ລິ້ງ ສຳຫລັບເຂົ້າຫາ

logo-print

ປ. ທຣໍາ ເດີນທາງໄປ ຟຣໍລິດາ ເພື່ອແຈກຢາຍ ອາຫານ ນໍ້າດື່ມ ແກ່ຜູ້ເຄາະຮ້າຍ ເຮີຣິເຄນ


ປະນາທິບໍດີ ດໍໂນລ ທຣໍາ ແລະສະຕີໜາຍເລກນຶ່ງ ທ່ານນາງ Melania Trump ແລະຮອງປະທານາທິບໍດີ ທ່ານ Mike Pence, ຊ້າຍ, ກຳລັງຟັງລາຍງານ ການຊ່ວຍເຫລືອເຮີຣິເຄນເອີມາ.

ປະທານາທິບໍດີ​ດໍ​ໂນ​ລ ທຣໍາ ​ແຈກ​ຢາ​ຍ​ແຊນ​ວິສ ​ແລະ​ນໍ້າ​ດື່ມ​ໃຫ້​ແກ່​ບັນດາ​ຜູ້​ເຄາະ​ຮ້າຍ
ຈາກ​ພາຍຸ​ເຮີຣິ​ເຄນແລະ​ບັນດາ​ພວກ​ກູ້​ໄພ ຜູ້​ທີ່​ທ່ານ​ກ່າວ​ວ່າປະຕິບັດ​ “ໜ້າ​ທີ່​ຢ່າງ​ບໍ່​ໜ້າ
​ເຊື່ອ” ​ເພື່​ອ​ໃຫ້ການຊ່ວຍ​ເຫລືອ ລັດ Florida ຟື້ນ​ໂຕຄືນ​ມາ ​ຈາກ​ເຮີຣິ​ເຄນ Irma ​ທີ່​ຮ້​າຍ
​ແຮງ​ ​ໃນອາທິດ​ນີ້.

ປະທານາທິບໍດີ​ທຣໍາ ​ໄດ້​ໄປຢ້ຽມຢາມ ​ເມືອງ Naple ​ແລະ Fort Myers ​ໃນ​ວັນ​ພະຫັດ
​ວານ​ນີ້ ສອງ​ເມືອງ​ທີ່​ຢູ່ໃນທາງ​ຜ່ານ​ຂອງ​ພາຍຸ Irma ​ໃນ​ຂະນະ​ທີ່​ລົມ ພາຍຸ​ດັ່ງກ່າວ ພັດ​
ຂຶຶ້ນ​ໄປ​ຕາມ​ແຄມຝັ່ງ​ອ່າວ​ເມັກ​ຊິ​ໂກ ຂອງ​ລັດ Florida.

ປະທານາທິບໍດີ​ທຣໍາ ກ່າວ​ໃນ​ຂະນະທີ່​ຈັບ​ມືສະບາຍດີກັບ​ຜູ້​ຄົນ​ແລະຢືນ​ຄຽງ​ຂ້າງ​ສະ​ຕີ​
ໝາຍ​ເລກ​ນຶ່ງ ທ່ານ​ນາງ Melania Trump ​ແລ​ະ ຮອງ​ປະທາ​ນາ​ທິບໍດີ Mike Pence.

ປະທານາທິບໍດີ​ທຣໍາ ບໍ່​ໄດ້​ກ່າວ​ເລື້ອງ​ອື່ນ ​ມີແຕ່​ຍ້ອງຍໍ​ສັນລະ​ເສີນພວກ​ເຈົ້າ​ໜ້າ​ທີ່ລັດ
ແລະ​ລັດຖະບານ​ກາງ ​ແລະ​ບັນດາ​ຜູ້ໃຫ້ການ​ຊ່ວຍ​ເຫ​ລືອຮັບ​ມື​ກັບ​ເຫດການ ຈຸທຳ​ອິດ.
ທ່ານ​ໄດ້​ກ່າວ​ຊົມ​ເຊີຍການ​ເຕືອນ​ລ່ວງ​ໜ້າ​ຂອງ​ເຂົາ​ເຈົ້າ ​ແລະ​ການ​ຮັບມື​ຢ່າງ​ວ່ອງ​ໄວ
​ຫລັງ​ຈາກເກີດພາຍຸ​ແລ້ວ ທີ່​ເຮັດ​ໃຫ້ຈຳນວນຜູ້ເສຍ​ຊີວິດ​ຢູ່​ທົ່ວ​ລັດ ຂ້ອນ​ຂ້າງ​ຕໍ່າ.

ປະທານາທິບໍດີ​ທຣໍາ ກ່າວ​ວ່າ “​ເວລາທ່ານ​ຄິດ​ເຖິງ​ຄວາມ​ແຮງ​ທີ່​ບໍ່​ໜ້າ​ເຊື່ອ​ຂອງ​ພາຍຸ​
ດັ່ງກ່າວ ​ແລະ​ໃນ​ຂະນະ​ທີ່​ປະຊາຊົນ​ ທີ່​ໂຊກບໍ່​ດີ​ໄດ້​ເສຍ​ຊີວິດ​ໄປ ມັນ​ເປັນ​ຈຳນວນ​
ນ້ອຍໆ​. ຜູ້ຄົນຄິດ​ວ່າ ຫລາຍໆ​ພັນ​ຄົນອາດ​ໄດ້ເສ​ຍຊີວິດ​ໄປ.”

ຕຳຫລວດປິດລ້ອມ Hollywood Hills ເຮືອນບົວລະບັດຄົນເຖົ້າ ທີ່ Hollywood ລັດ Florida.
ຕຳຫລວດປິດລ້ອມ Hollywood Hills ເຮືອນບົວລະບັດຄົນເຖົ້າ ທີ່ Hollywood ລັດ Florida.

ມີ​ຢູ່​ຢ່າງ​ໜ້ອຍ 25 ຄົນ ​ໄດ້​ເສຍ​ຊີວິດ​ ທີ່​ພົວພັນ​ກັບ​ພາຍຸ​ ໃນ​ລັດ Florida ​ໃນ​ຂະນະ​
ປະມານ 50 ຄົນມີ​ລາຍ​ງານ ໄດ້​ເສຍ​ຊີວິດໃນ​ເຂດ​ທະ​ເລ Caribbean ບ່ອນ​ທີ່​ພາຍຸ
Irma ​ໄດ້​ຖະຫລົ່ມເກາະດອນ​ຕ່າງໆດ້ວຍ​ລົມພາ​ຍຸທີ່​ມີຄວາມ​ແຮງ​ ລະດັບ 5 ​ໃນອາທິດ
​ແລ້ວ​ນີ້.

ພວກທະຫານກອງພັນທີ 602nd ໜ່ວຍຊ່ວຍເຫລືອພະຍາບານ ກຳລັງຍ່າງຂຶ້ນເຮືອບິນຂົນສົ່ງ C-17 ໄປເກາະ St. Thomas ຢູ່ U.S. Virgin Islands.
ພວກທະຫານກອງພັນທີ 602nd ໜ່ວຍຊ່ວຍເຫລືອພະຍາບານ ກຳລັງຍ່າງຂຶ້ນເຮືອບິນຂົນສົ່ງ C-17 ໄປເກາະ St. Thomas ຢູ່ U.S. Virgin Islands.

ປະທານາທິບໍດີ​ທຣໍາ ກ່າວ​ວ່າ ​ທ່ານ​ມີ​ແຜນ ​ຈະ​ໄປ​ຢ້ຽມຢາມ​ໝູ່​ເກາະໝູ່​ເກາະ Virgin
ຂອງ​ສະຫະລັດ ​ແລະ Puerto Rico ພາຍໃນ​ສອງ​ອາທິດ​ຂ້າງ​ໜ້າ​ນີ້. ປະທານາທິບໍດີ​
ຍັງ​ໄດ້​ໄປຢ້ຽມຢາມ​ລັດ Texas ສອງ​ເທື່ອ​ນັບ​ແຕ່​ເຮີຣິ​ເຄນຮາວີ ​ໄດ້​ຖະຫລົ່ມ​ຝັ່ງ​ທະ​ເລ
​ພາກ​ໃຕ້ ​ແລະ​ນະຄອນ Houston ​ໃນ​ເດືອນ​ແລ້ວ​ນີ້.

ຜູ້​ປົກຄອງ​ລັດ Texas ທ່ານ Greg Abbott ກ່າວ​ໃນ​ວັນ​ພະຫັດ​ວານ​ນີ້​ວ່າ ຈຳນວນ​ຜູ້​
ເສຍ​ຊີວິດ​ຢູ່​ທີ່​ນັ້ນ ​ເພີ່ມ​ຂຶ້ນ​ເຖິງ 82 ຄົນ​ແລ້ວ.

ສະມາຊິກໜ່ວຍຍາມຝັ່ງຄົນນຶ່ງ ກຳລັງນຳເອົາໝາຂຶ້ນເຮືອ ຫລາຍກວ່າ 95 ຄົນ ແລະສັດຢູ່ເກາະ St Thomas ໄດ້ຖືກກູ້ໄພຈາກ ເຮີຣິເຄນ Irma.
ສະມາຊິກໜ່ວຍຍາມຝັ່ງຄົນນຶ່ງ ກຳລັງນຳເອົາໝາຂຶ້ນເຮືອ ຫລາຍກວ່າ 95 ຄົນ ແລະສັດຢູ່ເກາະ St Thomas ໄດ້ຖືກກູ້ໄພຈາກ ເຮີຣິເຄນ Irma.

ຄວາມ​ພະຍາ​ຍາມເພື່ອ​ຟື້ນຟູ​ຊີວິດ​ການ​ເປັນ​ຢູ່ໄດ້​ມີ​ການ​ຊັກ​ຊ້າ ​ແຕ່​ກໍ​ສະ​ໝ່ຳສະເໝີ
​ຢູ່​ທີ່ລັດ Florida.

ພວກ​ເຈົ້າ​ໜ້າ​ທີ່​ກ່າວ​ວ່າ ການ​ຟື້ນ​ໄຟຟ້າ​ແມ່ນ​ບູລິມະສິດ​ສູງ​ສຸດ. ຈຳນວນ​ຄົນ​ທີ່​ບໍ່​ມີ​ໄຟ
ຟ້າໃຊ້ ​ມີ​ຢູ່ 3 ລ້ານ​ຄົນ​ໃນ​ວັນ​ພະຫັດ​ວານ​ນີ້ ປະມານເຄິ່ງນຶ່ງຂອງ​ໂຕ​ເລກ ຜູ້​ທີ່​ບໍ່​ມີ​ໄຟ
ຟ້າ​ໃຊ້ ຫລັງ​ຈາກ​ໄດ້​ເກີດ​ລົມພາຍຸ. ພວກ​ເຈົ້າ​ໜ້າ​ທີ່​ກ່າວ​ວ່າ ອາດຈະໃຊ້​ເວລາຫລາຍ​
ກວ່າ​ນຶ່ງ​ອາທິດ​ ກ່ອນ​ທີ່ທຸກໆ​ຄົນຈະ​ມີ​ໄຟຟ້​າ​ໃຊ້​ຄືນ​ອີກ.


President Donald Trump handed out sandwiches and water to hurricane victims and emergency workers who he says are doing an "incredible job" helping Florida recover from this week's powerful Hurricane Irma.

Trump visited Naples and Fort Myers Thursday -- two hard-hit cities that were right in the path of Irma as she moved up Florida's Gulf Coast.

"We are there for you 100 percent," Trump said as he shook hands while standing next to first lady Melania Trump and Vice President Mike Pence.

Trump had nothing but praise for state and federal officials and first responders. He credits their early warnings and quick post-storm response for keeping the statewide death toll relatively low.

"When you think of the incredible power of that storm, and while people unfortunately passed, it was such a small number," Trump said. "People thought thousands and thousands of people may have their lives ended."

There are at least 25 storm-related deaths in Florida, while about 50 deaths are reported in the Caribbean, where Irma tore up a number of islands as a Category 5 storm last week.

Trump said he plans to visit the U.S. Virgin Islands and Puerto Rico sometime in the next two weeks. The president has also visited Texas twice since Hurricane Harvey clobbered the southeastern coast and Houston last month.

Texas Governor Greg Abbott said Thursday the death toll in there is now up to 82.

Recovery efforts are slow but steady in Florida.

Officials say restoring power is their top priority. The number of people without electricity was 3 million Thursday -- about half the number who were without power just after the storm. The officials say it could be more than a week before everyone has his power back.

The Florida Keys were the hardest-hit region of the state.

Ninety percent of the homes on the islands were destroyed or damaged. The U.S. Coast Guard is clearing roads and searching for more storm victims. Officials said it would be some time before many people are allowed back in to see what is left of their properties.

Meanwhile, in a very active hurricane season, Hurricane Max is threatening parts of southern Pacific coast of Mexico.

A Category 1 storm with top winds of 130 kilometers per hour, Max made landfall on the Pacific Coast, about 90 kilometers southeast of Acapulco, Mexico, early Thursday evening. Forecasters, however, expect it to quickly weaken as it moves over land.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG