ປະທານາທິບໍດີ ສະຫະລັດ ມີກຳນົດທີ່ຈະເຊັນດຳລັດປະທານາທິບໍດີ ໃນວັນພຸດມື້ນີ້
ທີ່ພະຍາຍາມຈະປ່ຽນແປງກົດລະບຽບສິ່ງແວດລ້ອມ ອັນເປັນສ່ວນນຶ່ງໃນຄວາມປາ
ຖະໜາຂອງທ່ານ ທີ່ຈະຂະຫຍາຍການຜະລິດພະລັງງານຂອງປະເທດ.
ນຶ່ງໃນຫຼາຍດຳລັດນັ້ນ ຈະກຳກັບໃຫ້ກະຊວງຂົນສົ່ງ ສະເໜີກົດລະບຽບໃໝ່ ທີ່ອະນຸ
ຍາດໃຫ້ຂົນສົ່ງແກັສທຳມະຊາດໃນຮູບທີ່ເປັນຂອງແຫຼວ ທາງຕູ້ລົດໄຟໄດ້.
ດຳລັດດັ່ງກ່າວຍັງຈະແນເປົ້າໃສ່ກົດໝາຍຄຸ້ມຄອງແຫຼ່ງນ້ຳສະອາດ ຂອງອົງການປົກ
ປ້ອງສິ່ງແວດລ້ອມ, ໂດຍສະເພາະກ່ຽວກັບຂໍ້ກຳນົດ ທີ່ຮຽກຮ້ອງການປົກປ້ອງທີ່ປະ
ກອບມີ ການປ່ອຍສິ່ງຕ່າງໆລົງໃນນ້ຳ ຖືກຮັບຮອງເອົາໂດຍແຕ່ລະລັດ ກ່ອນທີ່ເຂົາ
ເຈົ້າຈະສາມາດຳເນີນການຕໍ່ໄປໄດ້.
ເຈົ້າໜ້າອາວຸໂສຄົນນຶ່ງຂອງລັດຖະບານ ໄດ້ຈັດກອງປະຊຸມລາຍງານກັບບັນດານັກ
ຂ່າວ ກ່ອນທີ່ທ່ານ ທຣຳ ຈະເຊັນດຳລັດຕ່າງໆນັ້ນ ໄດ້ເອີ້ນກົດລະບຽບທີ່ມີຢູ່ວ່າລ້າ
ສະໄໝ ແລະ ໄດ້ເວົ້າວ່າມັນໄດ້ນຳໄປສູ່ຄວາມສັບສົນ, ໂຄງການຖືກເລື່ອນເວລາ
ແລະ ສູນເສຍວຽກງານ.
ເຈົ້າໜ້າທີ່ຄົນດັ່ງກ່າວໄດ້ເວົ້າວ່າ “ພວກເຮົາບໍ່ໄດ້ພະຍາຍາມທີ່ຈະເອົາອຳນາດອອກ
ໄປຈາກລັດຕ່າງໆ, ແຕ່ພວກເຮົາກຳລັງພະຍາຍາມທີ່ຈະຮັບປະກັນວ່າ ການດຳເນີນ
ການຂອງລັດ ໄດ້ສອດຄ່ອງກັບເຈຕະນາຂອງກົດໝາຍ.”
ດຳລັດຂອງທ່ານ ທຣຳ ຈະຊີ້ນຳໃຫ້ອົງການປົກປ້ອງສິ່ງແວດລ້ອມ ອອກຄຳແນະນຳ
ສະບັບປັງປຸງ ຫຼັງຈາກການປຶກສາຫາລືກັບລັດຕ່າງໆ, ຊົນເຜົ່າ ແລະ ອົງການທີ່ກ່ຽວ
ຂ້ອງ.
ເຈົ້າໜ້າທີ່ອະວຸໂສຂອງລັດຖະບານຄົນດັ່ງກ່າວໄດ້ເວົ້າວ່າ ການປ່ຽນແປງຕ່າງໆແມ່ນ
ມີຄວາມຈຳເປັນ ເພື່ອໃຫ້ໂຄງການຕ່າງໆມີຄວາມແນ່ນອນ, ແລະ ຄຳແນະນຳໃໝ່
ຕ່າງໆຄວນບັນເທົາບາງສິ່ງ ທີ່ລັດຖະບານເຫັນວ່າເປັນສິ່ງກີດຂວາງໂຄງການທໍ່ນ້ຳ
ມັນຂອງລັດຕ່າງໆ.
ທ່ານ ທຣຳ ມີກຳນົດທີ່ຈະເຊັນດຳລັດຫຼາຍສະບັບ ແລະ ໃຫ້ຄຳປາໄສ ຢູ່ສູນຝຶກອົບ
ຮົມສະຫະພັນກຳມະກອນ ໃນພາກສ່ວນ ສານເປໂຕຣເຄມີ.
ດຳລັດສະບັບທີສອງ ຈະໂອນອຳນາດ ໃນການຮັບຮອງເອົາໂຄງການໂຄງລ່າງພື້ນ
ຖານພະລັງງານຂ້າມເຂດຊາຍແດນ ຈາກກະຊວງການຕ່າງປະເທດ ໃຫ້ປະທານາ
ທິບໍດີ.
U.S. President Donald Trump is set to sign executive orders Wednesday seeking changes to environmental regulations as part of his desire to boost the country's energy production.
One of the orders would direct the Transportation Department to propose a new rule allowing liquid natural gas to be shipped in rail cars.
The order would also target the Environmental Protection Agency's Clean Water Act, specifically a provision that requires projects involving discharges into water to have approval from individual states before they are allowed to go forward.
A senior administration official briefing reporters ahead of Trump signing the orders called the existing regulations outdated and said they have led to confusion, project delays and lost jobs.
"We are not trying to take away power from the states, but we are trying to make sure that state actions comply with the statutory intent of the law," the official said.
Trump's order would direct the EPA to issue updates to the guidelines after consulting with states, tribes and relevant agencies.
The senior administration official said the changes are needed to give projects more certainty, and that new guidelines should alleviate some of what the administration sees as states blocking pipeline projects.
Trump is scheduled to sign the orders and give remarks at a training center for a union of workers in the petrochemical sector.
The second order would shift authority for approving cross-border energy infrastructure projects from the secretary of state to the president.
