ບາງບຸກຄົນມີຄວາມເປັນຫ່ວງວ່າ ຫຸ່ນຍົນຈະມາຍາດເອົາວຽກງານຂອງພວກເຂົາເຈົ້າໃນອານາຄົດ. ທັງນີ້ອາດຈະເກີດຂຶ້ນໄດ້ ກັບວຽກງານຂອງພວກສັດເຊັ່ນ ພວກໝາທີ່ກຳກັບ
ນຳຝູງງົວ ແລະແກະນັ້ນນຳກໍເປັນໄດ້. ເຫດຜົນກໍຄືວ່າ ໄດ້ມີການສ້າງຫຸ່ນຍົນຊະນິດໃໝ່
ຂຶ້ນມາ ເພື່ອຄວບຄຸມຝູງງົວ ຊຶ່ງອາດລວມທັງສັດລ້ຽງຈຳພວກອື່ນນຳກໍເປັນໄດ້. ນັກຂ່າວ VOA Deborah Block ມີລາຍງານກ່ຽວກັບການທົດລອງຫຸ່ນຍົນຊະນິດໃໝ່ ໃນເຂດ
ນອກໆຂອງ Australia ຊຶ່ງວັນນະສອນ ຈະນຳເອົາລາຍລະອຽດ ມາສະເໜີທ່ານ ໃນອັນ
ດັບຕໍ່ໄປ.
ຫຸ່ນຍົນຕົວແບບທີ່ເອີ້ນວ່າ Swagbot ທີ່ແປໄດ້ວ່າ ຫຸ່ນຍົນແກວ່ງຫາງນັ້ນ ກຳລັງທ່ອງທ່ຽວ
ຢູ່ທົ່ງກວ້າງ ໃນບ່ອນລ້ຽງງົວຂອງອ໊ອສເຕຣເລຍ ທີ່ກຳກັບຝູງງົວຢູ່. ຫຸ່ນຍົນທີ່ໃຊ້ໝໍ້ໄຟ ຊຶ່ງຂັບ ເຄື່ອງຈັກໝູນທຸກລໍ້ ສາມາດແລ່ນໄວໄດ້ເຖິງ 20 ກິໂລແມັດ ຕໍ່ຊົ່ວໂມງໃນດິນພຽງ.
Swagbot ແມ່ນສ້າງຂຶ້ນໂດຍ ນັກວິທະຍາສາດ ຈາກມະຫາວິທະຍາໄລຊິດນີ.
ທ່ານ Salah Sukkharieh ອາຈານສອນຫຸ່ນຍົນຈາກມະຫາວິທະຍາໄລຊິດນີ ກ່າວວ່າ
“ເຄີຍມີຫຸ່ນຍົນມາແລ້ວ ທີ່ໃຊ້ຢູ່ໃນທົ່ງລ້ຽງງົວ ແຕ່ວ່າ ມັນມີແຕ່ພຽງ 4 ລໍ້ທີ່ເປັນລະບົບ
ຫຸ່ນຍົນຕາຍຕົວ. ແຕ່ຕອນນີ້ ທ່ານມີຫຸ່ນຍົນທີ່ບົງການແບບອ້ອມໂຕທີ່ ສາ ມາດ ຂັບເຄື່ອນໄດ້ໃນທຸກທິດທາງ ຊຶ່ງມັນມີການຄຳນວນໃນຕົວລະບົບຂອງມັນເອງ ຄືກັນ
ຊຶ່ງນັ້ນມັນເປັນທີ່ວ່ອງໄວ ທັນໃຈ.”
ສະຖານີລ້ຽງງົວຂອງອ໊ອສເຕຣເລຍ ແມ່ນເປັນຂົງເຂດທີ່ແຫ້ງແລ້ງ ແລະຍ້ອນວ່າການປູກພືດຜັກ ນັ້ນມັນຍາກ ການມີທົ່ງຫຍ້າກວ້າງໃຫຍ່ ຈຶ່ງສຳຄັນ ທີ່ຈຳເປັນສຳຫຼັບການລ້ຽງສັດພວກນີ້.
ທ່ານ Sukkharieh ກ່າວວ່າ “ທີ່ພວກເຮົາເວົ້າເຖິງນີ້ແມ່ນຜືນທີ່ດິນທີ່ກວ້າງໃຫຍ່ 4 ພັນ ຫາ 40 ພັນ ເຮັກຕາສຳລັບທົ່ງລ້ຽງງົວມາດຕະຖານທົ່ວໄປ.”
SwagBot ແມ່ນເປັນຫຸ່ນຍົນ ທີ່ສາມາດຄວບຄຸມຈາກສະຖານທີ່ອື່ນຢູ່ໄກໄດ້ ສາມາດເລາະລ້ຽວຜ່ານຂ້າມສິ່ງຂີດຂວາງ ແລະແມ່ນແຕ່ຈະແກ່ລົດບັນທຸກໜັກກໍໄດ້.
ພວກນັກວິທະຍາສາດ ວາງແຜນວ່າ ຈະເອົາ sensor ຫຼື ເຄື່ອງຄວບຄຸມຕິດຕັ້ງໃສ່ກັບຕົວມັນ ເພື່ອຈະໃຫ້ສາມາດຕິດຕາມເບິ່ງສະພາບການຂອງພວກງົວຂອງເຂົາເຈົ້າໄດ້.
ທ່ານ Sukkharieh ກ່າວວ່າ “ພວກເຂົາເຈົ້າສາມາດຈະໃຫ້ລະບົບຫຸ່ນຍົນເຝົ້າຄອຍ
ເບິ່ງຝູງງົວຂອງພວກເຂົາເຈົ້າໄດ້ຕະຫຼອດເວລາ ໂດຍສະເພາະຊອມເບິ່ງພວກງົວ
ທີ່ອາດເຈັບເປັນນັ້ນ.”
ພວກນັກວິໄຈທັງຫຼາຍ ຫວັງວ່າ SwagBot ຈະສາມາດນຳເອົາອອກມາໃຊ້ສຳລັບ
ພວກລ້ຽງສັດ ພາຍໃນ 3 ປີ ຕໍ່ໜ້າ ຊຶ່ງນັ້ນໝາຍຄວາມວ່າ ຫຸ່ນຍົນນີ້ຈະສາມາດມາກຳກັບ
ງົວລ້ຽງ ແທນໝາໄດ້ໃນອີກບໍ່ດົນ.
