ລິ້ງ ສຳຫລັບເຂົ້າຫາ

logo-print

ການ​ໃຊ້ເຮືອ​ບິນ ບໍ່​ມີ​ຄົນ​ຂັບ ເປັນອາ​ວຸດ ຕ້ານ​ມາ​ເລ​ເຣຍ ຢູ່ແທນ​ຊາ​ເນຍ ທະ​ວີບ​ອາ​ຟ​ຣິ​ກາ


ຍຸງ​ທີ່​ນຳ​ເອົາ​ເຊື້​ອ​ພະ​ຍາດ​ມາ​ເລ​ເຣຍ ໄປ​ແຜ່​ຜາຍ (ພາບ​ຖ່າຍ​ໂດຍ​ອົງ​ການ​ຂ່າວ​ຣອຍ​ເຕີ, ວັນ​ທີ 23 ພະ​ຈິກ, 2015)

ເຮືອ​ບິນບໍ່​ມີ​ຄົນ​ຂັບ ​ກຳ​ລັງ​ຖືກ​ໃຊ້​ເປັນ​ອາ​ວຸດຊະ​ນິດ​ໃໝ່ ​ໃນ​ການ​ຕໍ່​ສູ້​ຕ້ານ​ກັບ​ໄຂ້​ມາ​ເລ​ເຣຍ ຫລື​ໄຂ້​ຍຸງ ຢູ່​ໃນ​ເກາະ ແຊນ​ຊີ​ບາ (Zanzibar). ໂດຍສະ​ເພາະແມ່ນ​ ຢູ່​ໃນບ້ານ ເຈ​ຈູ (Cheju) ນັ້ນ ເຮືອ​ບິນບໍ່​ມີ​ຄົນ​ຂັບ ກຳ​ລັງ​ເອົາ ຂອງ​ແຫລວທີ່​ມີທາດ​ຊີ​ລິ​ຄອນພົ່ນ​ໃສ່​ທີ່​ບ່ອນ​ທີ່​ມີນ້ຳ​ຂັງ​ໃນໄຮ່ນາ​ອັນກວ້າງໆ ​ທີ່​ເປັນ​ບ່ອນ​ທີ່ຍຸງ​ໄປ​ໄຂ່​ໃສ່. ມາ​ຣີແອມາ ດີຢາ​ໂລ (Mariama Diallo), ນັກ​ຂ່າວ​ຂອງວີ​ໂອ​ເອ ມີ​ລາຍ​ງານມາ​ກ່ຽວ​ກັບວິ​ທີ​ທີ່ປະ​ເທດ​ດັ່ງ​ກ່າວ​ໃຊ້​ວິ​ທີ​ການ​ໃໝ່​ນີ້ເພື່ອ​ສູ້​ກັບ​ພະ​ຍາດ​ດັ່ງ​ກ່າວ ຊຶ່ງ​ບົວ​ສະ​ຫວັນ ຈະ​ນຳມາ​ສະເຫນີ​ທ່ານ​ໃນອັນ​ດັບ​ຕໍ່​ໄປ.

ເຮືອ​ບິນບໍ່​ມີ​ຄົນ​ຂັບຄື​ແນວນນີ້ ກຳ​ລັງ​ພົ່ນສານ​ລະ​ລາຍ​ທີ່​ມີ​ທາດ​ສີ​ລິ​ຄອນ (silicon) ໃສ່​ເທິງ​ໜ້ານ້ຳ​ທີ່​ຂັງ​ຢູ່ ເພື່ອ​ເຮັດ​ໃຫ້ມັນ​ເກີດ​ມີຊັ້ນບາງໆ ທີ່​ໃນ​ທີ່​ສຸດ​ກໍ​ຈະ​ປ້ອງ​ກັນ​ບໍ່​ໃຫ້​ຍຸງສາມາດ​ເບາະໄຂ່ອອກ​ມາໄດ້.

ດ​ຣ. ບາດ​ທ໌ ໂນ​ລ​ສ໌ (Bart Knols) ເປັນນັກ​ວິ​ທະ​ຍາ​ສາດ​ດ້ານແມງ​ໄມ້ທີ່​ໃຊ້​ທາງ​ການ​ແພດ ແລະ​ເປັນ​ນັກ​ຄົ້ນ​ຄວ້າ​ນຳ​ພາທີມ​ງານ​ທີ່​ເຮັດ​ວຽກ​ກັບໂຄງ​ການລົບ​ລ້າງ​ພະ​ຍາດ​ມາ​ເລ​ເຣຍ​ຂອງເກາະແຊນ​ຊີ​ບາ (Zanzibar). ທ່ານ​ເວົ້າ​ວ່າ ວິ​ທີນີ້ ເຮັດ​ໃຫ້​ຈຳ​ນວນ​ຂອງ​ຍຸງ​ທີ່​ນຳ​ເອົາ​ໄຂ້​ຍຸງ​ ຫລືມາ​ເລ​ເຣຍ​ໄປ​ແຜ່​ຜາຍຫລຸດ​ລົງ​ໄດ້ ຢ່າງຫລວງ​ຫລາຍ​ຢູ່​ໃນ​ຂົງ​ເຂດ​ດັ່ງ​ກ່າວ.

ດ​ຣ. ໂນ​ລ​ສ໌ (Knols), ນັກ​ວິ​ທະ​ຍາ​ສາດ​ຕ້ານ​ພະ​ຍາດ​ມາ​ເລ​ເຣຍ​ກ່າວ​ວ່າ:
"ການ​ເຮັດ​ແນວນີ້ ຈະ​ໃຊ້​ເວ​ລາໄປ​ປະ​ມານ 3 ອາ​ທິດ, ບາງ​ເທື່ອ​ອາດຮອດ 4 ອາ​ທິດ, ຫລັງ​ຈາກນັ້ນສິ່ງຄວບ​ຄຸມທາງ​ຊີ​ວະ​ພາບຊຶ່​ງ​ເປັນແຜ່ນ​ບາງໆ ກໍຈະ​ແຕກ​ອອກ​ເອງ. //ຈາກນັ້ນ// ຫລັງຈາກ​ນຶ່ງ​ເດືອນຜ່ານ​ໄປ ທ່ານ​ອາດ​ຈະ​ເອົາ​ແຜ່ນ​ບາງໆນີ້​ ປົກໃສ່​ເທິງ​ໜ້າ​ນ້ຳ​ອີກ ແລະທ່ານ​ກໍ​ຈະ​ມີ​ຄວາມ​ສາ​ມາດຄວບ​ຄຸມ​ຍຸງ​ໄດ້​ຫລາຍ​ຂຶ້ນ."

ຖ້າ​ຫາກ​ປາ​ດ​ສະ​ຈາກຊັ້ນແຫລວໆ ທີ່​ວ່ານັ້ນແລ້ວ ໂຕດັກແດ້​ຍຸງກໍຈະ​ເຕີບ​ໂຕ​ກາຍ​ໄປ​ເປັນ​ຍຸງໃຫຍ່ທີ່​ຊອກ​ຫາ​ກິນ​ເລືອດ​ເພື່ອ​ເປັນ​ອາ​ຫານໄດ້. ເມື່ອ​ຍຸງ​ເຫລົ່າ​ນັ້ນ ກັດ​ຄົນ​ທີ່​ຕິດ​ເຊື້ອ​ພະ​ຍາດ​ມາ​ເລ​ເຣຍ ພວກມັນກໍ​ຈະ​ກາຍ​ເປັນ​ຕົວ​ນຳເຊື້ອ​ພະ​ຍາດ​ດັ່ງ​ກ່າວ ແລະ​ກໍ​ຈະເຮັດ​ໃຫ້​ມີວົງ​ວຽນແຫ່ງ​ການ​ແຜ່​ຜາຍສືບ​ຕໍ່​ໄປ​ຢ່າງ​ເປັນ​ອັນ​ຕະ​ລາຍ.

ຢູ່​ຕາມ​ແຄມ​ຝັ່ງ​ມະ​ຫາ​ສະ​ໝຸດ​ອິນ​ເດຍຂອງ​ທະ​ວີບ​ອາ​ຟ​ຣິ​ກາ​ຕາ​ເວັນ​ອອກ, ເກາະແຊນ​ຊີ​ບາ ແລະ​ແຜ່ນ​ດິນ​ໃຫຍ່ແທນ​ຊາ​ເນຍ ໄດ້​ທຳ​ການ​ຕໍ່​ສູ້ຕ້ານກັບພະ​ຍາດ​ມາ​ເລ​ເຣຍ ມາ​ເປັນ​ເວ​ລາ​ດົນ​ນານ​ແລ້ວ. ການ​ໃຊ້​ເຮືອ​ບິນບໍ່​ມີ​ຄົນ​ຂັບເປັນ​ວິ​ທີ​ທີ່​ດີ​ທີ່​ສຸດ ເພື່ອ​ແກ້​ໄຂ​ບັນ​ຫາ​ດັ່ງ​ກ່າວ, ອີງ​ຕາມ​ຄຳ​ເວົ້າ​ຂອງ​ທ່ານ ອັບ​ດູ​ລາ ອາ​ລີ (Abdula Ally) ຈາກໂຄງ​ການລົບ​ລ້າງ​ພະ​ຍາດ​ມາ​ເລ​ເຣຍຂອງແຊນ​ຊີ​ບາ (Zanzibar).

ທ່ານ​ກ່າວ​ດັ່ງ​ນີ້: “ໂດຍ​ໃຊ້​ການ​ຢັບ​ຢັ້ງ​ພະ​ຍາດ​ປະ​ເພດ​ທີ່​ໃຊ້​ມື​ເຮັດເອົາ ແລ້ວທ່ານ​ກໍ​ຈະ​ບໍ່​ສາ​ມາດ ທີ່​ຈະປົກ​ຄຸມ​ເອົາ​ເນື້ອ​ທີ່ ທີ່ກວ້າງກວ່ານັ້ນ​ໄດ້ ແຕ່​ວ່າວິ​ທີນີ້​ຈະ​ເຮັດ​ໃຫ້​ມີ​ຄວາມ ແຕກ​ຕ່າງກັນ.”​

ເດັກ​ນ້ອຍ​ຄົນ​ນຶ່ງ​ຖືກ​ສັກ​ຢາ​ກັນ​ພະ​ຍາດ​ໄຂ້​ມາ​ເລ​ເຣຍ​ໃນ​ປະ​ເທດ​ເຄນ​ຢາ (ພາບ​ຖ່າຍ​ໂດຍອົງ​ການ​ຂ່າວ AP)
ເດັກ​ນ້ອຍ​ຄົນ​ນຶ່ງ​ຖືກ​ສັກ​ຢາ​ກັນ​ພະ​ຍາດ​ໄຂ້​ມາ​ເລ​ເຣຍ​ໃນ​ປະ​ເທດ​ເຄນ​ຢາ (ພາບ​ຖ່າຍ​ໂດຍອົງ​ການ​ຂ່າວ AP)

ບັນ​ດາ​ເຈົ້າ​ໜ້າ​ທີ່​ເວົ້າ​ວ່າ ການ​ພົ່ນ​ທາດ​ແຫລວ​ໂດຍໃ​ຊ້ເຮືອ​ບິນບໍ່​ມີ​ຄົນ​ຂັບ ເປັນ​ວິ​ທີ​ການ​ທີ່​ຂ້ອນ​ຂ້າງ​ມີ​ຄ່າໃຊ້​ຈ່າຍຖືກ ເພື່ອ​ສະ​ກັດ​ກັ້ນ​ບໍ່​ໃຫ້​ຍຸງ​ແຜ່​ພັນ​ໄດ້.

ທ່ານ ກິດ​ໂດ ແວ​ລ​ເທີ, Guido Welter, ທີ່​ເຮັດ​ວຽກ​ຢູ່​ໃນ​ໂຄງ​ການເຮືອ​ບິນບໍ່​ມີ​ຄົນ​ຂັບສຳ​ລັບ​ພະ​ຍາດ​ມາ​ເລ​ເຣຍ​ເວົ້າ​ວ່າ:
“ເຮືອ​ບິນບໍ່​ມີ​ຄົນ​ຂັບສາ​ມາດ​ບິນ​ເຫວີ່ນ​ໃນ​ລະ​ດັບ​ຄວາມ​ໄວ​ທີ່​ພວກ​ເຮົາ​ດັດ​ປັບໄດ້, ໃນ 1 ເຮັກຕາ​ ໂດຍ​ການພົ່ນ​ທາດ​ແຫລວ 10 ລິດ ຈະ​ໃຊ້​ເວ​ລາ​ຢູ່ 3 ນາ​ທີ; ພວກ​ເຮົາ​ຄິດ​ໄລ່​ວ່າພາຍ​ໃນ​ນຶ່ງ​ຊົ່ວ​ໂມງ ພວກ​ເຮົາ​ສາ​ມາດ​ພົ່ນ​ໄດ້ 8 ເຮັກ​ຕາ.”

ອັນ​ນັ້ນ​ເທົ່າ​ກັນ​ກັບ​ຂະ​ໜາດ​ຂອງເດີ່ນ​ຫລິ້ນ​ກິ​ລາຣັກ​ບີ 8 ເດີ່ນ. ທ່ານ ແອດ​ດູ​ອາ​ໂຣ ໂຣ​ດິ​ເກ​ສ (Eduardo Rodriguez), ຜູ້​ຈັດ​ການ​ຝ່າຍ​ຜະ​ລິດ​ຕະ​ພັນສຳ​ລັບເຮືອ​ບິນບໍ່​ມີ​ຄົນ​ຂັບຂອງ​ບໍ​ລິ​ສັດດີ​ເຈ​ໄອ ອາ​ແກ​ຣັ​ສ (DJI Agras), ເວົ້າ​ວ່າ ໃນ​ຂະ​ນະທີ່ເຮືອ​ບິນບໍ່​ມີ​ຄົນ​ຂັບສາ​ມາດ​ທີ່​ຈະ​ປະ​ຕິ​ບັດ​ງານ​ໄດ້​ໂດຍ​ແບບ​ໃຊ້​ມືບັງ​ຄັບ​ເອົາ ມັນ​ກໍ​ຍັງ​ສາ​ມາດ​ເຮັດ​ວຽກແບບ​ຄວບ​ຄຸມ​ໂຕ​ເອງ​ໄດ້ຢ່າງ​ອັດ​ຕະ​ໂນ​ມັດ ເຊັ່​ນ​ກັນ.

ທ່ານ ໂຣ​ດິ​ເກ​ສ (Rodriguez), ກ່າວ​ດັ່ງ​ນີ້:
"ພວກ​ເຮົາ​ຍັງ​ສາ​ມາດບິນ​ແບບໃຫ້​ມັນ​ບິນຢ່າງ​ອັດ​ຕະ​ໂນ​ມັດໄດ້ຢ່າງ​ເຕັມ​ສ່ວນອີກ​ດ້ວຍ ຊຶ່ງ​ນັກ​ບິນ​ທີ່​ຮູ້​ຈັກ​ການ​ປະ​ສານ​ງານ​ທາງ GPS, ຮູ້​ຈັກຂົງ​ເຂດ​ທີ່​ຕ້ອງ​ການ​ໃຫ້​ພົ່ນ ແມ່ນສາ​ມາດເລືອກ​ເອົາ​ຂົງ​ເຂດນັ້ນ, ສາ​ມາດ​ເອົາ​ຂໍ້​ມູນ​ກ່ຽວ​ກັບວົງ​ລັດ​ສະ​ໝີຂອງ​ການ​ບິນ ແລະ​ຂອງ​ການ​ພົ່ນ​ສອງສາມ​ອັນເຂົ້າໃສ່​ໃນ​ນັ້ນ ແລະກໍພຽງ​ແຕ່​ກົດ 2 ປຸ່ມເທົ່ານັ້ນລະກໍ​ແລ້ວ.”

ອີງ​ຕາມ​ອົງ​ການ​ອະ​ນາ​ໄມ​ໂລກ, ເຮືອ​ບິນອາ​ຄວາ​ເທັນ ເອ​ເອັມ​ເອັ​ຟ (Aquatain AMF), ຊຶ່ງ​ເປັນ​ຜະ​ລິດ​ຕະ​ພັນທີ່​ຈະ​ໃຊ້​ໃນ​ການ​ພົ່ນທາດ​ແຫລວ​ທີ່​ວ່ານີ້, ແມ່ນ​ມີ​ຄວາມ​ປອດ​ໄພ ແລະ ມີ​ປະ​ສິດ​ທິ​ພາບ​ສູງເມື່ອ​ໃຊ້ມັນ​ໃຫ້​ຖືກ​ຕ້ອງ​ຕາມ​ຄຳ​ແນະ​ນຳ​ທີ່​ຂຽນ​ໄວ້ ຢູ່ໃນ​ສະ​ຫລາກຕິດ​ຢູ່ນັ້ນ.

ເບິ່ງວີ​ດິ​ໂອ​ກ່ຽວ​ກັບ​ລາຍ​ງານນີ້​ເພີ້ມ​ເປັນ​ພາ​ສາ​ອັງ​ກິດ

ອ່ານ​ຂ່າວນີ້​ເພີ້ມ​ເປັນ​ພາ​ສາ​ອັງ​ກິດ​ຢູ່​ລຸ່ມນີ້

Drones are being used as a new weapon in the fight against Malaria on the island of Zanzibar. In the village of Cheju in particular, drones are spraying a silicone-based liquid on large stretches of stagnant water in rice paddies where malaria-carrying mosquitoes lay their eggs. VOA Correspondent Mariama Diallo reports on how the country is using the new method to combat the disease.

Drones like this are spraying a silicon solution across standing water forming a thin layer that will eventually prevent mosquito eggs from hatching.

Dr. Bart Knols is a medical entomologist and the lead researcher working with the Zanzibar Malaria Elimination Program. He says this method will significantly reduce the numbers of the malaria-carrying mosquitoes in the area.

Bart Knols, Anti-Malaria Scientist:
"This will last for around three weeks may be four weeks, then after that the biological control agent, the film will breakdown by its self. // Then // after a month you apply a new film on the water surface and you have more control of the mosquitos."

Without the gel, the larvae would have become adult mosquitoes in search of a bloodmeal. When those mosquitoes bite humans infected with malaria, they become vectors for the disease and continue the deadly transmission cycle.

Along the Indian Ocean coast of East Africa, Zanzibar and mainland Tanzania have had a long battle with malaria. Using drones is the best way to tackle the problem, says Abdula Ally from the Zanzibar Malaria Elimination Program.

Abdula Ally, Zanzibar Malaria Elimination Program:
"With manual kind of intervention then you'll not be able to cover the wider area, but this one is going to be different."

Officials say drone spraying is a relatively inexpensive way to stop the mosquitoes from reproducing.

Guido Welter is with the Drone for Malaria Project.

Guido Welter, Drone for Malaria Project:
"A drone can fly with the speed we adjust, one hectare with ten liters will be three minutes; we calculated that within one hour we can spray eight hectares."

That's equivalent to the size of eight rugby fields. The product manager for DJI Agras drones, Eduardo Rodriguez, says while the drones can operate in manual mode, they can also do the job automatically.

Eduardo Rodriguez, DJI Europe Product Manager
"We can also fly into fully autonomous fly mode where the pilot knowing the GPS coordinates, knowing the area that needs to be sprayed can select that area, can input the few flying and spraying parameters and literary press two buttons."

According to the World Health Organization, Aquatain AMF, the product being sprayed, is safe and effective when used according to the directions on the labels.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG