ລິ້ງ ສຳຫລັບເຂົ້າຫາ

logo-print

ມະຫາວິທະຍາໄລຕ່າງໆ ຂອງໄທ ຮູ້ສຶກໄດ້ ເຖິງຄວາມກົດດັນ ຈາກການປົກຄອງ ຂອງລັດຖະບານທະຫານ


ນາຍົກລັດຖະມົນຕີໄທ ທ່ານປຣະຍຸດ ຈັນໂອຊາ ເດີນທາງໄປເຂົ້າຮ່ວມ ພິທີສະຫຼອງວັນຄົບຮອບປີ ການກໍ່ຕັ້ງ ຂອງກອງພັນທະຫານໜ່ວຍພິທັກພະຣາຊິນີ ທີ 21, ຢູ່ທີ່ຈັງຫວັດ ຊົນບູຣີ, ວັນທີ 21ສິງຫາ 2014.

ລັດຖະບານທີ່ປົກຄອງໂດຍທະຫານໄທ ໄດ້ຍັບຍັ້ງການຄັດຄ້ານ
ຂອງປະຊາຊົນ ນັບຕັ້ງແຕ່ ຕົນໄດ້ເຂົ້າກຳອຳນາດ ເມື່ອປີກາຍນີ້
ເປັນຕົ້ນມາ ແລະ ມະຫາວິທະຍາໄລຂອງປະເທດ ກ່າວວ່າ ມັນມີ
ຜົນກະທົບຕ່າງໆນາໆ ຢູ່ໃນບໍລິເວນມະຫາວິທະຍາໄລ. ບັນດາ
ນັກວິຊາການ ໂດຍສະເພາະພວກອາຈານສອນສິລະປະສາດ
ເຊັ່ນສາຂາການເມືອງ ກ່າວວ່າ ພວກເຂົາເຈົ້າແມ່ນຢູ່ພາຍໃຕ້
ການຈັບຕາເບິ່ງໂດຍລັດຖະບານທະຫານ ໃນການຫລຸດຜ່ອນ
ການໂຕ້ແຍ້ງດ້ານການເມືອງ ແລະ ເລື້ອງສິດທິມະນຸດ. ນັກຂ່າວ
Ron Corben ລາຍງານໃຫ້ວີໂອເອຊາບ ຈາກບາງກອກ ເລື້ອງ
ອັນທີ່ ບັນດານັກວິຊາການ ກ່າວວ່າ ເປັນ “ບັນຍາກາດຂອງ
ຄວາມຢ້ານກົວ”
ຢູ່ມະຫາວິທະຍາໄລທັງຫຼາຍ ຊຶ່ງໄຊຈະເລີນສຸກ
ຈະນຳເອົາລາຍລະອຽດ ມາສະເໜີທ່ານ.


ກຸ່ມສິ້ງຊອມສິດທິມະນຸດ ທີ່ມີຫ້ອງການຕັ້ງຢູ່ໃນນະຄອນນິວຢອກ ກ່າວວ່າ ນັບຕັ້ງແຕ່
ກອງທັບຂອງໄທ ໄດ້ຍຶດເອົາອຳນາດ ໃນເດືອນພຶດສະພາ ປີ 2014 ເປັນຕົ້ນມາ, ປະ
ຊາຊົນຫຼາຍກວ່າ 750 ຄົນ ໄດ້ຖືກຮຽກ ໃຫ້ໄປລາຍງານໂຕຕໍ່ທາງການທະຫານ ເພື່ອ
ເຈລະຈາ ໃຫ້ປະນີປະນອມກັນ. ບັນດານັກການເມືອງ, ນັກເຄື່ອນໄຫວ ແລະ ນັກຂ່າວ
ທັງຫຼາຍ ຜູ້ມີຊື່ສຽງ ໄດ້ປະເຊີນໜ້າກັບການກ່າວຫາວ່າ ຕຳນິຕິຕຽນ ຫຼື ຄັດຄ້ານການ
ປົກຄອງຂອງທະຫານ.

ອາຈານຫຼາຍທ່ານ ຢູ່ຕາມມະຫາວິທະຍາໄລ ທີ່ດີເດັ່ນທີ່ສຸດຫຼາຍແຫ່ງ ຂອງປະເທດ
ກໍບໍ່ໄດ້ຖືກຍົກເວັ້ນ. ເຄືອຂ່າຍນັກເຄື່ອນໄຫວໃນທ້ອງຖິ່ນ, ທີ່ພວມສົນທະນາກັນເລື້ອງ
ການປະຕິຮູບກົດໝາຍທາງອິນເຕີເນັດ ຕ່າງກໍກ່າວວ່າ ໃນບັນດາ 750 ຄົນ ທີ່ຖືກຄວບ
ຄຸມຕົວໄວ້ນັ້ນ ຢ່າງໜ້ອຍ 65 ຄົນ ທີ່ເປັນອາຈານບັນລະຍາຍ ແລະອາຈານສອນຢູ່ທີ່
ມະຫາວິທະຍາໄລ ໄດ້ຖືກຮຽກໂຕເຂົ້າພົບ ເພື່ອ ອັນທີ່ໝາຍເຖິງ “ການພົບປະເພື່ອ
ການດັດປ່ຽນທັດສະນະ.”

ທ່ານ Titipol Phakdeewanich ເປັນອາຈາບັນລະຍາຍດ້ານລັດຖະສາດ ຢູ່ທີ່ມະຫາ
ວິທະຍາໄລອຸບົນຣາຊະທານີ ໃນພາກຕາເວັນອອກສຽງເໜືອ ຂອງໄທ ຊຶ່ງເປັນທີ່ໝັ້ນ
ຂອງບັນດາຜູ້ສະໜັບສະໜູນ ອະດີດນາຍົກລັດຖະມົນຕີ ຂອງໄທ ທ່ານນາງຢິ້ງລັກ
ຊິນນະວັດ ຊຶ່ງລັດຖະບານຂອງຜູ້ກ່ຽວ ໄດ້ຖືກໂຄ່ນລົ້ມ ເມື່ອເດືອນພຶດສະພາ ປີ 2014.

ທ່ານທິຕິພົນ ກ່າວວ່າ ທະຫານກອງທັບບົກໄດ້ໄປມີໜ້າ ຢູ່ໃນຫ້ອງຮຽນແລະ ການສຳ
ມະນາ ຕ່າງໆ ເປັນປະຈຳລວມທັງງານຕ່າງໆທີ່ກ່ຽວພັນກັບພວກອົງການຈັດຕັ້ງສາກົນ.

ທ່ານທິຕິພົນ ເວົ້າວ່າ “ມັນເປັນບັນຍາກາດຊະນິດໜຶ່ງ ຂອງຄວາມຢ້ານກົວ ແລະການ
ຂູ່ເຂັນ ເພາະວ່າ ນັບຕັ້ງແຕ່ ຂ້າພະເຈົ້າຮູ້ເລື້ອງຄັ້ງທຳອິດວ່າ ໄດ້ຖືກຕິດຕາມ ຕໍ່ຈາກ
ນັ້ນມາຂ້າພະເຈົ້າກໍຄິດຢູ່ສະເໝີ ແມ່ນກະທັງໃນເວລາຂັບລົດຕອນຄ່ຳຄືນ ວ່າ ຈະຖືກ
ຢຸດໂດຍທະຫານ ອັນນີ້ ເປັນປະເພດຂອງຄວາມຢ້ານກົວ ຢູ່ໃນຄວາມຄິດ ຂອງຂ້າ
ພະເຈົ້າ ທີ່ເຮັດໃຫ້ຂ້າພະເຈົ້າ ມີຄວາມກັງວົນກ່ຽວກັບທຸກສິ່ງ ທຸກຢ່າງ ທີ່ຂ້າພະເຈົ້າ
ສິດສອນ.”

ໃນເດືອນຕຸລາປີກາຍນີ້ ນາຍົກລັດຖະມົນຕີໄທ ທ່ານປຣະຍຸດ ຈັນໂອຊາ ໄດ້ຕຳນິຕິຕຽນ
ບັນດາອາຈານມະຫາວິທະຍາໄລ ໂດຍກ່າວຫາພວກເພິ່ນວ່າ ເປັນຜູ້ຍຸຍົງໃຫ້ມີແນວຄິດ
ປະຕິວັດ ແລະດຳເນີນກິດຈະກຳຕ່າງໆພາຍໃນພວກນັກສຶກສາ.

ຫຼັງຈາກ ທ່ານປຣະຍຸດ ໄດ້ມີຄຳເຫັນແລ້ວ ບັນດາອາຈານ ໃນຈັງຫວັດຊຽງໃໝ່ ກໍໄດ້ສົ່ງ
ຖະແຫລງການສະບັບໜຶ່ງ ທີ່ກ່າວວ່າ “ມະຫາວິທະຍາໄລ ບໍ່ແມ່ນຄ້າຍທະຫານ” ແລະ
ຮຽກຮ້ອງໃຫ້ສະໜັບສະໜູນເສລີພາບຂອງການສະແດງອອກຄວາມຄິດເຫັນ ແລະການ
ອະພິປາຍຢູ່ທີ່ສະຖາບັນການສຶກສາຕ່າງໆ.

ບໍ່ດົນຫຼັງຈາກຕຳຫຼວດຈັງຫວັດຊຽງໃໝ່ ໄດ້ອອກໃບຮຽກໂຕ ພວກນັກວິຊາການສອງທ່ານ
ທີ່ກ່ຽວຂ້ອງແລ້ວ ກໍ່ໄດ້ເກີດມີການອະພິປາຍກັນ ກ່ຽວກັບເສລີພາບຢູ່ສະຖາບັນການສຶກ
ສາຕ່າງໆໃນປະເທດໄທ.

ທ່ານນາງ Pongkwan Sawasdipakee ອາຈານບັນລະຍາຍ ຢູ່ທີ່ພະແນກລັດຖະສາດ
ຂອງມະຫາວິທະຍາໄລ ທຳມະສາດ ກ່າວວ່າ ໃນປັດຈຸບັນ ການຄວບຄຸມ ການອະພິປາຍ
ຢ່າງເປີດເຜີຍ ໄດ້ເຮັດໃຫ້ມີການເນັ້ນຄວາມສຳຄັນຫຼາຍຂຶ້ນຕື່ມ ໃຫ້ແກ່ບັນດານັກວິຊາ
ການເພື່ອໃຫ້ໄດ້ສົນທະນາກັນ ເລື້ອງການເມືອງຂອງປະເທດ.

ທ່ານນາງ Pongkwan ເວົ້າວ່າ “ເວລາພວກເຮົາ ຢູ່ພາຍໃຕ້ການປົກຄອງ ຂອງລັດຖະ
ບານທະຫານ ພວກເຮົາບໍ່ສາມາດອອກຄວາມຄິດເຫັນໄດ້ຢ່າງຊັດແຈ້ງ ພວກເຮົາມີ
ແນວໂນ້ມທີ່ຈະຂໍໃຫ້ບັນດານັກວິຊາການໃຫ້ມີພື້ນທີ່ ເພື່ອຈະເວົ້າກ່ຽວກັບເລື້ອງນັ້ນ
ແລະພວກເຮົາກໍຈະເອີ້ນມັນວ່າ ເສລີພາບດ້ານການສຶກສາ ເພາະວ່າພວກເຮົາເຊື່ອ
ວ່າ ສະຖາບັນການສຶກສາຄວນມີພື້ນທີ່ ຫຼາຍກວ່າຄົນອື່ນໆ ຫຼາຍກວ່າພົນລະເມືອງ
ທົ່ວໄປ ເພື່ອໃຫ້ໄດ້ອອກຄວາມຄິດເຫັນ. ຖ້າພວກເຮົາຢາກອະພິປາຍ ກ່ຽວກັບສິດ
ເສລີພາບໃນການອອກຄວາມຄິດເຫັນ ພວກເຮົາບໍ່ຄວນເວົ້າເຖິງ ແຕ່ສິດເສລີພາບ
ໃນດ້ານການສຶກສາເທົ່ານັ້ນ ໂດຍປາດສະຈາກ ສິດເສລີພາບ ໃນການອອກຄວາມ
ຄິດເຫັນ.”

ອົງການ Freedom House ຊຶ່ງເປັນອົງການສິ້ງຊອມອິດສະລະຂອງອາເມຣິກາ ທີ່ຕິດ
ຕາມເບິ່ງສິດເສລີພາບໃນທົ່ວໂລກ ໄດ້ລົດຄະແນນ ສະຖານະພາບຂອງປະເທດລົງຮອດ
ວ່າ “ບໍ່ເສລີ” ລວມທັງສື່ມວນຊົນ ແລະ ສື່ສັງຄົມຂອງປະເທດນຳດ້ວຍ.

ບົດລາຍງານຫຼ້າສຸດຂອງອົງການ Freedom House ໄດ້ລາຍງານວ່າ ຄະນະຮັກສາ
ຄວາມສະຫງົບແຫ່ງຊາດ ຫລື NCPO ຂອງລັດຖະບານທະຫານ ໄດ້ຮຽກໂຕປະຊາຊົນ
ຫຼາຍກວ່າ 400 ຄົນເພື່ອໄປ “ສອບປາກຄຳ” ກ່ຽວກັບກິຈະກຳຕ່າງໆທາງ online ຫຼື
ທາງອິນເຕີເນັດ ຂອງພວກເຂົາເຈົ້າ.

ທ່ານ Ekachai Chaninuvati ຮອງຜູ້ອຳນວຍການພະແນກກົດໝາຍ ຢູ່ທີ່ມະຫາວິທະ
ຍາໄລ ສະຍາມ ກ່າວວ່າ ບັນຫາທາງການເມືອງຕ່າງໆຂອງໄທ ບໍ່ສາມາດແກ້ໄຂໄດ້ ໂດຍ
ທາງດ້ານທະຫານ ພຽງລຳພັງ ແຕ່ດ້ວຍການສິ້ນສຸດຄວາມສົງໄສ ທີ່ເພີ້ມຂຶ້ນ ລະຫວ່າງ
ທະຫານ ກັບ ຊຸມຊົນໂດຍສ່ວນໃຫຍ່.

ທ່ານ Ekachai ເວົ້າວ່າ “ເປັນຫຍັງຄົນໄທຈ່ຶງບໍ່ຄິດວ່າ ພວກເຮົາຕ້ອງຢູ່ແຕ່ທີ່ແຫ່ງນີ້
ພວກເຮົາຕ້ອງອາໄສຢູ່ທີ່ແຫ່ງນີ້ ແລະ ບັນຫານີ້ ຫຼື ບັນຫາອັນໃດກໍຕາມ ທີ່ພວກເຂົາ
ເຈົ້າ ຄິດວ່າພວກເຂົາມີ ຈະບໍ່ເຮັດຕາມ ຫຼື ຈະບໍ່ແກ້ໄຂ ຖ້າພວກເຮົາມີຄວາມຄິດ ທີ່
ແຕກຕ່າງກັນ. ຖ້າທະຫານຍັງຄິດວ່າ ພວກເຂົາເຈົ້າແຕກຕ່າງກັນກັບປະຊາຊົນ ແລະ
ຖ້າປະຊາຊົນຍັງຄິດວ່າ ພວກເຂົາເຈົ້າແມ່ນແຕກຕ່າງຈາກທະຫານ. ອັນນັ້ນ ມັນກໍຈະ
ບໍ່ໄປບໍ່ມາທາງໃດເລີຍ.”


ໃນການກ່າວຄຳປາໄສ ທ້າຍປີ ທີ່ຖ່າຍທອດໄປທົ່ວປະເທດນັ້ນ ນາຍົກລັດຖະມົນຕີ ປຣະຍຸດ
ໄດ້ເຕືອນຊາວໄທວ່າ ການຍຶດອຳນາດໂດຍທະຫານ ແມ່ນເພື່ອປະຕິຮູບປະເທດ ແລະ
ຮ່າງລັດຖະທຳມະນູນສະບັບໃໝ່. ທ່ານໄດ້ກ່າວວ່າ ທ່ານຄາດໝາຍວ່າ ປະຊາທິປະໄຕ
ຈະຫວນກັບຄືນປະເທດ ຫຼັງຈາກ ການເລືອກຕັ້ງໃໝ່ ທີ່ຄາດກັນໄວ້ໃນກາງເດືອນ ປີ 2017.

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG