ປະທານາທິບໍດີສະຫະລັດ ທ່ານດໍໂນລ ທຣໍາ ແລະບັນດາຜູ້ນຳປະເທດໃນເຂດ ທະເລ
ບາລຕິກ ມີກຳນົດ ທີ່ຈະສົນທະນາຫາລືກ່ຽວກັບວ່າ ຈະເສີມຂະຫຍາຍ ຄວາມເຂັ້ມແຂງ
ທາງດ້ານຄວາມໝັ້ນຄົງ ທຸລະກິດ ການຄ້າ ພະລັງງານ ແລະການເປັນພາຄີທາງດ້ານ
ວັດທະນາທຳລະຫວ່າງສະຫະລັດ ແລະສາມປະເທດພັນທະມິດອົງການ NATO ແບບ
ໃດເວລາເຂົາເຈົ້າພົບປະກັນໃນໃນອັງຄານມື້ນີ້ ທີ່ທຳນຽບຂາວ.
ທຳນຽບຂາວກ່າວວ່າ ປະທານາທິບໍດີທຣໍາ ແລະບັນດາຜູ້ນຳແອັສໂທເນຍ ລັດເວຍ ແລະ
ລີທົວເນຍ ຍັງຈະກ່າວຢ້ຳເຖິງຄວາມສຳເລັດຫວ່າງມໍ່ໆມານີ້ຂອງປະເທດທັງສາມ ໃນ
ການປະຊຸມກ່ຽວກັບການໃຊ້ຈ່າຍດ້ານປ້ອງກັນປະເທດຂອງ ອົງການ NATO.
ປະທານາທິບໍດີທຣໍາ ໄດ້ຕິຕຽນບັນດາສະມາຊິກອົງການ NATO ຊໍ້າແລ້ວຊໍ້າອີກທີ່ບໍ່ອອກເງິນສ່ວນແບ່ງຂອງເຂົາເຈົ້າແກ່ພັນທະມິດ ແລະບໍ່ຈ່າຍສອງເປີເຊັນຂອງເຂົາເຈົ້າ
ຊຶ່ງເປັນຂອບເຂດການໃຊ້ຈ່າຍ ດ້ານປ້ອງກັນປະເທດ. ຢູ່ໃນຖະແຫຼງການຕໍ່ບັນດາສະ
ມາຊິກອົງການ NATO ປີກາຍນີ້ ທ່ານບໍ່ໄດ້ກ່າວຢ້ຳເຖິງ ຄວາມໝັ້ນໝາຍຂອງສະຫະ
ລັດຕໍ່ມາດຕາ 5 ຂອງອົງການ NATO ທີ່ປະກາດໃຫ້ປ້ອງກັນຮ່ວມ ທີ່ສັ່ນສະເທືອນຕໍ່
ບັນດາພັນທະມິດ NATO.
ນັບແຕ່ຣັດເຊຍໄດ້ປະກາດຮວມເອົາເຂດຄຣາຍເມຍໃນປີ 2014 ແອັສໂທເນຍ ລັດເວຍ
ແລະລີທົວເນຍ ໄດ້ມີຄວາມເປັນຫ່ວງເພີ້ມຂຶ້ນກ່ຽວກັບການເພີ້ມກຳລັງທະຫານຣັດເຊຍ
ຢູ່ໃນຂົງເຂດ ແລະອາດເປັນໄປໄດ້ທີ່ເຂົາເຈົ້າອາດປະເຊີນກັບຊະຕາກຳ ທີ່ຄ້າຍຄືກັນກັບ
ຄຣາຍເມຍ.
ນັບແຕ່ນັ້ນມາບັນດາປະເທດທັງສາມໄດ້ປະກາດທີ່ຈະເພີ້ມການໃຊ້ຈ່າຍດ້ານ ປ້ອງກັນ
ປະເທດ ໂດຍກາງຕໍ່ບັນດາພັນທະມິດອົງການ NATO ໃນການຊ່ວຍກຳລັງທະຫານ ຖ້າຫາກຣັດເຊຍເອົາບາດກ້າວໃດໆ.
ປະທານາທິບໍດີລັດເວຍ ທ່ານແຣມອນສ໌ ເວີໂຈນິສ ກ່າວຕໍ່ໂທລະພາບລັດເວຍ ອາທິດ
ແລ້ວນີ້ວ່າ ທ່ານຄາດວ່າ ວໍຊິງຕັນຈະຕັດສິນໃຈ ຢ່າງເປີດເຜີຍ ຕໍ່ຄວາມໝັ້ນຄົງໃນຂົງ
ເຂດ. ທ່ານກ່າວວ່າ “ມີແຜນທີ່ຈະຮັບເອົາການປະກາດ ຈາກອັນທີ່ພວກເຮົາຄາດໝາຍ
ການສົ່ງສານການເມືອງຢ່າງແຮງຈາກ ສະຫະລັດ ສະແດງການສະໜັບສະໜູນເພື່ອ
ສ້າງຄວາມເຂັ້ມແຂງຄວາມດ້ານໝັ້ນຄົງໃນເຂດທະເລບາລຕິກ ອີກຄັ້ງນຶ່ງ ໂດຍສະໜັບ
ສະໜູນຄວາມເປັນເອກກະລາດຂອງບັນດາປະເທດເຂດທະເລບາລຕິກ.”
ກອງປະຊຸມສຸດຍອດ ສະຫະລັດ-ບາລຕິກ ໄຂຂຶ້ນທ່າມກາງຄວາມເຕັ່ງຕຶງສຸດລະຫວ່າງ
ຣັດເຊຍ ແລະປະເທດຕາເວັນຕົກ.
ອາທິດແລ້ວນີ້ສະຫະລັດ ແລະອີກຫຼາຍກວ່າສິບປະເທດ ຮວມທັງສາມປະເທດເຂດທະ
ເລບາລຕິກ ໄດ້ຂັບໄລ່ພວກນັກການທູດຣັດເຊຍຫຼາຍກວ່າ 150 ຄົນ ໃນການສະແດງ
ເຖິງຄວາມເປັນນໍ້ານຶ່ງໃຈດຽວ ກ່ຽວກັບການວາງຢາເບືອໃສ່ອະດີດນັກສືບຣັດເຊຍໃນ
ອັງກິດ. ຣັດເຊຍໄດ້ຕອບໂຕ້ໂດຍປະກາດຂັບໄລ່ ນັກການທູດຕ່າງປະເທດຫຼາຍກວ່າ
150 ຄົນ ຮວມທັງນັກການທູດສະຫະລັດ 60 ຄົນ.
