ທີ່ຕູນີເຊຍ ປະຊາຊົນຜູ້ມີສິດປ່ອນບັດກໍພາກັນອອກໄປ ເລືອກຕັ້ງ
ເອົາສະພາແຫ່ງຊາດ ໃນວັນອາທິດມື້ນີ້ ທີ່ຖືກເບິ່ງເຫັນວ່າເປັນ
ບາດລ້ຽວທີ່ສຳຄັນໄປສູ່ ການກໍ່ຕັ້ງລະບອບປະຊາທິປະໄຕໃນເຂດ
ທີ່ຈຸດເລີ້ມຕ້ົ້ນຂອງການລຸກຮືຂຶ້ນຂອງກຸ່ມປະເທດອາຫຣັບ ໃນລະ
ດູບານໃໝ່ ຫຼື Arab Springs ນັ້ນ.
ຕູນີເຊຍໄດ້ເປັນປະເທດທຳອິດໃນອາຟຣິກາເໜືອ ທີ່ໂຄ່ນລົ້ມລັດ
ຖະບານຂອງຕົນລົງ ໃນການລຸກຮືຂຶ້ນຂອງປະຊາຊົນໃນປີ 2010
ແລະຖ້າສົມທຽບກັບປະເທດອື່ນໆ ກໍແມ່ນວ່າໄດ້ຢູ່ໃນສະພາບງຽບ
ສະຫງົບຫຼາຍສົມຄວນ ຕັ້ງແຕ່ນັ້ນເປັນຕົ້ນມາ.
ການກໍ່ການກະບົດຂຶ້ນໄດ້ໂຄ່ນລົ້ມ ອະດີດຜູ້ຜະເດັດການທະຫານ Zine El Abidine
Ben Ali ອອກຈາກຕຳແໜ່ງ ແລະນຳມາຊຶ່ງລັດຖະບານປະສົມຂຶ້ນ ແລະປະທານາທິບໍດີ
ຮັກສາການຊົ່ວຄາວມາ ທີ່ໄດ້ຮັບການຍ້ອງຍໍຊົມເຊີຍຈາກປະຊາຄົມນາໆຊາດ.
ເຖິງຢ່າງໃດກໍດີ ໄດ້ມີຄວາມບໍ່ພໍໃຈປານໃດນຳຈັງຫວະຂອງການປ່ຽນແປງທີ່ຊັກຊ້າ ແລະບັນຫາດ້ານເສດຖະກິດທີ່ມີຢູ່ຕໍ່ມາ ຫຼັງຈາກການປະຕິວັດ ທີ່ໄດ້ເກີດຂຶ້ນ ສ່ວນນຶ່ງກໍຍ້ອນ
ບັນຫາການຂາດວຽກງານເຮັດນັ້ນ.
ປະເທດໄດ້ປະເຊີນກັບຄວາມປັ່ນປ່ວນວຸ້ນວາຍພໍສົມຄວນ ໃນຊ່ວງ 3 ປີເຄິ່ງຜ່ານມານີ້
ຮວມທັງການລອບສັງຫານດ້ານການເມືອງ ຄວາມບໍ່ສະຫງົບດ້ານແຮງງານ ອັດຕາເງິນ
ເຟີ້ມສູງ ແລະການໂຈມຕີຕ່າງໆຈາກພວກຫົວຮຸນແຮງອິສລາມ.
ແຕ່ການຫັນປ່ຽນໄປສູ່ລະບອບປະຊາທິປະໄຕຂອງຕູນີເຊຍ ຍັງຄົງຢູ່ໃນທິດທາງທີ່ຖືກຕ້ອງ
ຢູ່ ບໍ່ຄືກັນກັບພວກປະເທດອື່ນໆ ທີ່ໄດ້ປະເຊີນກັບການລຸກຮືຂຶ້ນໃນລະດູບານໃໝ່ ຄືກັນ
ນັ້ນ.
