ລິ້ງ ສຳຫລັບເຂົ້າຫາ

logo-print

ມີການຖຽງກັນ ໃນຂະນະ ທີ່ພິຈາລະນາ ຮັບເອົາ ທ່ານຄາແວນໍ ເປັນຜູ້ພິພາກສາ ສານສູງສຸດ ສຫລ


ທ່ານແບຣັທ ຄາແວນໍ ຜູ້ທີ່ຖືກສະເໜີຊື່ ແຕ່ງຕັ້ງໃຫ້ເປັນ ຜູ້ພິພາກສາ ສານສູງສຸດສະຫະລັດ ໄດ້ປະຕິຍານ ເພື່ອຈະໃຫ້ການ ຕໍ່ຄະນະກຳມະການຕຸລາການ ທີ່ລັດຖະສະພາ, 4 ກັນຍາ 2018.

ຄວາມ​ວຸ້ນວາຍ ການ​ປະ​ທ້ວງ ​ແລະ​ການບໍ່ສອດຄ່ອງກັນ ​ຂອງສອງ​ພັກ​ການເມືອງ
ໄດ້ກາຍເປັນ​ຂີດ​ໝາຍ​ຂອງການຮັບຟັງຄຳໃຫ້ການ ໃນມື້​ທຳ​ອິດ ຢູ່ໃນສະພາ​ສູງ
​ເພື່ອຮັບຮອງ​ເອົາຜູ້​ພິພາກສາ​ສານສູງ​ສຸດ ທີ່ມີຫົວນິຍົມແນວທາງເດີມ ​ຜູ້ຊຶ່ງ ປະທານາ
ທິບໍດີ ດໍໂນລ ທຣຳ ໄດ້ ສະ​ເໜີ​ຊື່ຂຶ້ນມາ​ ຄືທ່ານແບຣັທ ຄາແວນໍ ຜູ້​ພິພາກສາ
​ສານຂອງລັດຖະບານ​ກາງ. ​ໃນ​ຂະນະ​ທີ່​ນັກ​ຂ່າວ​ວີ​ໂອ​ເອ ​ໄມ​ເກິລ ​ໂບເມັນມີ​ລາຍ​ງານ​
ມາ​ນັ້ນ ກໍ​ແມ່ນ​ວ່າ ພັກ​ເດໂມ​ແຄຣັດ ສຽງ​ສ່ວນ​ນ້ອຍ ​ໄດ້ພາກັນຫາທາງ ເລື່ອນ​ການ​ດຳ​ເນີນ​ງານການ​ຮັບຮອງ​ເອົາດັ່ງກ່າວ, ​ແຕ່ ພັກຣິພັບ​ບລິ​ກັນ ສຽງ​ສ່ວນ​ຫຼາຍ​ແມ່ນ​ເດັດດ່ຽວ ​ທີ່​ຈະ​
ໃຫ້​ສືບ​ຕໍ່​ໄປເລີຍ ຊຶ່ງວັນນະ​ສອນ ຈະ​ນຳ​ລາຍ​ລະອຽດ​ມາສະ​ເໜີທ່ານ ​ໃນ​ອັນ​ດັບ​ຕໍ່​ໄປ.

ຄວາມມີ​ອາລົມ​ຮ້ອນ ​ໄດ້​ຟົດ​ເດືອດ​ຂຶ້ນ ​ໃນ​ຂະນະ​ທີ່​ບັນດາ​ສະມາຊິກ​ສະພາ​ສູງ ​ຕ່າງ​ກໍ
​ອອກຄວາມ​ຄິດ​ຄວາມ​ເຫັນ ​ເວົ້າ​ຖ້ວມກັນ ​ທັງ​ພະຍາຍາມ​ຈະ​ເວົ້າໃຫ້ດັງກວ່າສຽງຮ້ອງໂຮ
ຂອງພວກ​ປະ​ທ້ວງນັ້ນ.

ສະມາຊິກ​ສະພາ​ສູງ ທ່ານ ອໍຣິນ ​ແຮັຈ ສັງກັດພັກຣີພັບ​ບລີ​ກັນ ​ໃນຄະນະກຳມະການ
​ຕຸລາການ ກ່າວ​ວ່າ “ທ່ານ​ປະທານ, ຂ້າພະ​ເຈົ້າ​ຄິດ​ວ່າ ພວກ​ເຮົາ​ຄວນ​ເອົາ​ພວກ​ປາກເວົ້າຮ້ອງໂຮສຽງ​ດັງທັງຫຼາຍ​ນີ້​ອອກ​ໄປ​ຈາກທີ່ນີ້​ກ່ອນ.”

ສ່ວນບາງ​ຄົນ ກໍແມ່ນ​ພາກັນ​ຍິ້ມຕ້ອນຮັບ ​ສິ່ງ​ທີ່​ຈະໄດ້ເຮັດໄດ້ທຳຕໍ່ໄປ.

ສ່ວນສະມາຊິກ​ສະພາ​ສູງ ທ່ານແພາທຣິກ ເລຮີ ສັງກັດພັກ​ເດໂມ​ແຄຣັດ ​ໃນຄະນະກຳ
ມະການຕຸລາການ ກໍເວົ້າ​ວ່າ “ນີ້​ເປັນຄືກັນກັບເລື້ອງ Alice In Wonderland.”

ສະມາຊິກ​ສະພາ​ສູງ ທ່ານ ຈອນ ຄໍຣ໌ນິນ ສັງກັດພັກຣີພັບ​ບລີ​ກັນ ​ໃນຄະນະກຳມະການ​
ຕຸລາການ ກໍກ່າວ​ວ່າ “ນີ້​ແມ່ນ​ການ​ຮັບ​ຟັງ​ຄຳໃຫ້ການເພື່ອ​ຮັບຮອງ​ຄັ້ງ​ທຳ​ອິດ ສຳລັບ
ຜູ້ພິພາກສາສານ​ສູງສຸດ ທີ່​ຂ້າພະ​ເຈົ້າ ​ໄດ້​ພົບ​ເຫັນມາ, ຊຶ່ງ​ຕາມ​ພື້ນຖານແລ້ວກໍແມ່ນ
ອີງ​ຕາມ​ກົດ​ລະບຽບ ຂອງ​ພວກ​ອັນທະພານ.”

ຜູ້ປະທ້ວງຄົນນຶ່ງ ໄດ້ຖືກນຳອອກຈາກການຮັບຮອງເອົາທ່ານແບຣັທ ຄາແວນໍ ຜູ້ທີ່ຖືກສະເໜີຊື່ແຕ່ງຕັ້ງ ໃຫ້ເປັນຜູ້ພິພາກສາສານສູງສຸດສະຫະລັດ ທີ່ດຳເນີນການຮັບຟັງຄວາມຄິດເຫັນຕ່າງໆໃນລັດຖະສະພາ, 4 ກັນຍາ 2018.
ຜູ້ປະທ້ວງຄົນນຶ່ງ ໄດ້ຖືກນຳອອກຈາກການຮັບຮອງເອົາທ່ານແບຣັທ ຄາແວນໍ ຜູ້ທີ່ຖືກສະເໜີຊື່ແຕ່ງຕັ້ງ ໃຫ້ເປັນຜູ້ພິພາກສາສານສູງສຸດສະຫະລັດ ທີ່ດຳເນີນການຮັບຟັງຄວາມຄິດເຫັນຕ່າງໆໃນລັດຖະສະພາ, 4 ກັນຍາ 2018.

ທ່ານແຄຟວານໍ ເປັນ​ຜູ້​ທີສອງ​ຂອງ​ການສະ​ເໜີ​ຊື່​ໃຫ້​ເປັນຜູ້​ພິພາກສາ​ສານ​ສູງ​ສຸດ
ຂອງປະທານາທິບໍດີ ດໍໂນລ ທຣຳ. ການຢືນຢັນການຮັບຮອງເອົາ​ເພິ່ນ ອາດຈະ​ສາ
ມາດຮັດແໜ້ນສຽງສ່ວນຫຼາຍໃນການນິຍົມແນວທາງ​ເດີມ ​ໃນ​ສານ​ສູງ​ໃນ​ຮອບ
​ຫຼາຍໆທົດສະ​ວັດຜ່ານມາ.

ພັກ​ເດໂມ​ແຄຣັດ ​ໄດ້​ປະຕິຍານວ່າ ຈະ​ຕໍ່ສູ້​ກັບ​ການສະ​ເໜີ​ຊື່ຂອງ​ເພິ່ນ, ​ແຕ່​ວ່າ
ໃນເມື່ອຂາດຄະ​ແນນ​ສຽງ ທີ່​ຈະ​ກີດ​ກັນ ທ່ານຄາແວນໍ, ພວກ​ເພິ່ນກໍພຽງແຕ່ຈະ​ພະ
ຍາຍາມເຮັດໃຫ້​ຊັກ​ຊ້າ​ ການ​ຮັບຮອງ​ນີ້ ທັງ​ໄດ້​ກ່າວ​ຫາ ທຳນຽບຂາວ ວ່າໄດ້​ກັກ​ຂໍ້​ມູນ
​ເອກ​ກະສາ​ນທີ່​ກ່ຽວຖານະວຽກງານການເປັນ​ທະນາຍຄວາມ ​ໃຫ້​ລັດຖະບານ​ຂອງ
ອະດີດປະທານາທິບໍດີຈອດຈ໌ W. ບຸ​ຊ ນັ້ນ.

ສະມາຊິກ​ສະພາ​ສູງ ທ່ານຣິ​ເຈີຣ໌ດ ບລູເມນຕອລ ສັງກັດພັກ​ເດໂມ​ແຄຣັດ ​ໃນຄະນະ
ກຳມະການຕຸລາການ ກ່າວ​ວ່າ “​ລັດຖະບານ​ຊຸດ​ນີ້ ຢ້ານ​ຫຍັງ ​ຈຶ່ງບໍ່ເອົາອອກມາໃຫ້
ຊາວ​ອາ​ເມຣິກັນເບິ່ງ? ​ແມ່ນ​ຫຍັງ​ລະ ​ທີ່​ພວກ​ເພິ່ນ​ພະຍາຍາມ​ທີ່​ຈະ​ປິດ​ບັງ?”

ເຊີນຊົມ: ການຮັບຟັງຄວາມຄິດເຫັນຕ່າງໆໃນວ ໃນການຮັບຮອງເອົາທ່ານຄາແວນໍ

ສະມາຊິກ​ສະພາ​ສູງ ທ່ານແພ​ທຣິກ ເລ​ຮີ ກ່າວ​ເພີ້​ມຕື່ມ​ວ່າ “ນີ້ແມ່ນ​ອັນ​ທີ່​ບໍ່​ຄົບ​ຖ້ວນ​
ທີ່​ສຸດ, ​ເປັນ​ການແບ່ງ​ແຍກພັກຝ່າຍ​ທີ່​ສຸດ, ​ແມ່ນ​ການກວດ​ຂັນ​ທີ່​ບໍ່​ໂປ່​ງ​ໄສ ສຳລັບ​
ຜູ້ໃດ​ກໍ​ຕາມ
ທີ່​ຖືກ​ສະ​ເໜີຊື່ແຕ່ງ​ຕັ້ງ​ເປັນ​ຜູ້​ພິພາກສາ​ສານ​ສູງ​ສຸດ ທີ່​ຂ້າພະ​ເຈົ້າ​ເຄີຍ​
ໄດ້​ພົບເຫັນ​ມາ.”

ພັກຣີພັບ​ບລີ​ກັນ ໄດ້ຕອບ​ໂຕ້​ກັບຄືນ.

ສະມາຊິກ​ສະພາ​ສູງ ທ່ານຊັກຄ໌ ກຣາຊລີ ປະທານຄະນະກຳມະການ​ຕຸລາການ
ກ່າວ​ວ່າ“ບັນດາ​ສະມາຊິກ​ສະພາ​ສູງ ມີ​ຂໍ້​ມູນ ກ່ຽວກັບ​ທ່ານຄາແວນໍ ຫຼາຍ​ກວ່າ
ຜູ້​ໃດ​ໆ ທີ່​ຖືກສະ​ເໜີ​ຊື່ການ​ຮັບຮອງນີ້​ ​ໃນ​ປະຫວັດ​ສາດ​ຂອງສະພາ​ສູງ.”

ບັນດາສະມາຊິກພັກເດໂມແຄຣັດ, ຈາກຊ້າຍ, ທ່ານດິກຄ໌ ເດີບິນ ຈາກລັດອີລລີນອຍ, ທ່ານແຊລເດນ ໄວທ໌ເຮົາສ໌ຈາກລັດໂຣດໄອແລນ ແລະທ່ານນາງ ເອມີ ໂຄລບູຈາຣ໌ ຈາກລັດມິນເນໂຊຕາ ແລະບັນດາສະມາຊິກຊົນກຸ່ມນ້ອຍອື່ນໆ ທີ່ອຸທອນຕໍ່ທ່ານ ທ່ານຊັກຄ໌ ກຣາຊລີ ປະທານຄະນະກຳມະການຕຸລາການ ຈາກລັດໄອໂອວາ ເພື່ີອໃຫ້ໂຈະການຮັບຮອງເອົາທ່ານແບຣັທ ຄາແວນໍ ໃຫ້ເປັນຜູ້ພິພາກສາສານສູງສຸດສະຫະລັດ, 4 ກັນຍາ 2018.
ບັນດາສະມາຊິກພັກເດໂມແຄຣັດ, ຈາກຊ້າຍ, ທ່ານດິກຄ໌ ເດີບິນ ຈາກລັດອີລລີນອຍ, ທ່ານແຊລເດນ ໄວທ໌ເຮົາສ໌ຈາກລັດໂຣດໄອແລນ ແລະທ່ານນາງ ເອມີ ໂຄລບູຈາຣ໌ ຈາກລັດມິນເນໂຊຕາ ແລະບັນດາສະມາຊິກຊົນກຸ່ມນ້ອຍອື່ນໆ ທີ່ອຸທອນຕໍ່ທ່ານ ທ່ານຊັກຄ໌ ກຣາຊລີ ປະທານຄະນະກຳມະການຕຸລາການ ຈາກລັດໄອໂອວາ ເພື່ີອໃຫ້ໂຈະການຮັບຮອງເອົາທ່ານແບຣັທ ຄາແວນໍ ໃຫ້ເປັນຜູ້ພິພາກສາສານສູງສຸດສະຫະລັດ, 4 ກັນຍາ 2018.

ສະມາຊິກ​ສະພາ​ສູງ ທ່ານແທດ ຄຣູສ ສັງກັດພັກຣີພັບ​ບລີ​ກັນ ໃນຄະນະກຳມະການ​
ຕຸລາການ ກ່າວ​ວ່າ “ຂ້າພະ​ເຈົ້າ​ເຊື່ອ​ວ່າ ບໍ່​ມີ​ຫຍັງ​ຫຼາຍ​ໄປກວ່າ​ ຫຼື ໜ້ອຍ​ໄປກວ່າ
ຄວາມ​ພະຍາຍາມ​
ຈາກ​ພວກສະມາ​ຊິກພັກ​ເດໂມ​ແຄຣັດທີ່​ຈະຮື້​ຟື້ນຄືນມາ ​ບໍ່ຕ່າງຫຽັງກັນກັບເລື້ອງ​ການ​ເລືອກ​ຕັ້ງ​ປະທານາທິບໍດີ ປີ 2016 ດອກ.”

ທ່ານຄາແວນໍນັ່ງ​ມິດງຽບ​ຢູ່ ​ເປັນ​ເວລາຫຼາຍ​ຊົ່ວ​ໂມງ ຈົນ​ກວ່າ​ວ່າ ຮອດ​ເວລາ​ຂອງ​
ທ່ານທີ່​ຈະ​ເວົ້າອອກມາ.

ທ່ານແບຣັທ ຄາແວນໍ ຜູ້​ທີ່​ຖືກ​ສະ​ເໜີ​ຊື່ແຕ່ງ​ຕັ້ງໃຫ້​ເປັນ​ຜູ້​ພິພາກສາ​ສານ​ສູງ​ສຸດ​
ສະຫະລັດ ກ່າວ​ວ່າ “ປະລັດຊະຍາຂອງ​ຂ້າພະ​ເຈົ້າໃນລະບົບ​ຕຸລາການ ​ກໍແມ່ນ
ຊື່ສັດທ່ຽງ​ຕົງ. ຜູ້​ພິພາກສາ​ສານ​ ຕ້ອງ​ເປັນ​ຜູ້​ທີ່​ເປັນ​ອິດສະລະ ​ແລະ​ຕ້ອງເປັນຜູ້ຕີ
ຄວາມໝາຍຂອງ​ກົດໝາຍ, ບໍ່​ແມ່ນ​ຜູ້​ແຕ່ງ​ກົດໝາຍ.”

ສະມາຊິກສະພາສູງ ທ່ານຊັກຄ໌ ກຣາຊລີ ປະທານຄະນະກຳມະ ການຕຸລາການ ຈາກລັດໄອໂອວາ ກ່າວຕໍ່ລັດຖະສະພາ ກ່ຽວກັບການຮັບຮອງເອົາ, ທ່ານແບຣັດຕ໌ ແຄຟວານໍ ໃຫ້ເປັນຜູ້ພິພາກສາສານສູງສຸດສະຫະລັດ, 4 ກັນຍາ 2018.
ສະມາຊິກສະພາສູງ ທ່ານຊັກຄ໌ ກຣາຊລີ ປະທານຄະນະກຳມະ ການຕຸລາການ ຈາກລັດໄອໂອວາ ກ່າວຕໍ່ລັດຖະສະພາ ກ່ຽວກັບການຮັບຮອງເອົາ, ທ່ານແບຣັດຕ໌ ແຄຟວານໍ ໃຫ້ເປັນຜູ້ພິພາກສາສານສູງສຸດສະຫະລັດ, 4 ກັນຍາ 2018.

ພັກ​ເດໂມ​ແຄຣັດ ພາກັນ​ຢ້ານ​ວ່າ ການ​ຮວມຕົວ​ກັນຂອງ​ພັກ​ທີ່​ນິຍົມ​ແນວທາງ​ເດີມທີ່​
ມີສຽງສ່ວນ​ຫຼາຍ ​ໃນ​ສານ​ສູງ​ສຸດ​ສະຫະລັດ ​ຈະ​ເປັນ​ໄພ​ຂົ່ມຂູ່​ຕໍ່​ສິດ​ຂອງ​ພວກ​ແມ່​ຍິງ​
ແລະ​ພວກເພດໃນຊົນ​ກຸ່ມ​ນ້ອຍ. ພວກ​ເຂົາ​ເຈົ້າ​ຍັງ​ເປັນ​ຫ່ວງ​ວ່າ ​ການ​ຮັບ​ຮອງ​ເອົາ​
ທ່ານຄາແວນໍ ຈະສາມາດ​ເປີດ​ໂອກາດ​ໃຫ້​ທ່ານ​ທຣຳ ມີ​ພາຄີສ່ວນ​ຕົວ ​ຢູ່ໃນ​ສານສູງ​
ສຸດໃນ​ເວລາ​ທີ່ທ່ານ​ຕ້ອງການ​ຖ້າທ່ານຕົກເປັນຈຳເລີຍໃນການສືບສວນຂອງ​ຄະນະ​
ໄອ​ຍະ​ການ​ພິ​ເສດ​ນັ້ນ. ພັກຣີພັບ​ບລີ​ກັນ ຕ້ານຄືນວ່າ​ ​ທ່ານຄາແວນໍ ແມ່ນ​ວິ​ເສດ
​ແລະ​ມີ​ຄວາມ​ຄິດ​ໃນ​ທາງຖືກຕ້ອງ​ຕາມ​ກົດໝາຍ ​ແລະ​ວ່າ ຄຸນ​ສົມບັດ​ຂອງທ່ານ
ໃນ​ລະບົບ​ຕຸລາການ ​ແມ່ນ​ມີ​ມາກ​ມາຍ​ຫຼາຍ​ກວ່າ​ທີ່​ຈະ​ມີ​ຄວາມ​ສົງ​ໄສ​ໃດ​ໆ.

ອ່ານ​ຂ່າວ​ນີ້​ເພີ່ມຕື່ມ​ເປັນ​ພາສາ​ອັງກິດ

ເຊີນຊົມ: ຂັ້ນຕອນການຮັບຮອງເອົາຜູ້ພິພາກສາສານສູງສຸດສະຫະລັດ

Chaos, protests and partisan discord marked the first day of Senate confirmation hearings for President Donald Trump's Supreme Court nominee, conservative federal appellate judge Brett Kavanaugh. As VOA's Michael Bowman reports, minority Democrats repeatedly sought to postpone the proceedings, but majority Republicans were determined to plow ahead.

Tempers flared as senators spoke over each other.....and tried to speak over the shouts of protesters.

SEN. ORRIN HATCH, REPUBLICAN, JUDICIARY COMMITTEE
"Mr. Chairman, I think we ought to have this loudmouth removed."

Some marveled grimly about the task before them.

SEN. PATRICK LEAHY, DEMOCRAT, JUDICIARY COMMITTEE
"It's Alice In Wonderland."

SEN. JOHN CORNYN, REPUBLICAN, JUDICIARY COMMITTEE
"This is the first confirmation hearing for a Supreme Court justice I've seen, basically, according to mob rule."

Kavanaugh is President Trump's second Supreme Court pick. His confirmation could cement a conservative majority on the high court for decades. Democrats have vowed to fight his nomination, but lacking the votes to block Kavanaugh, they are trying to slow his confirmation and have accused the White House of withholding reams of documents related to Kavanaugh's tenure as a lawyer in the former George W. Bush administration.

SEN. RICHARD BLUMENTHAL, DEMOCRAT, JUDICIARY COMMITTEE
"What is the administration afraid of showing the American people? What is it trying to hide?"

SEN. PATRICK LEAHY, DEMOCRAT, JUDICIARY COMMITTEE))
"This is the most incomplete, most partisan, least transparent vetting for any Supreme Court nominee I have ever seen."

Republicans fired back.

SEN. CHUCK GRASSLEY, CHAIRMAN, JUDICIARY COMMITTEE
"Senators have more documents for Judge Kavanaugh than any nominee in Senate history."

SEN. TED CRUZ, REPUBLICAN, JUDICIARY COMMITTEE
"I believe this fight is nothing more and nothing less than an attempt by our Democratic colleagues to re-litigate the 2016 presidential election."

Kavanaugh sat silently for hours until his turn to speak.

BRETT KAVANAUGH, US SUPREME COURT NOMINEE SOT
"My judicial philosophy is straightforward. A judge must be independent and must interpret the law, not make the law."

Democrats fear a solidified conservative majority on the Supreme Court would threaten the rights of women and sexual minorities. They also worry Kavanaugh's confirmation would give Trump a personal ally on the high court at a time when he is the subject of a special counsel investigation. Republicans counter that Kavanaugh possesses an excellent and objective legal mind and that his judicial qualifications are beyond question.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG