ລິ້ງ ສຳຫລັບເຂົ້າຫາ

logo-print

ວິກິດການທາງການເມືອງ ໃນໄທ ກໍ່ໂຕຂຶ້ນມາໄດ້ ຫລາຍປີແລ້ວ (ວີດີໂອ)


ວິ​ກິດ​ການທາງການ​ເມືອງ​ໃນ​ປັດຈຸບັນຂອງ​ໄທ ທີ່​ມີ​ການ​ປະ​ທ້ວງ​
ຫຼາຍ​ບັ້ນ ຢູ່​ຕາມ​ຖະໜົນ​ຫົນທາງ ​ຍັງ​ຜົນ​ໃຫ້ມີຄົນ​ເສຍ​ຊີວິດ​ໄປ
ແລ້ວ​ ຢ່າງ​ໜ້ອຍ 4 ຄົນ ​ແລະບາດ​ເຈັບ​ອີກຫຼາຍ​ຮ້ອຍ​ຄົນນັ້ນ ​
ແມ່ນ​ໄດ້ກໍ່​ໂຕ​ຂຶ້ນ​ມາໄດ້​ຫຼາຍ​ປີ​ແລ້ວ​. ຜູ້​ສື່​ຂ່າວ​ວີໂອ​ເອທີ່​ບາງ
ກອກ Steve Herman ພິຈາລະນາ​ເບິ່ງ​ບັນຫາ​ທີ່​ນອນ​ຢູ່​ເບື້ອງ
​ຫຼັງ ທີ່​ຂັບ​ດັນ​ໃຫ້​ມີ​ການ​ປະ​ທ້ວງນັ້ນ ຊຶ່ງ​ດາຣາຈະ​ນໍາ​ເອົາ​ລາຍ
​ລະອຽດ​ມາສະ​ເໜີ​ທ່ານ​ໃນ​ອັນ​ດັບ​ຕໍ່​ໄປ.

ລິງໂດຍກົງ

ກາ​ນປະ​ທ້ວງ​ບັ້ນ​ລ່າ​ສຸດ​ໂດຍ​ພວກ​ເສື້ອ​ເຫຼືອງ​ ໃນການ​ເມືອງຂອງ​ໄທ ​ທີ່​ໃຊ້​ສີ​ເປັນ​ລະຫັດ​ຂອງ​ຝ່າ​ຍຕ່າງໆ​ນັ້ນ​ ແມ່ນ​ສະທ້ອນເຖິງ​ການ​ປະ​ທ້ວງ ທໍານອງ​ດຽວ​ກັນ​ນີ້​ ໃນ​ປີ 2006 ຕໍ່ຕ້ານ​ອະດີດ​ນາຍົກ​ລັດຖະມົນຕີ ທັກສິນ ຊິນນະ​ວັດ.

ກຸ່ມ​ປະສົມ​ທີ່ປະກອບ​ດ້ວຍ ພວກ​ທີ່​ຈົ່ງ​ຮັກ​ພັກດີຕໍ່​ກະສັດ ​ແລະ​ກຸ່ມ​ຊົນ​ຊັ້ນ​ກາງ​ໃນ​ຕົວ​ເມືອງ ​ໄດ້​ກ່າວ​ຫາ ທ່ານ​ທັກສິນ ​ນັກການ​ເມືອງ​ມະຫາ​ເສດ​ຖີ ວ່າ​ສໍ້ລາດ​ບັງ​ຫຼວງ ​ແລະ​ທ່ານ​ກໍ​ໄດ້​ຖືກໂຄ່ນ​ລົ້ມລົງ​ຈາກ​ອໍານາດ ໂດຍ​ການກໍ່​ລັດຖະປະຫານ​ທີ່ປາດ​ສະ​ຈາກການ
ນອງ​ເລືອດ ຂອງ​ກອງທັບ.

ທ່ານ​ທັກສິນ ​ໄດ້​ຫຼົບໜີ​ໄປ​ຂໍ​ລີ້​ໄພ​ໃນ​ຕ່າງປະ​ເທດ ​ແຕ່​ກໍ​ຍັງໄດ້​ຮັບຄວາມ​ນິຍົມ​ຊົມ​ຊອບ​ຢູ່​
ໃນກຸ່ມ​ຊົນ​ຊັ້ນກໍາມະກອນ​ໄທ ພວກ​ທີ່​ມັກ​ນະ​ໂຍບາຍ​ໃຫ້​ເງິ​ນ​ເກື້ອ​ກຸນຄ່າຮັກສາ​ສຸ​ຂະພາບ ​
ແລະການ​ສຶກສາ ຂອງ​ທ່ານ.

​ເວລາຜູ້​ນໍາ​ພັກ​ຝ່າຍ​ຄ້ານ ກໍ​ຄື​ພັກ​ປະຊາທິປັດ ຖືກ​ເລືອກ​ໃຫ້​ເປັນ​ນາຍົກລັດຖະມົນຕີ​ໃນ​ປີ 2008 ນັ້ນ ກໍ​ເປັນ​ໂອກາດ​ແກ້​ແຄ້ນ​ຄືນຂອງ​ພວກ​ທີ່ນິຍົມ​ທັກສິນ ​ຄືພວກປະ​ທ້ວງເສື້ອແດງ
ທີ່​ໄດ້​ເຮັດ​ໃຫ້​ນະຄອນຫຼວງ​ບາງກອກ​ເປັນ​ອໍາມະພາດ​ໄປ ​ໃນ​ເວລາ​ນັ້ນ. ກຸ່ມ​ປະ​ທ້ວງ​ເສື້ອ​ແດງຊຶ່ງ​ປະກອບ​ດ້ວຍ​ກຸ່ມ​ຄົນ​ງານ​ແລະ​ພວກຊາວນາ ​ເປັນສ່ວນ​ໃຫຍ່ນັ້ນ ​ເຫັນ​ຄູ່​ປໍ​ລະ​ປັກ
​ຂອງ​ພວກ​ຕົນ​ ວ່າເປັນ​ພວກຊາວ​ເມືອງ​ຊັ້ນ​ສູງທີ່​ຮັ່ງມີ ບໍ່ເຂົ້າ​ໃຈ​ແລະບໍ່​ເອົາ​ໃຈ​ໃສ່​ຕໍ່ຄວາມ
ຮຽກຮ້ອງ​ຕ້ອງການ​ຂອງ​ຊາວ​ໄທໃນຊົນ​ນະ​ບົດ​ແຕ່​ຢ່າງ​ໃດເລີຍ.


ຕໍ່​ມາ​ໃນ​ປີ 2011 ທ່ານ​ນາງ ຢິ່ງລັກ ຊິນນະ​ວັດ ນ້ອງ​ສາວ​ຂອງ​ທ່ານ​ທັກສິນ ຊະນະ​ການ​ເລືອກ​ຕັ້ງ​ແລະໄດ້ຂຶ້ນເປັນ​ນາຍົກລັດຖະມົນຕີ. ຫຼັງ​ຈາກໄດ້​ຊົມ​ໃຊ້ສະຖຽນ​ລະ​ພາບມາ​ໄດ້​ສອງ​ປີ ການ​ແຕກ​ແຍກ​ທາງ​ການ​ເມືອງ​ກໍ​ໄດ້​ລະ​ເບີດ​ຂຶ້ນ​ມາ​ອີກ ຍ້ອນ​ຮ່າງ​ກົດໝາຍ​ນີລະ​ໂທດ​ກໍາສະບັບ​ນຶ່ງ ທີ່​ຈະ​ເປີດ​ໂອກາດ​ໃຫ້​ທ່ານທັກສິນ​ກັບ​ຄືນ​ສູ່​ປະ​ເທດໄດ້ ​ໂດຍບໍ່ຕ້ອງ​
ປະ​ເຊີນ​ກັບ​ໂທດ​ຈໍາ​ຄຸກ​ ​ໃນຂໍ້​ຫາ​ສໍ້​ລາດ​ບັງ​ຫຼວງ​ນັ້ນ.

ຮ່າງ​ກົດໝາຍ​ດັ່ງກ່າວ​ໄດ້ຖືກ​ຖອນອອກ ​ແຕ່​ພວກ​ຕໍ່ຕ້ານ​ທັກສິນ​ກໍ​ຍັງບໍ່​ຍອມ ພ້ອມ​ກັບ​ສືບ​ຕໍ່ທໍາ​ການ​ປະ​ທ້ວງ ທວງ​ໃຫ້ຈັດຕັ້ງສະພາ​ປະຊາຊົນ ​ໂດຍທີ່​ບໍ່​ມີ​ການ​ເລືອກ​ຕັ້ງ​ເອົາ​ນັ້ນ ​ຂຶ້ນ​ມາບໍລິຫານ​ປະ​ເທດ​ແທນ​ລັດຖະບານ​.

ຕະຫຼອດ​ເວລາ​ຂອງ​ຂໍ້​ຂັດ​ແຍ້​ງກັນ​ນີ້ ກະສັດ​ ພູມິ​ພົນ ອະດຸນ​ຍະ​ເດດ ​ຊົງ​ຖືກ​ເບິ່ງ​ເຫັນ​ວ່າ
ເປັນ​ຜູ້​ຖືຫາງ​ເສືອ​ທີ່ສໍາຄັນ.

ຂະນະ​ທີ່​ປະ​ເທດ​ຊາດ​ຢຸດການ​ຜິດ​ຖຽງ​ກັນ​ໄວ້​ຊົ່ວຄາວ ​ເພື່ອສະ​ເຫຼີມສະຫຼອງວັນ​ຄ້າຍວັນ
ປະສູດ​ຄົບຮອບ 86 ພັນ​ສາຂອງ​ພະ​ອົງ ກະສັດ​ພູມິ​ພົນບໍ່​ໄດ້​ຊົງ​ດໍາລັດ​ໂດຍກົງ​ ກ່ຽວ​ກັບວິ​ກິດ
​ການ​ທາງການ​ເມືອງໃນ​ປັດຈຸບັນ ​ແຕ່​ຊົງກ່າວ​ວ່າ ປະ​ເທ​ດຊາດມີ​ສັນຕິ​ສຸກ ຍ້ອນປະຊາຊົນ
ປຸ້ມລຸມ​ກັນ.

ກະສັດພູມີ​ພົນ ​ຊົງ​ກ່າວວ່າ ​“ຊາວ​ໄທ​ທຸກ​ຄົນຄວນ​ຈະ​ສໍານຶກ​ໃນ​ຂໍ້​ນີ້​ໃຫ້ດີ​ ແລະ​ຄວນ​
ຈະຕັ້ງ​ໃຈປະພຶດ​ຕົວ ປະຕິບັດ​ງານ​ໃຫ້​ສົມ​ກັບ​ຖານະ​ແລະ​ໜ້າ​ທີ່ ​ເພື່ອ​ໃຫ້​ສໍາ​ເລັດ​
ປະ​ໂຫຍ​ດຂອງ​ສ່ວນ​ລວ​ມ ​ເພື່ອ​ຄວາມ​ໝັ້ນຄົງ ປອດ​ໄພ​ຂອງ​ຊາດ​ບ້ານ​ເມືອງ.”


ສະ​ຖາ​ບັນ​ທີ່​ມີ​ອິດ​ທິພົນ​ຫຼາຍທີ່​ສຸດ ​ລອງ​ຈາກກະສັດ ກໍ​ຄື​ກອງທັບ. ພວກ​ນາຍ​ພົນ​ໄດ້​ເຂົ້າ​
ໄປ​ແຊກ​ແຊງໃນການ​ເມືອງ​ໄທ​ 18 ຄັ້ງ ນັບ​ຕັ້ງ​ແຕ່​ການ​ ​ປົກຄອງ​ໂດຍລະ​ບອບ​ກະສັດທີ່​
ມີ​ອໍານາດເດັດຂາດ ສິ້ນ​ສຸດ​ລົງ​ໃນ​ປີ 1932.

ທ່ານ ຊອນ ບຸນ​ປຣະຄົງ ທີ່​ປຶກສາ​ຄວາມ​ໝັ້ນຄົງ​ຂອງ​ຊາດ ຢືນ​ຢັດວ່າ ບັນດານາຍ​ພົນ​
ທັງຫຼາຍ​ໄດ້ເປັນ​ຜູ້​ສະ​ໜັບສະ​ໜຸນ​ຢ່າງ​ແຂງ​ຂັນ ຂອງ​ລັດຖະບານ​ຊຸດ​ປັດຈຸບັນ.

​ທ່ານ ຊອນ ​ເວົ້າ​ວ່າ: “ຂ້າພ​ະ​ເຈົ້າ​ເຊື່ອ​ວ່າ ທ່າ​ທີ່​ຂອງ​ຝ່າຍທະຫານໄດ້​ປ່ຽນ​ແປງ​ໄປ
​ຢ່າງ​ໃຫຍ່​ຫຼວງ ນັບຕັ້ງ​ແຕ່​ການ​ກໍ່ລັດຖະປະຫານ​ເມື່ອ​ປີ 2006 ເປັນ​ຕົ້ນ​ມາ. ຄື​
ພວກ​ເຂົາ​ເຈົ້າ​ໄດ້​ປະຕິບັດ​ງານ​ກັບ​ນາຍົກລັດຖະມົນຕີ ​ເພື່ອ​ຍຸຕິ​ຄວາມ​ເຄັ່ງ​ຕຶງ​.”

​ແຕ່ຄົນ​ອື່ນໆ ​ເຊັ່ນທ່ານ ປາ​ນິທານ ວັດທະນະ​ຢາກ​ອນ ອາ​ຈານ​ສອນ​ແລະ​ອະດີດໂຄສົກ
​ລັດຖະບານ​ພັກ​ປະຊາ​ທິປັດ ກ່າວ​ວ່າ ຝ່າຍທະຫານ​ໄດ້​ໃຫ້ສົ່ງ​ສັນຍານໃຫ້​ເຫັນ​ເຖິງຄວາມ​
ເຫັນ​ໃຈ​ຕໍ່​ຝ່າຍ​ຄ້ານ ຊຶ່ງ​ອາດ​ເປັນ​ຄໍາ​ອະທິບາຍ​ໄດ້​ວ່າ​ ເປັນ​ຫຍັງ​ຝ່າຍ​ຕໍາຫຼວດ​ຈຶ່ງ​ມີ​ທ່າ​ທີ
ລັງ​ເລ​ໃຈຫຼາຍຂຶ້ນ​ໄປ​ນັບ​ມື້​ ຕໍ່​ການ​ປະ​ເຊີນໜ້າ ຫຼື​ຂັດຂວາງ​ພວກປະ​ທ້ວງ.

ທ່ານ ປາ​ນິທານ​ເວົ້າ​ວ່າ: “ຝ່າຍ​ທະຫານ​ເວົ້າ​ວ່າ ພວກ​ເຂົາ​ເຈົ້າສະໜັບສະໜຸນ
ປະ​ເທດ​ຊາດ ພວກ​ເຂົາ​ເຈົ້າບໍ່​ໄດ້ເວົ້າ​ວ່າ​ ສະໜັບສະໜຸນ​ລັດຖະບານ. ສະ​ນັ້ນ
ຈຶ່ງ​ຖືວ່າ​ເປັນ​ສິ່ງ​ທ້າ​ທາຍ​ອັນ​ໃຫຍ່ຫຼວງ​ປະການ​ນຶ່ງສໍາລັບ​ທ່ານ​ນາງ ຢິ່ງລັກ ​ໃນ​
ຖານະລັດຖະມົນຕີ​ປ້ອງ​ກັນ​ປະ​ເທດ ທີ່​ຈະ​ຕ້ອງພະຍາຍາມ​ໃຫ້ ໄດ້​ຮັບການ​
ສະໜັບສະໜຸນ​ໂດຍ​ເຕັມ​ ຄື​ການ​ສະໜັບສະໜຸນ​ໂດຍ​ເດັດຂາດ ຈາກ​ຝ່າຍ​ທະ
ຫານ ຊຶ່ງ​ ບໍ່​ຊົງ​ວ່າ ທ່ານ​ນາງຈະ​ໄດ້​ຮັບ​ການ​ສະໜັບ​ສະ​ໜຸນ​ດັ່ງກ່າວນັ້ນ​ເລີຍ.”


ທາງ​ຝ່າຍທ່ານ​ຊອນ ທີ່​ປຶກສາ​ຄວາມ​ໝັ້ນຄົງ​ແຫ່ງ​ຊາດ ​ແລະ​ອະດີດ​ໂຄສົກ​ຄົນ​ນຶ່ງ​ຂອງ
ຝ່າຍ​ເສື້ອ​ແດງ ສະ​ແດງ​ຄວາມ​ຫວັງ​ວ່າ ​ໄທ​ໄດ້​ກ່າວ​ເຂົ້າສູ່​ຍຸກ​ ທີ່ການ​ແຊກແຊງ​ຂອງ​ຝ່າຍ​ທະຫານນັ້ນ ​ໄດ້​ກາຍ​ເປັນ​ປະຫວັດສາດ​ໄປ​ແລ້ວ. ທ່ານ​ຊອນ​ເວົ້າ​ຕໍ່​ໄປ​ວ່າ:

“ຂ້າພະ​ເຈົ້າຄິດ​ວ່າ ຄໍາ​ວ່າ “ລັດຖະປະຫານ” ​ເປັນ​ຄໍາທີ່​ລ້າ​ສະ​ໄໝແລ້ວ ບໍ່​ຫຼາຍ
​ກໍໜ້ອຍ ​ແຕ່​ໄທກໍ​ຍັງ​ເປັນ​ໄທ ຄືແທ້ໆ​ແລ້ວ ເຮົາ​ຈະ​ບໍ່​ມີ​ວັນ​ລຶບ​ຄໍາ​ນັ້ນອອກ​ໄດ້.”


​ໄທ​ຈະ​ຫຼີກລ່ຽງ​ເຫດການ​ນອງ​ເລືອດ​ຢ່າງ​ໃຫຍ່​ໄດ້ຫຼື​ບໍ່ນັ້ນ ຍັງ​ບໍ່​ເປັນ​ທີ່​ແຈ້ງ​ຂາວ​ ແຕ່ຫຼາຍໆ​
ຄົນກໍ​ຫວັງ​ວ່າ ຊາວ​ໄທ​ຈະ​ຖອດ​ຖອນ​ບົດຮຽນຈາກຄວາມ​ວຸ້ນວາຍທາງ​ການ​ເມືອງ ທີ່ມີມາ
​ໄດ້​ເກືອບ​ນຶ່ງ​ທົດ​ສະ​ວັດ​ແລ້ວ​ນັ້ນ.



ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG