ວ່າທີ່ປະທານາທິບໍດີ ດໍໂນລ ທຣຳ ໄດ້ສັນຍາວ່າຈະສິ້ນສຸດສິດທິໃນການຖືສັນຊາດແຕ່ກຳເນີດ ທັນທີທີ່ທ່ານເຂົ້າກຳຕຳແໜ່ງ ເພື່ອປະຕິບັດຕາມຄຳສັນຍາການໂຄສະນາຫາສຽງ ທີ່ແນເປົ້າໃສ່ການຈຳກັດຄົນເຂົ້າເມືອງ ແລະ ໃຫ້ນິຍາມໃໝ່ ກ່ຽວກັບ ຄວາມໝາຍຂອງການເປັນຄົນ ອາເມຣິກັນ.
ແຕ່ຄວາມພະຍາຍາມໃດໆທີ່ຈະຢຸດນະໂຍບາຍດັ່ງກ່າວຈະປະເຊີນກັບອຸປະສັກທາງກົດໝາຍຢ່າງໃຫຍ່ຫຼວງ.
ສິດທິໃນການຖືສັນຊາດແຕ່ກຳເນີດ ໝາຍຄວາມວ່າທຸກຄົນທີ່ເກີດຢູ່ໃນ ສະຫະລັດ ຈະກາຍເປັນຄົນທີ່ຖືສັນຊາດ ອາເມຣິກັນ ຢ່າງອັດຕະໂນມັດ. ມັນໄດ້ມີມາເປັນເວລາຫຼາຍທົດສະວັດແລ້ວ ແລະ ໃຊ້ກັບເດັກນ້ອຍທີ່ເກີດໂດຍບາງຄົນທີ່ຢູ່ໃນປະເທດຢ່າງຜິດກົດໝາຍ ຫຼື ໃນ ສະຫະລັດ ໃນຖານະນັກທ່ອງທ່ຽວ ຫຼື ຖືວີຊານັກສຶກສາ ຜູ້ທີ່ມີແຜນຈະກັບຄືນໄປປະເທດຂອງເຂົາເຈົ້າ.
ມັນບໍ່ແມ່ນການປະຕິບັດຂອງທຸກປະເທດ, ແລະ ທ່ານ ທຣຳ ກັບຜູ້ສະໜັບສະໜູນຂອງທ່ານໄດ້ໂຕ້ຖຽງວ່າ ລະບົບດັ່ງກ່າວແມ່ນກຳລັງຖືກລະເມີດ ແລະ ວ່າມັນຄວນມີມາດຕະຖານທີ່ເຄັ່ງຄັດກວ່ານີ້ ສຳລັບການທີ່ຈະກາຍເປັນຄົນຖືສັນຊາດ ອາເມຣິກັນ.
ແຕ່ຄົນອື່ນໆເວົ້າວ່າ ນີ້ແມ່ນສິດທີ່ຖືກປົກປ້ອງໄວ້ຢ່າງເປັນພິເສດໃນຂໍ້ແກ້ໄຂທີ 14 ຂອງລັດຖະທຳມະນູນ, ມັນຈະເປັນການຍາກຢ່າງຍິ່ງທີ່ຈະຕ່າວປີ້ນມັນ ແລະ ແມ່ນກະທັ້ງທີ່ມັນສາມາດເປັນໄປໄດ້, ມັນກໍເປັນຄວາມຄິດທີ່ບໍ່ດີ.
ໃນລະຫວ່າງການສຳພາດກັບລາຍການ Meet the Press ຂອງໂທລະພາບ NBC ທ່ານ ທຣຳ ໄດ້ກ່າວວ່າທ່ານມີແຜນທີ່ຈະຢຸດສິດທິໃນການຖືສັນຊາດແຕ່ກຳເນີດ “ຢ່າງແນ່ນອນ” ເມື່ອທ່ານເຂົ້າກຳອຳນາດ.
ທ່ານເວົ້າວ່າ “ພວກເຮົາຈະຢຸດສິ່ງນັ້ນເພາະວ່າມັນເປັນຕາຫົວຫຼາຍ.”
ທ່ານ ທຣຳ ແລະ ຜູ້ຄັດຄ້ານສິດທິໃນການຖືສັນຊາດແຕ່ກຳເນີດຄົນອື່ນໆໄດ້ໂຕຖຽງວ່າ ມັນໄດ້ສ້າງສິ່ງດຶງດູດໃຈໃຫ້ຄົນເດີນທາງມາ ສະຫະລັດ ຢ່າງຜິດກົດໝາຍ ຫຼື ເຂົ້າຮ່ວມໃນ “ການທ່ອງທ່ຽວເກີດລູກ”, ເຊິ່ງແມ່ຍິງທີ່ຖືພາເດີນທາງເຂົ້າມາໃນ ສະຫະລັດ ເພື່ອເກີດລູກຢ່າງສະເພາະເຈາະຈົງ ສະນັ້ນລູກຂອງເຂົາເຈົ້າຈຶ່ງມີສັນຊາດກ່ອນເດີນທາງກັບໄປປະເທດບ້ານເກີດຂອງເຂົາເຈົ້າ.
ທ່ານ ເອຣິກ ຣວາກ, ຜູ້ອຳນວຍການສູນຄົ້ນຄວ້າສຳລັບອົງການ NumbersUSA, ເຊິ່ງໂຕແຍ້ງສຳລັບການຫຼຸດຜ່ອນຄົນເຂົ້າເມືອງໄດ້ກ່າວວ່າ “ການເດີນທາງຂ້າມຊາຍແດນງ່າຍໆ ແລະ ເກີດລູກບໍ່ຄວນເຮັດໃຫ້ທຸກຄົນໄດ້ຮັບສິດໃນການຖືສັນຊາດ.” ອົງການດັ່ງກ່າວສະໜັບສະໜູນການປ່ຽນແປງທີ່ຮຽກຮ້ອງໃຫ້ຜູ້ປົກຄອງຢ່າງໜ້ອຍຄົນນຶ່ງເປັນຜູ້ທີ່ອາໄສຢູ່ຖາວອນຢ່າງຖືກຕ້ອງຕາມກົດໝາຍ ຫຼື ມີສັນຊາດ ສະຫະລັດ ເພື່ອທີ່ລູກຂອງເຂົາເຈົ້າຈະໄດ້ຮັບສັນຊາດຢ່າງອັດຕະໂນມັດ.
ອ່ານຂ່າວນີ້ເປັນພາສາອັງກິດ
President-elect Donald Trump has promised to end birthright citizenship as soon as he gets into office to make good on campaign promises aiming to restrict immigration and redefining what it means to be American.
But any efforts to halt the policy would face steep legal hurdles.
Birthright citizenship means anyone born in the United States automatically becomes an American citizen. It's been in place for decades and applies to children born to someone in the country illegally or in the U.S. on a tourist or student visa who plans to return to their home country.
It's not the practice of every country, and Trump and his supporters have argued that the system is being abused and that there should be tougher standards for becoming an American citizen.
But others say this is a right enshrined in the 14th Amendment to the Constitution, it would be extremely difficult to overturn and even if it's possible, it's a bad idea.
During an interview Sunday on NBC’s “Meet the Press” Trump said he “absolutely” planned to halt birthright citizenship once in office.
“We’re going to end that because it’s ridiculous,” he said.
Trump and other opponents of birthright citizenship have argued that it creates an incentive for people to come to the U.S. illegally or take part in “birth tourism,” in which pregnant women enter the U.S. specifically to give birth so their children can have citizenship before returning to their home countries.
“Simply crossing the border and having a child should not entitle anyone to citizenship,” said Eric Ruark, director of research for NumbersUSA, which argues for reducing immigration. The organization supports changes that would require at least one parent to be a permanent legal resident or a U.S. citizen for their children to automatically get citizenship.
ຟໍຣັມສະແດງຄວາມຄິດເຫັນ