ລິ້ງ ສຳຫລັບເຂົ້າຫາ

logo-print

ລາຍງານເລື້ອງເສລີພາບ ທາງສາສະໜາຂອງ ສຫລ ເນ້ນໜັກໃສ່ ການປາບປາມ (ວີດີໂອ ພາສາລາວ/ອັງກິດ)


ວີດີໂອ ພາສາອັງກິດ ກ່ຽວກັບລາຍງານນີ້.

ລັດຖະມົນຕີ​ຕ່າງປະ​ເທດ​ສະຫະລັດ ທ່ານ John Kerry ກ່າວ​ວ່າ
ພວກ​ປະ​ເທດ​ທີ່​ບັ່ນ​ທອນ​ເສລີ​ພາບ​ທາງ​ສາສະໜາ​ນັ້ນ ​ໃນ​ບັ້ນ​ສຸດ
​ທ້າຍ​ແລ້ວ ກໍ​ແມ່ນ​ຈະ​ຂົ່ມຂູ່​ຕໍ່​ຄວາມ​ໝັ້ນຄົງ​ຂອງ​ຕົນ​ເອງ. ທ່ານ
​ແຄຣີ​ໄດ້​ກ່າວ​ເຊັ່ນ​ນັ້ນ ​ໃນ​ວາລະ​ນຳ​ສະ​ເໜີ​ລາຍ​ງານ​ປະຈຳ​ປີ​ຂອງ​
ສະຫະລັດວ່າ​ດ້ວຍ ​ເສລີ​ພາບ​ທາງ​ສາສະໜາຢູ່​ໃນ​ນາໆ​ປະ​ເທ​ດ.
Scott Stearns ຜູ້​ສື່ຂ່າວ​ວີ​ໂອ​ເອ ປະຈຳ​ກະຊວງ​ຕ່າງປະ​ເທດ​
ມີ​ລາຍງານ ຊຶ່ງ​ດາຣາຈະ​ນຳ​ມາສະ​ເໜີ​ທ່ານ.

ລັດຖະມົນຕີ​ຕ່າງປະ​ເທດ Kerry ກ່າວ​ວ່າ ພວກ​ທີ່​ໂຈມ​ຕີ​ເສລີພາບ
​ທາງສາສະໜາ​ນັ້ນ ບໍ່​ພຽງ​ແຕ່​ຂົ່ມຂູ່​ຢ່າງ​ບໍ່​ຍຸດຕິ​ທຳ ຕໍ່ບັນດາປະຊາ
ຊົນ​ທີ່ເປັນ​ເປົ້າ​ການໂຈມ​ຕີ​ຂອງ​ພວກ​ເຂົາ​ເທົ່າ​ນັ້ນ ​ແຕ່ຍັງ​ບັ່ນ​ທອນ​
ສະຖຽນ​ລະ​ພາບ​ຂອງ​ພວກ​ເຂົາ​ເອງນຳດ້ວຍ. ທ່ານ Kerry ​ເວົ້າ​ວ່າ:

“ຈາກ​ເອ​ເຊຍ​ໃຕ້ ​ໄປ​ຫາ​ເຂດ Sahel ຫລາຍໆ ລັດຖະບານ​ແມ່ນ​ໄດ້​ປິດ​ປາກ
​ປິດ​ສຽງ ​ບັນດາ​ສະມາຊິກ​ຂອງ​ກຸ່ມ​ສາສະໜາ​ຕ່າງໆ ຜ່ານ​ການ​ອອກ​ກົດໝາຍ​
ທີ່​ກົດ​ຂີ່​ໜີບ​ເຕັງ ຜ່ານ​ການ​ລົງ​ໂທດ​ຢ່າງ​ຮຸນ​ແຮງ ​ແລະ​ວິທີ​ການ​ທີ່​ໂຫດຮ້າຍ​
ປ່າ​ເຖື່ອນ ທີ່​ບໍ່​ມີ​ບ່ອນຢູ່​ໃນ​ສັດຕະວັດ ທີ 21 ນີ້.”

ເບິ່ງວີດີໂອ ພາສາລາວ ກ່ຽວກັບລາຍງານນີ້:


ລາຍ​ງານ​ວ່າ​ດ້ວຍ​ເສລີພາບ​ທາງ​ສາສະໜາໃນ​ນາໆ​ປະ​ເທດ​ສຳ​ຫລັບ​ປີ​ນີ້ ກວມ​ເອົາ​ຄວາມ
ເປັນ​ຫ່ວງກ່ຽວ​ກັບ ສະຖານະ​ການ​ຢູ່​ໃນ​ພາກ​ເໜືອ​ຂອງ​ປະ​ເທ​ໄນ​ຈີ​ເຣຍ ບ່ອນ​ທີ່​ຄວາມ​ຮຸນ​ແຮງລະຫວ່າງ​ພວກ​ຫົວ​ຕໍ່ສູ້​ອິສລາມ

Boko Haram ກັບກຳລັງ​ຮັກສາ​ຄວາມ​ປອດໄພ​ໄນ​ຈີ​ເຣຍ ​ໄດ້​ເອົາ​ຊີວິດ​ຂອງ​ຊາວ​ມຸສລິ​ມ
ແລະ​ຊາວ​ຄຣິສ​ໄປ ​ເປັນ​ຈຳນວນ​ຫລາຍ. ລັດຖະມົນຕີ​ຕ່າງປະ​ເທດ Kerry ​ກ່າວ​ດັ່ງ​ນີ້:

“ຢູ່​ໄນ​ຈີ​ເຣຍ ກຸ່ມໂບ​ໂກ ຮາຣຳ ​ໄດ້​ສັງຫານ​ຫລາຍ​ກ່ວາ ນຶ່ງ​ພັນ​ຄົນ ​ໃນ​ໄລຍະ
ປີຜ່ານມາ​ນີ້​ ພຽງ​ປີ​ດຽວ​. ​ແລະ​ນັ້ນ​ແມ່ນ​ຮວມທັງ ພວກ​ຜູ້ນຳ​ສາສະໜາ​ຄຣິສ​
ແລະ​ອິສລາມຫລາຍ​ຄົນ ​ແລະ​ພວກ​ຄົນ​ທີ່ຢູ່​ໃກ້ໆ​ ກັບໂບດ​ແລະ​ສຸ​ເຫລົາ
ທັງ​ພວກ​ທີ່​ໄປ​ຂາບ​ໄຫວ້ບູຊາ ​ແລະພວກ​ຄົນ​ເດີນ​ຖະໜົນ.”

ລັດຖະມົນຕີ​ຕ່າງປະ​ເທດ Kerry ກ່າວ​ວ່າ ຢູ່​ອິຣັກນັ້ນ ​ໂລກ​ໄດ້​ເຫັນ “​ຄວາມ​ປ່າ​ເຖື່ອນ​ແລະ​ຄວາມໂຫດຮ້າຍຢ່າງ​ບໍ່​ໜ້າ​ເຊື່ອ” ຂອງ​ພວກ​ກຸ່ມ ລັດ​ອິສລາມ​ແຫ່ງ​ອິຣັກ ​ແລະ Levant
ທີ່​ມີ​ຖານທີ່​ໝັ້ນ​ຕັ້ງ​ຢູ່ໃນ​ປະ​ເທດຊີ​ເຣຍ ຊຶ່ງທ່ານເວົ້າ​ວ່າ:

“ການ​ສັງຫານ​ຍົກ ຊາວມຸສລິ​ມຊີ​ໄອ້​ ການ​ບັງຄັບ​ໃຫ້​ຊາວ​ຄຣິສຫັນປ່ຽນ​ສາສະໜາ​
ໃນ​ເມືອງ​ໂມ​ຊູ​ລ ການ​ຂົມ​ຂືນຊຳ​ເລົາ ​ແລະ​ການ​ນຳ​ໃຊ້​ແມ່ຍິງ​ກັບ​ເດັກນ້ອຍເປັນ
ໂລ່​ມະນຸດ ຫລື​ເປັນມະນຸດ​ກຳ​ບັງ ການ​ກະທຳ​ຂອງ​ຄວາມ​ຊົ່ວ​ຮ້າຍ​ປ່າ​ເຖື່ອນທັງ​
ໝົດ​ທີ່​ກ່າວ​ມາ​ນັ້ນ ​ແມ່ນ​ເນ້ນ​ໜັກ​ສິ່ງ​ທີ່​ເປັນ​ເດີມ​ພັນ ຢູ່​ໃນ​ອິຣັກ.”

ທ່ານ​ນາງ Sarah Margon ຈາກ​ອົງການ ສິ້ງ​ຊອມ​ສິດທິ​ມະນຸດ ຫລື Human Rights Watch ກ່າວ​ວ່າ ກຳລັງ​ຮັກສາ​ຄວາມ​ປອດ​ໄພ​ຂອງອິຣັກ​ເອງ ກໍ​ໄດ້ມີ​ສ່ວນ​ຊ່ວຍ​ເຮັດ​ໃຫ້
ຄວາມ​ເຄັ່ງ​ຕຶງ​ລະຫວ່າງ​ກຸ່ມ​ສາສະໜາ​ເພີ້​ທມະ​ວີ​ຂຶ້ນ​ເຊັ່ນ​ກັນ ​ຊຶ່ງເຮັດ​ໃຫ້​ເປັນ​ການ​ຍາກ
ສຳຫລັບລັດຖະບານ​ວໍ​ຊິງ​ຕັນ ທີ່​ຈະໃຫ້ການສະໜັບສະໜູນ​ແກ່ ​ລັດຖະບານຊຸດ​ໃດ​ກໍ​ຕາມ
ໃນ​ນະຄອນຫລວງ​ແບກ​ແດດ ທີ່​ບໍ່​ໄດ້​ຮັບ​ການ​ສະ​ໜັ​ບສະ​ໜູນ​ຈາກ​ພວກ Sunnis ​ແລະ
ພວກ Kurds. ທ່ານ​ນາງ Sarah Margon ​ເວົ້າ​ວ່າ:

“ພວກ​ເຮົາ​ກຳລັງ​ ຕິດຕາມ​ເບິ່ງສະຖານະ​ການ​ທາງ​ການ​ເມືອງ​ຢ່າງ​ໃກ້ຊິດອີ​ຫລີ່ ​
ເພື່ອ​ເບິ່ງ​ວ່າ ມັນ​ຈະ​ອອກ​ມາ​ໃນ​ຮູບ​ໃດ. ​ແຕ່​ຂ້າພະ​ເຈົ້າ​ເປັນ​ຫ່ວງ​ຫລາຍ​ວ່າ ກຳ
ລັງ​ຮັກສາ​ຄວາມ​ປອດ​ໄພ ຈະ​ບໍ່​ທຳ​ການ​ປ້ອງ​ກັນ​ ປະ​ເທດ​ອິຣັກ ທີ່​ກວມເອົາ​ໝົດ
ທຸກຝ່າຍ ​ແລະ​ເປີດ​ກ້ວາງ​ແກ່​ ຊາວ​ອິຣັກທັງ​ໝົດ ​ເວ້ນ​ເສຍ​ແຕ່​ວ່າຈະ​ມີ​ການ​
ເຄື່ອນ​ໄຫວໃນ​ທາງການ​ເມືອງ ທີ່​ແຕກ​ຕ່າງ​ໄປ​ຈາກເກົ່າ ຢູ່​ໃນ​ອິຣັກນັ້ນ.”

ຢູ່​ໃນ​ມຽນມາ ລາຍ​ງານ​ກ່ຽວ​ກັບ​ເສລີພາບ​ທາງ​ສາສະໜາ​ຂອງ​ກະຊວງ​ຕ່າງ​ປະ​ເທດ​ສະຫະ
ລັດ ປະນາມ​ການ​ກໍ່​ຄວາມ​ຮຸນ​ແຮງ​ຕ້ານ​ຊາວ​ມຸສລິ​ມ ທີ່​ທ່ານ​ແຄຣີກ່າວ​ວ່າ “ຍັງ​ສືບ​ຕໍ່​ເຮັດ​ໃຫ້ຫລາຍໆ​ຄອບຄົວ​ຕ້ອງ​ຍົກຍ້າຍ​ບ່ອນຢູ່ ​ແລະທຳລາຍລ້າງ ​ຫລາຍໆ​ຊຸມ​ຊົນ.”

“ຊາວ​ມຸສລິ​ມ​ໂຣຮິງ​ຢາຫລາຍ​ພັນ​ຄົນ ​ໄດ້​ຖືກ​ພັດ​ພາກ​ຈາກ​ບ້ານ​ເຮືອນ ຢູ່​ໃນ​
ປະ​ເທດ​ມຽນມາ ຫລັງ​ຈາກ​ເກີດ​ຄວາມຮຸນ​ແຮງ​ທາງສາສະໜາ ​ແລະ​ອີກ​
ຫລາຍ​ໝື່ນ​ຄົນ ກຳລັງ​ອາ​ໄສ​ຢູ່​ໃນ​ສູນອົບ​ພະຍົບທີ່ໜ້າ​ອະ​ໜາດ ​ໂດຍ​ບໍ່​ໄດ້
​ຮັບ​ການ​ດູ​ແລ​ດ້ານ​ການ​ແພດ​ຢ່າງ​ພຽງພໍ.”


ສ່ວນຢູ່ຣັດ​ເຊຍ ທ່ານ​ແຄຣີ​ເວົ້າວ່າ ລັດຖະບານ​ຂອງ​ທ່ານ Vladimir Putin ກໍ​ກຳລັງ​ບັ່ນ
ທອນ​ເສລີ​ພາບ​ທາງ​ສາສະໜາ ຢ່າງເປັນ​ລະບົບ.

“ຢູ່ຣັດ​ເຊຍ ລັດຖະບານ​ໄດ້​ນຳ​ໃຊ້​ພວກ​ກົດໝາຍ​ທີ່​ລົງ​ໂທດ​ໜັກ​ກ່ວາ​ເກົ່າ
ຊຸດ​ແລ້ວ​ຊຸດ​ເຫລົ່າ ຕ້ານ​ອັນ​ທີ່​ພວກ​ເຂົາ​ເອີ້ນ​ວ່າ “ລັດທິ​ຮຸນ​ແຮງ​ຈັດ” ນັ້ນ ​
ເພື່ອເປັນ​ເຫດຜົນ​ໃນການ​ເອົາ​ ມາດ​ຕະການ​ໂຫດຮ້າຍ​ຂອງ​ພວກ​ເຂົາ
ຕໍ່ຕ້ານ​ປະຊາຊົນ​ທີ່​ນັບຖືສາສະໜາ​ນັ້ນ.”


ທ່ານ​ແຄຣີ ກ່າວ​ວ່າ ພວກ​ລັດຖະບານ​ທີ່​ກົດ​ຂີ່ໜີບ​ເຕັງ ​ແລະ​ພວກກຸ່ມ​ຫົວຮຸນ​ແຮງ​ຈັດ
ທັງຫລາຍ ຢູ່​ໃນ​ທົ່ວ​ໂລກ ​ແມ່ນ​ໄດ້​ເຮັດ​ໃຫ້​ເປັນ​ທີ່​ຈະ​ແຈ້ງກ່ຽວ​ກັບ​ສິ່ງ​ທີ່​ພວກ​ເຂົາ​ຢືນ​ຢັດ
​ຕໍ່​ຕ້ານ ສະ​ນັ້ນ ສະຫະລັດ​ກໍ​ຈະ​ຕ້ອງ​ເຮັດ​ໃຫ້​ເປັນ​ທີ່​ຈະ​ແຈ້ງ​ເທົ່າ​ໆ​ກັນ ກ່ຽວ​ກັບ​ສິ່ງ​ທີ່​ຕົນ
​ຢືນ​ຢັດ​ຕໍ່ສູ້​ເພື່ອ​ນັ້ນ. ທ່ານ​ແຄຣີກ່າວ​ດັ່ງ​ນີ້:

“ພວກ​ເຮົາ​ບໍ່​ໄດ້ ກຳລັງ​ບອກ​ຜູ້​ຄົນ ​ແບບ​ຄົນ​ໂອ​ຫັງວ່າ ​ເຂົາ​ເຈົ້າ​ຄວນ​ຈະ​ເຊື່​ອ
ຫລື​ບໍ່​ເຊື່ອ​ສາສະໜາໃດ. ພວກ​ເຮົາ​ບໍ່​ໄດ້​ ກຳລັງບອກ​ເຂົາ​ເຈົ້າ​ວ່າ ​ເຂົາ​ເຈົ້າ​
ຄວນ​ມີຊີວິດ​ຢູ່​ແບບ​ໃດ ​ໃນ​ແຕ່​ລະ​ມື້. ພວກ​ເຮົາ​ພຽງ​ແຕ່​ຮ້ອງ​ຂໍ​ໃຫ້ ​ມີ​ການ​ເຄົາ
ລົບນັບຖື ຄຸນຄ່າ​ສາກົນຂອງ​ການ​ໂຍະ​ຍານ​ໃຫ້​ແກ່​ຄົນ​ອື່ນ ​ແລະ​ຄຸນຄ່າ​ຂອງ
ຄວາມ​ສາມາດ​ຂອງ​ຜູ້​ຄົນ ​ໃນ​ການ​ເຄົາລົບ​ຄວາມ​ເປັນ​ສ່ວນ​ບຸກຄົນ​ຂອງ​ເຂົາ
ເຈົ້າ​ເອງ ​ແລະ​ທາງ​ເລືອກ​ຂອງ​ເຂົາ​ເຈົ້າ​ ເທົ່າ​ນັ້ນ.”


ທ່ານ​ນາງ Margon ກ່າວວ່າ ນັ້ນ​ແມ່ນສານຫລື​ຂໍ້ຄວາມ ທີ່​ບາງ​ເທື່ອ​ວໍ​ຊິງ​ຕັນ ກໍ​ນຳ​ໃຊ້
ຢ່າງບໍ່ສະເໝີຕົ້ນ​ສະ​ເໝີ​ປາຍ. ທ່ານ​ນາງ Margon ​ກ່າວຕໍ່ໄປວ່າ:

“ມັນ​ແມ່ນ​ສ່ວນ​ນຶ່ງ​ຂອງ​ການ​ພັດທະນາ ​ແບບ​ສະຫລາດ​ສ່ອງ​ໃສ ​ແມ່ນ​ສ່ວນ
​ນຶ່ງ​ຂອງ​ມາດ​ຕະການ​ຄວາມ​ໝັ້ນຄົງ​ທີ່​ດີ. ​ແລະ​ສະຫະລັດ​ກໍ​ໄດ້​ສົ່ງຂໍ້ຄວາມ​
ເຫລົ່າ​ນັ້ນ​ອອກ​ໄປ ບາງ​ເທື່ອ​ກໍ​ໃນ​ເວລາ​ທີ່​ມັນສະ​ດວກ​ສຳ​ຫລັບ​ຕົນ ​ແຕ່​ກໍ​
ມີ​ຢູ່​ເລື້​ອຍໆທີ່​ວ່າ ບໍ່​ສອດຄ່ອງ​ກັບ​ສະຖານະ​ການ​ເລີຍ.”

ລາຍ​ງານ​ເລື້ອງ​ເສລີພາບ​ທາງ​ສາສະໜາ ສະບັບ​ປີ​ນີ້​ຂອງ​ກະຊວງ​ຕ່າງປະ​ເທດ​ສະຫະລັດ
ໄດ້ເອົາ​ປະ​ເທດ Turkmenistan ຕື່ມ​ເຂົ້າໃສ່ ບັນຊີ​ພວກ​ປະ​ເທດ​ທີ່​ໜ້າ​ເປັນ​ຫ່ວງ​ເປັນພິ
ເສດ ຊຶ່ງ​ລັດຖະບານ​ໂອ​ບາ​ມາ ​ເວົ້າ​ວ່າ ຢູ່​ທີ່​ນັ້ນ ປະຊາຊົນ​ແມ່ນ​ຖືກ​ທຸບ​ຕີ​ແລະ​ທໍລະມານ
ຍ້ອນຄວາມ​ເຊື່ອ​ຖື​ທາງ​ສາສະໜາ​ຂອງ​ເຂົາ​ເຈົ້າ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG