ລິ້ງ ສຳຫລັບເຂົ້າຫາ

ວັນອາທິດ, ໒໑ ກໍລະກົດ ໒໐໒໔

ສິງ​ກະ​ໂປ ເວົ້າ​ວ່າ​ເຮືອ​ຂຸດ​ເລນ ສູນ​ເສຍ​ການ​ຄວບ​ຄຸມ ແລະ ຕຳ​ເຂົ້າ​ໃສ່​ກຳ​ປັ່ນ​ບັນ​ທຸກ​ນ້ຳ​ມັນ ເຮັດ​ໃຫ້​ນ້ຳ​ມັນ​ຮົ່ວ​ໄຫຼ


​ພະ​ນັກ​ງານ​ອະ​ນາ​ໄມ​ນ້ຳ​ມັນ​ທີ່​ຮົ່ວ​ໄຫຼຢູ່​ຕາມ​ຫາດ​ຊາຍ​ຂອງ​ເກາະ ເຊັນ​ໂຕ​ຊາ, ສິງ​ກະ​ໂປ, 16 ມິ​ຖຸ​ນາ 2024
​ພະ​ນັກ​ງານ​ອະ​ນາ​ໄມ​ນ້ຳ​ມັນ​ທີ່​ຮົ່ວ​ໄຫຼຢູ່​ຕາມ​ຫາດ​ຊາຍ​ຂອງ​ເກາະ ເຊັນ​ໂຕ​ຊາ, ສິງ​ກະ​ໂປ, 16 ມິ​ຖຸ​ນາ 2024

ບັນ​ດາ​ເຈົ້າ​ໜ້າ​ທີ່ ສິງ​ກະ​ໂປ ກ່າວ​ວ່າ ​ເຮືອ​ຂຸດ​ເລນນຳ​ນຶ່ງຖື​ກ​ລາຍ​ງານ​ວ່າ ​ເກີດ​ຈັກ​ເພ​ຢ່າງ​ກະ​ທັນ​ຫັນ ແລະ ສູນ​ເສຍ​ການ​ຄວບ​ຄຸມ​ກ່ອນ​ທີ່​ມັນ​ຈະ​ຕຳ​ເຂົ້າ​ໃສ່​ກຳ​ປັ່ນ​ບັນ​ທຸກ​ນ້ຳ​ມັນ​ໃນ​ອາ​ທິດ​ແລ້ວນີ້, ຈົນ​ກໍ່​ໃຫ້​ເກີດ​ນ້ຳ​ມັນ​ຮົ່ວ​ໄຫຼ​ທີ່​ໄດ້​ເຮັດ​ໃຫ້​ພາກ​ສ່ວນ​ນຶ່ງ​ຂອງ​ຊາຍ​ຝັ່ງ​ພາກ​ໃຕ້​ຂອງ​ປະ​ເທດ​ເກາະ​ນັ້ນ ​ເປັ​ນ​ສີ​ດຳ.

ເຮືອ​ຂຸດ​ເລນ​ທີ່​ຕິດ​ທຸງ​ຊາດ ເນ​ເທີ​ແລນ ຊື່​ວ່າ ວັອກ​ສ໌ ແມັກ​ຊີ​ມາ ໄດ້​ຕຳ​ກຳ​ປັ່ນ​ບັນ​ທຸກ​ນ້ຳ​ມັນ ສິງ​ກະ​ໂປ ຊື່​ວ່າ Marine Honor ໃນ​ວັນ​ສຸກ​ແລ້ວນີ້. ມັນ​ໄດ້​ເຮັດ​ໃຫ້​ນຶ່ງ​ໃນ​ຖັງ​ນ້ຳ​ມັນ​ທັງຫຼາຍ​ຢູ່​ກຳ​ປັ່ນ Marine Honor ມີ​ຮອຍ​ແຕກ, ເຊິ່ງ​ເຮັດ​ໃຫ້​ນ້ຳ​ມັນ​ທີ່​ມີ​ທາດ​ກຳ​ມະ​ຖັນ​ຕ່ຳ​ຮົ່ວ​ໄຫຼ​ລົງ​ສູ່​ທະ​ເລ.

ການ​ຮົ່ວ​ໄຫຼ​ແມ່ນ​ຖືກ​ຄວບ​ຄຸມ​ໄວ້​ແລ້ວ, ແຕ່​ຄື້ນ​ທະ​ເລ​ໄດ້​ພັດ​ເອົາ​ນ້ຳ​ມັນ​ທີ່​ໄຫຼ​ອອກ​ມາ​ນັ້ນ​ໄກ​ອອກ​ໄປ​ຕາມ​ຊາຍ​ຝັ່ງ ລວມ​ທັງ​ເກາະ​ບ້ານ​ພັກ​ຕາກ​ອາ​ກາດ ເຊັນ​ໂຕ​ຊາ ທີ່​ໄດ້​ຮັບ​ຄວາມ​ນິ​ຍົມ. ບັນ​ດາ​ເຈົ້າ​ໜ້າ​ທີ່ ສິງ​ກະ​ໂປ ໄດ້​ກ່າວ​ວ່າ ​ລູກ​ເຮືອ​ຂອງ​ກຳ​ປັ່ນ ວັອກ​ສ໌ ແມັກ​ຊີ​ມາ ໄດ້ໃຫ້ການ​ຊ່ວຍ​ເຫຼືອ​ໃນ​ການ​ສືບ​ສວນ​ສອບ​ສວນ​ທີ່​ກຳ​ລັງ​ດຳ​ເນີນ​ຢູ່.

Singapore authorities say a dredger boat reported a sudden loss in engine and steering control before it hit a cargo tanker last week, causing the oil spill that has blackened part of the city-island's southern shores. The Netherlands-flagged dredger Vox Maxima struck the Singaporean fuel supply ship Marine Honor on Friday. It ruptured one of the cargo tanks on the Marine Honor, which leaked low-sulfur oil into the sea. The leak has been contained, but tides have washed the spilled oil further along the shore including to the popular resort island of Sentosa. Singapore authorities said the Vox Maxima's crew was assisting the ongoing investigations.

ຟໍຣັມສະແດງຄວາມຄິດເຫັນ

XS
SM
MD
LG