ເຈົ້າໜ້າທີ່ການຄ້າລະດັບສູງຈາກ 12 ປະເທດແຄມຝັ່ງມະຫາສະໝຸດປາຊີຟິກ ໄດ້ສືບຕໍ່ເຈລະຈາກ່ຽວກັບການຕໍ່ລອງເລື້ອງກົດລະບຽບການຄ້າຂາຍຢາປົວພະຍາດ, ລົດ, ແລະຜະລິດຕະພັນນົມໃນສັບປະດານີ້ ໃນຂະນະທີ່ພວກເຂົາເຈົ້າພະຍາຍາມແກ້ໄຂ ລາຍລະອຽດຂັ້ນສຸດທ້າຍກ່ຽວກັບຂໍ້ຕົກລົງທີ່ສາມາດກວມເອົາປະມານ 40 ເປີເຊັນຂອງເສດຖະກິດໂລກ.
ສະຫະລັດ, ຍີປຸ່ນ, ການາດາ, ຫວຽດນາມ ແລະ ແປດປະເທດ ອື່ນໆໄດ້ເຮັດວຽກຮ່ວມກັນກ່ຽວກັບຂໍ້ສະເໜີພາຄີຂ້າມມະຫາສະໝຸດປາຊີຟິກ ຫຼື TPP ມາຫຼາຍປີແລ້ວ, ແລະ ຫວັງວ່າຈະສະຫຼຸບຂໍ້ຕົກລົງໃນລະຫວ່າງການເຈລະຈາສັບປະດານີ້ໃນນະຄອນ Atlanta.
ການປຶກສາຫາລືໄດ້ຖືກກຳນົດໃຫ້ສິ້ນສຸດລົງໃນຕົ້ນຂອງສັບປະດານີ້, ແຕ່ຜູ້ສື່ຂ່າວ Doug Palmer ຈາກໂທລະພາບ Politico ກ່າວວ່າ ບໍມີຂໍ້ຕົກລົງໃດໆໄດ້ຖືກປະກາດໃນຕອນແລງຂອງວັນເສົາວານນີ້.
ບັນຫາດັ່ງກ່າວລວມມີ ການຜັກດັນໃຫ້ຍືດການປົກປ້ອງສິດທິບັດກ່ຽວກັບຢາຊະນິດໃໝ່ທີ່ສະແດງສັນຍານແຫ່ງຄວາມສຳເລັດໃນອະນາຄົດໃຫ້ດົນກວ່າປະເທດອື່ນຕ້ອງການ. ຂໍ້ຂັດແຍ້ງອື່ນໆລວມມີຜູ້ສົ່ງອອກຜະລິດຕະພັນນົມ ຊຶ່ງປະເທດ ນິວຊີແລນ ສືບຕໍ່ຊອກຫາການເຂົ້າເຖິງຕະຫຼາດຜະລິດຕະພັນນົມຂອງ ການາດາ ທີ່ໃຫຍ່ກວ່າ, ແລະ ການໂຕ້ຖຽງກັນ ແມ່ນລະຫວ່າງສະຫະລັດ ແລະ ຍີປຸ່ນ ກ່ຽວກັບການຄ້າທາງດ້ານອຸດສາຫະກຳລົດ.
ຜູ້ທີ່ສະໜັບສະໜູນ TPP ກ່າວວ່າຂໍ້ຕົກລົງນີ້ຈະສົ່ເສີມການຄ້າເພີ່ມຂຶ້ນ ແລະ ການເຕີບໂຕທາງດ້ານເສດຖະກິດກຳລັງຜູ້ເຂົ້າຮ່ວມ. ສະຫະລັດ ວິຈານກ່ຽວກັບ ການສະເໜີຂໍ້ຕົກລົງທີ່ເປັນບັນຫານີ້ ວ່າ ພວກເຂົາເຈົ້າປົກປ້ອງວຽກງານຂອງປະຊາຊົນ ອາເມຣິກາ ຫຼືສິ່ງແວດລ້ອມໜ້ອຍໂພດ. ພວກເຂົາເຈົ້າກໍຍັງໄດ້ໂຕ້ຖຽງວ່າມັນຈະເຮັດໃຫ້ລາຄາຂອງຢາບາງຊະນິດສູງຂຶ້ນ.
