ລິ້ງ ສຳຫລັບເຂົ້າຫາ

ວັນເສົາ, ໒໒ ມິຖຸນາ ໒໐໒໔

ສຫລ ຍຸຕິ​ ການປົກປ້ອງຄຸ້ມຄອງຊົ່ວຄາວ ຊາວ​ແອ​ລຊາ​ລວາ​ດໍ ​ ຈາກ ການຖືກເນລະເທດ


ພວກປະທ້ວງ ພາກັນເດີນຂະບວນໃນການໂຮມຊຸມນຸມ ເລື່ອງ
ຄົນເຂົ້າເມືອງ ເພື່ອສະໜັບສະໜູນ ໂຄງການ ທີ່ເອີ້ນວ່າ
ດັກກາ (DACA),ແລະ ທີພີແອັສ (TPS), ທີ່ລັດຖະ ສະພາ ສຫຣ, ວໍຊີງຕັນ.
ພວກປະທ້ວງ ພາກັນເດີນຂະບວນໃນການໂຮມຊຸມນຸມ ເລື່ອງ ຄົນເຂົ້າເມືອງ ເພື່ອສະໜັບສະໜູນ ໂຄງການ ທີ່ເອີ້ນວ່າ ດັກກາ (DACA),ແລະ ທີພີແອັສ (TPS), ທີ່ລັດຖະ ສະພາ ສຫຣ, ວໍຊີງຕັນ.

ລັດຖະບານ​ສະຫະລັດ ຈະ​ຍົກເລີກ​ ການປົກປ້ອງຄຸ້ມຄອງ ຊາວ​ແອ​ລຊາ​ລວາ​ດໍ ​
ປະມານ 262,500 ຄົນ ທີ່ໄດ້ຮັບອະນຸຍາດໃຫ້ອາໄສຢູ່ໃນສະຫະລັດ ມາໄດ້ເກືອບ
​ເຖິງ​ 2 ທົດ​ສະວັດ ແລ້ວນັ້ນ ອີງຕາມການປະກາດຂອງ​ເຈົ້າ​ໜ້າ​ທີ່​ຂັ້ນ​ສູງ​ສະຫະລັດ
​ໃນ​ວັນ​ຈັນ​ວານ​ນີ້.

ຖານະ​ການ​ປົກ​ປ້ອງ​ຄຸ້ມ​ຄອງ​ຊົ່ວຄາວ ຫຼື TPS ທີ່​ຊາວ​ແອ​ລຊາ​ລວາ​ດໍ ​ຈຳນວນ​ຫຼາຍ
​ຮ້ອຍ​ພັນຄົນ ໄດ້ຮັບ ແມ່ນປົກປ້ອງບໍ່ໃຫ້ພວກເຂົາເຈົ້າ ຖືກ​ເນ​ລະ​ເທດຫຼັງ​ຈາກ​ທີ່​ໄດ້
ເກີດ​ແຜ່ນດິນ​ໄຫວຮ້າຍ​ແຮງ ​ໃນ​ປີ 2001 ຈະ​ສິ້ນ​ສຸດ​ລົງ ​ໃນວັນທີ 9 ກັນຍາ ​ປີ 2019.

​ໃນ​ວັນ​ນັ້ນ ພວກ​ທີ່​ໄດ້​ອາ​ໄສ ​ແລະ​ເຮັດວຽກຢ່າງຖືກຕ້ອງ​ຕາມ​ກົດໝາຍ​ໃນ​ສະຫະລັດ
ເປັນ ​ເວລາເກືອບ​ເຖິງ​ 2 ທົດ​ສະວັດນັ້ນ ຈະ​ຖືກປ່ຽນໃຫ້ໄປຢູ່ໃນຖານະ ທີ່​ພວກ​ເຂົາເຈົ້າ
ມີຢູ່ກ່ອນໄດ້ຮັບຖານະ TPS ຖ້າຫາກຖານະດັ່ງກ່າວຍັງ​ໃຊ້​ການ​ໄດ້ຢູ່. ພວກ​ເຂົາ​ຍັງ
​ສາມາດທີ່​ຈະ​ຍື່ນ​ສະໝັກ​ເພື່ອ​ຂໍ​ຮັບຜົນ​ປະ​ໂຫຍ​ດຢ່າງ​ອື່ນ ຂອງພວກ​ຄົນເຂົ້າ​ເມືອງ
ຕົວຢ່າງ​ເຊັ່ນວີ​ຊາທີ່​ມາ​ຈາກ​ພື້ນຖານທາງ​ດ້ານ​ຄອບຄົວ ​ແລະຈາກ​ການ​ເຮັດ​ວຽກ.

ການ​ຕັດສິນ​ໃຈ​ທີ່​ວ່າ​ນີ້ ​ແນ່ນອນ​ຈະເຮັດໃຫ້ຊາວ​ແອ​ລຊາ​ລວາ​ດໍບາງຄົນ ຕົກຢູ່ໃນ
ຖານະທີ່​ບໍ່​ມີ​ເອກ​ກະສາ​ນຢ່າງຖືກຕ້ອງ ​ທີ່ເຮັດໃຫ້ພວກເຂົາເຈົ້າສ່ຽງ​ຕໍ່​ການ​ຖືກ​ເນລະ​ເທດ.

ທ່ານນາງ ເຄີຣສຕ໌ເຈັນ ນຽລສັນ ລັດຖະມົນຕີກະຊວງຮັກສາຄວາມປອດໄພພາຍ ນັ່ງຟັງການສຳພາດ, 2 ມັງກອນ 2018, ທີ່ນະຄອນ ແຊນ ດີເອໂລ.
ທ່ານນາງ ເຄີຣສຕ໌ເຈັນ ນຽລສັນ ລັດຖະມົນຕີກະຊວງຮັກສາຄວາມປອດໄພພາຍ ນັ່ງຟັງການສຳພາດ, 2 ມັງກອນ 2018, ທີ່ນະຄອນ ແຊນ ດີເອໂລ.

​ໃນ​ການ​ທົບທວນ​ແບບ​ປົກກະຕິ​ ກ່ຽວ​ກັບ​ເງື່ອນໄຂ​ ໃນແອ​ລຊາ​ລວາ​ດໍນັ້ນ ລັດຖະບານ
​ຂອງ​ທ່ານ​ທຣຳ ​ໄດ້​ລົງຄວາມເຫັນວ່າ​ປະ​ເທດ​ໃນອາ​ເມຣິການ​ກາງ​ດັ່ງກ່າວນີ້​ ແມ່ນ​ໄດ້
ຟື້ນ​ໂຕຄືນຈາກໄພ​ພິບັດ​ທຳ​ມະ​ຊາດຫຼາຍພໍ​ແລ້ວ ​ທີ່​ຈະ​ໃຫ້​ປະຊາຊົນ​ຂອງ​ພວກ​ເຂົາ​ເຈົ້າ
ກັບ​ຄືນ​ປະ​ເທດ ໄດ້ ອີີງຕາມຄຳເວົ້າຂອງ​ເຈົ້າ​ໜ້າ​ທີ່​ຂັ້ນ​ສູງ​ສະຫະລັດ ​ທີ່ໄດ້ບອກ​ກັບ​
ພວກ​ນັກ​ຂ່າວ ​ໃນ​ກອງ​ປະຊຸມ​ທາງ​ໂທລະສັບ​ ໃນ​ເຊົ້າ​ວັນ​ຈັນ​ວານ​ນີ້.

​ເຖິງ​ແມ່ນ​ວ່າ ໄດ້​ມີ​ການຕໍ່ອາຍຸ​ກ່ອນ​ໜ້າ​ນີ້ ໃຫ້ແກ່ຖານະ​ທີ່​ປົກ​ປ້ອງ​ຄຸ້ມ​ຄອງ​ຊົ່ວຄາວ
ສຳ​ຫຼັບຊາວ​ແອ​ລຊາ​ລວາ​ດໍ ທີ່​ຮວມທັງການເຊື່​ມ​ໂຍງ ​ລະຫວ່າ​ງ​ໄ​ພພິບັດ​ທຳ​ມະ​ຊາດ ​
ແລະ​ການບັນຫາ​ເລື່ອງ​ອົງການ​ອາຊະຍາ​ກຳ​ແລະ​ຄວາມ​ຮຸນ​ແຮງ​ຂອງ​ປະ​ເທດ​ທີ່​ກຳລັງ​
ປະ​ເຊີນ​ຢູ່ກໍຕາມ, ​ແຕ່ເຈົ້າ​ໜ້າ​ທີ່​ຂອງ​ລັດຖະບານ ​ໄດ້​ກ່າວ​ວ່າ ກະຊວງ​ຮັກສາ​ຄວາມ​
ປອດໄພພາຍໃນຂອງສະຫະລັດ “ຊັ່ງຊາເບິ່ງ” ພຽງ​ແຕ່​ການ “ຟື້ນໂຕ​ຄືນ” ຈາກ​ແຜ່ນ
ດິນ​ໄຫວ, ບໍ່​ແມ່ນ​ຈາກ “ຄວາມ​ຮຸນ​ແຮງ​ໃນປະເທດດັ່ງກ່າວ.” ​

ເຈົ້າ​ໜ້າ​ທີ່​ ທີ່ຕອບຄຳຖາມ ເຊັ່ນດຽວກັນກັບ​ຖະແຫຼງການທີ່ເປັນລາຍລັກອັກສອນຂອງ
ລັດຖະມົນຕີກະຊວງ​ຮັກສາ​ຄວາມ​ປອດ​ໄພ​ພາຍໃນ ທ່ານນາງ ​ເຄີຣສຕ໌ເຈັນ ນຽລສັນ
(Kirstjen Neilsen)ກ່າວ​ວ່າ ການ​ເລື່ອນ​ເວລາມາເປັນເວລາ 18 ​ເດືອນ ​ທີ່​ຈະ​ຍຸຕິຖານະ
​ປົກ​ປ້ອງ​ຄຸ້ມ​ຄອງ​ ຊົ່ວຄາວສຳ​ຫຼັບຊາວ​ແອ​ລຊາ​ລວາ​ດໍ “ຈະ​ອະນຸຍາດ​ໃຫ້ລັດຖະສະພາ ມີເວລາໃນການຮ່າງ​ກົດໝາຍ ທີ່ອາດເປັນໄປໄດ້.”

ອ່ານ​ຂ່າວ​ນີ້​ເພີ່ມຕື່ມ​ເປັນ​ພາສາ​ອັງກິດ

US to End Temporary Protection from Deportation for Salvadorans
please wait

No media source currently available

0:00 0:00:49 0:00

XS
SM
MD
LG