ລິ້ງ ສຳຫລັບເຂົ້າຫາ

ລາຍງານ ແຈ້ງວ່າ ເສລີພາບ ຂອງສື່ມວນຊົນ ໃນທົ່ວໂລກ ໄດ້ຫຼຸດນ້ອຍ ຖອຍລົງ (ວີດີໂອ)


ກຸ່ມ​ສົ່ງ​ເສີມ​ລະບອບ​ປະຊາທິປະ​ໄຕ ທີ່​ມີ​ສຳນັກງານຕັ້ງ​ຢູ່​ໃນ​ນະ
ຄອນຫລວງ​ວໍ​ຊິງ​ຕັນ ກ່າວ​ວ່າ ​ເສລີພາບ​ຂອງ​ສື່​ມວນ​ຊົນ ​ໃນ​ທົ່ວ​
ໂລກ ​ໄດ້​ລົດ​ລົງສູ່​ລະດັບ​ຕ່ຳສຸດ ​ໃນ​ຮອບ​ນຶ່ງ​ທົດ​ສະ​ວັດ​ຜ່າ​ນມາ
ຮວມທັງ​ໃນແຫ່ງ​ຕ່າງ​ໆ ​ທີ່​ໄດ້​ທຳ​ຄວາມ​ຄື​ບໜ້າ​ມາ​ກ່ອນ​ນຳ.

ອົງການ Freedom House ​ໄດ້​ເປີດ​ເຜີຍ​ລາຍ​ງານ ​ວ່າດ້ວຍ​ເສ
ລີພາບ​ໃນ​ວົງ​ການ​ສື່​ມວນ​ຊົນ​ປະຈຳ​ປີ​ຂອງ​ຕົນ​ໃຫ້​ຊາບໃນ​ວັນ​ພະ
ຫັດ​ມື້​ນີ້​ໂດ​ຍກ່າວ​ວ່າ ​ເກົາ​ຫຼີ​ເໜືອ​ເປັນ​ປະ​ເທດ​ທີ່​ຂີ້ຮ້າຍທີ່​ສຸດ​ ໃນ​
ຈຳນວນ 197 ປະ​ເທດ ​ແລະ​ດິນ​ແດນ ທີ່​ກຸ່ມ​ດັ່ງກ່າວໄດ້​ຊັ່ງຊາ​ຕີ
​ລາຄາ​ເບິ່ງ​ນັ້ນ.

ທ່ານ​ນາງ Karin Karlekar ກ່າວ​ຕໍ່​ວີ​ໂອ​ເອວ່າ ​ໃນ​ຊ່ວງ​ປີ 2013 ນີ້ ມີ​ພຽງແຕ່​ນຶ່ງ ໃນທຸກໆ 6 ຄົນ​ເທົ່າ​ນັ້ນ​ໃນໂລກ​ ທີ່ເຂົ້າ​ຫາ​ສື່​ມວນ​ຊົນ “​ເສລີ” ​ໄດ້.
ແຜນທີ່ເສລີພາບສື່ມວນຊົນ
ແຜນທີ່ເສລີພາບສື່ມວນຊົນ

ລາຍ​ງານຂອງ​ກຸ່ມ​ດັ່ງກ່າວນີ້ ຈັດ​ອີຣ່ານ ​ແລະ​ຊີ​ເຣຍຢູ່​ໃນ​ລະດັບ
​ເກືອບ​ຕ່ຳສຸດໂດຍ​ເນັ້ນ​ເຖິງ​ແນວ​ໂນ້ມ​ໃນ​ພາກ​ຕາ​ເວັນ​ອອກ​ກາງ
ທີ່​ອົງການ Freedom House ກ່າວ​ວ່າ ​ໄດ້​ຫລຸດລົງ​ຫຼາຍ​ກວ່າ​ໝູ່​
ກ່ຽວກັບ​ເສລີພາບ​ໃນ​ວົງ​ການ​ຂ່າວ​ນັ້ນ.

ນາງ Karekar ກ່າວວ່າ ​ໄດ້​ມີ​ການ​ຕັ້ງ​ຄວາມ​ຫວັງ​ໄວ້​ຢ່າງ​ສູງ​ວ່າ
ຈະ​ມີການ​ປ່ຽນ​ແປງ​ດ້ວຍ​ການ​ລຸກ​ຮື​ຂຶ້ນໃນລະດູບານໃໝ່ທີ່​ເອີ້ນ
​ວ່າ Arab Spring ແຕ່ນັ້ນໄດ້ກັບ “ເປັນການຖອຍຫຼັງຢ່າງຫຼວງ
ຫຼາຍ” ຢູ່ໃນ ພາກພື້ນ.

ເສລີພາບສື່ມວນຊົນ ໃນເຂດ Eurasia
ເສລີພາບສື່ມວນຊົນ ໃນເຂດ Eurasia


ລາຍງານສະບັບນີ້ ໄດ້ຈັດເຂດ Eurasia ເປັນພາກພື້ນທີ່ຂີ້ຮ້າຍ
ທີ່ສຸດ ຊຶ່ງບໍ່ມີປະຊາກອນຈັກຄົນ ອາໄສຢູ່ໃນປະເທດທີ່ມີວົງການ
ສື່ມວນຊົນເສລີ ລາຍງານສະບັບນີ້ ໄດ້ເລົ່າເຖິງ ການທຸບຕີພວກ
ນັກຂ່າວ ທີ່ຖືກຄຸມຂັງຢູ່ໃນຄຸກ ໃນຣັດເຊຍ ຕະຫຼອດທັງການບຸກ ໂຈມຕີຢ່າງໂຫດຫ້ຽມຕໍ່ພວກນັກຂ່າວ ໃນຢູເຄຣນນັ້ນ.
XS
SM
MD
LG