ລິ້ງ ສຳຫລັບເຂົ້າຫາ

logo-print

ການບໍລິການ ແລະຈັດການໃນການກຳຈັດຂີ້ເຫຍື້ອ ຢູ່ນະຄອນຫລວງວຽງຈັນຍັງ ຂາດເຂີນຢູ່


ສະ​ໜາມ​ບໍ​າ​ບັດ​ຂີ້​ເຫຍື້ອ​ໃນ​ນະ​ຄອນ​​ຼ​ຫຼວງວຽງ​ຈັນ

ໂດຍເປັນສູນກາງທາງເສດຖະກິດ, ການສຶກສາ, ອຸດສາຫະກໍາ ແລະທຸລະກິດ ການຄ້າ
ຂອງ​ປະ​ເທດ, ນະຄອນຫລວງວຽງຈັນກໍາລັງປະສົບກັບບັນຫາ ສິ່ງແວດ ລ້ອມຫລາຍຢ່າງ
ໂດຍ​ສະ​ເພາະ​ແມ່ນບັນຫາການເພີ້ມຂຶ້ນຢ່າງ​ໄວ​ວາຂອງປະ​ລິ​ມານຂີ້ເຫຍື້ອ ທີ່ເປັນ​ຜົນ
ຕາມມາກັບການເຕີບໂຕທາງເສດຖະກິດ, ການເພີ້ມ​ຂຶ້ນ​ຂອງ​ພົນ​ລະ​ເມືອງຕະ​ຫລອດ​ທັງການປ່ຽນແປງແບບ ແຜນການດໍາລົງຊີວິດ ຂອງຄົນຢູ່​ໃນ​ຕົວ​ເມືອງ​ດັ່ງ​ກ່າວ. ແຕ່​ວ່າ
ການ​ພັດ​ທະ​ນາແລະ​ບໍ​ລິ​ຫານ​ຕົວ​ເມືອງ​ໃຫ້​ເປັນ​ລະ​ບົບ ແລະ​ສະ​ອາດນັ້ນ​ຫລາຍກັບ​ຊັກ
​ຊ້າ ​ຈຶ່ງເຮັດ​ໃຫ້​ເກີດ​ບັນ​ຫາ​ໃນ​ການ​ບໍ​ລິ​ຫານ ແລະ​ກຳ​ຈັດ​ຂີ້​ເຫຍື້ອຢູ່​ໃນ​ນະ​ຄອນ​ຫລວງ​
ດັ່​ງ​ກ່າວ ບໍ່​ທົ່ວ​ເຖິງ. ​ດ້ວຍ​ເຫດ​ໃດ​ຈຶ່ງ​ເປັນ​ເຊັ່ນ​ນັ້ນ​ຂໍ​ເຊີນທ່ານຮັບຟັງລາຍ​ລະ​ອຽດຈາກ
ກິ່ງ​ສະ​ຫວັນ​ໄດ້​ໃນ​ອັນດັບຕໍ່ໄປ

ໃນສອງທົດສະວັດມານີ້ ສປປ ລາວ ເປັນປະເທດນຶ່ງໃນໂລກ ທີ່ມີລະດັບເຕີບໂຕທາງ
ເສດຖະກິດສູງ, ອີງຕາມລາຍງານຂອງທະນາຄານໂລກໃນປີ 2019. ຜົນກະທົບໃນ
ດ້ານລົບອັນນຶ່ງທີ່ຕາມມາກັບຄວາມຈະ​ເລີນກ້າວໜ້າທາງເສດ ຖະກິດ, ການສ້າງ ແລະຂະຫຍາຍອຸດສາຫະກໍາ ແລະ ການ​ເພີ້ມ​ຂຶ້ນ​ຢ່າງວ່ອງ​ໄວຂອງ​ພົນ​ລະ​ເມືອງ​ໃນ​
ຕົວ​ເມືອງ​ໃຫຍ່​ ເຊັ່ນ​ນະ​ຄອນ​ຫລວງວຽງ​ຈັນນັ້ນກໍຄື ການເພີ້ມຂຶ້ນຢ່າງໄວວາຂອງປະ​ລິ​ມານຂີ້ເຫຍື້ອ, ລວມ​ທັງຂີ້​ເຫຍື້ອປະ​ເພດຢາງ ປລາສຕິກ.ອີງຕາມສູນສະຖິຕິແຫ່ງຊາດ
ຂອງລາວ, ຢູ່ນະຄອນຫລວງວຽງຈັນ ທີ່ມີປະຊາຊົນປະມານ 9 ແສນ 7 ພັນຄົນ ໃນປີ
2019ຊຶ່ງ​ກວາມ​ເອົາ​ເຄິ່ງ​ນຶ່ງຂອງ​ຈຳ​ນວນ​ຄົນ​ທີ່​ອາ​ໄສ​ໃນ​ເຂດ​ຕົວ​ເມືອງທັງ​ໝົດ​ທົ່ວ​ປະ
​ເທດ ໂດຍມີອັດຕາ ການເພີ້ມຂຶ້ນຂອງພົນລະເມືອງສະ​ເລ່ຍ 4.3 ເປີເຊັນ. ສະນັ້ນ ເຖິງ
ແມ່ນວ່າ ນະຄອນດັ່ງກ່າວຈະຍັງບໍ່ທັນປະສົບກັບບັນຫາຂີ້ເຫຍື້ອຢ່າງຮ້າຍແຮງເທົ່າ ກັບຕົວເມືອງໃຫຍ່ອື່ນຢູ່ໃນເຂດລຸ່ມແມ່ນໍ້າຂອງກໍຕາມ ແຕ່ມັນກໍເປັນຕົວເມືອງ ທີ່ຢູ່ໃນ
ອັນດັບທີ 3, ທີ່ລອງລົງມາຈາກບາງກອກ ແລະຄຸນໝິງ ທີ່​ມີ​ອັດ​ຕາ​ຜະ​ລິດຂີ້​ເຫຍື້ອສູງ​, ອີງຕາມບົດຄົ້ນຄວ້າຂອງທ່ານ ບຸກສຸກ ສຸກສະຫວັດ​, ອາຈານ ສອນໃນມະຫາວິທະຍາ
ໄລແຫ່ງຊາດ.

ຢູ່ໃນນະຄອນຫລວງວຽງຈັນ ໃນແຕ່ລະມື້ແມ່ນມີຂີ້ເຫຍື້ອຜະລິດຂຶ້ນມາປະມານ 650
ໂຕນ ແລະ ປະ​ມານ 6.1 ເປີ​ເຊັນ​ຂອງ​ຂີ້​ເຫຍື້ອ​ເຫລົ່າແມ່ນ​ຢາງ​ປ​ລາ​ສ​ຕິກ ທີ່ກຳ​ຈັດ​ໃຫ
​ໝົດ​ໄປໄດ້​ຍາກ, ອີງຕາມການລາຍງານ​ຂອງ​ອົງ​ການ​ພັດ​ທະ​ນາ ແລະ​ຄຸ້ມ​ຄອງ​ຕົວ
​ເມືອງທີ່​ເປັນ​ອົງ​ການ​ຮັບ​ຜິດ​ຊອບ​ຕໍ່​ໜ່ວຍ​ຄຸ້ມ​ຄອງ ແລະ​ບໍ​ລິ​ຫານ​ສະໜາມ​ຖິ້ມ​ຂີ້​ເຫຍື້ອ​
ຫລັກ 32, ເມືອງໄຊທານີໃນ​ນະ​ຄອນ​ຫລວງວຽງ​ຈັນ. ໃນການໃຫ້ສໍາພາດກັບn ວີໂອ
ເອນັ້ນ, ເຈົ້າໜ້າຄຸ້ມຄອງ​ບໍ​ລິ​ຫານ​ສະ​ໜາມ​ຖິ້ມຂີ້ ເຫຍື້ອໃນ​ຫລັກ 32 ທ່ານນຶ່ງບອກວ່າ:

“ການຂົນສົ່ງຂີ້ເຫຍື້ອສະເລ່ຍແມ່ນ 400ໂຕນຕໍ່ມື້ ໃນລາຄາບໍລິການຮັບຂົນ ແມ່ນ
ໂຕນລະ 40.000 ກີບ. ສະ ເພາະການບໍາບັດຂີ້ເຫຍື່ອແມ່ນເຮັດແບບຝັງກົບ ຄືໃນ
ລະດູ
ແລ້ງແມ່ນຂຸດຖົມຝັງມ້ຽນຢູ່ພື້ນດິນ, ສ່ວນລະດູຝົນແມ່ນຕ້ອງໄດ້ ກວດແນບຂີ້
ເຫຍື່ອໄວ້ກ່ອນຢູ່ບ່ອນນຶງຊົ່ວຄາວ. ເມື່ອຕົກຍາມ ແລ້ງມາຈຶ່ງ ໄດ້ທໍາການຂຸດຝັງຂີ້
ເຫຍື້ອຄືນອີກ.”

ເພື່ອ​ຮັກ​ສາ​ສິ່ງ​ແວດ​ລ້ອມ​ໃນ​ນ​ະ​ຄອນ​ຫລວງວງ​ຈັນ​ນັ້ນ, ຄະ​ນະ​ບໍ​ລິ​ຫານ ແລະ​ຄຸ້ມ​ຄອງ
​ຕົວ​ເມືອງນະ​ຄອນ​ຫລວງ ​ໄດ້​ວ​າງ​ນະ​ໂຍບາຍ​ 6 ສໍ ອອກ​ມາ ໃນຊຸມ​ປີ​ມໍ່ໆ​ມານີ້ ຊຶ່ງ​ໄດ້​
ແກ່ ສ: ສັນ​ຕິ​ພາບ, ສ: ສະ​ອາດ, ສ: ສີ​ຂຽວ, ສ:ສະ​ຫວ່າງ, ສ:ສີ​ວິ​ໄລ ແລະ ສ: ສະ​ຫງ່າ.
ແຕ່ເນື່ອງ​ຈາກວ່າ ​ມີ​ຂໍ້​ຈຳ​ກັດ​ທາງ​ດ້ານການ​ເງິນ, ​ຊັບ​ພະ​ຍາ​ກອນ​ມະ​ນຸດ, ລະ​ບຽບ​ການ ແລະຄວາມຊຳ​ນານ​ງານ​ໃນ​ດ້ານ​ເທັກ​ນິກ ແລະ​ການ​ບໍ​ລິ​ຫານ ຈຶ່ງ​ເຮັດ​ໃຫ້ມີການບໍລິ
ການໃນການກໍາຈັດຂີ້ເຫຍື້ອບໍ່​ປະ​ຕິ​ບັດ​ໄດ້ຢ່າງ​ທົ່ວ​ເຖິງ ​ແລະ​ພັດ​ທະ​ນາ​ໄປ​ຢ່າງ​ຊ້າໆ
ແລະ​ບໍ່​ເປັນ​ໄປ​ຕາມນະ​ໂຍ​ບາຍນັ້ນໄດ້​ດີ​ປານ​ໃດ. ອີງ​ຕາມຄຳ​ຄິດ​ເຫັນ​ຂອງ​ເຈົ້າ​ໜ້າ​ທີ່​
ຄຸ້ມ​ຄອງ​ສະ​ໜາມ​ຖິ້ມ​ຂີ້​ເຫຍື້ອທີ່​ກ່າວ​ມາ​ຂ້າງ​ເທິງນັ້ນ ​ທ່ານບອກວ່າ:

ສ່ວນການບໍລິການລູກຄ້າແມ່ນ ບໍ່ທັນກັບຄວາມຕ້ອງການປານໃດ. ສໍາລັບພາຫະນະ
ຮັບໃຊ້ແມ່ນຍັງມີຄວາມຕ້ອງການຫຼາຍສໍາລັບຢູ່ພາກສະໜາມໃນປັດ ຈຸບັນ ເຊັ່ນ: ຕ້ອງ
ການພາຫະນະລົດດ້າມ 5 ຄັນ, ລົດຈົກ 2 ຄັນ, ລົດດຸດ 2 ຄັນ, ລົດເກດ 1 ຄັນ, ລົດໂລ
1 ຄັນ ເພາະຕ້ອງການເຮັດທາງໃນເຂດ ບໍລິເວນ ບ່ອນເກັບຂີ້ເຫຍື່ອສະເພາະໃນປັດ
ຈຸບັນ. ສ່ວນລະບຽບການຂອງ ຂັ້ນເທິງກໍມີການແຈ້ງການໃຫ້ປະຊາຊົນແຕ່ລະຄອບ

ຄົວມີການຈັດແຍກ ຂີ້ເຫຍື້ອແຕ່ ລະປະເພດ ເພື່ອນໍາເອົາຂີ້ເຫຍື້ອໄປດັດສົມເປັນສິນ
ຄ້າຂາຍ ແລະ ສ່ວນຜົນ ກະທົບນັ້ນກໍມີ ຄື: 1) ແມງວັນ,2) ມີກິ່ນເໝັນ. ສໍາລັບການ
ໂຄງ ການໃຫ້ການຊ່ວຍເຫຼືອຕ່າງໆ ຂອງຕ່າງປະເທດຕອນນີ້ກໍຍັງບໍ່ມີຂ່າວ ຄາວ
ແນວ
ໃດເທື່ອ.”

ເມື່ອ​ເວົ້າ​ເຖິງ​ ​ການ​ບໍ​ລິ​ການ​ເກັບ​ຂີ້​ເຫຍື້ອເພື່ອ​ເອົາ​ໄປ​ຖອກ​ໄວ້​ໃນ​ສະ​ໜາມ​ຖິ້ມ​ຂີ້​ເຫຍື້ອ
​ຫລັກ 32 ນັ້ນ ແມ່ນ​ດຳ​ເນີນ​ງານ​ໂດຍ 9 ບໍ​ລິດ​ສັດຊຶ່ງ​ໃນ​ນັ້ນ 1 ບໍ​ລິ​ສັດ​ແມ່ນ​ເປັນ​ຂອງ​
ລັດ​ວິ​ສາ​ຫະ​ກິດ. ​ການ​ບໍ​ລິ​ການດ້ານນີ້​ ກໍ​ມີໃຫ້​ແຕ່​ສຳ​ລັບ​ຢູ່​ໃນ 8 ເມືອງ​ຂອງ​ນະ​ຄອນ​
ຫລວງວຽງ​ຈັນ​ເທົ່າ​ນັ້ນ, ຊຶ່ງລວມ​ມີ 4 ເມືອງທີ່ຕັ້ງຢູ່ໃຈກາງ ເທດ​ສະ​ບານເມືອງ ຊຶ່ງກໍຄື ຈັນທະບູລີ, ສີສັດຕະນາກ, ສີໂຄດ ຕະບອງ, ໄຊເສດຖາ ແລະ 5 ​ເມືອງ​ທີ່​ຢູ່​ເຂດ​ຊານ​
ເມືອງແລະ​ມີເນື້ອ​ທີ່​ສ່ວນ​ໃຫຍ່​ເປັນ​ເ​ຂດ​ຊົນ​ນະ​ບົດ ຄືເມືອງໄຊ​ທາ​ນີ, ຫາດຊາຍຟອງ,
ປາກງື່ມ ແລະນາຊາຍທອງ. ສ່ວນ​ເມືອງ​ສັງ​ທອງ​ແມ່ນບໍ່​ມີ​ການ​ບໍ​ລິ​ການ​ທີ່​ວ່ານີ້​ເລີຍ,
ອີງຕາມ​ອົງ​ການ​ພັດ​ທະ​ນາ ແລະ​ຄຸ້ມ​ຄອງ​ຕົວ​ເມືອງ. ​ມີ​ແຕ່​ຢູ່​ໃນ​ເຂດ​ 4 ເມືອງ​ໃນ​ເຂດ
​ເທດ​ສະ​ບານ ເທົ່ານັ້ນມີ​ການບໍ​ລິ​ການທີ່​ມີ​ປະ​ສິດ​ທິ​ພາບແລະເປັນ​ລະ​ບົບດີ​ດ​ແດ່ ໂດຍ​
ມີ​ລົດ​ຂົນ​ສົ່ງ​ຂີ້​ເຫຍື້ອໄປ​ເກັບ​ເອົາ​ຂີ້​ເຫຍື້ອ​ຂອງ​ແຕ່​ລະ​ຄົວ​ເຮືອນ ແລະ​ຫ້າງ​ຮ້ານລວມ​
ທັງ​ອົງ​ການ​ຕ່າງໆ​ອາ​ທິດລະ​ເທື່ອ. ສ່ວນ​ຢູ່ 5 ເມືອງທີ່​ເຫລືອນັ້ນ​ແມ່ນມີການ ບໍລິການຢູ່ ແຕ່ກໍຂາດເຂີນ ຫລືບໍ່ດີປານ​ໃດ ດັ່ງການໃຫ້ສໍາພາດຂອງພະນັກງານບໍລິຫານສູນການ
ຄ້າໄອເຕັກທີ່ເປັນ​ບໍ​ລິ​ສັດ​ນຶ່ງ ທີ່ໃຊ້ບໍລິການຂອງ ບໍລິສັດເກັບຂີ້ເຫຍື້ອທີ່ເວົ້າວ່າ:


“ເຮົາມາສັງເກດໂດຍລວມແລ້ວນໍ ການພັດທະນາຢູ່ບ້ານເຮົານີ້ຄວາມຮັບຜິດຊອບ
ມີແຕ່ໃນເມືອງ, ສ່ວນບ່ອນຫ່າງໄກໜ້ອຍໜຶ່ງການບໍລິການບໍ່ຄ່ອຍດີນໍ.”

ສະ​ຫລຸບ​ແລ້ວ, ການ​ບໍ​ລິ​ການ​ເກັບແລະ​ກຳ​ຈັດ​ຂີ້​ເຫຍື້ອ​ໃນ​ນະ​ຄອນ​ຫລວງວຽງ​ຈັນ​ນັ້ນ
ກໍ​ໄດ້​ມີ​ການ​ປະ​ຕິ​ບັດ​ຢ່າງ​ເປັນ​ລະ​ບົບ​ມາ​ຢູ່ ແຕ່​ເນື່ອງ​ຈາກ​ຂໍ້​ຈຳ​ກັດໃນ​ຫລາຍ​ດ້ານ ໂດຍ​
ສະ​ເພາະ​ແມ່ນ​ທາງ​ດ້ານ​ເງິນ​ທຶນ ແລະອຸ​ປະ​ກອນ ຈຶ່ງ​ເຮັດ​ໃຫ້ການ​ບໍ​ລິ​ການ​ດ້ານນີ້ບໍ່​ສາ​
ມາດ​ຕອບ​ສະ​ໜອງ​ຄວາມ​ຕ້ອງ​ການ​ຂອງ​ປະ​ຊາ​ຊົນ​ໃນ​ຕົວ​ເມືອງທີ່​ມີ​ພົນ​ລະ​ເມືອງ​ນັບ​ມື້
ນັບ​ເພີ້ມ​ຂຶ້ນນີ້​ໄດ້ ​ດີ​ປານ​ໃດ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG