ລິ້ງ ສຳຫລັບເຂົ້າຫາ

logo-print

ອົບພະຍົບ ມຽນມາ ໃນໄທ ຍັງບໍ່ຄິດ ຈະກັບຕ່າວ ຄືນບ້ານ


ອົບພະຍົບຊົນເຜົ່າກະຫຼ່ຽງ ຈຸນຶ່ງ ທີ່ສູນ ແມ່ລາ ຈັງຫວັດຕາກ ປະເທດໄທ
ເຖິງ​ແມ່ນ​ມຽນມາ​ ໄດ້​ເປີດ​ກວ້າງ​ທາງການ​ເມືອງ ເມື່ອບໍ່ເທົ່າ​ໃດ​
ປີຜ່ານມາ​ນີ້​ແລ້ວກໍ​ຕາມ ​ແຕ່ພວກ​ອົບ​ພະຍົບຊາວ​ມຽນມາ ​ປະ
ມານ 130,000 ຄົນ ທີ່​ອາ​ໄສຢູ່​ໃນ​ໄທ​ຂະນະ​ນີ້ ບໍ່​ມີ​ທ່າ​ທີ​ວ່າ​
ຢາກຈະ​ກັບ​ຕ່າວ​ຄືນ​ໄປ​ມຽນມາ​ ໃນ​ໄລຍະ​ໝໍ່ໆ​ນີ້​ແຕ່ຢ່າງ​ໃດ.
ຜົນ​ການ​ສໍາ​ຫຼວດ​ ຊາວ​ອົບ​ພະຍົບ​ເທື່ອ​ທໍາ​ອິດ​ແບບນີ້​ຂອງ​ສະ
ຫະ​ປະຊາ​ຊາດຊີ້ໃຫ້​ເຫັນວ່າອົບ​ພະຍົບຊາວມຽນ ມາ​ຫຼາຍໆ​ຄົນ
ຍັງມີ​ຄວາມ​ລະມັດລະວັງ​ຫຼາຍຢູ່​ທີ່​ຈະຂ້າມ​ຊາຍ​ແດນກັບ​ຕ່າວ
ຄືນບ້ານ​ເດີມຂອງຕົນນັ້ນຢູ່.​ Steve Herman ຜູ້​ສື່​ຂ່າວ​ວີ​ໂອ​
ເອ ລາຍ​ງານ​ເລຶ່ອງນີ້​ຈາກບາງ​ກອກ ຊຶ່ງ​ທອງ​ປານ ຈະ​ນໍາ​ມາ
ສະ​ເໜີ​ທ່ານ​ໃນອັນດັບຕໍ່​ໄປ​.

ລິງໂດຍກົງ

ຜົນ​ການ​ສໍາຫຼວດ​ແບບ​ທົດ​ລອງທາງດ້ານ​ເສດຖະກິດ​ສັງຄົມ​ ​ຂອງ​ພະ​ແນ​ກການ​ນຶ່ງສະຫະ​ປະ ຊາ​ຊາດ ພົບ​ວ່າ ພວກ​ຄົນ​ສ່ວນ​ຫຼາຍ​ທີ່​ອາ​ໄສ​ຢູ່​ຕາມສູນ​ອົບ​ພະຍົບທີ່​ໃຫຍ່​ທີ່​ສຸດ​ໃນ​ໄທ​ນັ້ນ ຢາກ​ຈະ​ຂໍໄປ​ຕັ້ງ​ຖິ່ນ​ຖານ​ຢູ່​ໃນ​ປະ​ເທດທີ່ສາມ ຫຼື​ກໍ​ຢູ່​ໃນ​ໄທຕໍ່​ໄປ.

ທ່ານ​ນາງ Mireille Girard ຜູ້ຕາງໜ້າອົງການ​ຂ້າ​ຫລວງ​ໃຫຍ່​ອົບ​ພະ​ຍົບ ສະຫະປະຊາ​ ຊາດບອກ​ວີ​ໂອ​ເອ ກ່ຽວ​ກັບ​ຄໍາ​ຕອບ​ຂອງ​ຊາວ​ອົບ​ພະຍົບຫຼາຍ​ ກວ່າ 6,500 ຄອບ ຄົວ​ ຢູ່​ສູນ​ອົບ​ພະຍົບຊົ່ວຄາວແມ່​ລາ ​ໃນ​ຈັງ​ຫວັດ​ຕາກ ປະ​ເທດ​ໄທ ທີ່​ໄດ້​ສໍາ​ພາດເຖິງ ຄວາມ​ຮູ້ສຶກ​ຂອງ​ພວກ​ທີ່​ອາ​ໄສ​ຢູ່​ສູນ​ຊົ່ວຄາວ​ດັ່ງກ່າວ.

ທ່ານນາງ Girard ​ເວົ້າ​ວ່າ: “​ເຮົາ​ເວົ້າ​ໄດ້​ວ່າ ຫຼາຍໆ​ຄົນ​ຍັງ​ລັງ​ເລໃຈ​ຢູ່ ພວກ​ເຂົາ​ເຈົ້າຍັງ​ບໍ່​ໄດ້​ຕັດສິນ​ໃຈ​ຢ່າງໃດ. ​ແລະພວກ​ເຮົາ​ກໍ​ບໍ່​ໄດ້​ຂໍຮ້ອງ​ໃຫ້ ພວກ​ເຂົາ​ເຈົ້າ​ເລືອກ​ເອົາ​ຢ່າງ​ໃດ​ຢ່າງ​ນຶ່ງ​ໃນ​ຕ​ອນນີ້​ເທື່ອ ພວກ​ເຮົາ​ພຽງ​ແຕ່​ຢາກປະເມີນ​ເບິ່ງ​ຄວາມ​ຕັ້ງ​ໃຈແລະ​ຄວາມ​ປາດ​ຖະໜາ​ຂອງ​ພວກ​ເຂົາ​ເຈົ້າ​ເທົ່າ​ນັ້ນ ​ເພື່ອ​ວ່າ​ພວກເຮົາ​ຈະ​ສາມາດ​ຕຽມ​ຊອກ​ຫາ​ວິທີ​ແກ້​ໄຂ​ບັນຫາ​ທີ່​ດີ​ກວ່າ ວ່າ​ພວກ​ເຂົາເຈົ້າສາມາດ
ນຶກ​ຄິດ​ໃນ​ຕົວ​ພວກ​ເຂົາ​ເຈົ້າ​ເອງ​ໄດ້.”


ມີ​ພຽງ​ຄົນ​ຈໍານວນ​ນ້ອຍໆ​ຈຸ​ນຶ່ງ​ເທົ່າ​ນັ້ນທີ່ຢູ່​ສູນ​ແມ່​ລາ ທີ່​ຄິດ​ວ່າ​ຢາກຈະກັບຄືນບ້ານ ​ແຕ່​ຂະນະ​ດຽວ​ກັນ ພວກ​ເຂົາ​ເຈົ້າກໍ​ອ້າງ​ເຖິງ​ຄວາມ​ບົກພ່ອງຂອງ​ຄວາມ​ໄວ້​ວາງ​ໃຈ ທີ່​ຍັງ​ມີ​ຢູ່​ຕໍ່​ມາ​ໃນ​ວົງ​ການລັດຖະບານ​ມຽນມາ ​ແລະພ້ອມ ​ກັບ​ຍັງ​ຂາດ​ການ​ຮັບ​ຮູ້​ສະຖານ​ະ ພາບ ຫຼື​ສັນຊາດ​ຢູ່​ທີ່​ນັ້ນ​ນໍາ. ນອກນີ້ພວກເຂົາ​ເຈົ້າຍັງ​ເປັນ​ຫ່ວງກ່ຽວ​ກັບ​ຄວາມ​ປອດ​ໄພ ​ພວກ ເຂົາ​ເຈົ້າຈະ​ຫາ​ຢູ່​ຫາ​ກິນ​ລ້ຽງ​ຊີບໂດຍ​ວິທີ​ໃດ ​ແລະ​ທັງຍັງ​ຂາດ​ເຂີນໂຄງ​ລ່າງ​ພື້ນຖານ​ຢູ່​ໃນ​ຫຼາຍໆ​ປະ ຊາ​ຄົມ ທີ່​ພວກ​ເຂົາ​ເຈົ້າ​ໄດ້​ໜີ​ຈາ​ກມາ​ນັ້ນ.

ຊາວ​ອົບ​ພະຍົບ​ເກືອບ​ວ່າ​ໝົດ​ທຸກ​ຄົນ​ ທີ່​ອາ​ໃສຢູ່​ໃນ​ສູນ​ແມ່​ລາ​ນັ້ນ ​ແມ່ນ​ຊົນເຜົ່າກະຫຼ່ຽງ ທີ່​ໄດ້​ຫຼົບໜີ​ຈາກ​ບ້ານເກີດ​ຂອງ​ພວກ​ເຂົາ​ເຈົ້າ ຈາກ​ການ​ກົດ​ຂີ່​ປາບ​ປາມ​ໂດຍ​ກອງທັບ​ພະມ້າ ຫຼື​ມຽນມາ​ນັ້ນ. ​ເທົ່າ​ເຖີງປັດຈຸບັນ​ນີ້​ຍັງ​ບໍ່ເຫັນ​ວ່າ​ມີການ​ຢຸດ​ຍິງ​ ​ເປັນ​ການຖາວອນ​ເທື່ອ​ຢູ່​ໃນ​ເຂດ​ສ່ວນ​ຫຼາຍ​ບ່ອນ​ທີ່​ຊາວ​ອົບ​ພະຍົບ​ເຫຼົ່າ​ນີ້​ ຈະກັບ​ຄືນ​ໄປ​ອາ​ໃສ​ຢູ່​ນັ້ນ.

ທ່ານນາງ Girard ຈາກ​ອົງການ​ຂ້າ​ຫລວງ​ໃຫຍ່​ອົບ​ພະຍົບສະຫະ​ປະຊາ​ຊາດ ຫຼື UNHCR ຢືນຢັນ​ວ່າ​ ສະພາບ​ການ​ຕ່າງໆ​ຍັງ​ບໍ່ເຖິງ​ຂັ້ນຫຼື​ດີ​ພໍທີ່​ຊາວ​ອົບ​ພະຍົບ​ຢູ່​ໃນ​ໄທ​ ຈະ​ກັບ​ຕ່າວ​ຄືນໄປ​ອາ​ໄສ​ຢູ່​ໄດ້.

ທ່ານນາງ Girard ​ເວົ້າ​ວ່າ​: “ການ​ໃຫ້​ນີລະ​ໂທດ​ກໍາ ​ເສລີ​ພາບ​ໃນ​ການ​ມີ​ທາງ​ເລືອກ ​ໂດຍ​ປະຊາຊົນ​ ກ່ຽວ​ກັບ​ບ່ອນຫຼື​ເຂດ​ທີ່​ພວກ​ເຂົາ​ເຈົ້າຢາກ​ຈະ​ກັບ​ຄືນ​ໄປ​ອາ​ໄສ​ຢູ່ນັ້ນ ການ​ເຂົ້າຫາ​ເຂົ້າ​ເຖິງ​ໄດ້​ໂດຍ​ອົງການເພື່ອ​ມະນຸດສະ​ທໍາ​ຕ່າງໆ ​ເພື່ອ​ພວກ​ເຮົາ​ຈະ​ໝັ້ນ​ໃຈ​ວ່າ ພວກ​ເຮົາ​ຈະ​ສາມາດ​ກັບ​ໄປ​ຢ້ຽມຢາມ​ພວກ​ທີ່​ກັບ​ຄືນ​ໄປ​ນັ້ນ​ໄດ້​ອີກ ​ແລະ​ໃ​ນກໍ ລະນີ​ອື່ນໆ ​ເປັນ​ຕົ້ນ. ສິ່ງ​ທີ່​ກ່າວ​ມາ​ນີ້ ຈະ​ຕ້ອງ​ຈັດ​ຕຽມ​ໃຫ້​ມີໄວ້​ພ້ອມ ພໍ​ຮອດ​ເວລາ​ພວກປະຊາຊົນ​ຈະ​ກັບ​ຕ່າວ​ຄືນ ຄື​ເວລາພວກ​ເຂົ​າຕັ້ງໃຈ ​ແລະ​ກະຕືລື​ລົ້ນຢາກ​ກັບ​ຄືນ​ບ້ານເປັນຈໍານວນ ຫຼາຍໆ​ຄົນ ​ແລະພໍ​ເຖິງ​ເວລາ​ນັ້ນ ພວກ​ເຮົາ​ກໍ​ຈະ​ປ່ຽນ​ໄປ ​ເປັນ​ການ​ຊຸກຍູ້​ໃຫ້​ສົ່ງ​ກັບ​ຄືນ​ບ້ານ ຊຶ່ງ​ໃນ​ຂະນະ​ນີ້ ພວກ​ເຮົາ​ຍັງ​ບໍ່ໄປເຖິງ​ຈຸດ​ນັ້ນ​ເທື່ອ.”

ມີ​ຊາວ​ອົບ​ພະຍົບປະມານ 130,000 ຄົນ ອາ​ໄສ​ຢູ່​ໃນ​ເກົ້າ​ສູນ​ຕາມ​ເຂດ​ຊາຍແດນ​ໃນ​ໄທ. ​ໃນ​ນັ້ນ​ມີ​ຫຼາຍໆ​ຄົນ​ທີ່​ໄດ້​ເກີດຢູ່​ໃນ​ໄທ ​ແລະ 80 ​ເປີເຊັນ​ຂອງ​ຊາວ​ອົບ​ພະຍົບທີ່​ອາ​ໄສ​ຢູ່​ໃນ​ສູນ​ຕ່າງໆ​ນັ້ນ ​ເປັນ​ຊົນ​ເຜົ່າ​ກະຫຼ່ຽງ.

ນັບ​ຕັ້ງ​ແຕ່​ປີ 2005 ​ເປັນ​ຕົ້ນ​ມາ ມີ​ປະຊາຊົນ​ຫຼາຍ​ກວ່າ 83,000 ຄົນ ທີ່​ຫຼົບໜີ​ຈາກ​ມຽນ ມາ​ໄປຢູ່​ໃນ​ໄທ ໄດ້​ໄປ​ຕັ້ງ​ຖິ່ນ​ຖານ​ຢູ່ໃນ​ປະ​ເທດ​ທີສາມ ສ່ວນຫຼາຍ​ແມ່ນ​ຢູ່​ໃນ​ສະຫະລັດ.

​ໄທ​ໄດ້​ຍຸຕິ​ການ​ລົງທະບຽນ​ຊາວ​ອົບ​ພະຍົບ​ໃນ​ປີ 2006 ​ແລະ​ຕັ້ງ​ແຕ່​ນັ້ນ​ມາ ພວກ​ທີ່​ບໍ່​ມີ​ໜັງສື​ຄົບ​ຖ້ວນ ຈະ​ບໍ່​ມີ​ສິດ​ທີ່​ຈະ​ຍ້າຍ​ໄປ​ຕັ້ງ​ຖິ່ນ​ຖານ​ໃນ​ປະ​ເທດ ທີ່​ສາມ​ໄດ້ ​ແຕ່​ມີ​ຂໍ້​ຍົກ​ເວັ້ນກໍລະນີ​ນຶ່ງ ນັບ​ຕັ້ງ​ແຕ່​ປີຜ່ານມາ ຄືສໍາລັບ​ພວກ​ທີ່ ມີ​ຄອບຄົວ​ທີ່​ໄດ້​ຕັ້ງ​ຖິ່ນ​ຖານ​ຢູ່​ແຫ່​ງອື່ນ​ຢູ່​ແລ້ວ​ນັ້ນ.

ປະ​ເມີນ​ກັນ​ວ່າ ມີ​ຊາວ​ມຽນມາ​ປະມານນຶ່ງ​ລ້ານ​ຄົນ ທີ່​ອາ​ໄສ​ຢູ່​ໃນ​ໄທ ຊື່​ງ ສ່ວນ​ຫຼາຍ​ຈະເປັນ​ຄົນ​ງານ​ຕ່າງ​ດ້າວ ທີ່​ບໍ່​ມີ​ເອກ​ກະສາ​ນຖືກຕ້ອງ​ຕາມ​ກົດ ໝາຍ.

ຫຼັງ​ຈາກ​ການ​ປົກຄອງ ​ໂດຍ​ພວກ​ທະຫານ ມາ​ເປັນ​ເວລາ​ໄດ້ 60 ປີນັ້ນ ມຽນມາກໍ​ໄດ້​ຫັນປ່ຽນ​ຢ່າງ​ສັນຕິ​ໃນ​ປີ 2010 ​ໄປ​ເປັນລັດຖະບານເຄິ່ງພົນລະ​ເຮືອນ ແຕ່​ພວກ ນາຍ​ທະຫານ​ທີ່ຍັງຢູ່​ໃນ​ຕຳ​ແໜ່​ງຫລື​ປົດກະສຽນ​ແລ້ວ​ນັ້ນ ຍັງ​ສືບ​ຕໍ່​ກໍາ​ອໍານາດ​ຢ່າງໃຫຍ່ຫຼວງ ຢູ່​ຕໍ່​ມາ​ເທົ່າ​ເຖິງ​ປັດຈຸບັນ​ນີ້.

ສັນຍາ​ຢຸດ​ຍິງ​ ກັບ​ສ່ວນ​ໃຫຍ່ຂອງກຸ່ມ​ປະກອບ​ອາວຸດ 13 ກຸ່ມ ທີ່​ບໍ່​ຂຶ້ນກັບ​ລັດ​ໃດນັ້ນ ທີ່ ບັນດາ​ນັກ​ສັງ​ເກດ​ການ​ເຫັນ​ວ່າ ຍັງ​ຕົກ​ຢູ່​ໃນ​ຂັ້ນ​ອັນຕະລາຍ​ ຍ້ອນ​ເກີດການ​ປະ​ທະ​ກັນ​ເປັນ​ບາງ​ຄັ້ງ​ບາງ​ຄາວຢູ່ຕໍ່​ມາ ລະຫວ່າງ​ກຸ່ມ​ກະບົດ ຊົນ​ເຜົ່າ​ ​ແລະ​ກອງທັບ​ມຽນມາ​ນັ້ນຢູ່.

ກຸ່ມ​ຊາວມຽນມາ ​ເປັນຊົນ​ກຸ່ມ​ໃຫຍ່ເໜືອກວ່າ​ຊົນ​ເຜົ່າ​ກະຫຼ່ຽງ ​ແລະ​ຊົນເຜົ່ານ້ອຍອື່ນໆ ທີ່​ໄດ້ຜັກ​ດັນ​ໃຫ້​ເກີດ​ມີ​ການ​ກໍ່ກະບົດ ເພື່ອແບ່ງ​ແຍກ​ດິນ​ແດນ​ຫຼາຍ​ຄັ້ງ​ຫຼາຍ​ຄາວມາ​ເປັນ​ເວ​ລາ​ດົນ​ນານ​ນັ້ນ ​ແລະ​ຍັງ​ຜົນທີ່​ໄດ້ບັງຄັບ​ໃຫ້​ພົນລະ​ເຮືອ​ນຫຼາຍ​ພັນ​ຄົນ​ຕ້ອງ​ໄດ້​ຫຼົບໜີ​ຈາກບ້ານ​ເກີດເມືອງ​ນອນ​ຂອງ​ພວກ​ເຂົາ​ເຈົ້າ​ໄປ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG