ລໍ້ຄົນພິການໃຊ້ເຄື່ອງຈັກ ທີ່ໄດ້ຖືກນຳໃຊ້ ໂດຍມື້ລາງນັກຟີຊິກດ້ານທິດສະດີ ທ່ານ
ສຕີບເວັນ ຮັອກກິງ ສາມາດປະມູນຂາຍໄດ້ເກືອບ 400,000 ໂດລາ ໂດຍເງິນຈຳນວນ
ນີ້ ຈະຖືກນຳໄປມອຍໃຫ້ແກ່ ອົງການກຸສົນ.
ລໍ້ເຄື່ອນຍ້າຍດ້ວຍເຄື່ອງຈັກ ທີ່ໄດ້ນຳໃຊ້ໂດຍທ່ານຮັອກກິງ ຫຼັງຈາກທ່ານໄດ້ເປັນເປ້ຍ
ລ່ອຍ ຍ້ອນພະຍາດໃນເສັ້ນປະສາດຄວບຄຸມການເໜັງຕີງ ທີ່ໄດ້ຄາດໝາຍກັນໄວ້ວ່າ
ຈະຂາຍໄດ້ ປະມານ 20,000 ໂດລາ ໃນການປະມູນທາງອິນເຕີແນັດ ທີ່ຈັດຂຶ້ນໂດຍ
ບໍລິສັດ ຄຣິສຕີ ນັ້ນ.
ສຳເນົາທີ່ເປັນບົດວິທະຍານິພົນ ຂອງທ່ານຮັອກກິງ ທີ່ເອີ້ນວ່າ “ຄຸນລັກສະນະການຂະ
ຫຍາຍຕົວຂອງຈັກກະວານ” ຈາກປີ 1965 ຂາຍໄດ້ ໃນມູນຄ່າ 767,000 ໂດລາ ຫຼາຍ
ກວ່າທີ່ໄດ້ກະປະມານໄວ້ ຢູ່ທີ່ລະຫວ່າງ 200,000 ໂດລາ.
ບົດຄວາມລະຄອນ ຈາກການໄປປາກົດໂຕຄັ້ງນຶ່ງ ຢູ່ໃນລະຄອນໂທລະພາບ “ເດີຊິມສັນ”
ທີ່ມີຫຼາຍຕອນ ແມ່ນນຶ່ງໃນຈຳນວນ 22 ຢ່າງທີ່ຖືກນຳມາປະມູນຂາຍ ຊຶ່ງຂາຍໄດ້ ເກີນ
ກວ່າ 8,000 ໂດລາ.
ລວມທັງໝົດແລ້ວ ການປະມູນລະດົມເງິນໄດ້ 1 ລ້ານ 8 ແສນ ໂດລາ ເພື່ອການກຸສົນ.
ຄອບຄົວທ່ານຮັອກກິງ ໄດ້ບໍລິຈາກສິ່ງຂອງອື່ນໆ ຂອງທ່ານຮອກກິງ ທີ່ໄດ້ຈາກການເກັບສະສົມໄວ້ ໃຫ້ແກ່ລັດຖະບານອັງກິດ ເພື່ອເປັນການທົດແທນ ຈ່າຍພາສີ ສຳລັບ
ມູນມໍລະດົກທີ່ໄດ້ຮັບ.
ທ່ານຮັອກກິງ ໄດ້ຄົ້ນຄວ້າຫາ ທີ່ມາຂອງຈັກກະວານ ຊຶ່ງໄດ້ຂະຫຍາຍແນວຄິດ ດ້ານ
ວິທະຍາສາດ ກ່ຽວກັບ ປ່ອງດຳ ແລະໄດ້ກາຍມາເປັນ ຜູ້ທີ່ຮູ້ຈັກກັນດີ ໃນຍຸກສະໄໝ
ໃໝ່.
ເງິນທີ່ໄດ້ຈາກການປະມູນຈະນຳໄປໃຫ້ສອງອົງການກຸສົນ ມູນນິທິທ່ານຮັອກກິງ ແລະ
ສະມາຄົມປິ່ນປົວພະຍາດເສັ້ນປະສາດທີ່ຄວບຄຸມການເໜັງຕີງ.
ທ່ານຮັອກກິງໄດ້ພົບເຫັນມີພະຍາດເສັ້ນປະສາດຄວບຄຸມການເໜັງຕີງ ເວລາອາຍຸໄດ້
22 ປີ ແລະ ສາມາດມີຊີວິດຢູ່ໄດ້ພຽງບໍ່ເທົ່າໃດປີເທົ່ານັ້ນ ແຕ່ທ່ານກໍຢູ່ລອດມາໄດ້ຈົນ
ເຖິງອາຍຸ 76 ປີ ແລະໄດ້ເສຍຊີວິດໃນເດືອນມີນາ ທີ່ຜ່ານມາ.