ທາງການ ແຂວງສາລະວັນ ວາງແຜນການ ຈະກໍ່ສ້າງຂົວມິດຕະ
ພາບ ຂ້າມແມ່ນໍ້າຂອງເພື່ອເຊື່ອມຕໍ່ກັບຈັງຫວັດອຸບົນລາດຊະທາ
ນີ ໂດຍຫວັງວ່າຈະໄດ້ຮັບການສະໜັບສະໜຸນຈາກລັດຖະບານ
ລາວ ແລະໄທ.
ທ່ານ ຄໍາບຸນ ດວງປັນຍາ ເຈົ້າແຂວງແລະເລຂາພັກແຂວງສາລະ
ວັນ ຖະແຫຼງຢືນຢັນວ່າ ໄດ້ສະເໜີແຜນການ ກໍ່ສ້າງຂົວມິດຕະ
ພາບຂ້າມແມ່ນໍ້າຂອງ ທີ່ເຊື່ອມຕໍ່ລະຫວ່າງແຂວງສາລະວັນ ກັບ
ຈັງຫວັດອຸບົນ ຕໍ່ຄະນະລັດຖະບານລາວ ແລະໄທ ເພື່ອຂໍໃຫ້ພິດ
ຈາລະນາອະນຸມັດແຜນການດັ່ງກ່າວ ເມື່ອບໍ່ດົນມານີ້ ໂດຍຄາດຫວັງວ່າຈະໄດ້ຮັບການ ສະໜັບສະໜຸນຈາກລັດຖະບານຂອງທັງ 2 ປະເທດພາຍໃນປີ 2014 ຊຶ່ງກໍຈະເຮັດໃຫ້ສາມາດລົງມືກໍ່ສ້າງໄດ້ໃນປີ 2015 ໃຫ້ສໍາເລັດພາຍໃນປີ 2018.
ໂດຍຂົວຂ້າມແມ່ນໍ້າຂອງດັ່ງກ່າວນີ້ ຈະກໍ່ສ້າງຢູ່ທີ່ເຂດບ້ານຫົວຕະພານ ເມືອງລະຄອນເພັງ ເຊື່ອມຕໍ່ກັບອໍາເພີປາກແຊງ ຈັງຫວັດອຸບົນຂອງໄທ ຊຶ່ງຈາການສຶກສາຄວາມເປັນໄປໄດ້ຂອງແຜນການໃນລະຍະທີ່ຜ່ານມາ ກໍພົບວ່າການກໍ່ສ້າງຂົວດັ່ງກ່າວນີ້ຈະສົ່ງຜົນດີຕໍ່ການຄ້າ ການບໍລິການແລະທ່ອງທ່ຽວລະຫວ່າງລາວ-ໄທ ແລະຫວຽດນາມ ດັ່ງທີ່ທ່ານ ຄໍາບຸນ ໄດ້ຢືນຢັນວ່າ:
“ຖ້າວ່າພວກເຮົາຫັ້ນມີການຕຽມພ້ອມເລຶ່ອງບັນຫາການທ່ອງທ່ຽວ ບັນຫາເລຶ່ອງການຄ້າ ບັນຫາເລຶ່ອງອຸດສາຫະກໍາຕ່າງໆ ຄົນຈະມາລົງທຶນ ເພາະວ່າ ຢູ່ນີ້ກະຈະເປັນຈຸດໃຈກາງຂອງເສັ້ນທາງ ເສັ້ນທາງນີ້ ຕົວຢ່າງວ່າມີນັກລົງທຶນມາລົງທຶນຜະລິດສິນຄ້າຢູ່ນີ້ ເຂົາຈະເອົາອອກທະເລ ຫວຽດນາມກະມີ ແຕ່ສອງຮ້ອຍສາມຮ້ອຍກິໂລແມັດ ເຂົາຈະເອົາໄປໄທ ກະມີແຕ່ຮ້ອຍກວ່າກິໂລແມັດ.”
ກ່ອນໜ້ານີ້ ທ່ານສຸລະພົງ ໂຕວິຈັກໄຊກຸນ ຮອງນາຍົກລັດຖະມົນຕີ ແລະລັດຖະມົນຕີວ່າການຕ່າງປະເທດຂອງໄທ ໄດ້ຖະແຫຼງຢືນຢັນວ່າລັດຖະບານລາວແລະໄທ ໄດ້ຕົກ ລົງ ໃນຫຼັກການຮ່ວມກັນແລ້ວ ວ່າຈະກໍ່ສ້າງຂົວມິດຕະພາບຂ້າມແມ່ນໍ້າຂອງແຫ່ງທີ່ 5 ທີ່ ເຊື່ອມລະຫວ່າງແຂວງບໍລິຄໍາໄຊ ກັບຈັງຫວັດບຶງການ ໂດຍລັດຖະບານໄທຈະອອກ ເງິນທຶນກໍ່ສ້າງທັງໝົດ ຄືກັບຂົວມິດຕະພາບແຫ່ງທີ່ 3 ທີ່ເຊື່ອມຕໍ່ລະຫວ່າງແຂວງຄໍາ ມ່ວນ ກັບຈັງຫວັດນະຄອນພະນົມ ທີ່ກໍ່ສ້າງສໍາເລັດ ແລະເປີດໃຊ້ຢ່າງເປັນທາງການ ແລ້ວ ນັບຕັ້ງແຕ່ທ້າຍປີ 2011 ເປັນຕົ້ນມາ.
ແຕ່ຢ່າງໃດກໍຕາມ ທ່ານສຸລະພົງ ກໍຍອມ ຮັບວ່າຈົນເຖິງຂະນະນີ້ ກໍຍັງຄົງບໍ່ສາມາດທີ່ຈະກໍາໜົດໄດ້ວ່າ ການກໍ່ສ້າງຂົວມິດຕະພາບ ຂ້າມແມ່ນໍ້າຂອງແຫ່ງທີ່ 5 ລະຫວ່າງລາວ-ໄທ ຈະເລີ່ມລົງມືກໍ່ສ້າງໃນພາກຕົວຈິງໄດ້ ເມື່ອໃດ ເນື່ອງຈາກຈະຕ້ອງລໍຖ້າການອະນຸມັດແຜນການງົບປະມານລາຍຈ່າຍຈາກລັດຖະສະພາໄທຢ່າງເປັນທາງການເສຍກ່ອນ ຊຶ່ງກໍໝາຍຄວາມວ່າການກໍ່ສ້າງຂົວຂ້າມແມ່ນໍ້າຂອງ ທີ່ເຊື່ອມຕໍ່ລະຫວ່າງແຂວງ ສາລະວັນ ກັບຈັງຫວັດອຸບົນ ກໍຈະຕ້ອງລໍຖ້າຄວາມຊັດເຈນໃນການກໍ່ສ້າງຂົວຂ້າມແມ່ ນໍ້າຂອງທີ່ແຂວງບໍລິຄໍາໄຊ ກັບຈັງຫວັດບຶງການດ້ວຍນັ້ນເອງ.
ສ່ວນກ່ຽວກັບຄວາມຄືບໜ້າຂອງການສ້າງຂົວມິດຕະພາບແຫ່ງທີ່ 4 ຢູ່ທີ່ເມືອງຫ້ວຍຊາຍແຂວງບໍ່ແກ້ວ ກັບອໍາເພີຊຽງຂອງ ຈັງຫວັດຊຽງຣາຍ ຂອງໄທນນັ້ ກໍຈະສໍາເລັດແລະທໍາພິທີເປີດໃຊ້ຢ່າງເປັນ ທາງການໃນເດືອນທັນວາປີນີ້.
ຂົວມິດຕະພາບແຫ່ງທີ່ 4
ຂົວຂ້າມແມ່ນໍ້າຂອງແຫ່ງທີ່ 4 ໃຊ້ທຶນກໍ່ສ້າງໃນມູນຄ່າ 40 ລ້ານ
ໂດລ່າ ໂດຍມີລັດຖະ ບານໄທ ແລະຈີນ ເປັນຜູ້ອອກທຶນຝ່າຍລະ
50% ໄດ້ເລີ່ມລົງມືກໍ່ສ້າງນັບແຕ່ປີ 2010 ເປັນຕົ້ນມາ ໂດຍເມ່ືອ
ຂົວແຫ່ງນີ້ໄດ້ເປີດໃຊ້ຢ່າງເປັນາງການ ກໍຈະເປັນສ່ວນສໍາຄັນໃນ
ການເຊື່ອມຕໍ່ການຄົມມະນາຄົມ-ຂົນສົ່ງ ຈາກມົນທົນ ຢຸນນານ
ຂອງຈີນຜ່ານຖະໜົນເລກ 3 ໃນແຂວງຫຼວງນໍ້າທາຕໍ່ໄປຈັງຫວັດ
ຊຽງຣາຍໃນໄທຈຶ່ງເຊື່ອວ່າຈະສົ່ງຜົນດີຕໍ່ການຄ້າ ການທ່ອງທ່ຽວ
ແລະການລົງທຶນລະຫວ່າງ 3 ປະເທດ.
ລາວ-ໄທ ມີຂົວມິດຕະພາບແຫ່ງທໍາອິດທີ່ເຊື່ອມຕໍ່ນະຄອນວຽງຈັນກັບຈັງຫວັດໜອງຄາຍ ເມື່ອປີ 1994 ໂດຍເປັນ ການອອກທຶນຮ່ວມກັນລະຫວ່າງລັດຖະບານໄທ ກັບອອສເຕຣເລຍ ສ່ວນແຫ່ງທີ່ 2 ທີ່ແຂວງສະຫວັນນະເຂດ ກັບຈັງຫວັດມຸກດາຫານນັ້ນ ກໍໄດ້ກໍ່ ສ້າງສໍາເລັດແລ້ວໃນທ້າຍປີ 2006 ແລະເປີດໃຊ້ຢ່າງເປັນທາງການເມື່ອຕົ້ນປີ 2007 ໂດຍງົບປະມານທີ່ໃຊ້ໃນການກໍ່ສ້າງນັ້ນ ທາງການລາວ-ໄທ ໄດ້ກູ້ຢືມຈາກລັດ ຖະບານຍີ່ປຸ່ນ ຝ່າຍລະ 50% ຂອງເງິນທຶນກໍ່ສ້າງທັງໝົດ 84 ລ້ານໂດລ່າ.
ພາບ ຂ້າມແມ່ນໍ້າຂອງເພື່ອເຊື່ອມຕໍ່ກັບຈັງຫວັດອຸບົນລາດຊະທາ
ນີ ໂດຍຫວັງວ່າຈະໄດ້ຮັບການສະໜັບສະໜຸນຈາກລັດຖະບານ
ລາວ ແລະໄທ.
ທ່ານ ຄໍາບຸນ ດວງປັນຍາ ເຈົ້າແຂວງແລະເລຂາພັກແຂວງສາລະ
ວັນ ຖະແຫຼງຢືນຢັນວ່າ ໄດ້ສະເໜີແຜນການ ກໍ່ສ້າງຂົວມິດຕະ
ພາບຂ້າມແມ່ນໍ້າຂອງ ທີ່ເຊື່ອມຕໍ່ລະຫວ່າງແຂວງສາລະວັນ ກັບ
ຈັງຫວັດອຸບົນ ຕໍ່ຄະນະລັດຖະບານລາວ ແລະໄທ ເພື່ອຂໍໃຫ້ພິດ
ຈາລະນາອະນຸມັດແຜນການດັ່ງກ່າວ ເມື່ອບໍ່ດົນມານີ້ ໂດຍຄາດຫວັງວ່າຈະໄດ້ຮັບການ ສະໜັບສະໜຸນຈາກລັດຖະບານຂອງທັງ 2 ປະເທດພາຍໃນປີ 2014 ຊຶ່ງກໍຈະເຮັດໃຫ້ສາມາດລົງມືກໍ່ສ້າງໄດ້ໃນປີ 2015 ໃຫ້ສໍາເລັດພາຍໃນປີ 2018.
ໂດຍຂົວຂ້າມແມ່ນໍ້າຂອງດັ່ງກ່າວນີ້ ຈະກໍ່ສ້າງຢູ່ທີ່ເຂດບ້ານຫົວຕະພານ ເມືອງລະຄອນເພັງ ເຊື່ອມຕໍ່ກັບອໍາເພີປາກແຊງ ຈັງຫວັດອຸບົນຂອງໄທ ຊຶ່ງຈາການສຶກສາຄວາມເປັນໄປໄດ້ຂອງແຜນການໃນລະຍະທີ່ຜ່ານມາ ກໍພົບວ່າການກໍ່ສ້າງຂົວດັ່ງກ່າວນີ້ຈະສົ່ງຜົນດີຕໍ່ການຄ້າ ການບໍລິການແລະທ່ອງທ່ຽວລະຫວ່າງລາວ-ໄທ ແລະຫວຽດນາມ ດັ່ງທີ່ທ່ານ ຄໍາບຸນ ໄດ້ຢືນຢັນວ່າ:
“ຖ້າວ່າພວກເຮົາຫັ້ນມີການຕຽມພ້ອມເລຶ່ອງບັນຫາການທ່ອງທ່ຽວ ບັນຫາເລຶ່ອງການຄ້າ ບັນຫາເລຶ່ອງອຸດສາຫະກໍາຕ່າງໆ ຄົນຈະມາລົງທຶນ ເພາະວ່າ ຢູ່ນີ້ກະຈະເປັນຈຸດໃຈກາງຂອງເສັ້ນທາງ ເສັ້ນທາງນີ້ ຕົວຢ່າງວ່າມີນັກລົງທຶນມາລົງທຶນຜະລິດສິນຄ້າຢູ່ນີ້ ເຂົາຈະເອົາອອກທະເລ ຫວຽດນາມກະມີ ແຕ່ສອງຮ້ອຍສາມຮ້ອຍກິໂລແມັດ ເຂົາຈະເອົາໄປໄທ ກະມີແຕ່ຮ້ອຍກວ່າກິໂລແມັດ.”
ກ່ອນໜ້ານີ້ ທ່ານສຸລະພົງ ໂຕວິຈັກໄຊກຸນ ຮອງນາຍົກລັດຖະມົນຕີ ແລະລັດຖະມົນຕີວ່າການຕ່າງປະເທດຂອງໄທ ໄດ້ຖະແຫຼງຢືນຢັນວ່າລັດຖະບານລາວແລະໄທ ໄດ້ຕົກ ລົງ ໃນຫຼັກການຮ່ວມກັນແລ້ວ ວ່າຈະກໍ່ສ້າງຂົວມິດຕະພາບຂ້າມແມ່ນໍ້າຂອງແຫ່ງທີ່ 5 ທີ່ ເຊື່ອມລະຫວ່າງແຂວງບໍລິຄໍາໄຊ ກັບຈັງຫວັດບຶງການ ໂດຍລັດຖະບານໄທຈະອອກ ເງິນທຶນກໍ່ສ້າງທັງໝົດ ຄືກັບຂົວມິດຕະພາບແຫ່ງທີ່ 3 ທີ່ເຊື່ອມຕໍ່ລະຫວ່າງແຂວງຄໍາ ມ່ວນ ກັບຈັງຫວັດນະຄອນພະນົມ ທີ່ກໍ່ສ້າງສໍາເລັດ ແລະເປີດໃຊ້ຢ່າງເປັນທາງການ ແລ້ວ ນັບຕັ້ງແຕ່ທ້າຍປີ 2011 ເປັນຕົ້ນມາ.
ແຕ່ຢ່າງໃດກໍຕາມ ທ່ານສຸລະພົງ ກໍຍອມ ຮັບວ່າຈົນເຖິງຂະນະນີ້ ກໍຍັງຄົງບໍ່ສາມາດທີ່ຈະກໍາໜົດໄດ້ວ່າ ການກໍ່ສ້າງຂົວມິດຕະພາບ ຂ້າມແມ່ນໍ້າຂອງແຫ່ງທີ່ 5 ລະຫວ່າງລາວ-ໄທ ຈະເລີ່ມລົງມືກໍ່ສ້າງໃນພາກຕົວຈິງໄດ້ ເມື່ອໃດ ເນື່ອງຈາກຈະຕ້ອງລໍຖ້າການອະນຸມັດແຜນການງົບປະມານລາຍຈ່າຍຈາກລັດຖະສະພາໄທຢ່າງເປັນທາງການເສຍກ່ອນ ຊຶ່ງກໍໝາຍຄວາມວ່າການກໍ່ສ້າງຂົວຂ້າມແມ່ນໍ້າຂອງ ທີ່ເຊື່ອມຕໍ່ລະຫວ່າງແຂວງ ສາລະວັນ ກັບຈັງຫວັດອຸບົນ ກໍຈະຕ້ອງລໍຖ້າຄວາມຊັດເຈນໃນການກໍ່ສ້າງຂົວຂ້າມແມ່ ນໍ້າຂອງທີ່ແຂວງບໍລິຄໍາໄຊ ກັບຈັງຫວັດບຶງການດ້ວຍນັ້ນເອງ.
ສ່ວນກ່ຽວກັບຄວາມຄືບໜ້າຂອງການສ້າງຂົວມິດຕະພາບແຫ່ງທີ່ 4 ຢູ່ທີ່ເມືອງຫ້ວຍຊາຍແຂວງບໍ່ແກ້ວ ກັບອໍາເພີຊຽງຂອງ ຈັງຫວັດຊຽງຣາຍ ຂອງໄທນນັ້ ກໍຈະສໍາເລັດແລະທໍາພິທີເປີດໃຊ້ຢ່າງເປັນ ທາງການໃນເດືອນທັນວາປີນີ້.
ຂົວຂ້າມແມ່ນໍ້າຂອງແຫ່ງທີ່ 4 ໃຊ້ທຶນກໍ່ສ້າງໃນມູນຄ່າ 40 ລ້ານ
ໂດລ່າ ໂດຍມີລັດຖະ ບານໄທ ແລະຈີນ ເປັນຜູ້ອອກທຶນຝ່າຍລະ
50% ໄດ້ເລີ່ມລົງມືກໍ່ສ້າງນັບແຕ່ປີ 2010 ເປັນຕົ້ນມາ ໂດຍເມ່ືອ
ຂົວແຫ່ງນີ້ໄດ້ເປີດໃຊ້ຢ່າງເປັນາງການ ກໍຈະເປັນສ່ວນສໍາຄັນໃນ
ການເຊື່ອມຕໍ່ການຄົມມະນາຄົມ-ຂົນສົ່ງ ຈາກມົນທົນ ຢຸນນານ
ຂອງຈີນຜ່ານຖະໜົນເລກ 3 ໃນແຂວງຫຼວງນໍ້າທາຕໍ່ໄປຈັງຫວັດ
ຊຽງຣາຍໃນໄທຈຶ່ງເຊື່ອວ່າຈະສົ່ງຜົນດີຕໍ່ການຄ້າ ການທ່ອງທ່ຽວ
ແລະການລົງທຶນລະຫວ່າງ 3 ປະເທດ.
ລາວ-ໄທ ມີຂົວມິດຕະພາບແຫ່ງທໍາອິດທີ່ເຊື່ອມຕໍ່ນະຄອນວຽງຈັນກັບຈັງຫວັດໜອງຄາຍ ເມື່ອປີ 1994 ໂດຍເປັນ ການອອກທຶນຮ່ວມກັນລະຫວ່າງລັດຖະບານໄທ ກັບອອສເຕຣເລຍ ສ່ວນແຫ່ງທີ່ 2 ທີ່ແຂວງສະຫວັນນະເຂດ ກັບຈັງຫວັດມຸກດາຫານນັ້ນ ກໍໄດ້ກໍ່ ສ້າງສໍາເລັດແລ້ວໃນທ້າຍປີ 2006 ແລະເປີດໃຊ້ຢ່າງເປັນທາງການເມື່ອຕົ້ນປີ 2007 ໂດຍງົບປະມານທີ່ໃຊ້ໃນການກໍ່ສ້າງນັ້ນ ທາງການລາວ-ໄທ ໄດ້ກູ້ຢືມຈາກລັດ ຖະບານຍີ່ປຸ່ນ ຝ່າຍລະ 50% ຂອງເງິນທຶນກໍ່ສ້າງທັງໝົດ 84 ລ້ານໂດລ່າ.
