ການປ່ອນບັດຢູ່ບັງກລາແດັສ ໄດ້ອັດລົງແລ້ວ ເຮັດໃຫ້ມື້ແຫ່ງຄວາມຮຸນທີ່ ເກີດຂຶ້ນຢູ່ທົ່ວປະເທດ ໃນວັນເລືອກຕັ້ງ ສິ້ນສຸດລົງ.
ເຈົ້າໜ້າທີ່ກ່າວວ່າ ມີຜູ້ເສຍຊີວິດຢ່າງໜ້ອຍ 7 ຄົນ ແລະໜ່ວຍປ່ອນບັດ ຫລາຍກວ່າ 120 ແຫ່ງໄດ້ຖືກຈູດເຜົາ ໃນລະຫວ່າງການເລືອກຕັ້ງສະພາແຫ່ງຊາດໃນວັນອາທິດມື້ນີ້.
ໜັງສືພິມ The Dhaka Tribune ລາຍງານເມື່ອຕອນເຊົ້າວັນອາທິດມື້ນີ້ ວ່າ ເຈົ້າໜ້າທີ່ດູແລໜ່ວຍປ່ອນບັດເລຶອກຕັ້ງເຂດ Thakurgaon ໃນພາກເໜືອຂອງປະເທດ ຖືກທຸບຕີຈົນເຖິງແກ່ຊີວິດ ຢູ່ທີ່ໜ່ວຍປ່ອນບັດດັ່ງກ່າວ.
ມີການສົ່ງທະຫານຫລາຍສິບພັນຄົນເຂົ້າປະຈຳການຢູ່ໃນທົ່ວປະເທດ ກ່ອນໜ້າການເລືອກຕັ້ງໃນວັນອາທິດມື້ນີ້ ແຕ່ການມີໜ້າຂອງພວກເຂົາເຈົ້າບໍ່ສາ ມາດທີ່ຈະສະກັດກັ້ນບໍ່ໃຫ້ເກີດຄວາມຮຸນແຮງໄດ້.
ພັກຊາດນິຍົມ Bangladesh ຊຶ່ງເປັນພັກຝ່າຍຄ້ານ ໃຫຍ່ສຸດ ໄດ້ຮຽກ ຮ້ອງໃຫ້ພວກປ່ອນບັດພາກັນຢູ່ບ້ານ ຍ້ອນສິ່ງທີ່ເຂົາເຈົ້າເອີ້ນວ່າ ການເລືອກຕັ້ງແບບຈອມປອມ ໃນຂະນະຜູ້ສະໝັກຂອງພັກສັນນິບາດ Awami ຊຶ່ງເປັນພັກລັດຖະບານປົກຄອງປະເທດໃນເວລານີ້ ຄາດວ່າ ຈະໄດ້ຮັບໄຊຊະນະ ຢ່າງຖ້ວມລົ້ນ ໃນຂະນະ ທີ່ພັກດັ່ງກ່າວລົງສະໝັກເລືອກຕັ້ງ ໂດຍບໍ່ມີຄູ່ແຂ່ງ ຢູ່ໃນຫລາຍກວ່າເຄິ່ງນຶ່ງ ຂອງເຂດເລືອກຕັ້ງທັງໝົດ ທົ່ວປະເທດ.
ກຸ່ມນັກສັງເກດການລະຫວ່າງຊາດ ປະຕິເສດທີ່ຈະສົ່ງຄະນະຂອງຕົນໄປ ຕິດຕາມເບິ່ງການເລືອກຕັ້ງ.
ພັກຝ່າຍຄ້ານ ທີ່ນໍາໂດຍອະດີດນາຍົກລັດຖະມົນຕີ Khaleda Zia ໄດ້ທວງໃຫ້ນາຍົກ ລັດຖະມົນຕີ ທ່ານນາງ Sheikh Hasina ລາອອກ ແລະມອບອໍານາດໃຫ້ແກ່ລັດຖະ ບານຊົ່ວຄາວ ເພື່ອກໍາກັບດູແລການເລືອກຕັ້ງດັ່ງກ່າວ. ທ່ານນາງປະຕິເສດທີ່ຈະລາອອກ ໂດຍກ່າວວ່າ ການປະຕິບັດທີ່ເຄີຍມີມາແບບນັ້ນໄດ້ເຮັດໃຫ້ເກີດຄວາມບໍ່ສະຫງົບ ທາງການເມືອງມາແລ້ວ.
ເຈົ້າໜ້າທີ່ກ່າວວ່າ ມີຜູ້ເສຍຊີວິດຢ່າງໜ້ອຍ 7 ຄົນ ແລະໜ່ວຍປ່ອນບັດ ຫລາຍກວ່າ 120 ແຫ່ງໄດ້ຖືກຈູດເຜົາ ໃນລະຫວ່າງການເລືອກຕັ້ງສະພາແຫ່ງຊາດໃນວັນອາທິດມື້ນີ້.
ໜັງສືພິມ The Dhaka Tribune ລາຍງານເມື່ອຕອນເຊົ້າວັນອາທິດມື້ນີ້ ວ່າ ເຈົ້າໜ້າທີ່ດູແລໜ່ວຍປ່ອນບັດເລຶອກຕັ້ງເຂດ Thakurgaon ໃນພາກເໜືອຂອງປະເທດ ຖືກທຸບຕີຈົນເຖິງແກ່ຊີວິດ ຢູ່ທີ່ໜ່ວຍປ່ອນບັດດັ່ງກ່າວ.
ມີການສົ່ງທະຫານຫລາຍສິບພັນຄົນເຂົ້າປະຈຳການຢູ່ໃນທົ່ວປະເທດ ກ່ອນໜ້າການເລືອກຕັ້ງໃນວັນອາທິດມື້ນີ້ ແຕ່ການມີໜ້າຂອງພວກເຂົາເຈົ້າບໍ່ສາ ມາດທີ່ຈະສະກັດກັ້ນບໍ່ໃຫ້ເກີດຄວາມຮຸນແຮງໄດ້.
ພັກຊາດນິຍົມ Bangladesh ຊຶ່ງເປັນພັກຝ່າຍຄ້ານ ໃຫຍ່ສຸດ ໄດ້ຮຽກ ຮ້ອງໃຫ້ພວກປ່ອນບັດພາກັນຢູ່ບ້ານ ຍ້ອນສິ່ງທີ່ເຂົາເຈົ້າເອີ້ນວ່າ ການເລືອກຕັ້ງແບບຈອມປອມ ໃນຂະນະຜູ້ສະໝັກຂອງພັກສັນນິບາດ Awami ຊຶ່ງເປັນພັກລັດຖະບານປົກຄອງປະເທດໃນເວລານີ້ ຄາດວ່າ ຈະໄດ້ຮັບໄຊຊະນະ ຢ່າງຖ້ວມລົ້ນ ໃນຂະນະ ທີ່ພັກດັ່ງກ່າວລົງສະໝັກເລືອກຕັ້ງ ໂດຍບໍ່ມີຄູ່ແຂ່ງ ຢູ່ໃນຫລາຍກວ່າເຄິ່ງນຶ່ງ ຂອງເຂດເລືອກຕັ້ງທັງໝົດ ທົ່ວປະເທດ.
ກຸ່ມນັກສັງເກດການລະຫວ່າງຊາດ ປະຕິເສດທີ່ຈະສົ່ງຄະນະຂອງຕົນໄປ ຕິດຕາມເບິ່ງການເລືອກຕັ້ງ.
ພັກຝ່າຍຄ້ານ ທີ່ນໍາໂດຍອະດີດນາຍົກລັດຖະມົນຕີ Khaleda Zia ໄດ້ທວງໃຫ້ນາຍົກ ລັດຖະມົນຕີ ທ່ານນາງ Sheikh Hasina ລາອອກ ແລະມອບອໍານາດໃຫ້ແກ່ລັດຖະ ບານຊົ່ວຄາວ ເພື່ອກໍາກັບດູແລການເລືອກຕັ້ງດັ່ງກ່າວ. ທ່ານນາງປະຕິເສດທີ່ຈະລາອອກ ໂດຍກ່າວວ່າ ການປະຕິບັດທີ່ເຄີຍມີມາແບບນັ້ນໄດ້ເຮັດໃຫ້ເກີດຄວາມບໍ່ສະຫງົບ ທາງການເມືອງມາແລ້ວ.
