ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ນັກວິເຄາະກ່າວວ່າ ການວາງແນວທາງກັບສະຫະລັດຂອງເກົາຫຼີໃຕ້ ໄດ້ສ້າງຂໍ້ຂັດແຍ້ງໃຫ້ກັບຈີນ


ປະທານາທິບໍດີສະຫະລັດ ທ່ານໂຈ ໄບເດັນ ເຂົ້າຮ່ວມຖະແຫຼງຂ່າວກັບປະທານປະເທດຂອງເກົາຫຼີໃຕ້ ທ່ານຢຸນ ຊຸກ ໂຢລ, ຢູ່ທີ່ທໍານຽບປະທານປະເທດ ໃນນະຄອນຫຼວງໂຊລ, ເມື່ອວັນທີ 21 ພຶດສະພາ 2022.
ປະທານາທິບໍດີສະຫະລັດ ທ່ານໂຈ ໄບເດັນ ເຂົ້າຮ່ວມຖະແຫຼງຂ່າວກັບປະທານປະເທດຂອງເກົາຫຼີໃຕ້ ທ່ານຢຸນ ຊຸກ ໂຢລ, ຢູ່ທີ່ທໍານຽບປະທານປະເທດ ໃນນະຄອນຫຼວງໂຊລ, ເມື່ອວັນທີ 21 ພຶດສະພາ 2022.

ໃນຂະນະທີ່ລັດຖະບານຂອງເກົາຫຼີໃຕ້ ມີຄວາມສໍາພັນອັນເລິກເຊິ່ງທາງດ້ານເສດຖະກິດ ແລະຄວາມໝັ້ນຄົງກັບສະຫະລັດ, ບັນດານັກຊ່ຽວຊານຊໍ້າພັດກໍາລັງເຕືອນວ່າ ຄວາມສໍາພັນອັນຍາວນານລະຫວ່າງລັດຖະບານໂຊລກັບຈີນ ມີທ່າອ່ຽງຄືວ່າກໍາລັງຈະໄດ້ຮັບຜົນກະທົບ.

ຫຼັກຖານໃນ​ຂັ້ນ​ຕົ້ນ​ຂອງຄວາມເຄັ່ງຕຶງທີ່ອາດຈະເກີດຂຶ້ນໄດ້ ແມ່ນເຫັນໄດ້ຢ່າງແຈ່ມແຈ້ງ ຈາກລັດຖະມົນຕີກະຊວງການຕ່າງປະເທດຂອງຈີນ ທ່ານຫວັງ ຢີ, ເຊິ່ງໄດ້ຕ້ອງຕິກ່ຽວກັບຂອບເຂດນະໂຍບາຍໃໝ່ທາງດ້ານເສດຖະກິດ ຂອງປະ ທານາທິບໍດີສະຫະລັດ ທ່ານໂຈ ໄບເດັນ ຢ່າງຮຸນແຮງ, ໂດຍການກໍ່ຕັ້ງຂອບ​ເສດ​ຖະ​ກິດ​ໃໝ່ ​ໃນພູມິພາກຂຶ້ນ ເຊິ່ງລວມມີເກົາຫຼີໃຕ້ ແຕ່ບໍ່ມີຈີນ.

“ເມື່ອໄວໆມານີ້ ສະຫະລັດໄດ້ສະເໜີໃຫ້ພິຈາລະນາໃນອັນທີ່ຮ້ອງວ່າ ຂອບເສດ ຖະກິດແຫ່ງອິນໂດ-ປາຊີຟິກຫຼື IPEF, ແລະໄດ້ກ່າວ​ອ້າງວ່າ ເພື່​ອສ້າງລະບຽບ ການ​ໃໝ່ທີ່ເປີດກວ້າງ, ແລະເສລີ ລວມເອົາ​ທຸກ​ພັກ​ຝ່າຍ,” ທ່ານ ຫວັງ ກ່າວໃນມື້ວັນຈັນແລ້ວນີ້ ໃນລະຫວ່າງການເດີນທາງໄປຢ້ຽມຢາມປະເທດຟີຈິ, ເຊິ່ງເປັນການ ຢ້ຽມຢາມນຶ່ງໃນ 8 ປະເທດເກາະດອນ ຂົງເຂດມະຫາສະມຸດປາຊີຟິກ ໂດຍໄດ້ແນເປົ້າໝາຍໃສ່ການຮັກສາຂໍ້ຕົກລົງທາງດ້ານການຄ້າໃນວົງກວ້າງ ແລະຄວາມໝັ້ນຄົງຕ່າງໆ.

“ຖ້າສະຫະລັດຫາກມີເຈດຕະນາທີ່ຈະບໍ່ລວມເອົາຈີນເຂົ້າຮ່ວມເປັນສະມາຊິກ ເຊິ່ງເປັນຕະຫຼາດທີ່ໃຫຍ່ທີ່ສຸດຢູ່ໃນພູມິພາກແຫ່ງນີ້ ແລະອື່ນໆ, ແລ້ວມັນຈະ ລວມກັນໄດ້ແນວໄດ້? ແທ້ຈິງແລ້ວ ສິ່ງທີ່ສະຫະລັດ ກໍາລັງດໍາເນີນການຢູ່ນີ້ ແມ່ນເປັນການຜັກດັນໃຫ້ປະເທດຕ່າງໆເຂົ້າສູ່ຂອບມາດຕະຖານ ແລະກົດລະ ບຽບຂອງຕົນເອງ,” ທ່ານ ຫວັງ ກ່າວເພີ້ມເຕີມ. ທ່ານ ໄບເດັນ ເລີ້ມດໍາເນີນງານກ່ຽວກັບ IPEF ເມື່ອວັນທີ 23 ພຶດສະພາ ໃນປະເທດຍີປຸ່ນ, ເຊິ່ງເປັນປະເທດທີສອງໃນການເດີນທາງຢ້ຽມຢາມເອເຊຍຄັ້ງທໍາອິດຂອງທ່ານ ລຸນຫຼັງທີ່ໄດ້ໄປຢ້ຽມຢາມປະເທດເກົາຫຼີໃຕ້.

ແມ່ຍິງຄົນນຶ່ງຍ່າງຜ່ານປ້ານຜ້າທີ່ມີຄໍາຂັວນ ຍິນດີຕ້ອນຮັບການຢ້ຽມຢາມຂອງປະທານາທິບໍດີສະຫະລັດ ທ່ານໂຈ ໄບເດັນ, ໃກ້ກັບສະຖານທູດສະຫະລັດ ໃນນຄອນຫຼວງໂຊລ, ເມື່ອວັນທີ 21 ພຶດສະພາ 2022.
ແມ່ຍິງຄົນນຶ່ງຍ່າງຜ່ານປ້ານຜ້າທີ່ມີຄໍາຂັວນ ຍິນດີຕ້ອນຮັບການຢ້ຽມຢາມຂອງປະທານາທິບໍດີສະຫະລັດ ທ່ານໂຈ ໄບເດັນ, ໃກ້ກັບສະຖານທູດສະຫະລັດ ໃນນຄອນຫຼວງໂຊລ, ເມື່ອວັນທີ 21 ພຶດສະພາ 2022.

ປະທານປະເທດທີ່ໄດ້ຮັບເລືອກຕັ້ງໃໝ່ຂອງເກົາຫຼີໃຕ້ ທ່ານຢຸນ ຊຸກ ໂຢ​ລ ໄດ້ປະກາດວ່າ ທ່ານຈະເຂົ້າຮ່ວມກຸ່ມ IPEF ໃນລະຫວ່າງການປະຊຸມສຸດຍອດກັບທ່ານໄບເດັນ ທີ່ໄດ້ຈັດຂຶ້ນເມື່ອວັນທີ 21 ພຶດສະພາ ໃນນະຄອນຫຼວງໂຊລ. ໃນການຖະແຫຼງຂ່າວລຸນຫຼັງການປະຊຸມສຸດຍອດດັ່ງກ່າວ, ທ່ານ ໂຢ​ລ ກ່າວວ່າ ການມີສ່ວນຮ່ວມໃນການດໍາເນີນງານກັບ IPEF ຂອງລັດຖະບານໂຊລ ຖືເປັນ “ບາດກ້າວທໍາອິດ” ໄປສູ່ການສ້າງ “ລະບຽບບົນພື້ນຖານຂອງອິນໂດ-ປາຊີຟິກ” ຮ່ວມກັບວໍຊິງຕັນ.

ໂດຍປະກອບດ້ວຍ 13 ປະເທດ, ເຊິ່ງສ່ວນໃຫຍ່ແມ່ນຢູ່ໃນພູມິພາກອິນໂດ-ປາຊີຟິກ ແລະເອເຊຍຕາເວັນອອກ, ຄິດເປັນ 40 ເປີເຊັນຂອງຜະລິດຕະພັນລວມພາຍໃນປະເທດທົ່ວໂລກ, ກຸ່ມ IPEF ​ແມ່ນສ່ວນນຶ່ງຂອງ​ຂໍ້ລິເລີ້ມທີ່ນໍາໂດຍສະ ຫະລັດ ເພື່ອສ້າງ​ຕ່ອງ​ໂສ້​ສະ​ໜອງ​ອຸບ​ປະ​ທານ​ທີ່​ປັບ​ຕົວ​ໄດ້​ບົນ​ພື້ນ​ຖານການ​ຄ້າ​ທີ່ຍຸຕິທໍາ, ອີງຕາມການລາຍງານຂອງປະເທດສະມາຊິກຕ່າງໆ.

ໃນລະຫວ່າງການປະຊຸມສຸດຍອດກັບທ່ານ ໄບເດັນ, ທ່ານ ​ໂຢ​ລ ຍັງໄດ້ໃຫ້ຄວາມສົນໃຈທີ່ຈະເຂົ້າຮ່ວມກຸ່ມຄວດ ນໍາອີກດ້ວຍ, ອັນເປັນກຸ່ມພັນທະມິດທາງດ້ານຄວາມໝັ້ນຄົງທີ່ບໍ່ເປັນທາງການ ໂດຍປະກອບມີ ສະຫະລັດ, ຍີ່ປຸ່ນ, ອິນເດຍ ແລະອອສເຕຣເລຍ, ເຊິ່ງທ່ານ ໄບເດັນ ກໍສະແດງຄວາມຍິນດີຕ້ອນຮັບ.

ອ່ານຂ່າວນີ້ເປັນພາສາອັງກິດ

XS
SM
MD
LG