລັບ​ຊາວ​ນາ​ນັ້ນ, ປີນີ້​ມັນ​ໄດ້​ມາ​ພ້ອມ​ກັບ​ຄວາມ​ເສຍ​ປຽບ. ເຊິ່ງລາ​ຄາ​ໃນ​ການ​ເຮັດ​ທຸ​ລະ​ກິດ​ກໍ​ສູງ​ຂຶ້ນ​ເຊັ່ນ​ກັນ.

ລາ​ຄາ​ຂອງ​ນ້ຳ​ມັນກາ​ຊວນ​ທີ່​ໃຫ້​ພະ​ລັງ​ງານ​ຕໍ່​ອຸ​ປະ​ກອນ​ການເຮັດ​ນາ​ແມ່ນ​ເກືອບ​ສູງ​ຕະຫຼອດ​ການ. ເຊັ່ນ​ດຽວ​ກັບ​ລາ​ຄາ​ຂອງ​ປຸຍແອມ​ໂມ​ເນຍ​ແ​ຫ້ງ​ທີ່​ອຸ​ດົມ​ສົມ​ບູນ​ໄປ​ດ້ວຍ​ແກັ​ສ​ໄນ​ໂຕ​ຣ​ເຈັນ, ທີ່​ເຮັດ​ດ້ວຍ​ແກັ​ສ​ທຳ​ມະ​ຊາດນັ້ນ, ເຊິ່ງ​ບັນ​ດາ​ຊາວ​ນາ​ໄດ້​ເພິ່ງ​ພາອາ​ໄສ​ໃນ​ການ​ເລັ່ງ​ຜົນ​ລະ​ປູກ.

ທ່ານ ໄຣ​ສ໌ ກ່າວ​ວ່າ “ມັນແມ່ນ 40 ເປີ​ເຊັນ​ສູງກວ່າ​ຄ່າ​ໃຊ້​ຈ່າຍ​ຂອງ​ປີ​ກາຍນີ້. ແລະ ມັນ​ສູງກວ່າ 100 ເປີ​ເຊັນ​ຂອງ​ລາ​ຄາ​ເມື່ອ​ສອງ​ປີ​ທີ່​ຜ່ານ​ມາ​ສຳ​ລັບ​ຜະ​ລິດ​ຕະ​ພັນ​ດຽວ​ກັນ.”

The good news for Benjamin Rice is that the price for the corn and soybeans he grows on his Philo, Illinois farm are up this year – a bright spot at a time of uncertainty and upheaval made worse for agricultural producers around the world by the war in Ukraine.

“This year compared to two years [ago], we’re up in that 50 percent range [of higher prices],” he told VOA during a break in his work in the fields during the harvest.

But market forces working in Rice’s favor will only benefit him if he can sell the yield from his crops in time. “We’re seeing swings every single day of easily 10, maybe 15 cents of corn and 30 to 70 cents in beans. So, if you can sell one day for 70 cents higher for what tomorrow is going to be, they aren’t small swings anymore,” he said.

Contributing to price fluctuations are some factors farmers can’t control, like the weather and drought conditions lowering water levels on the Mississippi River, which prevents crop-carrying barges from easily navigating the important waterway leading to international shipping ports.

While high crop prices are good news for farmers, this year it comes with a downside. The cost of doing business is also up.

The price of diesel fuel that powers farm equipment is near an all-time high. So is the cost of nitrogen-rich anhydrous ammonia fertilizers, made using natural gas, which farmers rely on to boost crop yields.

“It’s 40% above the cost last year,” says Rice. “And it’s over 100% the cost it was two years ago for the exact same product.”

ທ່ານອາດຈະມັກເລື້ອງນີ້ຄືກັນ

XS
SM
MD
LG