ລັດຖະມົນຕີການຕ່າງປະເທດສະຫະລັດ ທ່ານ John Kerry
ກ່າວວ່າ ການແກ້ໄຂບັນຫາການອ້າງກຳມະສິດກວມກັນຢູ່ໃນ
ທະເລຈີນໃຕ້ກໍແມ່ນກ່ຽວກັບການເຄົາລົບນັບຖືກົດໝາຍນາໆ
ຊາດ ແລະບໍ່ແມ່ນກ່ຽວກັບການອ້າງກຳມະສິດຂອງປະເທດຄູ່
ແຂ່ງ ທີ່ພະຍາຍາມ ຈະທຳການຂົ່ມຂູ່ ຕໍ່ກັນແລະກັນ. Scott
Stearn ຜູ້ສື່ຂ່າວວີໂອເອປະຈຳກະຊວງການຕ່າງປະເທດສະ
ຫະລັດມີລາຍງານກ່ຽວກັບຄຳຖະແຫຼງຂອງລັດຖະມົນຕີການ
ຕ່າງປະເທດ Kerry ທີ່ລັດຮາວາຍ ໃນຕອນທ້າຍ ຂອງການ
ຢ້ຽມຢາມຂົງເຂດເອເຊຍເປັນເວລານຶ່ງອາທິດເມື່ອຕົ້ນເດືອນ
ສິງຫານີ້ ຊຶ່ງໄພສານຈະນຳເອົາລາຍລະອຽດ ມາສະເໜີທ່ານ
ໃນອັນດັບຕໍ່ໄປ.
ລັດຖະມົນຕີການຕ່າງປະເທດສະຫະລັດທ່ານ John Kerry
ກ່າວວ່າ ການຂັດແຍ້ງ ໃນເລື່ອງສິດທິດ້ານແຮ່ທາດ ແລະການຫາປາ ຢູ່ໃນທະເລຈີນໃຕ້
ແມ່ນເນັ້ນໜັກເຖິງຄຳຖາມພື້ນຖານຕ່າງໆ ທາງດ້ານກົດໝາຍ ກ່ຽວກັບອະທິປະໄຕແລະ ສິດທິໃນການຜ່ານໄປມາຢ່າງເສລີ.
ທ່ານ Kerry ເວົ້າວ່າ “ທ່ານຄົງຮູ້ດີ ທີ່ຈິງແລ້ວມັນແມ່ນຫຼາຍໄປກວ່າການອ້າງກຳມະ ສິດເອົາໝູ່ເກາະໝູ່ດອນ ແລະຫີນປະກາຣັງ ແລະຜົນປະໂຫຍດທາງດ້ານເສດຖະ ກິດທີ່ໄດ້ຮັບຈາກສິ່ງເຫຼົ່ານີ້. ມັນແມ່ນກ່ຽວກັບວ່າ ການມີແສນຍານຸພາບ ສາມາດ ເຮັດໃຫ້ເປັນຜູ້ຖືກຕ້ອງ ຫລືມີສິດ ຫຼືວ່າຫລັກການຕ່າງໆຂອງໂລກ ແລະການປົກ
ຄອງດ້ວຍຕົວບົດກົດໝາຍແລະກົດໝາຍສາກົນ ຈະເປັນໃຫຍ່ແລະຖືກຕ້ອງຫຼາຍ ກ່ວາ.”
ເຂດທະເລຈີນໃຕ້ແມ່ນເສັ້ນທາງເດີນເຮືອ ທີ່ມີເຮືອແລ່ນຜ່ານ
ໄປມາຫລາຍທີ່ສຸດໃນໂລກ ບ່ອນທີ່ໜ່ວຍຍາມຝັ່ງຂອງຈີນໄດ້
ເກີດການປະທະກັນໄປແລ້ວ ກັບເຮືອ ຂອງຫວຽດນາມ ແລະ
ຟີລິບປິນ. ອິນໂດເນຊຍ ບຣູນາຍ ມາເລເຊຍ ແລະ ໄຕ້ຫວັນ
ຕ່າງກໍອ້າງເອົາກຳມະສິດກວມກັນ ຢູ່ໃນເຂດດັ່ງກ່າວ ບ່ອນທີ່
ທ່ານ Kerry ເວົ້າວ່າ ຄວາມສຳພັນແບບສ້າງສັນລະຫວ່າງຈີນ
ກັບສະຫະລັດຈະຊ່ອຍອຳນວຍໃຫ້ມີສະຖຽນລະພາບນັ້ນ.
ທ່ານ Kerry ເວົ້າວ່າ “ປະທານາທິບໍດີ ໂອບາມາ ໄດ້ສະ
ແດງໃຫ້ເຫັນຢ່າງຈະແຈ້ງແລ້ວວ່າ ສະຫະລັດຍິນຕີຕ້ອນຮັບການມີອິດທິພົນເພີ້ມ ຂຶ້ນແບບບໍ່ຮຸກຮານ ມີຄວາມອຸດົມຮັ່ງມີ ແລະມີສະຖຽນລະພາບຂອງຈີນ ກໍຄືເປັນ ປະເທດ ທີ່ຫລິ້ນບົດບາດແບບມີຄວາມຮັບຜິດຊອບຢູ່ໃນຂົງເຂດເອເຊຍແລະໃນ ໂລກ ແລະໃຫ້ການສະໜັບສະໜຸນລະບຽບແລະຫລັກການຕ່າງໆກ່ຽວກັບບັນຫາ ທາງດ້ານເສດຖະ ກິດແລະຄວາມໝັ້ນຄົງ.”
ທ່ານ Kerry ກ່າວວ່າ ວໍຊິງຕັນຢາກຈະຫລີກລ່ຽງການຕົກຢູ່ໃນ “ກັບດັກຂອງການເປັນຄູ່ ແຂ່ງທາງດ້ານຍຸດທະສາດກັບຈີນ.” ແຕ່ທ່ານ Michael Auslin ນັກວິເຄາະຂອງສະຖາ
ບັນ American Enterprise ກ່າວໃນທ້າຍສັບປະດາກ່ອນນີ້ວ່າ ຈີນຊ້ຳພັດໄດ້ບັ່ນທອນ ການດຳເນີນຄວາມພະຍາຍາມຂອງສະຫະລັດ ເພື່ອຍຸຕິການທ້າທາຍເກາະຜິດຕ່າງໆ ຢູ່
ໃນທະເລຈີນໃຕ້ຊຶ່ງເຮັດໃຫ້ອັນທີ່ເອີ້ນວ່າ ການຫັນຊັບພະຍາກອນທາງດ້ານທະຫານແລະ
ການທູດໄປເຂດເອເຊຍຂອງວໍຊິງຕັນນັ້ນ ມີຄວາມສຳຄັນໜ້ອຍລົງໄປອີກ.
ທ່ານ Auslin ເວົ້າວ່າ “ຈົ່ງເບິ່ງວິທີທີ່ເຂດນ່ານນ້ຳໃນເອເຊຍໄດ້ມີການປ່ຽນແປງໄປ ຈົ່ງເບິ່ງການບີບບັງຄັບຂູ່ເຂັນທີ່ເພີ້ມທະວີຂຶ້ນຂອງຈີນ ທີ່ເກືອບເທົ່າກັບເປັນການ ຮຸກຮານແລ້ວນັ້ນ ໃນເວລານີ້. ພວກທ່ານ ບໍ່ໄດ້ເຮັດຫຍັງເລີຍ ກ່ຽວກັບເລື່ອງນັ້ນ. ແຕ່ໃນທຸກໆຄັ້ງໃນທຸກໆໂອກາດພວກທ່ານກັບເຕືອນພວກເຮົາຢູ່ເລື້ອຍໆວ່າການ ຫັນປ່ຽນນີ້ມີຄວາມສຳຄັນສ່ຳໃດ ຕໍ່ສະຫະລັດ. ຂ້າພະເຈົ້າຄິດວ່າ ຜູ້ຄົນບໍ່ຮູ້ຈັກວ່າ
ຈະເຂົ້າໃຈແນວໃດ ກ່ຽວກັບເລື່ອງນີ້.”
ໃນຂະນະທີ່ຟີລິບປິນແລະຫວຽດນາມຫັນມາຍັງວໍຊິງຕັນເພື່ອຂໍ
ຄວາມຊ່ອຍເຫຼືອນັ້ນ ທ່ານນາງ Hillary Mann Leverett ອາ
ຈານສອນ ທີ່ມະຫາວິທະຍາໄລ American University ກ່າວ
ວ່າ ຈີນກໍພວມກົດດັນຕໍ່ບັນດາພັນທະມິດຂອງສະຫະລັດໄປສູ່
ຈຸດທີ່ປັກກິ່ງເຊື່ອວ່າວໍຊິງຕັນຈະສະແດງອອກໃຫ້ເຫັນຈຸດອ່ອນ
ຂອງນະໂຍບາຍຕໍ່ເຂດເອເຊຍຂອງຕົນໂດຍບໍ່ສາມາດໃຫ້ການ
ຊ່ອຍເຫລືອແກ່ປະເທດເຫຼົ່ານີ້ໄດ້.
ທ່ານນາງ Leverett ເວົ້າວ່າ “ມັນເປັນຍຸດທະສາດທີ່ມີການ
ເພັ່ງເລັງ ມີການຕັດສິນ ໃຈຢ່າງແທ້ຈິງ ອີງຕາມການສົມມຸດຖານທີ່ວ່າ ສະຫະລັດ ຈະບໍ່ນຳໃຊ້ ຊັບພະຍາກອນທາງທະຫານຂອງຕົນ ຢູ່ທະເລຈີນໃຕ້ ເພື່ອສູ້ລົບກັບ
ຈີນ ກ່ຽວກັບບັນຫາຂັດແຍ້ງທີ່ສະຫະລັດກໍບໍ່ໄດ້ໃຫ້ຄວາມສຳຄັນຢ່າງແທ້ຈິງນັ້ນ.”
ຊຶ່ງເປັນຄວາມເຂົ້າໃຈທີ່ທ່ານນາງເວົ້າວ່າ ໄດ້ສ້າງຄວາມເສຍຫາຍ ໃຫ້ແກ່ວໍຊິງຕັນ ໃນເວ ລາທີ່ປັກກິ່ງແລະມົສກູ ມອງເຫັນຜົນປະໂຫຍດຮ່ວມກັນຫຼາຍຂຶ້ນ.
ທ່ານນາງ Leverett ເວົ້າວ່າ “ຄວາມກັງວົນກ່ຽວກັບນະໂຍບາຍສະຫະລັດ ໄດ້ຊຸກຍູ້ ໃຫ້ຣັດເຊຍແລະຈີນມາເຂົ້າກັນເປັນເວລາສອງສາມປີຜ່ານມາແລ້ວໂດຍສະເພາະ ນັບຕັ້ງແຕ່ໄດ້ມີການເລີ້ມຕົ້ນ ການລຸກຮືຂຶ້ນ ຂອງຊາວອາຣັບ ແລະກ່ຽວກັບເລື້ອງ ລີເບຍເລື້ອງຊີເຣຍ. ພວກເຮົາໄດ້ເຫັນເຂົາເຈົ້າເຂົ້າກັນນັບມື້ນັບຫຼາຍຂຶ້ນເລື້ອຍໆ ໂດຍສະເພາະໃນເລື່ອງ hydrocarbon.”
ທ່ານ Kerry ເວົ້າວ່າ ລັດຖະບານທ່ານໂອບາມາ ພວມດຳເນີນງານ ເພື່ອຍົກລະດັບ ມາດ ຕະຖານການຄ້າແລະການລົງທຶນຢູ່ໃນເຂດເອເຊຍຍ້ອນອັນທີ່ທ່ານເວົ້າວ່າຜົນປະໂຫຍດ ແຫ່ງຊາດຈະໄດ້ຮັບຄວາມກ້າວໜ້າບໍ່ແມ່ນພຽງແຕ່ດ້ວຍກຳລັງທະຫານຫລືນັກການທູດທໍ່
ນັ້ນ ແຕ່ດ້ວຍນັກວິສາຫະກິດ ແລະການຮ່ວມມືຂອງປະຊາຊົນນຳ.
