<p>ນາຍົກລັດຖະມົນຕີຢູເຄຣນ ທ່ານ Arseniy Yatsenyuk ໄດ້<br /> ຂໍຮ້ອງໃຫ້ປະຊາຄົມນາໆຊາດສືບຕໍ່ຮັກສາການລົງໂທດຕ່າງໆ<br /> ຕໍ່ຣັດເຊຍ ຈົນກວ່າ Kyiv ສາມາດ <strong><em>“ເຂົ້າຄວບຄຸມດິນແດນ<br /> ຂອງຕົນທັງໝົດ”</em></strong> ຄືນ ລວມທັງແຫຼມ Crimea ດ້ວຍ.</p> <p>ໃນການຖະແຫລງ ທີ່ກອງປະຊຸມສະມັດຊາໃຫຍ່ອົງການສະຫະ<br /> ປະຊາຊາດ ໃນຕອນແລງຂອງວັນພຸດວານນີ້ ທ່ານ Yatsenyuk<br /> ໄດ້ກ່າວຂໍ້ຄວາມໂດຍກົງເຖິງປະທານາທິບໍດີຣັດເຊຍ ທ່ານ<br /> Vladimir Putin ວ່າ <strong><em>“ທ່ານ Putin ທ່ານສາມາດເອົາຊະນະ<br /> ການຕໍ່ສູ້ຕ້ານກັບທະຫານໄດ້ ແຕ່ທ່ານຈະບໍ່ຊະນະ ໃນການ<br /> ຕໍ່ສູ້ຕ້ານກັບປະເທດຊາດ ຄືປະເທດຢູເຄຣນ ທີ່ເປັນ<br /> ເອກກະພາບ.”</em></strong></p> <p><u><em><strong>ເບິ່ງວີດີໂອ ການລົງໂທດ ຕໍ່ຣັດເຊຍ:</strong></em></u></p> <div class="tag_image tag_video_plain" contenteditable="false" mode="video|plain|2462174"><img src="http://gdb.voanews.com/e62e3f26-a811-4489-88f1-53149e5ab89c_tv_w268_h151.jpg" /></div> <p></p> <p>ທ່ານ Yatsenyuk ກ່າວຕໍ່ໄປວ່າ ຣັດເຊຍ ໄດ້ລະເມີດກົດໝາຍສາກົນຕ່າງໆ ດ້ວຍການຮຸກຮານດິນແດນບາງສ່ວນເຂດຂອງຕົນ ຕິດອາວຸດໃຫ້ແກ່ພວກກະບົດນິຍົມຣັດເຊຍ ແລະ ປະກາດຢຶດເອົາແຫຼມ Crimea ເຂົ້າເປັນດິນແດນສ່ວນນຶ່ງຂອງຕົນ ໃນເດືອນມີນາທີ່ຜ່ານມານັ້ນ.</p> <p>ໃນຕອນເຊົ້າຂອງວັນພຸດວານນີ້ ນາຍົກລັດຖະມົນຕີຢູເຄຣນໄດ້ກ່າວປາໄສຢູ່ສະພາຄວາມ ສຳພັນຕ່າງປະເທດໃນນະຄອນນິວຢອກ. ທ່ານ ໄດ້ກ່າວສະແດງຄວາມສົງໄສບໍ່ແນ່ໃຈ ກ່ຽວກັບຂໍ້ຕົກລົງຢຸດຍິງ ກັບພວກກະບົດນິຍົມຣັດເຊຍ ໂດຍເອີ້ນວ່າ ເປັນຂໍ້ຕົກລົງທີ່ບອບບາງ ແລະສັ່ນ ຄອນທີ່ສຸດ. ທ່ານກ່າວອີກວ່າ ຢູເຄຣນ ສາມາດຍັບຢັ້ງພວກແບ່ງແຍກດິນແດນນິຍົມຣັດເຊຍ ແລະ ຟື້ນຟູສັນຕິພາບຢູ່ໃນປະເທດ ໄດ້ຢ່າງງ່າຍດາຍ. ແຕ່ທ່ານກ່າວວ່າ ກອງກຳລັງຂອງຢູເຄຣນ ບໍ່ສາມາດຕໍ່ສູ້ຕ້ານກັບກອງທັບຣັດເຊຍທີ່ພ້ອມພຽງດ້ວຍການເຝິກແອບ ແລະອຸບປະ ກອນທີ່ທັນສະໄໝນັ້ນ.</p> <p> </p> <div class="tag_image tag_video_plain" contenteditable="false" mode="video|plain|2461893"><img src="http://gdb.voanews.com/2eaf6b80-24a0-40f5-91e1-ffc78dd89bbb_tv_w268_h151.jpg" /></div> <p></p>
ນາຍົກ ຢູເຄຣນ ກ່າວໂດຍກົງ ຕໍ່ ທ່ານ Putin ວ່າ ທ່ານບໍ່ສາມາດ ເອົາຊະນະໄດ້ (ວີດີໂອ)
