ມີຂ່າວລືກັນ ເພີ້ມຂຶ້ນວ່າ ເທີກີອາດຈະອະນຸຍາດໃຫ້ຄຸນພໍ່ແອນດຣູ ບຣັນສັນ ກັບຄືນ
ມາຍັງສະຫະລັດ ຊຶ່ງເຮັດໃຫ້ສະພາບຄວາມເຄັ່ງຕຶງທາງດ້ານການທູດລະຫວ່າງອັງ
ກາຣາ ແລະວໍຊິງຕັນຍຸດຕິລົງ. ປະທານາທິບໍດີ ດໍໂນລ ທຣຳ ຂອງ ສະຫະລັດ ໄດ້ປະ
ນາມການດຳເນີນຄະດີທ່ານບຣັນສັນທີ່ຢູ່ໃນຂໍ້ກ່າວຫາຖານປະຕິບັດການກໍ່ການຮ້າຍ
ນັ້ນ.
ອົງການຂ່າວຫລາຍກະແສໄດ້ລາຍງານໃນວັນພະຫັດວານນີ້ວ່າ ລັດຖະບານ ທ່ານທຣຳ
ໄດ້ບັນລຸຂໍ້ຕົກລົງກັບເທີກີ ທີ່ຜ່ອນຜັນການລົງໂທດບາງຢ່າງລົງ ເພື່ອເປັນການແລກ
ປ່ຽນກັບການທີ່ອັງກາຣາກຳລັງຫລຸດ ຫລື ຍົກເລີກການ ກ່າວຫາຕໍ່ທ່ານ ບຣັນສັນນັ້ນ.
ວໍຊິງຕັນປັດຈຸບັນນີ້ ກຳລັງສະແດງຄວາມຫວັງໃນແງ່ດີຢ່າງລະມັດລະວັງ ກ່ຽວກັບເລື້ອງ
ການປ່ອຍຕົວທ່ານ ບຣັນສັນ, ທີ່ອາດຈະມີຂຶ້ນໄວໃນວັນສຸກມື້ນີ້ ກໍເປັນໄດ້.
“ຂ້າພະເຈົ້າມີຄວາມຫວັງຢ່າງສູງວ່າ ອີກບໍ່ນານເກີນໄປ ຄຸນພໍ່ບຣັນສັນ, ແລະພັນລະຍາ
ຂອງເພິ່ນ ຈະສາມາດກັບຄືນມາຍັງສະຫະລັດໄດ້ແລ້ວ,” ນັ້ນຄືຄຳເວົ້າຂອງທ່ານ ໄມຄ໌
ພອມພຽວ, ລັດຖະມົນຕີກະຊວງການຕ່າງປະເທດສະຫະລັດ ທີ່ກ່າວໃນວັນພຸດຜ່ານມາ.
ມີລາຍງານວ່າ ທ່ານພອມພຽວ ໄດ້ພົວພັນຢ່າງແຂງ ຂັນຢູ່ເບື້ອງຫຼັງຂອງການເຈລະຈາ
ກັບອັງກາຣາ ກ່ຽວກັບການປ່ອຍຕົວທ່ານບຣັນ ສັນນີ້.
ໃນວັນພະຫັດວານນີ້ ທ່ານນາງ ເຮເທີ ນາວເອີດ (Heather Nauert) ໂຄສົກກະຊວງ
ການຕ່າງປະເທດສະຫະລັດ ກ່າວຕໍ່ພວກນັກຂ່າວວ່າ "ຂ້າພະເຈົ້າ ບໍ່ຮູ້ກ່ຽວກັບການ
ຕົກລົງກັນແບບນັ້ນເລີຍ....ມີຂະບວນການທາງກົດໝາຍ ທີ່ມີບົດບາດໃນເລື້ອງນີ້."
ທ່ານນາງ ນາວເອີດ ກ່າວອີກວ່າ “ຂ້າພະເຈົ້າມີຄວາມຫວັງຢ່າງສູງວ່າອີກບໍ່ນານເກີນ
ໄປ ຄຸນພໍ່ບຣັນສັນ, ແລະພັນລະຍາຂອງເພິ່ນຈະສາມາດກັບຄືນມາຍັງສະຫະລັດແລ້ວ.
ນັ້ນຈະເປັນບາດກ້າວສຳຄັນ ທີ່ກ້າວໄປຂ້າງໜ້າ ບາດນຶ່ງ ສຳລັບສາຍພົວພັນລະ
ຫວ່າງສະຫະລັດ ກັບເທີກີ… ແຕ່ວ່າ ພວກເຮົາກຳລັງລໍຄອຍຖ້າເບິ່ງຄະດີດັ່ງກ່າວ
ຢ່າງລະມັດ ລະວັງໃນມື້ອື່ນນີ້.”
ທ່ານນາງກ່າວອີກວ່າ ເຈົ້າໜ້າທີ່ຂອງສະຖານທູດສະຫະລັດ ຈະເຂົ້າຮ່ວມການຮັບ
ຟັງພິຈາລະນາຄະດີ ໃນວັນສຸກມື້ນີ້ ເພື່ອເປັນການໃຫ້ກຳລັງໃຈແກ່ທ່ານບຣັນສັນ.
ໃນການໃຫ້ສັນຍານອັນນຶ່ງທີ່ສະແດງຮ່ອງຮອຍໃຫ້ເຫັນວ່າ ຈະມີການປ່ອຍຕົວທ່ານ
ບຣັນສັນນັ້ນ ປະທານາທິບໍດີຂອງເທີກີ, ທ່ານ ຣີເຊັບ ຕາຢິບ ເອີດວານ ປາກົດວ່າໄດ້
ຜີກຕົວອອກຈາກການຕັດສິນໃຈໃດໆກ່ຽວກັບເລື້ອງນີ້. ໃນວັນອັງຄານຜ່ານມາ ທ່ານ
ເອີດວານເວົ້າວ່າ "ຂ້າພະເຈົ້າເປັນປະທານາທິບໍດີຂອງເທີກີ, ຊຶ່ງເປັນປະເທດທີ່ມີປະ
ຊາທິປະໄຕ ແລະມີລັດຖະທຳມະນູນ.” ທ່ານກ່າວເພີ້ມວ່າ “ສະນັ້ນ, ຂ້າພະເຈົ້າຈະ
ຕ້ອງໄດ້ປະຕິບັດຕາມການຕັດສິນໃຈອັນໃດກໍຕາມ ທີ່ຝ່າຍຕຸລາການໄດ້ເຮັດລົງໄປ.
ທຸກພາກສ່ວນທີ່ກ່ຽວຂ້ອງຕ້ອງປະຕິບັດຕາມການ ຕັດສິນໃດໆ ຂອງພາກສ່ວນຕຸລາ
ການ. ເທົ່ານັ້ນກໍພໍແລ້ວ."
ທ່ານ ເອີດວານ ໄດ້ເປັນຜູ້ຢູ່ໃນແຖວໜ້າ ທີ່ສະໜັບສະໜຸນໃຫ້ມີການດຳເນີນຄະດີ
ຕໍ່ທ່ານບຣັນສັນ ໃນຂະນະທີ່ສາຍສຳພັນກັບວໍຊິງຕັນກຳລັງເຊື່ອມໂຊມລົງ.
