ເກົາຫຼີໃຕ້ ເປີດເຜີຍວີດີໂອທີ່ສະແດງໃຫ້ເຫັນການລະເບີດຂອງລູກສອນໄຟ ເກົາຫຼີເໜືອ ໃນລະຫວ່າງການບິນ 

ກອງທັບຂອງເກົາຫຼີໃຕ້, ໃນວັນສຸກມື້ນີ້ໄດ້ເປີດເຜີຍວິດີໂອທີ່ກ່າວວ່າ ສະແດງໃຫ້ ເຫັນລູກສອນໄຟຂອງເກົາຫຼີເຫນືອ ໝູນ​ວຽນຢ່າງຜິດປົກກະຕິໃນຕອນຕົ້ນຂອງການບິນ ແລະກໍເກີດການລະເບີດ, ເຊິ່ງເປັນການເປີດ​ເຜີຍທີ່ຫາຍາກຂອງພາບວິດີໂອ​ກ້ອງວົງ​ຈອນ​ປິດ ເພື່ອປະຕິເສດການກ່າວອ້າງຂອງ ເກົາຫລີເຫນືອ ກ່ຽວກັບ ການທົດ ລອງທີ່ປະສົບຜົນສໍາເລັດ, ອີງຕາມລາຍງານຂອງອົງການຂ່າວ Reuters.

ວິດີໂອທີ່ຖ່າຍໂດຍອຸປະກອນສັງເກດການຄວາມຮ້ອນ ກັບບັນດາໜ່ວຍງານ ແຖວໜ້າຂອງເກົາຫຼີໃຕ້ ໄດ້ສະແດງໃຫ້ເຫັນລູກສອນໄຟທີ່ຫາກໍຍິງອອກໄປ ບິນກ້ຽວວຽນອອກຈາກການຄວບຄຸມຢູ່ໃນເສັ້ນທາງການບິນທີ່ບໍ່ສະຫມໍ່າສະເຫມີ, ຈາກນັ້ນກໍ່ເກີດການແຕກສະຫຼາຍ.

ກອງທັບເກົາຫຼີໃຕ້ໄດ້ທໍາການປະເມີນວ່າ “ເກີດຄວາມບໍ່ໝັ້ນທ່ຽງໃນລະຫວ່າງ ການບິນ” ອັນໄດ້ນໍາໄປສູ່ການລະເບີດຂອງລູກສອນໄຟ, ເຊິ່ງພວກເຂົາເຈົ້າກ່າວ ໃນຖະແຫຼງການຂອງວັນສຸກມື້ນີ້, ໂດຍເອີ້ນການກ່າວອ້າງເອົາຜົນສໍາເລັດຂອງ ເກົາຫລີເຫນືອວ່າເປັນ “ການຕົວະ ແລະເວົ້າເກີນຈິງ ເພື່ອປົກປິດຄວາມລົ້ມ ແຫຼວຂອງຕົນ.”

ສື່​ມວນ​ຊົນ​ທາງການຂອງ​ເກົາຫຼີ​ເໜືອ​ກ່າວ​ວ່າ ພຽງ​ຢາງ ປະສົບ​ຜົນສຳ​ເລັດ​ໃນ​ການ​ທົດ​ລອງ​ຄັ້ງ​ສຳຄັນ​ໃນ​ວັນ​ພຸດ​ແລ້ວ​ນີ້ ​ໂດຍ​ແນເປົ້າໝາຍ​ໃສ່ການ​ພັດທະນາ​ລູກ​ສອນ​ໄຟ​ທີ່​ສາມາດ​ປະຕິບັດງານ​ໄດ້​ຫຼາຍ​ຫົວນໍາກັນ, ​ເຊິ່ງ​ເປັນ​ການ​ກ່າວ​ອ້າງ​ທີ່​ຖືກ​ປະຕິ​ເສດໂດຍ ເກົາຫລີ​ໃຕ້.

ອົງການ​ຂ່າວ KCNA ຂອງ​ທາງ​ການ​ເກົາຫຼີ​ເໜືອ​ລາຍ​ງານ​ວ່າ ​ລູກ​ສອນ​ໄຟ​ຂອງລັດຖະບານ​ເກົາຫຼີ​ເໜືອ ​ໄດ້​ນຳ​ໃຊ້​ເຄື່ອງ​ຈັກເຊື້ອໄຟແຂງໄລຍະທຳ​ອິດ​ຂອງ​ລູກ​ສອນ​ໄຟ​ຂີ​ປະ​ນາ​ວຸດ​ໄລຍະ​ກາງ ​ເພື່ອ​ທົດ​ສອບ​ການ​ແຍກ​ຕົວ​ ແລະ​ການ​ຊີ້​ນຳ​ຂອງ​ຫົວ​ລົບ​ຫຼາຍ​ຫົວ.

ອ່ານຂ່າວດ້ານລຸ່ມນີ້ເປັນພາສາອັງກິດ

SEOUL, June 28 (Reuters) - South Korea's military on Friday released a video that it said showed a North Korean missile abnormally spiralling early in flight and exploding, a rare publicising of surveillance footage to dismiss the North's claim of a successful test.

Footage filmed by a thermal observation device with South Korean frontline units showed a projectile spiralling out of control on a irregular flight path, then disintegrating.

The South Korean military assessed that "instability during flight" led to the missile's explosion, it said in a statement on Friday, calling North Korea's claims of success as "deception and exaggeration to cover up the failure".

North Korean state media had said that Pyongyang successfully conducted an important test on Wednesday aimed at developing missiles able to deploy multiple warheads, a claim rejected by South Korea.

North Korea's missile administration used the first-stage engine of a solid-fuel intermediate-range ballistic missile to test separation and guidance of multiple warheads, according to the North's official KCNA news agency.