ລິ້ງ ສຳຫລັບເຂົ້າຫາ

logo-print

ທ່ານ Trump ປະຕິເສດ ຕໍ່ການສັນຍາ ທີ່ຈະຍອມຮັບ ຜົນການເລືອກຕັ້ງ


ຜູ້ລົງແຂ່ງຂັນເອົາຕຳແໜ່ງປະທານາທິບໍດີ ຈາກພັກຣີພັບບລີກັນ ທ່ານ Donald Trump ໄດ້ປະຕິເສດ ທີ່ຈະສັນຍາວ່າ ທ່ານຈະຍອມຮັບຜົນຂອງການເລືອກຕັ້ງ ສະຫະລັດ ໃນການ ໂຕ້ວາຄັ້ງທີສາມ ແລະ ກໍຄັ້ງສຸດທ້າຍສຳລັບທ່ານ ແລະ ທ່ານນາງ Hillary Clinton ໃນວັນ ພຸດທີ່ຜ່ານມາ. ຜູ້ມີຄວາມຫວັງຢາກດຳລົງຕຳແໜ່ງໃນທຳນຽບຂາວທັງສອງທ່ານຍັງໄດ້ປະ ທະຄຳເວົ້າກັນ ກ່ຽວກັບ ຣັດເຊຍ, ຄົນເຂົ້າເມືອງ ແລະ ການແຕ່ງຕັ້ງຕຳແໜ່ງ ໃນສານສູງ ສຸດ ສະຫະລັດ ໃນການໂຕ້ວາທີທີ່ຖືກຈັດຂຶ້ນໃນນະຄອນ Las Vegas, ລັດ Nevada. ນັກ ຂ່າວແຫ່ງຊາດຂອງວີໂອເອ Jim Malone ມີບົດສະຫຼຸບ ກ່ຽວກັບການໂຕ້ວາທີຮອບທີ 3 ຈາກນະຄອນຫຼວງ ວໍໍຊິງຕັນ, ເຊິ່ງ ພຸດທະສອນ ຈະນຳລາຍລະອຽດມາສະເໜີທ່ານ.

ເປັນຄັ້ງທີສອງຕິດຕໍ່ກັນ, ທີ່ບໍ່ໄດ້ມີການຈັບມືກັນ ລະຫວ່າງທ່ານນາງ Hillary Clinton ແລະ ທ່ານ Donald Trump ໃນການປະເຊີນໜ້າ​ໂຕ້​ວາທີຄັ້ງສຸດທ້າຍຂອງພວກເພິ່ນ.

ບາງທີຊ່ວງເວລາທີ່ສຳຄັນທີ່ສຸດໄດ້ເກີດຂຶ້ນເມື່ອທ່ານ Trump ໄດ້ຖືກກົດດັນໂດຍພິທີ ກອນຂອງການ​ໂຕ້​ວາທີ ທ່ານ Chris Wallace ກ່ຽວກັບການກ່າວອ້າງ ຊ້ຳແລ້ວຊ້ຳອີກ ວ່າ ຂັ້ນຕອນການເລືອກຕັ້ງ ສະຫະລັດ ໄດ້ສໍ້ໂກງຄະ​ແນນ​ສຽງ​ຂອງທ່ານ.

ທ່ານ Chris Wallace ກ່າວວ່າ “ທ່ານຈະຍອມຮັບຜົນຂອງການເລືອກຕັ້ງຄັ້ງນີ້ຢ່າງແນ່ ນອນບໍ?"

ທ່ານ Donald Trump ຜູ້ລົງແຂ່ງຂັນຈາກພັກຣີພັບບລີກັນກ່າວວ່າ “ແລ້ວຂ້ອຍຈະເບິ່ງ ຄືນອີກ. ຂ້ອຍບໍ່ໄດ້ເບິ່ງຫຍັງໃນເວລານີ້. ແລ້ວຂ້ອຍຈະເບິ່ງມັນອີກ. ສິ່ງທີ່ຂ້ອຍໄດ້ເຫັນ ແມ່ນບໍ່ດີຫຼາຍ. ກ່ອນອື່ນໝົດ, ພວກສື່ມວນຊົນແມ່ນບໍ່ຊື່ສັດແທ້ໆ ແລະ ພວກເຂົາເຈົ້າ ໄດ້ວາງຢາພິດໃສ່ຄວາມຄິດຂອງຜູ້ລົງຄະແນນສຽງ.”

ທ່ານນາງ Clinton ໄດ້ກ່່າວວ່າ ລາວພົບວ່າ ຄຳຕອບຂອງທ່ານ Trump ແມ່ນ “ເປັນຕາ ຢ້ານ” ແລະ ໄດ້ກ່າວວ່າ ມັນກົງກັນຂ້າມກັບທຳນຽມການເມືອງຂອງ ສະຫະລັດ.

ທ່ານນາງ Hillary Clinton ຈາກພັກເດໂມແຄຣັດກ່າວວ່າ “ທ່ານ Trump ກຳລັງໝິ່ນປະ ໝາດ ແລະ ດູຖືກປະຊາທິປະໄຕຂອງພວກເຮົາ ແລະ ຂ້າພະເຈົ້າເຊື່ອວ່າຄົນບາງຄົນຜູ້ ທີ່ຖືກສະເໜີຊື່ຈາກ​ໜຶ່ງ​ໃນສອງພັກການເມືອງໃຫຍ່ຂອງພວກເຮົາ ຈະຍອມຮັບເອົາທ່າ​ທີແບບນັ້ນ.”

ທ່ານ Trump ແລະ ທ່ານນາງ Clinton ຍັງໄດ້ໂຕ້ຖຽງກັນ ກ່ຽວກັບວ່າ ຣັດເຊຍ ກຳລັງພະ ຍາຍາມທີ່ຈະສ້າງອິດທິພົນ ໃນຂັ້ນຕອນການເລືອກຕັ້ງຜ່ານການໂຈມຕີທາງຄອມພິວເຕີ ຫຼືບໍ່, ເຊິ່ງບັນດາເຈົ້າໜ້າສືບລັດຖະການລັບ ເຊື່ອວ່າມັນແມ່ນກໍລະນີໜຶ່ງ.

ທ່ານນາງ Hillary Clinton ກ່າວວ່າ “ໃນທີ່ສຸດ, ທ່ານ Donald Trump ຈະຍອມຮັບ ແລະ ກ່າວປະນາມວ່າ ຣັດເຊຍ ກຳລັງເຮັດສິ່ງນີ້ ແລະ ປະກາດຢ່າງຊັດເຈນວ່າ ທ່ານ ຈະບໍ່ໄດ້ຮັບການຊ່ວຍເຫຼືອຂອງທ່ານ Putin ໃນການເລືອກຕັ້ງຄັ້ງນີ້ ຫຼື ບໍ່, ແລະ ວ່າ ທ່ານປະຕິເສດການເຄື່ອນໄຫວສອດແນມຂອງພວກ ຣັດເຊຍ ຕໍ່ຊາວ ອາເມຣິກັນ, ເຊິ່ງ ໂດຍແທ້ຈິງແລ້ວ ທ່ານເປັນຄົນສົ່ງເສີມໃນເມືື່ອກ່ອນ.”

ໃນເມື່ອໄດ້ຖືກກົດດັນ, ທ່ານ Trump ໄດ້ກ່າວວ່າ ທ່ານຈະກ່າວປະນາມ ຣັດເຊຍ ແນ່ນອນ ສຳລັບກໍລະນີດັ່ງກ່າວ ຖ້າມັນແມ່ນຄວາມຈິງ. ແຕ່ທ່ານກໍຍັງໄດ້ກ່າວວ່າ ຈີນ ຫຼື ປະເທດ ອື່ນໆກໍອາດຈະຢູ່ເບື້ອງຫຼັງຂອງການໂຈມຕີທາງຄອມພິວເຕີນີ້.

ທ່ານ Donald Trump ກ່າວວ່າ “ຂ້ອຍບໍ່ຮູ້ຈັກທ່ານ Putin. ລາວໄດ້ກ່າວສິ່ງດີໆ ກ່ຽວ ກັບ ຂ້ອຍ. ຖ້າພວກເຮົາເຂົ້າກັນໄດ້ດີມັນກໍອາດຈະດີ. ຖ້າ ຣັດເຊຍ ແລະ ສະຫະລັດ ໄປນຳ ກັນໄດ້ດີ ແລະ ຕາມລ່າພວກ ISIS ນຳກັນມັນກໍຈະເປັນເລື່ອງທີ່ດີ. ລາວບໍ່ມີ ຄວາມເຄົາລົບສຳລັບທ່ານນາງ. ລາວບໍ່ມີຄວາມເຄົາລົບຕໍ່ປະທານາທິບໍດີຂອງພວກ ເຮົາ.”

ທ່ານ Trump ຍັງ​ໄດ້ປ້ອງກັນຕົນເອງ ກ່ຽວກັບ ການຖືກກ່າວຫາຈາກແມ່ຍິງຢ່າງໜ້ອຍ 9 ຄົນ ຜູ້ທີ່ກ່າວວ່າທ່ານໄດ້ລູບຄຳພວກເຂົາເຈົ້າຢ່າງລາມົກ.

ທ່ານ Donald Trump ໄດ້ກ່າວວ່າ “ເອົາລະກ່ອນອື່ນໝົດ, ເລື່ອງລາວພວກນັ້ນສ່ວນ​ໃຫຍ່​ໄດ້​ຖືກ​ຢືນຢັນ​ແລ້ວ​ວ່າ​ບໍ່​ເປັນຄວາມ​ຈິງ. ຄົນພວກນັ້ນ, ຂ້ອຍບໍ່ຮູ້ຄົນພວກນັ້ນ. ຂ້ອຍມີຄວາມຮູ້ສຶກວ່າພວກເຂົາເຈົ້າມາເປັນຈຸດສົນໃຈໄດ້ແນວໃດ. ຂ້ອຍເຊື່ອວ່າມັນ ແມ່ນການໂຄສະນາຫາສຽງຂອງລາວເປັນຄົນເຮັດ.”

ທ່ານນາງ Clinton ໄດ້ຫາທາງປ້ອງກັນພວກແມ່ຍິງຜູ້ທີ່ກ່າວຫາທ່ານ Trump ນັ້ນ.

ທ່ານນາງ Clinton ກ່າວວ່າ “ທ່ານ Donald ຄິດວ່າການເວົ້າດູຖືກແມ່ຍິງຈະເຮັດໃຫ້ ລາວໃຫຍ່ກວ່າເກົ່າ. ລາວ​ໄດ້​ໂຈມ​ຕີກຽດສັກສີຂອງພວກເຂົາເຈົ້າ, ຄຸນຄ່າໃນຕົວຂອງ ພວກເຂົາເຈົ້າ, ແລະ ຂ້າພະເຈົ້າບໍ່ຄິດວ່າມັນຈະມີແມ່ຍິງຢູ່ບ່ອນໃດ ຜູ້ທີ່ບໍ່ຮູ້ວ່າສິ່ງດັ່ງ ກ່າວນັ້ນຮູ້ສຶກແນວໃດ.”

ບັນດາຜູ້ລົງແຂ່ງຂັນກໍຍັງໄດ້ສະເໜີຄວາມຄິດ ກ່ຽວກັບ ການແຕ່ງຕັ້ງຕຳແໜ່ງໃນສານສູງ ສຸດ, ການແທ້ງລູກ ແລະ ບັນຫາຄົນເຂົ້າເມືອງ ເມື່ອອີກຄັ້ງໜຶ່ງທ່ານ Trump ໄດ້ຮຽກຮ້ອງ ໃຫ້ສ້າງກຳແພງຕາມເຂດຊາຍແດນ ແຕ່ທ່ານນາງ Clinton ໄດ້ກ່າວວ່າທ່ານ Trump ຈະ ແຍກຄອບຄົວຂອງປະຊາຊົນອອກຈາກກັນ.

ໃນ​ຂະນະ​ທີ່ ທ່ານນາງ Clinton ​ໄດ້ຂະຫຍາຍການ​ມີຄະແນນນຳໜ້າປະມານ 7 ເປີເຊັນ, ການລົງຄະແນນສຽງລ່ວງໜ້າແມ່ນກຳລັງດຳເນີນຢູ່ໃນຫຼາຍກວ່າ 30 ລັດ.

((INTRO))[[Republican presidential candidate Donald Trump refused to promise that he will accept the results of the U.S. election in his third and final debate with Democrat Hillary Clinton on Wednesday.The two White House hopefuls also clashed over Russia, immigration and appointments to the U.S. Supreme Court in the debate held in Las Vegas, Nevada.VOA National correspondent Jim Malone has a wrap-up of the third debate from Washington.]]

((NARRATOR))
For the second straight debate, there was no handshake between Hillary Clinton and Donald Trump in their final faceoff.

Perhaps the most significant moment came when Trump was pressed by moderator Chris Wallace about his repeated claims that the U.S. election process is rigged against him.

((CHRIS WALLACE, MODERATOR))
"That you will absolutely accept the result of this election"?"

((DONALD TRUMP, REPUBLICAN CANDIDATE))
"I will look at it at the time.I'm not looking at anything now.I will look at it at the time.What I've seen is so bad.First of all, the media is so dishonest ((edit)) and they have poisoned the minds of the voters."

((NARRATOR))
Clinton said she found Trump's response "horrifying" and said it ran counter to U.S. political tradition.

((HILLARY CLINTON, DEMOCRATIC CANDIDATE))
"He is denigrating and talking down our democracy and I, for one, am appalled that somebody who is the nominee of one of our two major parties would take that kind of position."

((NARRATOR))
Trump and Clinton also clashed over whether Russia is trying to influence the election process through cyber-attacks, which U.S. intelligence officials believe is the case.

((HILLARY CLINTON, DEMOCRATIC CANDIDATE))
"Finally, will Donald Trump admit and condemn that the Russians are doing this and make it clear that he will not have the help of Putin in this election, and that he rejects Russian espionage against Americans, which he actually encouraged in the past."

((NARRATOR))
When pressed, Trump said he would of course condemn Russia for the activity if it was true.But he also said China or others could be behind the cyber-attacks.

((DONALD TRUMP, REPUBLICAN CANDIDATE))
"I don't know Putin.He said nice things about me.If we got along well that would be good.If Russia and the United States got along well and went after ISIS that would be good.He has no respect for her.He has no respect for our president."

((NARRATOR))
Trump was also on the defensive over allegations from at least nine women who say he groped them sexually.

((DONALD TRUMP, REPUBLICAN CANDIDATE))
"Well first of all, those stories have been largely debunked.Those people, I don't know those people.I have a feeling how they came (to light).I believe it was her campaign that did it."

((NARRATOR))
Clinton sought to defend those making the allegations.

((HILLARY CLINTON, DEMOCRATIC CANDIDATE))
"Donald thinks that belittling women makes him bigger.He goes after their dignity, their self-worth, and I don't think there is a woman anywhere who doesn't know what that feels like."

((NARRATOR))
The candidates also offered different views on Supreme Court appointments, abortion and immigration when Trump again called for a border wall but Clinton said he would rip families apart.

((NARRATOR))
With Hillary Clinton holding an expanded lead of about seven percentage points, early voting is underway in more than 30 states.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG