ລິ້ງ ສຳຫລັບເຂົ້າຫາ

ວັນອັງຄານ, ໑໖ ກໍລະກົດ ໒໐໒໔

ການຄົ້ນພົບ ຊາກກະດູກໃໝ່ ອາດປ່ຽນແປງ ວິທີທີ່ເຮົາເບິ່ງ ວິວັດທະນາການ ຂອງມະນຸດ


ກະດູກຫລາຍກວ່າ 1,500 ຊິ້ນ ຈາກ 15 ສ່ວນບຸກຄົນ ທີ່ຮ້ອງວ່າ Homo naledi ໄດ້ຖືກພົບເຫັນ ຢູ່ໃນຖໍ້າ ອາຟຣິກາໃຕ້.
ກະດູກຫລາຍກວ່າ 1,500 ຊິ້ນ ຈາກ 15 ສ່ວນບຸກຄົນ ທີ່ຮ້ອງວ່າ Homo naledi ໄດ້ຖືກພົບເຫັນ ຢູ່ໃນຖໍ້າ ອາຟຣິກາໃຕ້.

ຄະນະທີ​ມວິ​ທະຍາ​ສາດ ທີ່​ໄດ້​ກາຍ​ເປັນ​ຫົວ​ຂໍ້​ຂ່າວ​ໃນ​ປີ 2015 ​ຍ້ອນການ​ຄົ້ນ​ພົບຍາດ
​ພີ່ນ້ອງ​ຂອງມະນຸດ​ສະ​ໄໝໂບຮານທີ່​ບໍ່​ເຄີຍ​ຮູ້​ກັນ​ມາ​ກ່ອນກ່າວ​ວ່າ ການ​ຄົ້ນ​ພົບ​ເທື່ອ
ຫລ້າ​ສຸດຂອງ​ພວກ​ເຂົາ​ເຈົ້າ ອາດ​ຈະ​ປ່ຽນ​ແປງ​ວິທີ ທີ່​ເຮົາມອງ​ເບິ່ງວິ​ວັດທະນາການ​
ຂອງມະນຸດ.

ການ​ຄົ້ນ​ພົບທີ່​ພິມເຜີຍ​ແຜ່​ໃນ​ອາທິດ​ນີ້ ຢູ່​ໃນ​ນິດ​ຕະ​ຍະ​ສານວິທະຍາສາດ​ ELife ແມ່ນ
​ຮວມ​ທັງ​ການ​ຄົ້ນ​ພົບ​ຫ້ອງທີ​ສອງຂອງຊາກ​ກະດູກ​ ຂອງ​ພວກ​ມະນຸດສະ​ໝອງ​ນ້ອຍ
hominin ຫລື Homo Naledi ​ແລະ​ກໍ​ຄື​ເປັນຊາກກະດູ​ກທີ່​ມີ​ອາຍຸ​ນ້ອຍ​ເປັນ​ພິ​ເສດ.

ພວກ​ກະດູກ​ທີ່ຖືກ​ພົບ​ເຫັນ​ຢູ່​ໃນຖໍ້າ ທີ່​ເຕັມ​ໄປ​ດ້ວຍ​ຊາກກະດູກ​ເຫລົ່າ​ນີ້ ຊຶ່ງ​ຕັ້ງຢູ່ ທາງ​
ພາກ​ຕາ​ເວັນ​ອອກສຽງເໜືອ​ຂອງນະຄອນ Johannesburg ນີ້ ຕົ້ນຕໍ​ແລ້ວ​ແມ່ນຄິດ​ກັນວ່າມີອາຍຸຫລາຍກວ່າ 2 ລ້ານປີ ຊຶ່ງເຮັດໃຫ້​ເປັນ​ໄປ​ໄດ້ວ່າ​ເຂົາ​ເຈົ້າ ອາດເປັນບັນ
ພະບູຣຸດຂອງມະນຸດ​ເຮົາ ບາງທີແມ່ນກະທັ້ງ ທີ່ປະຊາຄົມວິທະຍາ ສາດຈຳນວນນຶ່ງ ພິຈາລະນາວ່າ ອາດ​ຈະ​ເປັນ “ການເຊື່ອມໂຍງທີ່ຂາດໄປ” ລະ ຫວ່າງ ລີງແລະມະນຸດ.

ເຖິງຢ່າງໃດກໍດີ ການທົດສອບທີ່​ເປັນ​ອິດສະຫຼະຂອງຊາກ​ກະດູກ​ກຸ່ມທຳອິດ​ແມ່ນ ມີ​ອາຍຸລະຫວ່າງ 236,000 ແລະ 335,000 ປີ ຊຶ່ງໝາຍຄວາມວ່າເຂົາເຈົ້າດຳ ລົງ​ຊີວິດໃນເວລາດຽວກັນ ກັບມະນຸດສະ​ໄໝໂບຮານ. ພວກນັກວິທະຍາກ່າວ​ວ່າ ເຂົາ
ເຈົ້າເຊື່ອວ່າ ສາຍ​ພັນ​ດັ່ງກ່າວນີ້ແມ່ນ​ມີ​ຕົ້ນຕໍ​ເກົ່າ​ແກ່​ກວ່າ​ໜ້ານັ້ນແລະຢູ່ລອດ ມາໄດ້
ກວ່າ 2 ລ້ານປີ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG