ອົງການອະນາໄມໂລກ ຫລື WHO ລາຍງານວ່າ ການສຳຜັດຜິວໜັງລະຫວ່າງແມ່ກັບລູກໃນທັນທີທັນໃດຫລັງຈາກເກີດອອກມາສາມາດຊ່ວຍຊີວິດເດັກທີ່ເກີດກ່ອນກຳນົດໄດ້ຫຼາຍແສນຄົນ. ອົງການ WHO ໄດ້ເປີດເຜີຍຂໍ້ແນະ ນຳໃໝ່ ເພື່ອປັບປຸງໂອກາດມີຊີວິດລອດ ແລະສຸຂະພາບຂອງເດັກທີ່ເກີດມາມີນ້ຳໜັກໜ້ອຍ, ເດັກເກີດກ່ອນກຳນົດ. Lisa Schlein ມີລາຍງານຈາກນະຄອນເຈນີວາ ມາຫາ ວີໂອເອ ຊຶ່ງບົວສະຫວັນ ຈະນຳມາສະເໜີທ່ານໃນອັນດັບຕໍ່ໄປ.
ໃນແຕ່ລະປີ, ອົງການອະນາໄມໂລກ ຫລື WHO ຄາດຄະເນວ່າ ມີເດັກນ້ອຍ 15 ລ້ານຄົນ ທີ່ເກີດກ່ອນກຳນົດ, ເຊິ່ງແມ່ນຫຼາຍກວ່າ 1 ໃນ 10 ຄົນຂອງຈຳນວນເດັກນ້ອຍທັງໝົດທີ່ເກີດມາໃນໂລກນີ້. ອົງການນີ້ເວົ້າວ່າເດັກນ້ອຍປະມານ 10 ເປີເຊັນ, ຫຼື 1.4 ລ້ານຄົນໄດ້ເສຍຊີວິດໄປໃນແຕ່ລະປີ ຍ້ອນອາການແຊກຊ້ອນທີ່ເກີດມາຈາກການເກີດກ່ອນກໍານົດ.
ອົງການນີ້ບອກວ່າ ໂຕເລກນັ້ນກຳລັງເພີ້ມຂຶ້ນ ແລະການເກີດກ່ອນໄວອັນຄວນ ດຽວນີ້ ກຳລັງເປັນສາເຫດສູງກວ່າໝູ່ທີ່ພາໃຫ້ເດັກນ້ອຍທີ່ມີອາຍຸຕ່ໍາກວ່າຫ້າປີ ເສຍຊີວິດ.
ທ່ານນາງແຄເຣັນ ແອັດມັນ (Karen Edmond) ເປັນເຈົ້າໜ້າທີ່ການແພດ ແລະແພດເດັກ ຢູ່ໃນພະແນກສຸຂະພາບແມ່, ເດັກເກີດໃໝ່, ເດັກນ້ອຍ ແລະ ເດັກໄວລຸ້ນ ແລະຜູ້ສູງອາຍຸຂອງອົງການອະນາໄມໂລກ. ທ່ານນາງກ່າວວ່າ ການປະຕິບັດຕາມຄໍາແນະນໍາໃຫມ່ ຂອງ WHO ແມ່ນສາມາດຊ່ວຍຊີວິດຂອງ ເດັກນ້ອຍໄດ້ 50 ເປີເຊັນ ຫຼື 700,000 ຄົນ ທີ່ເກີດກ່ອນກຳນົດ ຫຼື ມີໂຕນ້ອຍ ຫລາຍ.
ທ່ານນາງກ່າວວ່າ “ສິ່ງນັ້ນ ພວກເຮົາຫມາຍເຖິງເດັກນ້ອຍທີ່ເກີດກ່ອນກຳນົດ ຫຼື ມີນ້ຳໜັກຕໍ່າໃນເວລາເກີດ; ເດັກນ້ອຍທີ່ເກີດກ່ອນການຖືພາຄົບ 37 ອາທິດ; ຫຼື ເກີດມາມີນ້ຳໜັກຕໍ່າກວ່າ 2.5 ກິໂລ. ຂໍ້ແນະນໍານັ້ນ ບອກວ່າ ການສໍາຜັດຂອງ ຜິວຫນັງເດັກກັບຜູ້ລ້ຽງດູເດັກ - ທີ່ເອີ້ນວ່າ ການດູແລຂອງແມ່ ແບບໂຕຈິ້ງໂຈະ ຫຼືແກງກາຣູ - ຄວນເລີ່ມຕົ້ນໃນທັນທີທັນໃດຫຼັງຈາກເດັກເກີດມາ, ໂດຍປາດສະຈາກ ໄລຍະເວລາຂັ້ນຕົ້ນຢູ່ໃນຫ້ອງອົບເດັກນ້ອຍ."
ທ່ານນາງແອັດມັນ (Edmond) ເວົ້າອີກວ່າ ສິ່ງນັ້ນເປັນການປ່ຽນແປງອັນໃຫຍ່ ຫຼວງຈາກການຊີ້ນໍາກ່ອນຫນ້ານີ້ ແລະການປະຕິບັດດ້ານການແພດໂດຍທົ່ວໄປ.
ທ່ານນາງເວົ້າວ່າ, ເດັກນ້ອຍເກີດກ່ອນກໍານົດ ແມ່ນຂາດໄຂມັນໃນຮ່າງກາຍ ແລະມັກຈະຕ້ອງການການຊ່ວຍເຫຼືອທາງການແພດດ້ວຍການຫາຍໃຈ. ຄໍາ ແນະນໍາໃນໄລຍະຜ່ານມາ, ທ່ານນາງເວົ້າວ່າ ແມ່ນໃຫ້ແມ່ແລະເດັກ ແຍກກັນຢູ່ປະມານສາມ ຫາເຈັດມື້ ເຖິງແມ່ນວ່າເດັກເກີດໃຫມ່ຈະຢູ່ສະພາບອັນຫມັ້ນທ່ຽງຢູ່ໃນຫ້ອງອົບ ຫຼື ບ່ອນອຸ່ນສຳລັບເດັກນ້ອຍ ແລ້ວກໍຕາມ.
ທ່ານນາງເວົ້າວ່າ, ຄໍາແນະນໍາໃຫມ່, ຮັບຮູ້ວ່າ ການໂອບກອດຄັ້ງທໍາອິດຂອງ ພໍ່ແມ່ແມ່ນມີຄວາມສໍາຄັນທາງດ້ານຈິດໃຈ ແລະສໍາຄັນທີ່ສຸດສໍາລັບການເພີ້ມ ໂອກາດມີຊີວິດລອດຂອງເດັກນ້ອຍເກີດກ່ອນໄວອັນຄວນ.
ທ່ານນາງກ່າວດັ່ງນີ້ີ້ "ນອກຈາກນີ້, ສິ່ງທີ່ພິເສດ ກໍຄື ຄໍາແນະນໍາໃນປັດຈຸບັນ ແມ່ນບອກວ່າຫ້ອງອົບ ຄວນປ່ຽນວິທີໃໝ່ເພື່ອໃຫ້ແມ່ ແລະເດັກໄດ້ຢູ່ນຳກັນ - ເຮັດໃຫ້ເດັກນ້ອຍຢູ່ມີການສຳພັດຜິວຫນັງຕໍ່ຜິວໜັງກັບແມ່ນຕະຫຼອດ 24 ຊົ່ວ ໂມງ ຕໍ່ມື້ ເຖິງແມ່ນວ່າເດັກນ້ອຍຈະໄດ້ຕ້ອງຢູ່ໃນຫ້ອງດູແລເດັກເກີດໃໝ່ ຫຼື ການດູແລໃນຫ້ອງມໍລະສຸມກໍຕາມ.”
WHO ກ່າວວ່າ ຄວາມແຕກຕ່າງກັນທີ່ສຳຄັນໃນເລື້ອງໂອກາດມີຊີວິດລອດຂອງເດັກເກີດກ່ອນກຳນົດແມ່ນຂຶ້ນຢູ່ກັບບ່ອນທີ່ເຂົາເກີດ. ອົງການນີ້ ບອກວ່າ ເດັກນ້ອຍສ່ວນໃຫຍ່ທີ່ເກີດຢູ່ໃນ ຫຼືຫຼັງຈາກ 28 ອາທິດໃນປະເທດທີ່ມີລາຍໄດ້ ສູງແມ່ນຍັງສືບຕໍ່ມີຊີວິດຢູ່ລອດໄດ້ ໃນຂະນະທີ່ຢູ່ໃນປະເທດທຸກຍາກນັ້ນ ອັດ ຕາການຢູ່ລອດອາດຕໍ່າເຖິງ 10 ເປີເຊັນ.
ທ່ານນາງແອັດມັນ (Edmond) ກ່າວວ່າ ຄໍາແນະນໍາໃຫມ່ແມ່ນງ່າຍໆ ແລະ ແທດເໝາະກັບຕົວຈິງ ແລະສາມາດເຮັດໃຫ້ເກີດຄວາມແຕກຕ່າງຢ່າງແທ້ຈິງ ໄດ້ ຕໍ່ກັບການດູແລເດັກນ້ອຍທີ່ມີຄວາມສ່ຽງທີ່ສຸດໃນທຸກສະຖານະການ. ທ່ານນາງໃຫ້ຄຳເຫັນວ່າ ມັນສະແດງໃຫ້ເຫັນວ່າການປັບປຸງຜົນໄດ້ຮັບ ສໍາລັບ ເດັກທີ່ມີໂຕນ້ອຍໆ ບໍ່ແມ່ນການສະຫນອງວິທີແກ້ໄຂບັນຫາທີ່ເບິ່ງຄືວ່າພິຖີພິຖັນແລະ ໃຊ້ເທັກໂນໂລຈີສູງທີ່ສຸດ.
ທ່ານນາງກ່າວມ້ວນທ້າຍວ່າ ຄຳແນະນຳໃໝ່ນີ້ ມີຄວາມເໝາະສົມເປັນພິເສດຢູ່ໃນປະເທດທີ່ທຸກຍາກ ທີ່ກຳລັງພັດທະນາທີ່ອາດຈະບໍ່ມີອຸປະກອນທາງເທັກໂນໂລຈີສູງ ຫຼືແມ່ນແຕ່ໄຟຟ້າທີ່ສະໝ່ຳສະເໝີໄດ້. ທ່ານນາງເວົ້າວ່າການຮັບປະ ກັນການເຂົ້າເຖິງການດູແລສຸຂະພາບທີ່ຈຳເປັນ ທີ່ເນັ້ນໃສ່ຄວາມຕ້ອງການຂອງຄອບຄົວ ຈະເພີ່ມໂອກາດໃນການລອດຊີວິດຂອງເດັກເກີດໃໝ່ໄດ້.
ອ່ານຂ່າວນີ້ເພີ້ມເປັນພາສາອັງກິດຢູ່ລຸ່ມນີ້:
The World Health Organization reports skin-to-skin contact between mother and baby immediately after birth could save the lives of hundreds of thousands of premature babies. The WHO has released new guidelines to improve the survival and health of low birth, pre-term babies. Lisa Schlein reports for VOA from Geneva.
Every year, the WHO estimates 15 million babies are born pre-term, amounting to more than one in 10 of all births globally. It says about 10 percent, or 1.4 million babies, die each year due to complications of pre-term births. It says that number is rising and prematurity is now the leading cause of death among children under five.
Karen Edmond is the medical officer and a pediatrician in the Maternal, Newborn, Child, and Adolescent & Aging Health Department at the WHO. She says implementing the WHO’s new recommendations could save the lives of 50 percent or 700,000 babies born early or small.
“By that we mean babies who are born pre-term or low birth weight; babies who are born before 37 weeks of pregnancy; or under 2.5 kg at birth. The guidelines advise that skin to skin contact with a caregiver — known as kangaroo mother care — should start immediately after birth, without any initial period in an incubator.”
Edmond says that is a big change from earlier guidance and common clinical practice.
Pre-term babies, she says, lack body fat and often require medical assistance with breathing. Previous recommendations, she notes, were for mother and baby to be separated around three to seven days while the newborn was stabilized in an incubator or warmer.
The new guidance, she says, acknowledges the first embrace with a parent is emotionally important and critical for improving chances of survival for small and premature babies.
“Also, notably, the guidelines now advise that intensive care units should re-orient so that the mother and baby can stay together — keeping the baby in skin-to-skin contact 24 hours a day even if the baby needs to be in the neo-natal intensive care unit or intensive care.”
The WHO says significant disparities in a pre-term baby’s chances of surviving depend on where they are born. It says most babies born at or after 28 weeks in high-income countries go on to survive, while in poorer countries survival rates can be as low as 10 percent.
Edmund says the new guidelines are simple and practical and can make a real difference to the care of the most vulnerable babies in all settings. She says they show that improving outcomes for tiny babies is not always about providing the most shiny and high-tech solutions.
She says the new recommendations have special relevance in poorer developing countries that may not have access to high-tech equipment or even reliable electricity. She says ensuring access to essential healthcare that is centered around the needs of families increases the baby’s chances for survival.
