ເຈົ້າໜ້າທີ່ຢູເຄຣນກ່າວວ່າ ພວກເຂົາເຈົ້າໄດ້ຄົ້ນພົບການສໍ້ໂກງຂະໜາດໃຫຍ່ທາງທະຫານ ໃນແຜນການທີ່ພົວພັນກັບເງິນ ຫຼາຍສິບລ້ານໂດລາກ່ຽວກັບການແລກປ່ຽນອາວຸດ ທີ່ຍັງບໍ່ທັນເກີດຂຶ້ນເທື່ອ. ການຄົ້ນພົບດັ່ງກ່າວ ມີຂຶ້ນລຸນຫລັງການຕົກ ຂອງເຮືອບິນຣັດເຊຍທີ່ກ່າວວ່າ ບັນທຸກຊະເລີຍເສິກຊາວຢູເຄຣນ. ອາຣາສ ອາຣາບາຊາດີ (Arash Arabasadi) ນັກຂ່າວ VOA ມີລາຍງານກ່ຽວກັບເລື້ອງນີ້, ເຊິ່ງ ທິບສຸດາ ຈະນຳເອົາລາຍລະອຽດ ມາສະເໜີທ່ານໃນອັນດັບຕໍ່ໄປ.
ທະຫານທີ່ປະຕິບັດໜ້າທີ່ປ້ອງກັນໃກ້ກັບເມືອງບັກມຸດຂອງຢູເຄຣນ ຍິງປືນໃຫຍ່ຖະຫຼົ່ມຫລັງຈາກການບຸກໂຈມຕີຕອບໂຕ້ໃນປີກາຍນີ້ ບໍ່ສາມາດເຈາະຜ່ານທີ່ໝັ້ນທີ່ມີຄວາມເຂັ້ມແຂງຂອງຣັດເຊຍ ເຊິ່ງຕັ້ງຢູ່ທາງພາກໃຕ້ແລະພາກຕາເວັນອອກຂອງຢູເຄຣນ.
ພວກເຂົາກ່າວວ່າ ສິ່ງດຽວທີ່ພວກເຂົາເຈົ້າຕ້ອງການແມ່ນລູກປືນໃຫຍ່ໃນປະລິມານເພີ້ມເຕີມ.
ນີ້ແມ່ນການຕໍ່ສູ້ທີ່ມີຂຶ້ນທ່າມກາງເບື້ອງຫຼັງ ທີ່ອົງການຮັກສາຄວາມໝັ້ນຄົງຂອງຢູເຄຣນ ຫຼື SBU ໄດ້ປະກາດວ່າ ຕົນໄດ້ຈັບໂຕຜູ້ທີ່ກ່ຽວຂ້ອງ 5 ຄົນໃນຂໍ້ຫາລັກເງິນຈໍານວນ 40 ລ້ານໂດລາເພື່ອໃຊ້ຊື້ລູກປືນຄົກ 100,000 ລູກ. ເມື່ອໄດ້ຮັບເງິນແລ້ວ, ລູກປືນກໍບໍ່ເຄີຍມາຮອດເລີຍ.
ການປາບປາມສໍ້ລາດບັງຫຼວງຢ່າງຖອນຮາກຖອນໂຄນ ຍັງແມ່ນແລະສືບຕໍ່ເປັນຫຼັກອັນສຳຄັນ ໃນການປະຕິບັດງານເພື່ອເຂົ້າຮ່ວມອົງການ NATO ແລະ EU ຂອງຢູເຄຣນ, ໂດຍເຈົ້າໜ້າທີ່ຂອງທັງສອງກຸ່ມ ຮຽກຮ້ອງໃຫ້ ກີຢິບ ຈົ່ງແກ້ໄຂການສໍ້ໂກງພາຍໃນປະເທດຕົນ.
ໃນຂະນະດຽວກັນ, ວັງເຄຣັມລິນກໍຍັງຄົງສືບຕໍ່ບຸກໂຈມຕີເປົ້າຫມາຍຕ່າງໆ ຢູ່ໃນຢູເຄຣນເຊັ່ນ ອາຄານທີ່ຢູ່ອາໄສ ແລະພື້ນຖານໂຄງລ່າງຂອງພົນລະເຮືອນ.
ແຕ່ພຽງແຕ່ບໍ່ເທົ່າໃດມື້ທີ່ຜ່ານມານີ້ ຢູ່ໃນນະຄອນ ເຊນ ປີເຕີສ໌ເບີກ ສານໄດ້ຕັດ ສິນລົງໂທດ ນາງດາຢາ ເທຣໂປວາ (Darya Trepova) ກ່ຽວກັບການໂຈມຕີກໍ່ການຮ້າຍ ຢູ່ເທິງດິນແດນຣັດເຊຍ ໃນເດືອນເມສາປີ 2023.
ນາງ ເທຣໂປວາ ຖືກກ່າວຫາວ່າ ສົ່ງອຸປະກອນທີ່ມີດິນລະເບີດໃຫ້ແກ່ນັກຂຽນຂ່າວບລັອກເກີ ທີ່ສະໜັບສະໜຸນສົງຄາມຊາວຣັດເຊຍ ໃນຂະນະທີ່ຜູ້ຊາຍຄົນນັ້ນ ກ່າວໂຄສະນາຢູ່ທີ່ຮ້ານກາເຟທ້ອງຖິ່ນ. ນາງກ່າວວ່າ ທັງໝົດແມ່ນຖືກຈັດສາກຂຶ້ນມາ ໂດຍກ່າວວ່ານາງຄິດວ່ານາງກຳລັງເປັນຜູ້ສົ່ງເຄື່ອງດັກຟັງສຽງແລະ ບໍ່ແມ່ນລະເບີດທີ່ສາມາດສັງຫານນາງໄດ້.
ນາງຖືກຕັດສິນໂທດຈໍາຄຸກເປັນເວລາ 27 ປີ.
ສິ່ງທັງໝົດນີ້ ມີຂຶ້ນໃນຂະນະທີ່ເຈົ້າໜ້າທີ່ສົງຄາມໄດ້ໂຕ້ຖຽງກັນກ່ຽວກັບການຕົກຂອງເຮືອບິນທະຫານຣັດເຊຍ ທີ່ກ່າວວ່າ ໄດ້ບັນທຸກຜູ້ໂດຍສານ 74 ຄົນ, ເຊິ່ງໃນນັ້ນມີທະຫານຢູເຄຣນ 65 ຄົນທີ່ຖືກຈັບໂຕໄປ, ໃນຂະນະທີ່ມີການສົ່ງໂຕໄປທີ່ຄາດວ່າ ເພື່ອແລກປ່ຽນນັກໂທດກັບຊະເລີຍເສິກຊາວຣັດເຊຍ.
ມົສກູ ໄດ້ສະໜອງຫຼັກຖານພຽງເລັກນ້ອຍ ເພື່ອສະໜັບສະໜຸນ ການກ່າວອ້າງຂອງຕົນທີ່ວ່າ ຢູເຄຣນ ໄດ້ຍິງເຮືອບິນຕົກ ຫຼືວ່າທະຫານທີ່ຖືກຈັບໄດ້ຢູ່ເທິງເຮືອ ບິນ. ຢູເຄຣນກ່າວວ່າ ມາຮອດປະຈຸບັນນີ້ ຣັດເຊຍ ກໍາລັງສະກັດກັ້ນ ການສືບ ສວນຂອງສາກົນ ໃນຂະນະທີ່ ກີຢິບຍັງບໍ່ສາມາດຢືນຢັນ ແລະ ບໍ່ສາມາດປະຕິເສດໄດ້ວ່າ ມີສ່ວນກ່ຽວຂ້ອງກັບອຸບັດເຫດ ເຮືອບິນຕົກຫຼືບໍ່.
Ukrainian officials say they uncovered massive military fraud in a scheme that saw tens of millions of dollars exchanged for weapons that never materialized. The discovery follows the downing of a Russian plane said to be carrying Ukrainian POWs. VOA’s Arash Arabasadi has this story.
Soldiers holding defensive positions near the Ukrainian city of Bakhmut fire artillery rounds after last year’s counteroffensive failed to pierce heavily fortified Russian positions in the south and east of Ukraine.
They say the one thing they always need is more ammunition.
It is against this backdrop that the Security Service of Ukraine, or SBU, announced it charged five people with embezzling some 40 million dollars meant to buy 100-thousand mortar shells. The money changed hands. The weapons never came.
Rooting-out corruption was and remains a key pillar in Ukraine’s bid to join NATO and the EU, with officials from both groups demanding Kyiv address internal fraud.
Meanwhile, the Kremlin continues striking Ukrainian targets like residential buildings and civilian infrastructure.
But it was in Saint Petersburg just days ago that a court convicted Darya Trepova for a terror attack on Russian soil in April 2023.
Trepova was charged with delivering an explosive device to a pro-war Russian blogger as he gave a talk at a local café. She called it all a set up — saying she thought she was delivering a listening device and not a bomb that could have also killed her.
She was sentenced to 27 years.
All this comes as wartime officials disputed each other’s accounts of the downing of a Russian military plane said to be carrying 74 people – including 65 captured Ukrainian soldiers – en route to a supposed-prisoner swap for Russian POWs.
Moscow has provided little evidence to back its claims that Ukraine shot down the jet or that captured soldiers were onboard. Ukraine says Russia is so far blocking an international investigation while Kyiv neither confirms nor denies involvement in the crash.
ຟໍຣັມສະແດງຄວາມຄິດເຫັນ