ລິ້ງ ສຳຫລັບເຂົ້າຫາ

ວັນເສົາ, ໒໒ ມິຖຸນາ ໒໐໒໔

ບັນທຶກ ກ່ຽວກັບ ການຍິງກັນຢູ່ໂຮງຮຽນໃນລັດ ເທັກຊັສ ອາດຖືກກີດກັນ ໂດຍຊ່ອງຫວ່າງທ່າງກົດໝາຍ


ຫົວໜ້າຕຳຫຼວດໂຮງຮຽນເມືອງ ຢູວາລເດ ທ່ານ ພີດ ອາເຣດອນໂດ, ທີສາມຈາກຂວາ, ຢືນໃນລະຫວ່າງກອງປະຊຸມຖະແຫຼງຂ່າວ ຢູ່ນອກໂຮງຮຽນປະຖົມ ຣອບ, ເມືອງຢູວາລເດ, ລັດ ເທັກຊັສ. 26 ພຶດສະພາ, 2022.
ຫົວໜ້າຕຳຫຼວດໂຮງຮຽນເມືອງ ຢູວາລເດ ທ່ານ ພີດ ອາເຣດອນໂດ, ທີສາມຈາກຂວາ, ຢືນໃນລະຫວ່າງກອງປະຊຸມຖະແຫຼງຂ່າວ ຢູ່ນອກໂຮງຮຽນປະຖົມ ຣອບ, ເມືອງຢູວາລເດ, ລັດ ເທັກຊັສ. 26 ພຶດສະພາ, 2022.

ໃນຂະນະທີ່ຄວາມກົດດັນຈາກສາທາລະນະ​ຊົນໄດ້ເພີ່ມຂຶ້ນສຳລັບຂໍ້ມູນເພີ່ມເຕີມ ກ່ຽວກັບ ການຍິງກັນຢູ່ໂຮງຮຽນ ຢູວາລເດ ຢ່າງຮ້າຍແຮງນັ້ນ, ບາງຄົນມີ ຄວາມເປັນຫ່ວງວ່າພວກເຈົ້າໜ້າທີ່ລັດເທັກຊັສ ຈະໃຊ້ຊ່ອງຫວ່າງທາງກົດ ໝາຍ ເພື່ອກີດກັ້ນບໍ່ໃຫ້ເປີດເຜີຍບັນທຶກ ແມ່ນກະທັ້ງຕໍ່ບັນດາຄອບຄົວ ຂອງຜູ້ເຄາະຮ້າຍເວລາທີ່ຄະດີໄດ້ປິດລົງ.

ນັບຕັ້ງແຕ່ການຍິງກັນໃນວັນທີ 24 ພຶດສະພາຢູ່ໂຮງຮຽນປະຖົມແຫ່ງນຶ່ງໃນລັດ ເທັກຊັສ ທີ່ໄດ້ເຮັດໃຫ້ເດັກນ້ອຍ 19 ຄົນ ແລະ ນາຍຄູ 2​ ຄົນເສຍຊີວິດນັ້ນ, ພວກເຈົ້າໜ້າທີ່ບັງຄັບໃຊ້ກົດໝາຍໄດ້ໃຫ້ຂໍ້ມູນພຽງໜ້ອຍດຽວ ຫຼື ຂັດແຍ້ງກັນ, ບາງຄັ້ງໄດ້ຖອນຖະແຫຼງການພຽງບໍ່ເທົ່າໃດຊົ່ວໂມງຫຼັງຈາກໄດ້ກ່າວໄປ. ຕຳຫຼວດລັດໄດ້ກ່າວວ່າ ເຫດ ຜົນບາງອັນແມ່ນຢູ່ໃນຂັ້ນຕົ້ນ ແລະ ອາດປ່ຽນ ແປງໃນຂະນະທີ່ຜູ້ເຫັນເຫດການໄດ້ຖືກສຳພາດຫຼາຍຂຶ້ນ.

ຄຳຖາມຈຳນວນຫຼາຍແມ່ນຍັງບໍ່ທັນໄດ້ຖືກຕອບໂດຍພວກເຈົ້າໜ້າທີ່ວ່າ: ເປັນຫຍັງຈຶ່ງໃຊ້ເວລາດົນກວ່ານຶ່ງຊົ່ວໂມງທີ່ຈະເຂົ້າໄປໃນຫ້ອງຮຽນ ແລະ ປະເຊີນໜ້າກັບມືປືນ? ກ້ອງຕິດໂຕຂອງເຂົາເຈົ້າໄດ້ສະແດງໃຫ້ເຫັນຫຍັງແດ່? ພວກເຈົ້າໜ້າທີ່ບັງຄັບໃຊ້ກົດໝາຍສື່ສານກັນ ແລະ ກັບຜູ້ເຄາະຮ້າຍແນວ ໃດໃນລະຫວ່າງການໂຈມຕີ? ແມ່ນຫຍັງໄດ້ເກີດຂຶ້ນເວລາທີ່ເຈົ້າໜ້າທີ່ ຫຼາຍສິບຄົນໄດ້ເຕົ້າໂຮມກັນຢູ່ນອກຫ້ອງຮຽນ, ແຕ່ໄດ້ຢຸດ​ຢູ່ບໍ່ເຂົ້າໄປຫາ ມືປືນ?

ພວກເຈົ້າໜ້າທີ່ໄດ້ປະຕິເສດທີ່ຈະເປີດເຜີຍລາຍລະອຽດເພີ່ມເຕີມ, ໂດຍອ້າງເຖິງ ການສືບສວນສອບສວນ. ໃນຈົດໝາຍທີ່ໄດ້ຮັບໃນວັນພະຫັດທີ່ຜ່ານມາໂດຍ ອົງການຂ່າວ AP ແລະ ສື່ມວນຊົນອື່ນໆນັ້ນ, ບໍລິສັດກົດໝາຍທີ່ເປັນຕົວແທນ ໃຫ້ເມືອງ ຢູວາລເດ ໄດ້ຂໍໃຫ້ຫ້ອງການທະນາຍຄວາມລັດ ເທັກຊັສ ທຳການ ຕັດສິນກ່ຽວກັບບັນທຶກທີ່ຖືກຮ້ອງຂໍ​ເອົາກ່ຽວກັບການຍິງກັນນັ້ນ, ໂດຍອ້າງເຖິງ ກົດໝາຍຂໍ້ທີ 52 ລວມທັງວັກທີ່ມີຊ່ອງຫວ່າງ ທີ່ເຂົາເຈົ້າເຊື່ອວ່າບັນທຶກ ໄດ້ຖືກຍົກເວັ້ນຈາກການຖືກເປີດເຜີຍ. ທ່າມກາງຄວາມມິດງຽບເພີ່ມຂຶ້ນ, ບັນດາທະນາຍຄວາມ ແລະ ຜູ້ສະໜັບສະໜູນສຳລັບຄອບຄົວຂອງຜູ້ເຄາະຮ້າຍ ແມ່ນໄດ້ເລີ່ມທີ່ຈະຢ້ານວ່າເຂົາເຈົ້າອາດຈະບໍ່ໄດ້ຮັບຄຳຕອບເລີຍ, ວ່າພວກເຈົ້າ ໜ້າທີ່ຈະປິດຄະດີ ແລະເພິ່ງ​ພາ​ອາ​ໄສຕໍ່ກົດໝາຍກ່ຽວ​ກັບຂໍ້ຍົກເວັ້ນການ​ເປີດ​ເຜີຍຂໍ້ມູນໃຫ້ສາທາລະນະຊົນ​ໃນລັດເທັກຊັສ ຮູ້ ເພື່ອ​ຈະກີດກັ້ນບໍ່​ໃຫ້ເປີດເຜີຍຂໍ້ມູນໃດໆຕໍ່ໄປ.

ສະມາຊິກກສະພາຕໍ່າສັງກັດພັກເດໂມແຄຣັດ ທ່ານ ໂຈ ມູດີ ຈາກເມືອງ ແອລ ປາໂຊ, ຜູ້ທີ່ໄດ້ນຳພາຄວາມພະຍາ ຍາມຫຼາຍຄັ້ງນັບຕັ້ງແຕ່ປີ 2017 ເປັນຕົ້ນມາ ເພື່ອແກ້ໄຂຊ່ອງຫວ່າງນັ້ນກ່າວວ່າ “ເຂົາເຈົ້າອາດທຳການ ຕັດສິນໃຈນັ້ນ, ເຂົາເຈົ້າບໍ່ຄວນມີທາງເລືອກນັ້ນ. ເພື່ອເຂົ້າໃຈກ່ຽວກັບ ສິ່ງທີ່ລັດຖະບານຂອງ ພວກເຮົາກຳລັງເຮັດ ແມ່ນບໍ່ຄວນຍາກຂະໜາດນັ້ນ ແລະ ຕອນນີ້ມັນແມ່ນຍາກ ຫຼາຍ.”

ການຍົກເວັ້ນຂອງກົດໝາຍຈະປົກປ້ອງຂໍ້ມູນຈາກການຖືກເປີດເຜີຍໃນຄະດີອາ ຊະຍາກຳທີ່ບໍ່ມີໃຜຖືກຕັດສິນໂທດ.

ອ່ານຂ່າວນີ້ເປັນພາສາອັງກິດ

XS
SM
MD
LG