ລິ້ງ ສຳຫລັບເຂົ້າຫາ

logo-print

ການກິນ ໄວຕາມິນລວມ ກັບແຮ່ທາດ ອາດຊ່ວຍຕ້ານ ການເຕີບໂຕ ຂອງເຊື້ອ HIV (ວີດີໂອ)


ລິງໂດຍກົງ

ວີດີໂອ: ນັກຄົ້ນຄ້ວາກ່າວວ່າ ກິນໄວຕາມິນຫຼາຍໆຢ່າງລວມກັນ ກັບທາດ Selenium ເສີມ ສາມາດຊ່ວຍໃຫ້ເຊື້ອ HIV ເຕີບໂຕ ຊ້າລົງໄດ້.

ພວກ​ຄົນເຈັບ​ທີ່​ຕິດ​ເຊື້ອ​ເອັຈ​ໄອ​ວີ ຊຶ່ງ​ເປັນ
​ເຊື້ອ​ໄວ​ຣັສ ທີ່​ພາໃຫ້​ເປັນ​ໂຣກ​ເອດ​ສ໌ນັ້ນ ມັກຈະຂາດ​ວິຕາມິນ.
ການຄົ້ນຄວ້າໃໝ່​ບັ້ນ​ນຶ່ງ ​ໄດ້​ສຶກສາ​ເບິ່ງ​ວ່າ ການ​ເອົາ​ຢາ​ວິຕາມິນ
ລວມ ພ້ອມ​ກັບແຮ່​ທາດ​ເສີມ ​ໃຫ້​ພວກ​ຄົນ​ເຈັບ​ກິນ​ເປັນປະຈໍາ ​
ຈະຊ່ວຍ​ເສີມພູມ​ຕ້ານ​ທານຂອງ​ພວກ​ເຂົາ​ເຈົ້າ​ໃຫ້ສູງ​ຂຶ້ນ ​ແລະ
​ເຮັດ​ໃຫ້ການເຕີບ​ໂຕ​ຂອງ​ພະຍາດ ​ຊັກ​ຊ້າ​ລົງຫຼືບໍ່. ຜູ້​ສື່​ຂ່າວ​ວີ​
ໂອເອ Carl Pearson ມີ​ລາຍ​ງານ​ເລຶ່ອງນີ້​ ຊຶ່ງດາຣາຈະ​ນໍາ
​ມາສະ​ເໜີ​ທ່ານ.


ຂົງ​ເຂດ​ໃຕ້​ທະ​ເລ​ຊາຍ Sahara ​ຂອງອາ​ຟຣິການັ້ນ ​ແມ່ນ​ໄດ້​
ເປັນ​ສູນ​ກາງຂອງ​ການແຜ່​ລະບາດຂອງ​ໂຣກ​ເອດ​ສ໌ ​ແຕ່​ໃດໆ​
ມາ​ແລ້ວ. ​ຢູ່​ໃນ​ປະ​ເທດ Botswana ນັ້ນ ​ເຖິ​ງ​ແມ່ນ​ໄດ້​ມີການ​ປຸກລະດົມຢ່າງ​ຕັ້ງໜ້າເພື່ອ
ປ້ອງ​ກັນ​ການ​ຕິດ​ເຊື້ອ​ພະຍາດທີ່​ພາ​ໃຫ້​ເປັນ​ໂຣກ​ເອດ​ສ໌ ​ກໍ​ຕາມ ​ແຕ່​ກໍຍັງມີຜູ້​ໃຫຍ່​ນຶ່ງຄົນ​ໃນສີ່ຄົນ​ໃດ ຕິດ​ເຊື້ອ​ເອັຈ​ໄອ​ວີ.

ທ່ານ​ນາງ Marianna Baum ​ອາຈານ​ສອນ​ປະ​ຈໍາ​ ມະຫາ​ວິທະຍາ​ໄລນາໆ​ຊາດ​ແຫ່ງ​
ລັດ​ຟລໍຣິດາ ຫຼື Florida International University ໄດ້​ທໍາການ​ຄົ້ນຄວ້າ​ບັ້ນ​ລ່າ​ສຸດ​
ຂອງທ່ານ​ນາງ ຢູ່​ທີ່​ນັ້ນ.

ທ່ານ​ນາງ Baum ​ເວົ້າ​ວ່າ: “Botswana ​ເປັນ​ປະ​ເທດນຶ່ງ ທີ່ໄດ້ຖືກ​ຄຸກ​ຄາມ​
ໂດຍເຊື້ອ​ໄວຣັສ ​ເອັຈໄອ​ວີ ໜັກໜ່ວງ​ທີ່​ສຸດ.”


ທ່ານ​ນາງ Baum ​ໄດ້​ເກນ​ເອົາ​ພວກ​ຜູ້​ໃຫຍ່​ທີ່​ຕິດ​ເຊື້ອ​ເອັຈ​ໄອ​ວີ​ລາຍ​ໃໝ່ໆ​ຈໍານວນ 900
ຄົນ ​ທີ່​ຍັງ​ບໍ່​ໄດ້​ກິນຢາ​ຕ້ານ​ໂຣກ​ເອດ​ສ໌ ທີ່​ແນ​ເປົ້າໝາຍ​ໃສ່ການກໍາຈັດ​ເຊື້ອໄວຣັສດັ່ງກ່າວ.

​900 ຄົນ​ທີ່​ປະ​ກອບ​ສ່ວນ​ໃນ​ການ​ສຶກສານັ້ນ ​ໄດ້​ຖືກ​ແບ່ງ​ອອກ​ເປັນຫຼາຍ​ກຸ່ມ ທີ່ໄດ້​ຮັບຢາ
ລວມວິຕາ​ມິນຫຼາຍໆ​ຢ່າງ​ທີ່​ແຕກ​ຕ່າງ​ກັນ ຄື ຢາ​ທີ່​ລວມວິຕາມິນ ບີ ຊີ ​ແລະ​ອີ ແລະ​ໃຫ້​ກິນ
ແຮ່​ທາດ selenium ນໍາ ຫຼື​ໃຫ້ ​ກິນຢາປອມ​ແທນ.

ພວກ​ຄົນ​ເຈັບທີ່​ຕິດ​ເຊື້ອ​ເອັຈໄອ​ວີ​ສ່ວນ​ຫຼາຍ ຈະ​ຂາດ​ທາດ​ວິຕາມິນທີ່​ວ່າ​ນີ້ ​ໃນ​ຮ່າງກາຍ
ຊຶ່ງເປັນ​ກຸ່ມ​ວິຕາມິນທີ່ຊ່ວຍ​ເສີມ​ພູມ​ຕ້ານທານ. ທ່ານ​ນາງ Baum ​ເວົ້າ​ວ່າ​ ໃນ​ເບື້ອງ​ຕົ້ນ​
ນັ້ນ ທ່ານ​ນາງ​ຄິດ​ວ່າ ​ວິຕາມິນ​ລວມ​ແຕ່​ພຽງ​ຢ່າງ​ດຽວ ຫຼືແຮ່​ທາດ selenium ​ແຕ່​ພຽງຢ່າງ
​ດຽວ​ນັ້ນ ຈະ​ມີ​ປະສິດທິພາບ​ໃນ​ການ​ເສີມ​ສ້າງ​ພູມ​ຕ້ານທານ​ໃຫ້​ເຂັ້ມ​ແຂງ ແຕ່ປະກົດວ່າ
ທ່ານນາງ​ຄິດ​ຜິດ​ໃນ​ເລຶ່ອງນີ້.

ທ່ານ​ນາງ Baum ​ເວົ້າ​ວ່າ: “ພວກ​ເຮົາ​ແປກ​ໃຈ​ທີ່​ພົບ​ວ່າ ການ​ໃຊ້ວິຕາມິນລວມ
ປະສົມ​ກັບ ​ແຮ່​ທາດ selenium ​ເທົ່າ​ນັ້ນ ທີ່ໄດ້ຜົນ.”


ຜົນການ​ຄົ້ນຄວ້າ​ຜ່ານໆ​ມາພົບ​ວ່າ ​ເວລາ​ພວກ​ຄົນ​ທີ່​ຕິດ​ເຊື້ອ​ເອັຈ​ໄອ​ວີ ​ໄດ້​ຮັບ​ຢາ​ຕ້ານ​ເຊື້ອ​ໄວຣັສ ບໍ່​ດົນ​ຫຼັງ​ຈາກ​ຕິດ​ເຊື້ອ​ແລ້ວ ພວກ​ເຂົາ​ເຈົ້າຈະ​ຍັງ​ມີ​ສຸຂະພາບ​ດີຢູ່ ​ແລະມີ​ຄວາມ​ເປັນ
​ໄປ​ໄດ້ໜ້ອຍ ທີ່​ຈະແຜ່​ເຊື້ອ​ໄວຣັສ​ໄປ​ສູ່​ຄູ່​ຮ່ວມ​ເພດ. ສໍາລັບ​ຫຼາຍໆ​ປະ​ເທດ​ແລ້ວ ລາຄາ
ຢາ​ຕ້ານ​ເຊື້ອ​ໄວຣັສນີ້​ແມ່ນຍັງແພງເກີນ​ໄປຢູ່.

ທ່ານ​ນາງ Baum ​ເວົ້າ​ວ່າ ທິດ​ສະ​ດີບໍາບັດ​ດ້ວຍວິທີກິ​ນຢາ​ວິຕາມິນລວມ ​ບີ ຊີ ​ແລະ​ອີ
ກັບແຮ່​ທາດ​ selenium ຜະສົມ​ກັນ ກໍ​ໜ້າ​ຈະ​ຊ່ວຍ​ພວກ​ປະ​ເທດ​ທີ່​ມີ​ລາຍ​ໄດ້​ຕໍ່າທັງຫຼາຍ​ ​
ໃຫ້ສາມາດຄວບ​ຄຸມ​ການລະບາດ​ຂອງ​ເຊື້ອ​ໄວ​ຣັສ​ໄດ້​ດີ​ຂຶ້ນ.

ທ່ານ​ນາງ Baum ​ເວົ້າ​ວ່າ: “ການເອົາໄວ​ຕາ​ມິນ​ລວມ​ກັບທາດ selenium ​ກິນ​ເສີມ
ແບບ​ງ່າຍໆ ​ໃຫ້ໃນ​ຕອນ​ຕິດເຊື້ອ​ເອັຈໄອ​ວີໃໝ່ໆ​ນັ້ນ ​ແທ້ໆ​ແລ້ວແມ່ນ​ສາມາດ​ເຮັດ​
ໃຫ້ການ​ເຕີບ​ໂຕ​ຂອງເຊື້ອ​ເອັຈໄອ​ວີ​ ຊັກ​ຊ້າ​ລົງ ​ແລະ​ກໍ ປອດ​ໄພ. ມັນເປັນ​ວິທີບໍາ
ບັດທີ່​ມີ​ລາຄາ​ຖືກ ​ແລະ​ຄວນ​ຈະເອົາໃຫ້​ກິນ​ແຕ່​ ຫົວ​ທີ​ ຄື​ໃນ​ຕອນ​ເລີ້ມ​ຕົ້ນຕິດ​ເຊື້ອ
​ເອັຈໄອ​ວີ​ນັ້ນ ທັນທີ.”


ທ່ານ​ນາງ Baum ​ເວົ້າ​ວ່າ ພວກ​ຢາ​ເສີມ​ດັ່ງກ່າວ​ນີ້ ບໍ່​ໄດ້​ໝາຍ​ຄວາມວ່າ ໃຫ້ໃຊ້ແທນ​ວິທີ​
ບໍາບັດ​ດ້ວຍ​ຢາ​ຕ້ານ ການ​ກັບ​ຄືນ​ມາ​ຂອງ​ເຊື້ອ​ໄວຣັສ​ແຕ່​ຢ່າງ​ໃດ ​ແຕ່​ມັນ​ກໍສາມາດ​ຊ່ວຍ​
ພວກ​ທີ່​ບໍ່​ສາມາດ​ຊື້​ຢາ​ເຫຼົ່າ​ນັ້ນ​ໄດ້.

​ແຕ່ ດຣ. Anthony Fauci ຊ່ຽວຊານ​ດ້ານ​ໂຣກ​ເອດ​ສ໌ ທີ່​ມີ​ຊື່​ສຽງ​ທົ່ວໂລກ ບໍ່​ເຫັນ​ພ້ອມນໍາ.

ດຣ. ຟາ​ວຈີ ​ເວົ້າ​ວ່າ: “ຂ້າພະ​ເຈົ້າ​ຍັງ​ບໍ່​ໄດ້​ອ່ານ​ຜົນ​ການ​ຄົ້ນຄວ້າ​ເທື່ອ ​ແຕ່​ຈາກ
​ປະສົບ​ການ​ທີ່​ໄດ້​ຮັກສາ​ພວກ​ຄົນ​ທີ່​ຕິດ​ເຊື້ອ​ເອັ​ຈ​ໄອ​ວີ ມາ​ໄດ້​ສາມ​ສິບ​ປີ​ແລ້ວ​ນັ້ນ
ຂ້າພະ​ເຈົ້າຍັງ​ບໍ່​ຢາກ​ຈະ​ເຊື່ອ​ວ່າ​ ພວກ​ຢາ​ວິ​ຕາ​ມິນ​ດັ່ງກ່າວ​ຈະ​ມີ​ຜົນ​ດີ​ ຕໍ່ການ
​ປາບ​ປາມ​ເຊື້ອ​ໄວຣັສນີ້​ໄດ້.”


Dr. ​ຟາ​ວຈີ ​ເວົ້າ​ວ່າ ການ​ກິນຢາ​ວິຕາມິນ​ແລະ​ແຮ່​ທາດ​ເສີມ ​ໂດຍ​ທົ່ວ​ໄປ​ແລ້ວ​ ອາດ​ເຮັດ​
ໃຫ້​ພວກ​ຄົນ​ເຈັບ​ມີ​ສຸ​ຂະ​ພາບ​ດີ​ຂຶ້ນກໍ​ຈິງ​ຢູ່ ​ແຕ່​ກໍມີ​ພຽງ​ວີ​ທີດຽວ​ເທົ່າ​ນັ້ນ ​ທີ່​ຈະປາບ​ປາມ​
ເຊື້ອ​ເອັຈ​ໄອ​ວີ​ຢ່າງ​ໄດ້ຜົນ ນັ້ນກໍ​ຄື​ການ​ບໍາບັດ​ດ້ວຍ​ຢາ​ຕ້ານ​ການ​ກັບ​ຄືນ​ມາ​ຂອງເຊື້ອໄວຣັສ.

ຜົນ​ການ​ສຶກສາ​ຄົ້ນຄວ້າ​ຂອງ​ທ່ານ​ນາງ Baum ​ໄດ້​ພິມ​ລົງ​ເຜີຍ​ແຜ່​ ຢູ່ໃນວາລະສານການ​
ແພດ Journal of the American Medical Association.


Researchers Says Vitamins and Mineral Supplements Can Slow Progression of HIV

Patients with HIV, the virus that causes AIDS, often develop vitamin deficiencies. A new study has found that giving these patients a multivitamin with a mineral supplement helps improve their immunity and slows the disease's progression.

Sub-Saharan Africa has always been the center of the AIDS epidemic. In Botswana, despite aggressive prevention campaigns, one out of every four adults is infected with HIV. Professor Marianna Baum based her latest research there.

Baum recruited almost 900 newly infected adults who had not yet received the anti-AIDS drugs that target the virus.

These adults were then divided into groups that randomly received different combinations of vitamins B, C and E, the mineral selenium or a placebo.

Most patients with HIV become deficient in these vitamins, which help boost immunity. Baum said she initially thought the multivitamins alone or selenium alone would be effective in strengthening the immune system, but found that to be incorrect.

“We were surprised to find that only the combination was effective,” said Baum.

Research shows that when people with HIV receive anti-retroviral drugs shortly after infection, they can remain healthy and are less likely to pass the virus to their sex partners. For many countries, however, the cost of these anti-AIDS drugs is still prohibitive.

Baum said the vitamin and mineral combination therapy should help low income countries better control the virus.

“A simple multivitamin supplementation with selenium provided early in HIV disease can actually slow the HIV disease progression and it is safe. It is low cost and it should be provided very early in HIV infection,” said Baum.

Baum said the supplements are not meant to replace anti-retroviral therapy, but can help those who cannot obtain the drugs.

Dr. Anthony Fauci, a world renowned expert on AIDS, disagrees.

"I haven’t read the paper, but having taken care of HIV-infected individuals for three decades, I would doubt that vitamins are going to have a major effect on suppressing the virus," said Fauci.

Fauci said vitamin and mineral supplements may make a patient generally healthier, but the only thing that truly works to suppress HIV is anti-retroviral therapy.

Baum's study was published in the Journal of the American Medical Association.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG