ລິ້ງ ສຳຫລັບເຂົ້າຫາ

ປະຊາຊົນມຽນມາ ເດີນຂະບວນ ປະທ້ວງ ການຂາດເຂີນ ໄຟຟ້າໃຊ້


ບັນດາພວກປະທ້ວງ ພາກັນໄຕ້ທຽນນັ່ງໄຫວ້ພະຢູ່ທີ່ວັດ Sule Pagoda ໃນນະຄອນຢາງກຸ້ງ, ວັນອັງຄານ ທີ 22 ເດືອນພຶດສະພາ 2012 ໃນການປະທ້ວງ ທວງໃຫ້ລັດຖະບານເຂົ້າໃຈ ເຖິງຄວາມເດືອດຮ້ອນ ແລະຄວາມ ຮຽກຮ້ອງຕ້ອງການຂອງເຂົາເຈົ້າ.

ໄດ້ມີການເດີນຂະບວນຢ່າງບໍ່ເຄີຍມີມາກ່ອນ ຕາມຖະໜົນຫົນທາງຂອງມັນດາເລ ເມືອງ ໃຫຍ່ອັນດັບສອງຂອງມຽນມາ ເພື່ອປະທ້ວງການຕັດໄຟຟ້າ ທີ່ໄດ້ມີມາເປັນເວລາຫລາຍ ເດືອນແລ້ວນັ້ນ. Daniel Schearf ຜູ້ສື່ຂ່າວວີໂອເອທີ່ບາງກອກ ລາຍງານວ່າ ສື່ຕ່າງໆ ຂອງລັດ ພາກັນຖິ້ມໂທດໃສ່ການໂຈມຕີໂດຍພວກກະບົດຊົນເຜົ່າກະຈິ່ນວ່າ ເປັນຕົ້ນເຫດ ເຮັດໃຫ້ບັນຫາຊໍ້າເຮື້ອຂອງການຂາດເຂີນໄຟຟ້ານັ້ນ ຮ້າຍແຮງຍິ່ງຂຶ້ນ. ກິ່ງສະຫວັນມີ ລາຍລະອຽດ ມາສະເໜີທ່ານ.

ພວກ​ປະ​ທ້ວງ​ພາກັນ​ເຕົ້າ​ໂຮມ ​ໃນ​ຕອນແລງ​ຂອງວັນ​ອາທິດ ຢູ່​ໃນເມຶອງມັນ​ດາ​ເລ ​ຍ້ອນ
ບໍ່ພໍ​ໃຈ​ນໍາ​ການ​ຕັດພະລັງໄຟ​ຟ້າ​ ທີ່​ປ່ອຍ​ໃຫ້​ພວກ​ເຂົາ​ເຈົ້າໄດ້​ໃຊ້​ໄຟຟ້າ​ ພຽງບໍ່ພໍ​ເທົ່າ​ໃດ
​ຊົ່ວ​ໂມງໃນ​ແຕ່ລະ​ມື້. ຫລາຍຮ້ອຍ​ຄົນ​ພາກັນ​ປະ​ທ້ວງຢ່າງ​ງຽບໆຖື​ທຽນ​ໄຂ​ຍ່າງ​ໄປຕາມ​
ຖະໜົນ ​ແລະຢູ່​ທາງນອກ​ໂຮງ​ການ​ຂອງ​ທາງ​ການໄຟ​ຟ້າ​ທ້ອງ​ຖິ່ນ ​ເພື່ອ​ຮຽກຮ້ອງ​ໃຫ້​ມີ
​ໄຟຟ້າໃຊ້​ເປັນ​ປົກກະຕິ.

ບາງ​ລາຍ​ງານ​ອ້າງ​ອິງ​ຄໍາ​ເວົ້າ​ຂອງພວກປະຊາຊົນ​ ທີ່​ໃຈ​ຮ້າຍໃຫ້ລັດຖະບານທີ່ຂາຍໄຟ
ຟ້າ​ໃຫ້​ແກ່​ຈີນ ​ໃນ​ຂະນະທີ່ບໍ່​ສາມາດ​ຕອບ​ສະໜອງ​ຄວາມ​ຮຽກຮ້ອງ​ຕ້ອງການຂອງ​
ປະຊາຊົນ​ນັ້ນ.

ຊາວ​ມຽນມາ ຈໍານວນ​ສາມໃນສີ່​ຄົນ​ໃດ ​ແມ່ນບໍ່​ມີໄຟຟ້າ​ໃຊ້​ ​ເຖິງ​ແມ່ນ​ວ່າ​ປະ​ເທດ​ມີ
ຊັບພະ​ຍາກ​ອນ ​ບໍ່​ນໍ້າມັນ ​ແກ​ສທໍາ​ມະ​ຊາດ ​ແລະ​ພະລັງໄຟຟ້ານໍ້າຕົກ ​ໃນ​ປະລິມານ​
ມະຫາສານ ຊຶ່ງ​ສ່ວນ​ໃຫຍ່​ແມ່ນ​ສົ່ງ​ອອກ​ຂາຍ​ໃຫ້ສອງປະ​ເທດເພື່ອນ​ບ້ານ ​ໄທແລະ​ຈີນ.
ພະອາຈານ U Wirathu ​ໄດ້​ເຂົ້າ​ຮ່ວມ​ປະ​ທ້ວງແລະໄດ້​ກ່າວຕໍ່ ວີ​ໂອ​ເອພະ​ແນ​ກພາສາ
​ມຽນມາວ່າ:

ສຽງ...

ທ່າ​ນກ່າວ​ວ່າ ​ເຂົາ​ເຈົ້າພາກັນປະ​ທ້ວງ ກໍ​ເພາະວ່າ​ເຈົ້າ​ໜ້າ​ທີ່​ປະກາດ​ວ່າ ຈະ​ມີ​ການ
​ແຈກຈ່າຍ​ໄຟ​ຟ້າໃຫ້​ໃຊ້ ​ແຕ່​ພຽງຫົກ​ຊົ່ວ​ໂມງ​ຕໍ່​ມື້​ເທົ່າ​ນັ້ນ. ກ່ອນ​ໜ້າ​ນີ້ ​ບໍ່​ມີ​ການ​ຈໍາກັດ
ຊົ່ວ​ໂມງ ​ແຕ່​ວ່າມີ​ການ​ແຈກ​ຈ່າຍ​ໄຟຟ້າ​ໃຫ້ ໃຊ້ສັບ​ປ່ຽນ​ກັນ ​ໃນ​ຍາມ​ກາງ​ເວນ ຫລືວ່າ ​
ກາງຄືນ.

ຢ່າງ​ກຸ້ງ ເມືອງ​ຫລວງ​ເກົ່າ​ ກໍ​ໄດ້​ຖືກ​ຕັດ​ພະລັງ​ໄຟຟ້າ​ລົງ​ ​ໃຫ້​ໃຊ້​ພຽງ​ມື້​ລະ​ບໍ່​ເທົ່າ​ໃດ
ຊົ່ວໂມງ​ເທົ່າ​ນັ້ນ.

ຊາຍສອງຄົນຢ່າງຜ່ານປ້າຍ ທີ່ເອົານໍ້າສີສີດຂຽນໃສ່ວ່າ "ຕໍ່ໄຟໃສ່ໃຫ້ເມືອງ". ປະໂຫຍກດັ່ງກ່າວປະກົດເຫັນຢູ່ຕາມສະຖານທີ່ຕ່າງໆໃນ ຕົວເມືອງຢ່າງກຸ້ງ ນັນຕັ້ງແຕ່ລັດຖະບານໄດ້ສັ່ງໃຫ້ຕັດໄຟຟ້າ.
ຊາຍສອງຄົນຢ່າງຜ່ານປ້າຍ ທີ່ເອົານໍ້າສີສີດຂຽນໃສ່ວ່າ "ຕໍ່ໄຟໃສ່ໃຫ້ເມືອງ". ປະໂຫຍກດັ່ງກ່າວປະກົດເຫັນຢູ່ຕາມສະຖານທີ່ຕ່າງໆໃນ ຕົວເມືອງຢ່າງກຸ້ງ ນັນຕັ້ງແຕ່ລັດຖະບານໄດ້ສັ່ງໃຫ້ຕັດໄຟຟ້າ.

ສື່​ຂອງ​ລັດມຽນມາ ​ໄດ້ຖິ້ມ​ໂທດ
​ໃສ່ກຸ່ມກະບົດ ກອງ​ທັບ​ເອກ
​ກະລາດກະ​ຈິ່ນຫລື KIA ທີ່​ໄດ້
ທໍາລາຍ​ພາກສ່ວນ​ນຶ່ງ​ ຂອງ
​ສາຍ​ສົ່ງ​ກະ​ແສ​ໄຟຟ້າ​ ​ໃນ​ພາກ​
ຕາ​ເວັນ​ອອກຂອງລັດ​ສານ.

ໜັງສືພິມ New Light of
Myanmar ຫລື​ແສງ​ສະຫວ່າງ
​ໃໝ່​ຂອງ​ມຽນມາ ກ່າວ​ວ່າໃນ​
ຊ່ວງ​ທ້າຍ​ສັບປະດາຜ່ານ​ມາ​ນີ້
​ກຸ່ມ​ກອງທັບ KIA ​ໄດ້​ວາງລະ
​ເບີດ​ທໍາລາຍ ​ເສົາ​ສົ່ງ​ກະ​ແສ
ໄຟຟ້າ​ສີ່​ເສົ ຊຶ່ງ​ໄດ້​ຕັດພະລັງ
​ໄຟຟ້າ​ທົ່ວ​ປະ​ເທດ ລົງ​ 200
​ເມກ​ກາ​ວັດ. ​

ພັນ​ເອກ James Lum Dau
ຮອງ​ຫົວໜ້າ​ຝ່າຍ​ການ​ຕ່າງປະ​ເທດ​ຂອງອົງການຈັດ​ຕັ້ງເອກກະລາດ​ກະຈິ່ນຫລື KIO ຊຶ່ງ
​ເປັນກຸ່ມ​ການ​ເມືອງຂອງກອງທັບ KIA ​ປະຕິ​ເສດ​ວ່າ​ ທະຫານ​ຂອງ​ເຂົາ​ເຈົ້າ​ບໍ່​ໄດ້​ໂຈມ​ຕີ
ສາຍ​ສົ່ງໄຟຟ້າ ​ແລະ​ກ່າວ​ຕື່ມ​ອີກ​ວ່າ ເຈົ້າ​ໜ້າ​ທີ່​ມັກ​ຈະ​ຖິ້ມ​ໂທດ​ໃສ່ກອງທັບ KIA ຢູ່​ສະ​ເໝີ.
ທ່ານ​ເວົ້າ​ວ່າ:

(LUM DAU ACT IN ENGLISH))

“ພວກ​ເຮົາ​ຈະ​ບໍ່​ເຮັດ​ເລື້ອງ​ຈັ່ງ​ຊັ້ນ. ພວກ​ເຮົາ​ບໍ່​ມີ​ນະ​ໂຍບາຍ​ແບບ​ນັ້ນ ​ແລະຂໍ​ເວົ້າ
ອີກ​ຄັ້ງ​ນຶ່ງ ນີ້​ແ​ມ່ນເຂດ… ບໍ່ແມ່ນ​ເຂດ​ທີ່​ພວກ​ເຮົາ​ປະຕິບັດ​ງານ. ​ເພາະສະ​ນັ້ນ
ຂ້າພະ​ເຈົ້າ​ສາມາດ​ປະຕິ​ເສດ​ໄດ້​ວ່າ ​ມັນ​ເປັນ​ໄປ​ບໍ່​ໄດ້​ເ
ດັດ​ຂາດ.

ຜູ້​ສື່​ຂ່າວ​ຂອງ​ເຮົາ ບໍ່​ສາມາດ​ຕິດ​ຕໍ່​ກອງທັບ KIA ໄດ້​ ​ເພື່ອ​ຂໍ​ຄວາມ​ເຫັນ​ໃນ​ທັນ​ທີນີ້​ເທື່ອ.

ໃນພາບນີ້ ທີ່ຖ່າຍເມື່ອວັນທີ 13 ເດືອນກຸມພາ 2012, ທະຫານເກນຂອງກອງທັບເອກະລາດກະຈິ່ນ ຍ່າງ ເຝິກແອບຢູ່ຄ້າສຍແຫ່ງນຶ່ງ ໃກ້ໆກັບເມືອງ Laiza ໃນເຂດທີ່ຢູ່ໃຕ້ການຄວບຄຸມຂອງຊົນເຜົ່າກະຈິ່ນ ໃນພາກເໜືອຂອງມຽນມາ. (AP Photo/Vincent Yu)
ໃນພາບນີ້ ທີ່ຖ່າຍເມື່ອວັນທີ 13 ເດືອນກຸມພາ 2012, ທະຫານເກນຂອງກອງທັບເອກະລາດກະຈິ່ນ ຍ່າງ ເຝິກແອບຢູ່ຄ້າສຍແຫ່ງນຶ່ງ ໃກ້ໆກັບເມືອງ Laiza ໃນເຂດທີ່ຢູ່ໃຕ້ການຄວບຄຸມຂອງຊົນເຜົ່າກະຈິ່ນ ໃນພາກເໜືອຂອງມຽນມາ. (AP Photo/Vincent Yu)

ພັນ​ເອກ LUM DAU ກ່າວ​ວ່າ ຫວ່າງ​
ຫລາຍໆອາທິດ​ໝໍ່ໆມາ​ນີ້ ທະຫານ
ມຽນມາ​ໄດ້​ເຄື່ອນ​ກໍາລັງ​ເຂົ້າ​ໄປຍັງ
ກອງບັນຊາ​ການ​ຂອງກອງ ທັບ KIA
ທີ່​ເມືອງ Laiza ໃກ້​ກັບ​ຊາຍ​ແດນຈີນ
ທີ່ໄດ້ນໍາ​ໄປ​ສູ່​ການ​ປະ​ທະ​ກັນ​ຢ່າງ​ດຸ​
ເດືອດ. ກອງ​ທະຫານ​ມຽນມາ ​ແລະ
ກຸ່ມກອງທັບ KIA ​ໄດ້ທໍາ​ການ​ສູ້​ລົບ
​ກັນ​ມາ​ຕັ້ງ​ແ​ຕ່​ເດືອນ​ມີຖຸນາປີ​ກາຍ​ນີ້
ເວລາ​ເຂົາ​ເຈົ້າ​ທັບ​ມ້າງ​ການ​ຢຸດ​ຍິງ
ທີ່​ໄດ້​ມີ​ມາ​ເປັນ​ເວລາ 17 ປີ.

ການ​ປະ​ທ້ວງແມ່ນເປັນສີ່​ງທີ່​ບໍ່​ຄ່ອຍ​ເຫັນ
ຢູ່​ໃນ​ມຽນມາ ບ່ອນ​ທີ່​ກອງທັບ​ໄດ້ທັບ
​ມ້າງການ​ລຸກ​ຮື​ຂື້ນ​ເພື່ອ​ປະຊາທິປະ​ໄຕ
​ໃນ​ປີ 1988 ​ແລະ 2007. ​ແຕ່​ວ່ານັບຕັ້ງ
​ແຕ່​ປີ​ກາຍ​ມານີ້ ລັດຖະບານ​ພົນລະ​ເຮືອນ​ແຕ່​ໃນ​ນາມ ​ໄດ້ເລີ່​ມຈັດ​ຕັ້ງປະຕິບັດ​ການ​ປ​ະຕິຮູບ​
ຫລາຍ​ຢ່າງ ຮວມ​ທັງ​ອອກ​ກົດໝາຍ ອະນຸຍາດ​ໃຫ້ມີ​ການ​ປະ​ທ້ວງ​ແບບ​ສະ​ຫງົບ.

ພວກ​ປະ​ທ້ວງທີ່​ເມືອງ​ມັນ​ດາ​ເລ ບໍ່​ໄດ້​ຂໍ​ໃບອະ​ນຸຍາດ​ທໍາ​ການ​ເດີ​ນຂະ​ບວນປະ​ທ້ວງ​. ​ແຕ່​ກໍ
​ປາກົດ​ວ່າ ເຈົ້າ​ໜ້າ​ທີ່​ໄດ້ໂຍະຍານ​ປ່ອຍ​ໃຫ້​ເຂົາ​ເຈົ້າ​ເຮັດ.

ສື່​ຂອງ​ມຽນມາລາ​ຍງານ​ວ່າ ຫົວໜ້າການ​ໄຟ​ຟ້າ​ທ້ອງ​ຖິ່ນ ​ໄດ້​ໃຫ້​ຄໍາ​ໜັ້ນສັນຍາວ່າ ​ຈະແກ້
ໄຂບັນຫາພະລັງ​ໄຟຟ້າ​ຂາດ​ເຂີນ​ໃຫ້​ໄວ​ທີ່​ສຸດ ຖ້າບໍ່​ດັ່ງ​ນັ້ນ ທ່ານຈະລາ​ອອກ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG