ລິ້ງ ສຳຫລັບເຂົ້າຫາ

ຢູເຄຣນ ຮ້ອງຂໍ ການຊ່ວຍເຫລືອ 27 ພັນລ້ານໂດລ່າ ຈາກອີຢູ (ສະໄລດ໌/ວີດີໂອ)


ພວກປະ​ທ້ວງ ທີ່ສະໜັບສະໜູນ ສະຫະພາບຢູໂຣບ ພາກັນຕັ້ງຄ້າຍ ຢູ່​ອ້ອມ​ແອ້ມຈະ​ຕຸ​ລັດ ​ໃນ​ໃຈກາງ​​ເມືອ​ງຫລວງ ຂອງຢູ​ເຄຣນ.
ກໍາລັງ​ຮັກສາ​ຄວາມ​ປອດ​ໄພ ​ໄດ້​ຖອຍຫ່າງອອກ​ຈາກ​ຝູງ​ຊົນ
ທີ່ທໍາ​ການ ປະ​ທ້ວງ ຢູ່​ອ້ອມ​ແອ້ມຈະ​ຕຸ​ລັດ ​ໃນ​ໃຈກາງເມືອ​ງ
ຫລວງຂອງ ຢູ​ເຄຣນ ຫລັງ​ຈາກ​ໄດ້​ມີ​ການ​ປະ​ທະ​ກັນ​ໃນ​ຕອນ
​ກາງ​ຄືນ ລະ​ຫວ່າງ​ຕໍາຫລວດ ​ແລະພວກ​ປະ​ທ້ວງ​ທີ່​ສະໜັບ
ສະໜູນ ສະຫະພາບ​ຢູ​ໂຮບ.

ການ​ປະ​ທະ​ກັນລະຫວ່າງ​ສອງ​ກຸ່ມ​ດັ່ງກ່າວ ໄດ້​ເກີດ​ຂື້ນ​ໃນ​ເຊົ້າ
​ວັນພຸດ​ມື້​ນີ້​ໃນ​ຕຶກໂຮງການ​ເມືອງ Kyiv ​ໃນເວລາ​ທີ່​ພວກ​ຕໍາ
ຫລວດ​ທີ່​ຖືໄມ້ຄ້ອນ​ ພະຍາຍາມ​ຂັບ​ໄລ່​ພວກ​ນັກ​ເຄຶ່ອນ​ໄຫວ
​ອອກ​ຈາກ​ຕຶກ.

ລາຍ​ງານກ່າວ​ວ່າ ພວກ​ປະ​ທ້ວງພາກັນ​ຕໍ່ສູ້ຄືນ​ໂດຍ​ການ​ສີດ​ນໍ້າຈາກທໍ່​ດັບ​ເພີງ ​ໃສ່ກໍາລັງ
ຮັກສາ​ຄວາມ​ປອດ​ໄພ. ຕໍ່​ມາ ມີ​ລາຍ​ງານ​ວ່າ ​ພວກ ລົດ​ບັສຂອງ​ຕໍາຫລວດ ​ໄດ້​ເຄຶ່ອນ​ຍ້າຍ​
ອອ​ກ​ໄປ​ຈາກ​ບໍລິ​ເວນ​ດັ່ງກ່າວ.

ບໍ່​ເທົ່າ​ໃດ​ຊົ່ວໂມງກ່ອນ​ໜ້າ​ນັ້ນ ຕໍາຫລວດ​ໄດ້​ເຂົ້າຖະຫລົ່ມ ຄ້າຍ​ຂອງ​ພວກ​ປະ​ທ້ວງ ຢູ່​ໃນ
ບໍລິ​ເວນ​ຈະຕຸ​ລັດ ​ແລະ​ມ້າງ​ເພເຕ້ນທັງຫລາຍທີ່ພວກ​ປະ​ທ້ວງ​ໄດ້ຕັ້ງ​ຂື້ນ​.


ກະຊວງ​ການ​ຕ່າງປະ​ເທດສະຫະລັດ ​ໄດ້​ອອກ​ຖະ​ແຫລ​ງການສະ​ແດງ​ຄວາ​ມ “ບໍ່ພໍ​ໃຈ​
ຢ່າງ​ສູງ” ​ນໍ​າ​ການ​ກະທໍາຂອງບັນດາ​ເຈົ້າ​ໜ້າ​ທີ່ຢູ​ເຄຣນ ທີ່​ນໍາ​ເອົາ​ລົດດຸດ ​ແລະຕໍາຫລວດ
ປາບ​ຈາລະ​ຈົນ ​ໄປ​ຍັງສະຖານ​ທີ່ດັ່ງກ່າວ ​ເພື່ອ​ທັບ​ມ້າງ​ຄ້າຍ​ຂອງ​ພວກ​ປະ​ທ້ວງ ​ແທນ​ທີ່
ຈະ​ປະຕິບັດ ​ໃນ​ອັນທີ່ລັດຖະມົນຕີຕ່າງປະ​ເທດ ທ່ານ John Kerry ໃຊ້ຄໍາ​ເວົ້າ “​ໃຫ້​
ຄວາມນັບຖື​ແກ່ ສິດທິປະຊາທິປະໄຕ ​ແລະ​ກຽດ​ສັກ​ສີຂອງ​ມະນຸດ.”

ທ່ານ Kerry ກ່າວ​ວ່າ “​ການ​ເຄົາລົບນັບຖື​ຫ​ລັກການ​ຕ່າງໆ​ຂອງປະຊາທິປະ​ໄຕ ຮວມ​ທັງ​
ເສຣີພາບໃນການ​ເຕົ້າ​ໂຮມ​ກັນ” ​ນັ້ນແມ່ນທ່າ​ທີ​ຂອງສະຫະລັດ ກ່ຽວ​ກັບຢູ​ເຄຣນ.

ທ່ານກ່າວ​ອີກ​ວ່າ ຄ່າ​ນິຍົມເຫລົ່າ​ນີ້ ​ແມ່ນ​ເປັນ​ຂອງ​ທົ່ວ​ໂລກ ບໍ່​ແມ່ນ​ແຕ່​ເປັນ​ຂອງຊາວອາ
ເມຣິກັນ ແລະທ່ານ ໄດ້​ຮຽກ​ຮ້ອງ​ໃຫ້ “​ໃຊ້​ຄວາມ​ຍັບ​ຍັ້ງຊັ່ງ​ໃຈ​ຢ່າງ​ທີ່​ສຸດ” ​ແລະ​ກ່າວວ່າ
ຊີວິດ​ມະນຸດ​ຕ້ອງ​ໄດ້​ຮັບ​ການ​ປົ​ກ​ປ້ອງ​ເອົາໄວ້.

ການ​ປະ​ທ້ວງ​ໄດ້​ເລີ້ມເກີດ​ຂື້ນໃນ​ທ້າຍ​ເດືອນ​ພະ​ຈິກ ຫລັງ​ຈາກ ປະທານາທິບໍດີ ຢູ​ເຄຣນ
​ໄດ້​ຖອນ​ອອກ​ຈາກ ການ​ເຊັນ​ສັນຍາແລກປ່ຽນ​ການ​ຄ້າ​ກັບສະຫະພາບ​ຢູ​ໂຣບ ທີ່​ມີການ​ລໍ
ຖ້າ​ກັນ​ມາ​ເປັນ​ເວລາ​ດົນ​ນານ ເພື່ອ​ເລືອກ​ເອົາ​ການປົວ​ແປງ ​ແລະປັບປຸງ​ສາຍ​ພົວພັນ​ທາງ
​ເສດຖະກິດ ແລະການ​ເມືອງ ​ກັບຣັດ​ເຊຍ.

​ໃນ​ວັນ​ພຸດ​ມື້​ນີ້ ນາຍົກລັດຖະມົນຕີ ຢູ​ເຄຣນ ທ່ານ Mykola Azarov ກ່າວ​ວ່າ ຢູ​ເຄຣນ ​
ກໍາລັງຮ້ອງ​ຂໍເອົາ​ການຊ່ວຍ​ເຫ​ລືອດ້ານ​ການ​ເງິນ ​ໃນ​ມູນ​ຄ່າ 27 ພັນ 500 ​ລ້ານ​ໂດ​ລ່າ
ຈາກສະຫະພາບ​ຢູ​ໂຣບ ກ່ອນຈະ​ເຊັນ​ສັນຍາ​ຄົ​ບຄ້າສະມາຄົມກັບ​ກຸ່ມ 28 ປະ​ເ​ທດ ອີ​ຢູນັ້ນ.

ວີດີໂອ: ລມຕ ຊ່ວຍວ່າການຕ່າງປະເທດສະຫະລັດ ວິກທໍເຣຍ ນິວແລນດ໌ ຢ້ຽມຢາມ Kyiv ພົບປະກັບ ປະທານາທິບໍດີຢູເຄຣນ ແລະເຕືອນຕໍ່ການໃຊ້ຄວາມຮຸນແຮງ:



XS
SM
MD
LG