ໃນການເຄື່ອນໄຫວທີ່ກົງກັນຂ້າມກັບສະຫະລັດ, ເກົາຫຼີໃຕ້ ໃຫ້ເອກອັກຄະລັດຖະທູດຂອງຕົນປະຈຳນະຄອນຫຼວງມົສກູ ເຂົ້າຮ່ວມພິທີສາບານໂຕຂຶ້ນຮັບຕຳແໜ່ງປະທານາທິບໍດີຣັດເຊຍ ຂອງ ທ່ານວະລາດີເມຍ ປູຕິນ, ອັນໄດ້ເບິ່ງຄືວ່າ ເປັນການເປີດໂອກາດຂອງຕົນ ຕໍ່ການຮັກສາສາຍພົວພັນທາງການທູດກັບ ຣັດເຊຍ ທ່າມກາງການເພີ້ມທະວີສາຍພົວພັນທີ່ເລິກເຊິ່ງ ກັບ ພຽງຢາງ ຂອງ ມົສກູ.
ລັດຖະບານໂຊລ ກ່າວວ່າ ມັນຂຶ້ນຢູ່ກັບການຕັດສິນໃຈຂອງຕົນສໍາລັບເອກອັກຄະລັດຖະທູດ ທ່ານ ລີ ໂດ-ຮຸນ (Lee Do-hoon) ທີ່ຈະເຂົ້າຮ່ວມພິທີສາບານໂຕຂອງ ທ່ານ ປູຕິນ “ລຸນຫຼັງມີການພິຈາລະນາກ່ຽວກັບສະຖານະການທັງຫມົດທີ່ກ່ຽວຂ້ອງກັບສາຍພົວພັນສອງຝ່າຍລະຫວ່າງ ເກົາຫຼີໃຕ້ ແລະ ຣັດເຊຍ.”
ໂຄສົກກະຊວງການຕ່າງປະເທດຂອງເກົາຫລີໃຕ້ ໄດ້ໃຫ້ຄວາມເຫັນຕໍ່ VOA ໃນວັນສຸກແລ້ວນີ້.
ສະຫະລັດ ແລະ ບັນດາປະເທດໃນສະຫະພາບຢູໂຣບສ່ວນໃຫຍ່ ໄດ້ພາກັນກໍານົດການລົງໂທດທາງດ້ານເສດຖະກິດ ກ່ຽວກັບການເຂົ້າຮັບຕຳແໜ່ງຂອງ ທ່ານ ປູຕິນ ຢູ່ທີ່ຫ້ອງປະຊຸມໃຫຍ່ຂອງວັງເຄຣັມລິນ ໃນວັນທີ 7 ພຶດສະພາ ທີ່ຜ່ານມາ.
ທ່ານ ປູຕິນ ໄດ້ຮັບການເລືອກຕັ້ງຄືນໃໝ່ເປັນສະໄໝທີ 5 ເມື່ອເດືອນມີນາຜ່ານມາ ໃນຂະນະທີ່ສົງຄາມຂອງ ຣັດເຊຍ ຢູ່ໃນ ຢູເຄຣນ ໄດ້ແກ່ຍາວມາເປັນເວລາດົນກວ່າ 2 ປີ ນັບຕັ້ງແຕ່ປະເທດດັ່ງກ່າວທໍາການບຸກໂຈມຕີ ຢູເຄຣນ ໃນປີ 2022. ມົສກູ ຫັນໄປຫາ ພຽງຢາງ ສໍາລັບການເສີມອາວຸດຍຸດໂທປະກອນຕື່ມ ເພື່ອຕໍ່ສູ້ກັບ ຢູເຄຣນ.
ໂຄສົກກະຊວງການຕ່າງປະເທດ ກ່າວໃນວັນພະຫັດແລ້ວນີ້ວ່າ “ສະຫະລັດໄດ້ຊີ້ນຳສະຖານທູດຂອງພວກເຮົາໂດຍກົງ ເພື່ອບໍ່ໃຫ້ເຂົ້າຮ່ວມພິທີສາບານໂຕຂອງ ທ່ານ ປູຕິນ ເນື່ອງຈາກການປະທ້ວງກ່ຽວກັບສົງຄາມຕໍ່ ຢູເຄຣນ ຂອງ ຣັດເຊຍ.”
ຟໍຣັມສະແດງຄວາມຄິດເຫັນ