ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ນັກສຶກສາເກົາຫລີໃຕ້ ຮູ້ສຶກກົດດັນໜັກ ຍ້ອນການສອບເສັງ ເຂົ້າມະຫາວິທະຍາໄລ (ວີດີໂອ ຮຽນພາສາອັງກິດ)


S. Korean Students Begin High-Stress College Entrance Exams
please wait

No media source currently available

0:00 0:02:37 0:00

ເບິ່ງວີດີໂອ ກ່ຽວກັບລານງານນີ້.

ເມື່ອ​ທ້າຍ​ເດືອນ​ພະຈິກ​ຜ່ານ​ມາ​ນີ້ ນັກຮຽນ​ມັດທະຍົມ​ປາຍ​ໃນ​
ເກົາຫລີ​ໃຕ້ ຫລາຍ​ກ່ວາ 5 ​ແສນ​ຄົນ ​ໄດ້​ພາກັນ​ສອບ​ເສັງ​ເຂົ້າ​ຮຽນ ​
ໃນ​ມະຫາ​ວິ​ທະຍາ​ໄລ. ການ​ໄດ້​ຄະ​ແນນ​ສູງ​ໃນ​ການ​ສອບ​ເສັງ​ດັ່ງ
ກ່າວ ​ແມ່ນ​ຖື​ວ່າ ​ເປັນ​ບາດກ້າວ​ອັນ​ທຳ​ອິດ ​ໄປ​ສູ່​ຊີວິດ​ທີ່​ປະສົບ​ຜົນ
ສຳ​ເລັດ. ​ແຕ່​ວ່າ ພວກ​ນັກຮຽນ​ເກົາຫລີ​ໃຕ້ ສ່ວນ​ໃຫຍ່​ແມ່ນ​ຮູ້​ສຶກ​
ເຄັ່ງ​ຄຽດ​ຫລາຍ ຍ້ອນ​ຄວາມ​ກົດ​ດັນທັງຫລາ​ຍນັ້ນ. ດາຣາ​ມີ​ລາຍ
​ງານ​ກ່ຽວ​ກັບ​ເລື້ອງ​ນີ້ ມາ​ສະ​ເໜີ​ທ່ານ ຈາກ​ລາຍ​ງານ​ການ​ສຶກສາ
ຂອງ​ພະ​ແນ​ກຮຽນ​ພາສາ​ອັງກິດ ຂອງ​ວີ​ໂອ​ເອ.


​ເມື່ອ​ບໍ່ນານ​ມາ​ນີ້ ນັກ​ສຶກສາ​ເກົາຫລີ​ໃຕ້ ຈຳນວນຫລາຍ​ກ່ວາເຄິ່ງ​ລ້ານ​ຄົນ ທີ່​ຮຽນຢູ່​ຊັ້ນ​ປີ​ສຸດທ້າຍຂອງ​ມັດທະຍົມ​ປາຍ ​ໄດ້ແຂ່ງຂັນ​ສອບ​ເສັງ​ເຂົ້າມະຫາວິທະຍາ​ໄລ. ຫລາຍໆ​ຄົນ
​ຖື​ວ່າ ຜົນສຳ​ເລັດ​ໃນ ການ​ຜ່ານ​ການ​ສອບ​ເສັງຄັ້ງ​ນີ້ ​ເປັນ​ບາດກ້າວ​ທຳ​ອິດ ​ໄປ​ສູ່ຊີວິດ​ທີ່​ດີ.
ແຕ່​ບັນດາ​ນັກ​ສຶກສາ​ເກົາຫລີ​ໃຕ້ ​ເວົ້າ​ວ່າ ພວກ​ເຂົາ​ເຈົ້າຮູ້ສຶກ​ເຄັ່ງ​ຄຽດ​ຫລາຍ ຫລື stressed ຍ້ອນຄວາມ​ກົດ​ດັນໃຫ້​ເສັງ​ໄດ້​ຄະ​ແນນ​ດີ​ນັ້ນ.

ນາງ Lee Jee-woo ອາຍຸ 17 ປີ ​ຍັງ​ບໍ່​ພ້ອມ​ທີ່​ຈະ​ເຂົ້າ​ສອບ​ເສັງ ​ແຕ່​ນາງ​ກໍ​ມີ​ຄວາມ​ຮູ້ສຶກ​
ທີ່​ແຮງ​ກ້າ ກ່ຽວ​ກັບ​ການ​ສອບ​ເສັງເຂົ້າ​ມະຫາວິທະ ຍາ​ໄລ​ນັ້ນ.

ລາວ​ເວົ້າ​ວ່າ “ການ​ສອບ​ເສັງ​ອັນ​ນີ້ ສາມ​າດກຳນົດ​ຊີວິດ ​ທີ່​ຍັງ​ເຫລືອຂອງ​ຂ້ອຍໄດ້.”

ນັກ​ສຶກສາມັດທະຍົມ​ປາຍ​ເກົາຫລີ​ໃຕ້ ​ໃຊ້​ເວລາ​ຫລາຍ​ປີຮຽນ​ໜັງສື​ ເພື່ອກຽມ​ສອບ​ເຂົ້າ
ມະຫາ​ວິທະຍາ​ໄລ​ນັ້ນ. ຜູ້ຄົນ​ພາກັນ​ເວົ້າ​ວ່າ ການ​ສອບ​ໄດ້​ຄະແນນ​ດີໆ ຈະ​ຄ້ຳປະກັນ​ການ
ໄດ້​ເຂົ້າ​ຮຽນ​ໃນ​ມ​ະຫາ​ວິທະຍາ​ໄລ ຊັ້ນ​ນຳ ​ແລະໂອກາດ​ໃນ​ການໄດ້ໜ້າ​ທີ່​ການ​ງານ​ທີ່​ໃຫ້​
ເງິ​ນ​ເດືອນ​ສູງໆ. ບາງ​ຄົນ​ກໍ​ກ່າວ​ວ່າ ຜົນ​ການ​ສອບທີ່ໄດ້​ຄະ​ແນນດີ ຮອດ​ເພີ້​ມ​ໂອກາດ​ທີ່​
ຈະ​ໄດ້​ແຕ່ງງານ​ດີ ​ໃນ​ອະນາຄົດ​ອີກ​ດ້ວຍ.

ບົດ​ສອບແມ່ນແບບ multiple choice ໝາຍ​ຄວາມ​ວ່າ ນັກຮຽນ​ສາມາດເລື​ອກ​ເອົາ​ຄຳ
ຕອບຕໍ່​ຄຳ​ຖາມ​ໄດ້ ​ຈາກ​ຫລາຍ​ໆຄຳ​ຕອບທີ່​ມີ​ໄວ້​ໃຫ້​ເລືອກ. ນັກ​ສັງ​ເກດ​ການ​ບາງ​ຄົນ​ກ່າວ
ວ່າ ລະບົບ​ນີ້​ບໍ່​ຊ່ວຍໃຫ້​ນັກ​ສຶກສາຮຽນ​ຮູ້​ທີ່​ຈະ​ຄິດ​ເອົາ​ເອງ. ​ເຂົາ​ເຈົ້າ​ກ່າວ​ອີກ​ວ່າ ເກົາຫລີໃຕ້
​ບໍ່​ແມ່ນ​ປະ​ເທດ​ດຽວ ທີ່​ໃຊ້​ບົດສອບແບບ​ນີ້. ​

ທ່ານ Jasper Kim ເປັນ​ອາຈາ​ສອນ​ທີ່ມະຫາວິທະຍາ​ໄລ​ຍິງ ອີ​ຫວາ ຫລື Ewha Women’s University ທີ່​ນະຄອນຫລວງໂຊ​ລ.

ທ່ານ Jasper Kim ກ່າວ​ວ່າ “ຂ້າພະ​ເຈົ້າ​ຄິດ​ວ່າ ທ່ານ​ຈະ​ເຫັນ​ບົດສອບ ທີ່​ຄ້າຍຄື​
ກັນ​ນີ້ ຢູ່​ໃນປະ​ເທດ​ຈີນ ​ແລະ​ຍີ່ປຸ່ນ ໃນ​ລະດັບ​ທີ່​ນ້ອຍ​ກ່ວາ. ໃນບັ້ນ​ສຸດ​ທ້າຍ​ແລ້ວ
ມາ​ເປັນ​ບົດສອບ​ທີ່​ເຮັດ​ເປັນ​ມາດຕະຖານ ຄື​ກັນ​ໝົດ. ສິ່ງ​ທີ່ມັນ​ສ້າງ​ຂຶ້ນ​ກໍ​ຄື ລະບົບ
ສິດສອນ ທີ່​ແນໃສ່ບົດສອບ ຊຶ່ງ​ເວົ້າ​ໃນ​ອີກ​ແງ່​ໜຶ່ງ ກໍ​ແມ່ນ​ວ່າ ທຸກໆ​ຄົນ​ແມ່ນ​ຖືກ
ສິດສອນ​ໃຫ້ເລືອກ ​ເອົາ​ຄຳ​ຕອບ​ທີ່​ຖືກຕ້ອງ ໂດຍ​ທີ່​ບໍ່​ຮູ້​ວ່າ ​ເປັນ​ຫຍັງ​ຄຳ​ຕອບ​ອັນ​ນັ້ນ
ຈຶ່ງ​ເປັນຄຳຕອບ​ທີ່​ຖືກຕ້ອງ.”

ຫວຽດນາມ​ກໍ​ເປັນ​ອີກ​ປະ​ເທດ​ໜຶ່ງ ທີ່​ມີ​ຊື່​ສຽງ​ໃນ​ດ້ານ​ບົດສອບ​ເສັງ​ເຂົ້າ​ມະຫາວິທະຍາ​ໄລ.

ອາຈານ​ຄິມກ່າວ​ວ່າ ລະບົບ​ການ​ຮຽນ​ໜັງສື​ແບບ ເລົ່າໃຫ້​ຂຶ້ນ​ໃຈ ຫລື memorization
ນັ້ນ ​ເຮັດ​ໃຫ້​ນັກຮຽນ​ ຈໍານວນ​ຫລາຍໆ​ຄົນ​ ​ຕົກ​ຢູ່​ໃນ​ສະພາບເຄັ່ງ​ຄຽດ. ການ​ສຶກສາ​ບັ້ນ​ໜຶ່ງ
ຂອງ​ລັດຖະບານ​ເມື່ອ​ບໍ່​ນານ​ມາ​ນີ້ ​ເດັກນ້ອຍ​ເກົາຫລີ​ໃຕ້​ນັ້ນ​ແມ່ນ​ມີ​ຄວາມ​ສຸກ​ສົດ​ຊື່ນ ໜ້ອຍ​ກ່ວາ​ເດັກນ້ອຍຢູ່​ໃນ 29 ​ປະ​ເທດ​ອື່ນໆ​ທີ່​ພັດທະນາ​ແລ້ວ​. ຊາວ​ເກົາຫລີ​ໃຕ້​ຫລາຍ​ຄົນ ຖິ້ມ
ໂທດ​ໃສ່​ຄວາມ​ກົດ​ດັນ​ດ້ານ​ການ​ສຶກສາ​ນີ້​ວ່າ ​ເປັນສາ​ເຫດ​ເຮັດ​ໃຫ້​ເດັກນ້ອຍ​ເກົາຫລີ​ໃຕ້ ບໍ່ມີ​ຄວາມສຸກ​.

ປະທານາທິບໍດີເກົາຫລີໃຕ້ ທ່ານ​ນາງ ​ Park Geun-hye ໄດ້​ໃຫ້​ຄຳ​ໝັ້ນ​ສັນຍາ​ທີ່​ຈະປະ
ຕິ​ຮູບ​ລະ​ບົບການ​ສຶກສາ​ຂອງ​ປະ​ເທດ​ຂອງ​ທ່ານ​ນາງ. ​ແລະ​ທ່ານ​ນາງ​ຊຸກຍູ້​ໃຫ້ລະບົບສຶກ
ສາ ​ເພີ້​ມທະວີ​ແນວ​ຄິດ​ແບບ​ປະດິດ​ສ້າງ ​ແລະ​ໃຫ້​ຫລຸດຜ່ອນ​ຄວາມ​ເຄັ່ງ​ຄຽດ​ລົງ. ​ແຕ່​ທ່ານ Jasper Kim ບໍ່ຮູ້ສຶກ​ແນ່​ໃຈ​ວ່າ ການ​ປະຕິ​ຮູບ​ໂດຍ​ລັດຖະບານ​ແຕ່​ຝ່າຍ​ດຽວ ຈະ​ແກ້​ໄຂ
ບັນຫາ​ນີ້​ໄດ້. ​

ທ່ານຄິມ​ເວົ້າ​ວ່າ “ພວກລັດຖະກອນ​ຫັ້ນ ​ເຂົາ​ເຈົ້າ​ຢາກ​ເວົ້າ​ຫຍັງ​ກໍ​ໄດ້​ໜົດ ທີ່​ເຂົາ​ເຈົ້າ​
ຢາກ​ເວົ້າ. ​ແຕ່​ວ່າ ຈິງໆ​ແລ້ວ ​ມັນ​ເລີ້ມ​ຕົ້ນ​ຂຶ້ນ​ຢູ່ເຮືອນ.”

​ແນວ​ໃດ​ກໍ​ຕາມ ການ​ທີ່​ຈະ​ເຮັດ​ໃຫ້​ພວກ​ພໍ່​ແມ່​ຊາວ​ເກົາຫລີ​ໃຕ້ ​ຫລຸດຜ່ອນ​ຄວາມ​ກົດ​ດັນຕໍ່
ລູກໆ​ລົງ​ນັ້ນ ມັນ​ອາດ​ຈະ​ບໍ່​ງ່າຍ​ປານ​ນັ້ນ. ນາງ Shin Jeong-yeon ​ເວົ້າ​ວ່າ ນາງ​ກໍ​ບໍ່ຢາກ
ຈະກົດ​ດັນລູກ​ສາວ​ຂອງ​ນາງຫລາຍ​ປານ​ໃດ​ດອກ ​ແຕ່​ມັນ​ກໍ​ມີ​ການ​ແຂ່ງ​ຂັນ​ກັນ​ຫລາຍໂພດ. ສະ​ນັ້ນ​ ຈຶ່ງ​ເປັນ​ໄປ​ບໍ່​ໄດ້ ທີ່​ຈະ​ບໍ່​ໃຫ້​ພໍ່​ແມ່​ກົດ​ດັນ​ລູກ ໃຫ້​ຮຽນ​ເກ່ງໆ​. ສໍາ​ຫລັບ​ເວລານີ້ ສິ່ງ​ທີ່
ນາງ Shin ​ແລະ​ພໍ່​ແມ່​ຄົນ​ອື່ນໆ ເຮັດ​ໄດ້ນັ້ນ ກໍຄື​ຫວັງ​ວ່າ ຄວາມ​ກົດ​ດັນ​ອັນ​ນັ້ນ ຈະ​ສົ່ງ​ຜົນ​ທີ່
ດີ​ອອກ​ມາ.

ເບິ່ງວີດີໂອຂອງພະແນກ ຮຽນພາສາອັງກິດ ກ່ຽວກັບລາຍງານນີ້:

______________________________________________________________

XS
SM
MD
LG