ທາງການໄທສະແດງຫຼັກຖານຕໍ່ທາງການລາວເພື່ອຢັ້ງຢືນວ່າ
ຊ້າງປ່າເພດຜູ້ທີ່ອົບພະຍົບຂ້າມແມ່ນໍ້າຂອງຈາກຝັ່ງລາວໄປ
ໄທນັ້ນເປັນຊ້າງໄທ ໂດຍທີ່ທາງການລາວບໍ່ໄດ້ສະແດງການ
ໂຕ້ແຍ້ງແຕ່ຢ່າງໃດ.
ສືບເນື່ອງຈາກກໍລະນີຊ້າງປ່າຈໍານວນ 5 ຕົວໄດ້ພາກັນອົບພະ
ຍົບຂ້າມແມ່ນໍ້າຂອງ ຈາກເຂດແຂວງບໍລິຄໍາໄຊຂອງລາວ ເຂົ້າ
ໄປໃນເຂດອໍາເພີບ້ານແພງຈັງຫວັດນະຄອນພະນົມໃນພາກ
ອີສານຂອງໄທ ນັບແຕ່ວັນທີ່ 11 ມີນາທີ່ຜ່ານມາ ແລະຈົນເຖິງ
ຂະນະນີ້ ກໍປາກົດວ່າຊ້າງຈໍານວນ 4 ຕົວໄດ້ພາກັນຂ້າມແມ່ນໍ້າ
ຂອງແລະກັບຄືນໄປຢູ່ໃນເຂດປ່າສະຫງວນພູງູໃນເຂດແຂວງ
ບໍລິຄໍາໄຊຂອງລາວດັ່ງເດີມແລ້ວນັ້ນ ຫາກແຕ່ບັນຫາໃນເວລາ
ນີ້ ກໍຄືຊ້າງປ່າເພດຜູ້ຕົວໃຫຍ່ທີ່ສຸດໃນຝຸງດັ່ງກ່າວນີ້ກໍຍັງຄົງບໍ່ກັບຄືນໄປເຂດລາວ ແຕ່ຢ່າງ
ໃດ ໂດຍໄດ້ເຂົ້າໄປອາໃສຢູ່ໃນເຂດປ່າສະຫງວນແຫ່ງຊາດພູງົວ ຊຶ່ງຕັ້ງຢູ່ລະຫວ່າງຈັດ
ຫວັດ ນະຄອນພະນົມກັບຈັງຫວັດບຶງການຂອງໄທເລື້ອຍມາຈົນເຖິງປັດຈຸບັນ.
ຊຶ່ງດ້ວຍບັນຫາດັ່ງກ່າວນີ້ ຈຶ່ງເຮັດໃຫ້ຄະນະຜູ້ແທນຂອງລັດຖະບານລາວພາຍໃຕ້ການນໍາ
ຂອງທ່ານຄໍາພັນ ນັນທະວົງ ຫົວໜ້າກົມຄຸ້ມຄອງຊັບພະຍາກອນທໍາມະຊາດ ພ້ອມກັບ
ທ່ານສີສົມພອນ ສຸດທິຈັກ ຫົວໜ້າຜະແນກຄຸ້ມຄອງຊັບພະຍາກອນທໍາມະຊາດຂອງແຂວງ
ບໍລິຄໍາໄຊ ໄດ້ເດີນທາງໄປພົບປະເຈລະຈາຮ່ວມກັບຄະນະເຈົ້າໜ້າທີ່ຂອງສໍານັກງານອະ
ນຸລັກຊັບພະຍາກອນທໍາມະຊາດແລະສັດປ່າເຂດ 10 ທີ່ຮັບຜິດຊອບພື້ນທີ່ ໃນເຂດພາກ
ອີສານຂອງໄທໃນທ້າຍອາທິດກ່ອນ ໂດຍຄະນະ ເຈົ້າໜ້າທີ່ຂອງໄທໄດ້ຢືນຢັນວ່າ ຊ້າງປ່າ
ເພດຜູ້ຕົວດັ່ງກ່າວນີ້ເປັນຊ້າງໄທ ທີ່ຂ້າມໄປຫາກິນແລະຜະສົມພັນຢູ່ໃນເຂດລາວ ນັບຕັ້ງ
ແຕ່ປີ 2010 ເປັນຕົ້ນມາ ແລະໃນ ການເຈລະຈາດັ່ງກ່າວນີ້ ທາງຝ່າຍໄທກໍໄດ້ສະແດງ ພະຍານຫຼັກຖານເປັນພາບທີ່ ບັນທຶກໄວ້ດ້ວຍກ້ອງ VDO ຕໍ່ຝ່າຍລາວດ້ວຍ ຊຶ່ງກໍປາກົດ
ວ່າ ທາງການລາວບໍ່ໄດ້ ສະແດງການໂຕ້ແຍ້ງແຕ່ຢ່າງໃດ ດັ່ງທີ່ທ່ານທະວີບ ຄໍາແພງເມືອງ
ຫົວໜ້າໜ່ວຍປ້ອງກັນສັດປ່າຂອງເຂດປ່າສະຫງວນແຫ່ງຊາດພູງົວ ໄດ້ໃຫ້ການຢືນຢັນວ່າ:
ເຈົ້າໜ້າທີ່ລາວຕິດຕາມເບິ່ງຊ້າງທີ່ຂ້າມໄປຝັ່ງໄທ
“ພາບວີດີໂອທີ່ເຮົາເຄີຍຖ່າຍໄວ້ເນາະ ປຽບທຽບກັບ
ພາບຊ້າງທີ່ເຮົາຖ່າຍຕອນທີ່ມັນຂ້າມມາເມື່ອອາທິດ
ທີ່ແລ້ວນີ້ ມາເບິ່ງກັນເນາະ ເມື່ອປຽບທຽບວ່ານຶ່ງຮູບ
ພັນ ສັນຖານ ແລະກໍລັກສະນະທ່າທາງຈົນກະທັ້ງວ່າ
ເຈົ້າໜ້າທີ່ລາວ ເຂົາກໍເບິ່ງດ້ວຍຄວາມສົນໃຈເນາະ ເສັດແລ້ວເຈົ້າໜ້າທີ່ລາວກໍບໍ່ວ່າຫຍັງ ບໍ່ໄດ້ສະແດງ
ຄວາມຄິດເຫັນຫຍັງ ແຕ່ເຮົາມີພາບຢືນຢັນແລ້ວເຮົາ
ກໍຕອບໄປວ່າ ຊ້າງຕົວນີ້ ເດີມນັ້ນ ມັນເຄີຍຢູ່ເຂດຮັກ
ສາພັນສັດປ່າແຫ່ງນີ້ ແລະກໍຂ້າມໄປຝັ່ງລາວ ເມື່ອ
ສາມປີທີ່ແລ້ວ ແລ້ວມັນກໍເດີນທາງກັບມາທີ່ເກົ່າຂອງມັນກໍຮຽນຢືນຢັນໄປ
ຕາມນັ້ນ.”
ຊ້າງປ່າເພດຜູ້ຕົວດັ່ງກ່າວມີຄວາມສູງເຖິງ 3 ແມັດແລະໜັກເກີນກວ່າ 3 ໂຕນ ຫາກແຕ່
ກໍເປັນທີ່ໜ້າສັງເກດວ່າງວງຂອງຊ້າງມີບາດແຜນຄ້າຍຄືກັບຮອຍລູກປືນ ດ້ວຍເຫດນີ້
ຈຶ່ງເຮັດໃຫ້ເຈົ້າໜ້າທີ່ຂອງໄທເຊື່ອວ່າ ສາເຫດທີ່ເຮັດໃຫ້ຊ້າງປ່າຕ້ອງອົບພະຍົບຂ້າມ
ແມ່ນໍ້າຂອງຈາກຝັ່ງລາວໄປໄທ ກໍຍ້ອນວ່າຖືກຕາມລ່າ ໂດຍກຸ່ມນັກຄ້າສັດປ່າໃນລາວ
ນັ້ນເອງ ຫາກແຕ່ວ່າຄະນະເຈົ້າໜ້າທີ່ຂອງທາງການລາວກໍໄດ້ໃຫ້ການ ຢືນຢັນວ່າບໍ່ມີ
ບັນຫາການລ່າຊ້າງປ່າຢູ່ໃນເຂດແຂວງບໍລິຄໍາໄຊ ແລະບາດແຜທີ່ງວງຊ້າງຜູ້ນັ້ນກໍເປັນ
ບາດແຜເກົ່າ ທີ່ເກີດຈາກການຫາກິນຕາມທໍາມະຊາດເທົ່ານັ້ນ.
ບຸນຊ້າງຄັ້ງທີ 7 ຢູ່ເມືອງໄຊຍະບູລີ
ກ່ອນໜ້ານີ້ ອົງການອະນະລັກຊ້າງໃນເອເຊຍ (ElefantAsia)
ລາຍງານວ່າຈໍານວນປະຊາກອນຊ້າງຢູ່ໃນລາວຍັງຄົງຫຼຸດລົງ
ຢ່າງຕໍ່ເນື່ອງ ໂດຍຈາກການເກັບກໍາຂໍ້ມູນຫລ້າສຸດ ເຮັດໃຫ້
ສາມາດປະເມີນໄດ້ວ່າໃນປັດຈຸບັນຍັງມີປະຊາກອນຊ້າງບ້ານ
ເຫຼືອຢູ່ໃນລາວພຽງແຕ່ບໍ່ເກີນ 470 ໂຕເທົ່ານັ້ນ ສ່ວນປະຊາ
ກອນຊ້າງປ່ານັ້ນ ກໍເຊື່ອວ່າມີຈໍານວນໜ້ອຍກວ່າຊ້າງບ້ານ
ຢ່າງແນ່ນອນ ເນື່ອງຈາກວ່າ ຊ້າງປ່າຍັງຕ້ອງປະເຊີນກັບ
ການຖືກລ່າໂດຍກຸ່ມລັກລອບຄ້າສັດປ່າ ຢູ່ຕະຫຼອດເວລາ.
ຍິ່ງໄປກວ່ານັ້ນ ເມື່ອປະກອບກັບບັນຫາການຕັດໄມ້ທໍາລາຍປ່າຢ່າງໜັກໜ່ວງຢູ່ໃນທົ່ວ
ປະເທດລາວດ້ວຍແລ້ວ ກໍຍັງໄດ້ທໍາລາຍຖິ່ນທີ່ຢູ່ແລະແຫຼ່ງອາຫານຂອງຊ້າງແລະສັດປ່າ
ນາໆ ຊະນິດ ຊຶ່ງກໍໄດ້ສົ່ງຜົນກະທົບຕໍ່ເນື່ອງເຖິງການຜະສົມພັນ ຂອງສັດປ່າອີກດ້ວຍ
ໂດຍຜົນທີ່ຕິດຕາມມາກໍຄືປະຊາກອນຊ້າງປ່າໄດ້ຫລຸດຈໍານວນລົງຢ່າງຕໍ່ເນື່ອງ ແລະຖ້າ
ຫາກວ່າບັນຫາດັ່ງກ່າວນີ້ຍັງບໍ່ໄດ້ຮັບການແກ້ໄຂຢ່າງຈິງຈັງ ກໍເຊື່ອວ່າຊ້າງປ່າໃນລາວ
ຈະສູນພັນໄປພາຍໃນ 50 ປີ ຢ່າງແນ່ນອນ.
ຊ້າງປ່າເພດຜູ້ທີ່ອົບພະຍົບຂ້າມແມ່ນໍ້າຂອງຈາກຝັ່ງລາວໄປ
ໄທນັ້ນເປັນຊ້າງໄທ ໂດຍທີ່ທາງການລາວບໍ່ໄດ້ສະແດງການ
ໂຕ້ແຍ້ງແຕ່ຢ່າງໃດ.
ສືບເນື່ອງຈາກກໍລະນີຊ້າງປ່າຈໍານວນ 5 ຕົວໄດ້ພາກັນອົບພະ
ຍົບຂ້າມແມ່ນໍ້າຂອງ ຈາກເຂດແຂວງບໍລິຄໍາໄຊຂອງລາວ ເຂົ້າ
ໄປໃນເຂດອໍາເພີບ້ານແພງຈັງຫວັດນະຄອນພະນົມໃນພາກ
ອີສານຂອງໄທ ນັບແຕ່ວັນທີ່ 11 ມີນາທີ່ຜ່ານມາ ແລະຈົນເຖິງ
ຂະນະນີ້ ກໍປາກົດວ່າຊ້າງຈໍານວນ 4 ຕົວໄດ້ພາກັນຂ້າມແມ່ນໍ້າ
ຂອງແລະກັບຄືນໄປຢູ່ໃນເຂດປ່າສະຫງວນພູງູໃນເຂດແຂວງ
ບໍລິຄໍາໄຊຂອງລາວດັ່ງເດີມແລ້ວນັ້ນ ຫາກແຕ່ບັນຫາໃນເວລາ
ນີ້ ກໍຄືຊ້າງປ່າເພດຜູ້ຕົວໃຫຍ່ທີ່ສຸດໃນຝຸງດັ່ງກ່າວນີ້ກໍຍັງຄົງບໍ່ກັບຄືນໄປເຂດລາວ ແຕ່ຢ່າງ
ໃດ ໂດຍໄດ້ເຂົ້າໄປອາໃສຢູ່ໃນເຂດປ່າສະຫງວນແຫ່ງຊາດພູງົວ ຊຶ່ງຕັ້ງຢູ່ລະຫວ່າງຈັດ
ຫວັດ ນະຄອນພະນົມກັບຈັງຫວັດບຶງການຂອງໄທເລື້ອຍມາຈົນເຖິງປັດຈຸບັນ.
ຊຶ່ງດ້ວຍບັນຫາດັ່ງກ່າວນີ້ ຈຶ່ງເຮັດໃຫ້ຄະນະຜູ້ແທນຂອງລັດຖະບານລາວພາຍໃຕ້ການນໍາ
ຂອງທ່ານຄໍາພັນ ນັນທະວົງ ຫົວໜ້າກົມຄຸ້ມຄອງຊັບພະຍາກອນທໍາມະຊາດ ພ້ອມກັບ
ທ່ານສີສົມພອນ ສຸດທິຈັກ ຫົວໜ້າຜະແນກຄຸ້ມຄອງຊັບພະຍາກອນທໍາມະຊາດຂອງແຂວງ
ບໍລິຄໍາໄຊ ໄດ້ເດີນທາງໄປພົບປະເຈລະຈາຮ່ວມກັບຄະນະເຈົ້າໜ້າທີ່ຂອງສໍານັກງານອະ
ນຸລັກຊັບພະຍາກອນທໍາມະຊາດແລະສັດປ່າເຂດ 10 ທີ່ຮັບຜິດຊອບພື້ນທີ່ ໃນເຂດພາກ
ອີສານຂອງໄທໃນທ້າຍອາທິດກ່ອນ ໂດຍຄະນະ ເຈົ້າໜ້າທີ່ຂອງໄທໄດ້ຢືນຢັນວ່າ ຊ້າງປ່າ
ເພດຜູ້ຕົວດັ່ງກ່າວນີ້ເປັນຊ້າງໄທ ທີ່ຂ້າມໄປຫາກິນແລະຜະສົມພັນຢູ່ໃນເຂດລາວ ນັບຕັ້ງ
ແຕ່ປີ 2010 ເປັນຕົ້ນມາ ແລະໃນ ການເຈລະຈາດັ່ງກ່າວນີ້ ທາງຝ່າຍໄທກໍໄດ້ສະແດງ ພະຍານຫຼັກຖານເປັນພາບທີ່ ບັນທຶກໄວ້ດ້ວຍກ້ອງ VDO ຕໍ່ຝ່າຍລາວດ້ວຍ ຊຶ່ງກໍປາກົດ
ວ່າ ທາງການລາວບໍ່ໄດ້ ສະແດງການໂຕ້ແຍ້ງແຕ່ຢ່າງໃດ ດັ່ງທີ່ທ່ານທະວີບ ຄໍາແພງເມືອງ
ຫົວໜ້າໜ່ວຍປ້ອງກັນສັດປ່າຂອງເຂດປ່າສະຫງວນແຫ່ງຊາດພູງົວ ໄດ້ໃຫ້ການຢືນຢັນວ່າ:
“ພາບວີດີໂອທີ່ເຮົາເຄີຍຖ່າຍໄວ້ເນາະ ປຽບທຽບກັບ
ພາບຊ້າງທີ່ເຮົາຖ່າຍຕອນທີ່ມັນຂ້າມມາເມື່ອອາທິດ
ທີ່ແລ້ວນີ້ ມາເບິ່ງກັນເນາະ ເມື່ອປຽບທຽບວ່ານຶ່ງຮູບ
ພັນ ສັນຖານ ແລະກໍລັກສະນະທ່າທາງຈົນກະທັ້ງວ່າ
ເຈົ້າໜ້າທີ່ລາວ ເຂົາກໍເບິ່ງດ້ວຍຄວາມສົນໃຈເນາະ ເສັດແລ້ວເຈົ້າໜ້າທີ່ລາວກໍບໍ່ວ່າຫຍັງ ບໍ່ໄດ້ສະແດງ
ຄວາມຄິດເຫັນຫຍັງ ແຕ່ເຮົາມີພາບຢືນຢັນແລ້ວເຮົາ
ກໍຕອບໄປວ່າ ຊ້າງຕົວນີ້ ເດີມນັ້ນ ມັນເຄີຍຢູ່ເຂດຮັກ
ສາພັນສັດປ່າແຫ່ງນີ້ ແລະກໍຂ້າມໄປຝັ່ງລາວ ເມື່ອ
ສາມປີທີ່ແລ້ວ ແລ້ວມັນກໍເດີນທາງກັບມາທີ່ເກົ່າຂອງມັນກໍຮຽນຢືນຢັນໄປ
ຕາມນັ້ນ.”
ຊ້າງປ່າເພດຜູ້ຕົວດັ່ງກ່າວມີຄວາມສູງເຖິງ 3 ແມັດແລະໜັກເກີນກວ່າ 3 ໂຕນ ຫາກແຕ່
ກໍເປັນທີ່ໜ້າສັງເກດວ່າງວງຂອງຊ້າງມີບາດແຜນຄ້າຍຄືກັບຮອຍລູກປືນ ດ້ວຍເຫດນີ້
ຈຶ່ງເຮັດໃຫ້ເຈົ້າໜ້າທີ່ຂອງໄທເຊື່ອວ່າ ສາເຫດທີ່ເຮັດໃຫ້ຊ້າງປ່າຕ້ອງອົບພະຍົບຂ້າມ
ແມ່ນໍ້າຂອງຈາກຝັ່ງລາວໄປໄທ ກໍຍ້ອນວ່າຖືກຕາມລ່າ ໂດຍກຸ່ມນັກຄ້າສັດປ່າໃນລາວ
ນັ້ນເອງ ຫາກແຕ່ວ່າຄະນະເຈົ້າໜ້າທີ່ຂອງທາງການລາວກໍໄດ້ໃຫ້ການ ຢືນຢັນວ່າບໍ່ມີ
ບັນຫາການລ່າຊ້າງປ່າຢູ່ໃນເຂດແຂວງບໍລິຄໍາໄຊ ແລະບາດແຜທີ່ງວງຊ້າງຜູ້ນັ້ນກໍເປັນ
ບາດແຜເກົ່າ ທີ່ເກີດຈາກການຫາກິນຕາມທໍາມະຊາດເທົ່ານັ້ນ.
ກ່ອນໜ້ານີ້ ອົງການອະນະລັກຊ້າງໃນເອເຊຍ (ElefantAsia)
ລາຍງານວ່າຈໍານວນປະຊາກອນຊ້າງຢູ່ໃນລາວຍັງຄົງຫຼຸດລົງ
ຢ່າງຕໍ່ເນື່ອງ ໂດຍຈາກການເກັບກໍາຂໍ້ມູນຫລ້າສຸດ ເຮັດໃຫ້
ສາມາດປະເມີນໄດ້ວ່າໃນປັດຈຸບັນຍັງມີປະຊາກອນຊ້າງບ້ານ
ເຫຼືອຢູ່ໃນລາວພຽງແຕ່ບໍ່ເກີນ 470 ໂຕເທົ່ານັ້ນ ສ່ວນປະຊາ
ກອນຊ້າງປ່ານັ້ນ ກໍເຊື່ອວ່າມີຈໍານວນໜ້ອຍກວ່າຊ້າງບ້ານ
ຢ່າງແນ່ນອນ ເນື່ອງຈາກວ່າ ຊ້າງປ່າຍັງຕ້ອງປະເຊີນກັບ
ການຖືກລ່າໂດຍກຸ່ມລັກລອບຄ້າສັດປ່າ ຢູ່ຕະຫຼອດເວລາ.
ຍິ່ງໄປກວ່ານັ້ນ ເມື່ອປະກອບກັບບັນຫາການຕັດໄມ້ທໍາລາຍປ່າຢ່າງໜັກໜ່ວງຢູ່ໃນທົ່ວ
ປະເທດລາວດ້ວຍແລ້ວ ກໍຍັງໄດ້ທໍາລາຍຖິ່ນທີ່ຢູ່ແລະແຫຼ່ງອາຫານຂອງຊ້າງແລະສັດປ່າ
ນາໆ ຊະນິດ ຊຶ່ງກໍໄດ້ສົ່ງຜົນກະທົບຕໍ່ເນື່ອງເຖິງການຜະສົມພັນ ຂອງສັດປ່າອີກດ້ວຍ
ໂດຍຜົນທີ່ຕິດຕາມມາກໍຄືປະຊາກອນຊ້າງປ່າໄດ້ຫລຸດຈໍານວນລົງຢ່າງຕໍ່ເນື່ອງ ແລະຖ້າ
ຫາກວ່າບັນຫາດັ່ງກ່າວນີ້ຍັງບໍ່ໄດ້ຮັບການແກ້ໄຂຢ່າງຈິງຈັງ ກໍເຊື່ອວ່າຊ້າງປ່າໃນລາວ
ຈະສູນພັນໄປພາຍໃນ 50 ປີ ຢ່າງແນ່ນອນ.
