ພັກຣີພັບບລີກັນ ໄດ້ຍາດເອົາການຄວບຄຸມສະພາສູງ ສະຫະລັດ ໃນແລງວັນອັງຄານວານນີ້ ຫຼັງຈາກໄດ້ປີ້ນບ່ອນນັ່ງທີ່ພັກເດໂມແຄຣັດ ເຄີຍຄອບຄອງໄວ້ໄດ້ ເຮັດໃຫ້ຜູ້ດຳລົງດຳແໜ່ງໃນພັກຣີພັບບລີກັນ ສາມາດຍຶດສຽງສ່ວນຫຼາຍໄປໄດ້ເປັນຄັ້ງທຳອິດໃນຮອບ 4 ປີ.
ສະໜາມແຂ່ງຂັນທີ່ບໍ່ຄາດຄິດຂອງລັດ ເນບຣາສກາ ໄດ້ເຮັດໃຫ້ພັກຣີພັບບລີກັນກາຍເປັນຝ່າຍໄດ້ປຽບ. ສະມາຊິກສະພາສູງສັງກັດພັກຣີພັບບລີກັນ ຄົນປັດຈຸບັນ ທ່ານ ເດັບ ຟິສເຊີ ໄດ້ຕອບໂຕ້ການທ້າຊິງທີ່ແຂງແກ່ນຂອງທ່ານ ແດນ ອອສບອນ ຜູ້ມາໃໝ່ສັງກັດພັກເອກະລາດ.
ພັກເດໂມແຄຣັດ ໄດ້ເຝົ້າເບິ່ງຄວາມພະຍາຍາມຂອງເຂົາເຈົ້າໃນການກອບກູ້ສ້ຽງສ່ວນຫຼາຍພຽງໜ້ອຍດຽວຫຼຸດລອຍໄປຈາກມື ໃນຂະນະທີ່ຄະແນນສຽງທີ່ຖືກນັບໃນແຜນທີ່ທົ່ວປະເທດໄດ້ສະໜັບສະໜູນພັກຣີພັບບລີກັນ.
ໃນຕອນຕົ້ນຂອງຄືນວັນອັງຄານ, ພັກຣີພັບບລີກັນ ໄດ້ປີ້ນບ່ອນນັ່ງໃນລັດ ເວີຈິເນຍ ຕາເວັນຕົກ, ດ້ວຍການເລືອກຕັ້ງຂອງທ່ານ ຈິມ ຈັສຕິສ, ຜູ້ທີ່ໄດ້ມາແທນຕຳແໜ່ງສະມາຊິກສະພາສູງ ທ່ານ ໂຈ ແມນຊິນ ທີ່ອອກບຳນານໄປຢ່າງງ່າຍດາຍ.
ຄວາມພະຍາຍາມຂອງພັກເດໂມແຄຣັດ ເພື່ອຂັບໄລ່ທ່ານ ເທັດ ຄຣູສ ສັງກັດພັກຣີພັບບລີກັນຈາກລັດ ເທັກຊັສ ແລະ ທ່ານ ຣິກ ສກັອດ ຈາກລັດ ຟລໍຣິດາ ກໍໄດ້ພັງລົງ.
ໃນຂະນະທີ່ລັດເທັກຊັສ ບໍ່ໄດ້ເລືອກພັກເດໂມແຄຣັດ ທົ່ວລັດໃນເວລາເກືອບ 30 ປີນັ້ນ, ທ່ານ ໂຄລິນ ອອລເຣັດ, ສະມາຊິກສະພາເຂດນະຄອນ ດາລລາສ ແລະ ອະດີດກອງຫຼັງກິລາ NFL, ໄດ້ຕັ້ງຕົນເອງເປັນຜູ້ນິຍົມແນວທາງປານກາງ ແລະ ໄດ້ອຽງເຂົ້າຫາການສະໜັບສະໜູນຂອງທ່ານ ສຳລັບສິດທິການຈະເລີນພັນ ທ່າມກາງການຫ້າມເຮັດແທ້ງລູກຂອງລັດ ເທັກຊັສ, ເຊິ່ງແມ່ນນຶ່ງໃນບັນດາລັດທີ່ເຄັ່ງຄັດທີ່ສຸດໃນປະເທດ.
ໄຊຊະນະຂອງທ່ານ ຄຣູສ ໄດ້ເກີດຂຶ້ນຫຼັງຈາກຄວາມພະຍາຍາມຂອງພັກເດໂມແຄຣັດ ເພື່ອກອບກູ້ສຽງສ່ວນຫຼາຍໃນສະພາສູງຂອງເຂົາເຈົ້າລະເຫີຍໄປ ເວລາທີ່ທ່ານ ເຊີຣອດ ບຣາວນ໌ ສະມາຊິກສະພາສູງສັງກັດພັກເດໂມແຄຣັດ ໃນລັດ ໂອໄຮໂອ ໄດ້ຜ່າຍແພ້ໃນການເລືອກຕັ້ງຄືນຕໍ່ທ່ານ ເບີນີ ໂມເຣໂນ ສັງກັດພັກຣີພັບບລີກັນ, ເຊິ່ງແມ່ນນ້ອງໃໝ່ທີ່ຮັ່ງມີຈາກຍຸກສະໄໝຂອງທ່ານ ທຣຳ.
ການແຂ່ງຂັນໃນລັດ ໂອໄຮໂອ ລະຫວ່າງທ່ານ ບຣາວນ໌ ແລະ ທ່ານ ໂມເຣໂນ, ຜູ້ທີ່ຖືກໜູນຫຼັງໂດຍທ່ານ ດໍໂນລ ທຣຳ ນັ້ນ, ແມ່ນການແຂ່ງຂັນທີ່ແພງທີ່ສຸດໃນວົງຈອນການເລືອກຕັ້ງ, ເຊິ່ງມີການໃຊ້ເງິນປະມານ 400 ລ້ານໂດລາ.
ດ້ວຍການຄວບຄຸມສະພາສູງເປັນເດີມພັນ, ການແຂ່ງຂັນສຳລັບສະພາຕ່ຳ ແລະ ສະພາສູງ ຈະພິຈາລະນາວ່າພັກໃດຈະຄວບຄຸມສຽງສ່ວນຫຼາຍ ແລະ ອຳນາດເພື່ອຂະຫຍາຍ ຫຼື ກີດກັນແຜນການຂອງປະທານາທິບໍດີ, ຫຼື ທຳນຽບຂາວ ຈະປະເຊີນໜ້າກັບລັດຖະສະພາທີ່ມີການແຕກແຍກກັນ.
ອ່ານຂ່າວນີ້ເປັນພາສາອັງກິດ
Republicans seized control of the U.S. Senate late Tuesday after flipping Democratic held seats, holding onto GOP incumbents and wresting away the majority for the first time in four years.
The unexpected battleground of Nebraska pushed Republicans over the top. Incumbent GOP Sen. Deb Fischer brushed back a surprisingly strong challenge from independent newcomer Dan Osborn.
Democrats watched their efforts to salvage their slim majority slip out of reach as tallies rolled in across a map that favored Republicans.
Early in the night, Republicans flipped one seat in West Virginia, with the election of Jim Justice, who easily replaced retiring Sen. Joe Manchin.
Democratic efforts to oust firebrand Republicans Ted Cruz of Texas and Rick Scott of Florida collapsed.
While Texas hasn’t elected a Democrat statewide in almost 30 years, Colin Allred, a Dallas-area congressman and former NFL linebacker, positioned himself as a moderate and leaned into his support for reproductive rights amid Texas’ abortion ban, which is one of the strictest in the nation.
Cruz's victory came after Democratic efforts to salvage their Senate majority evaporated when Democratic Sen. Sherrod Brown in Ohio lost his reelection to Republican Bernie Moreno, a wealthy Trump-era newcomer.
Brown’s loss to Moreno, an immigrant from Bogota, Colombia, who built a fortune as a luxury car dealer and blockchain entrepreneur, puts the Democrats on the edge of losing Senate control. A three-term senator, he is the first incumbent to lose reelection.
The Ohio race between Brown and Moreno, who was backed by Donald Trump, is the most expensive of the cycle, at some $400 million.
With control of Congress at stake, the contests for the House and Senate will determine which party holds the majority and the power to boost or block a president’s agenda, or if the White House confronts a divided Capitol Hill.
ຟໍຣັມສະແດງຄວາມຄິດເຫັນ