ບັນດາຜູ້ສະເໜີ ກ່ຽວກັບລະບົບຜູ້ຕາງໜ້າ ຕາມສັດສ່ວນ ທີ່
ເປັນບັນຫາໂຕ້ຖຽງຢູ່ໃນມຽນມາປັດຈຸບັນນີ້ກ່າວວ່າ ແຜນດັ່ງ
ກ່າວຈະບໍ່ມີການນຳໃຊ້ ຢູ່ໃນເຂດຊົນພວກກຸ່ມນ້ອຍຂອງປະ
ເທດ.
ທ່ານ Daw Dwel Bu ຂອງພັກກຳລັງປະຊາທິປະໄຕແຫ່ງ
ຊາດຫຼື NDF ທີ່ໃຫ້ການສະໜັບສະໜຸນ ຕໍ່ແນວຄິດລະບົບ
ຜູ້ຕາງໜ້າຕາມສັດສ່ວນ ກ່າວວ່າ ແຜນດັ່ງກ່າວ ຈະຖືກນຳ
ໃຊ້ຢູ່ ແຕ່ໃນບັນດາເຂດທີ່ມີຊາວມຽນມາອາໄສຢູ່ເປັນສ່ວນ
ໃຫຍ່ເທົ່ານັ້ນ.
ທ່ານເວົ້າວ່າ “ເວລາໃດທີ່ລະບົບຜູ້ຕາງໜ້າຕາມສັດສ່ວນ ຖືກນຳມາໃຊ້ ມັນຈະຖືກໃຊ້ຢູ່
ແຕ່ໃນເຈັດລັດເທົ່ານັ້ນ ແຕ່ຈະບໍ່ມີການນຳໃຊ້ຢູ່ໃນລັດຊົນກຸ່ມນ້ອຍ ແລະ ເຂດຕ່າງໆທີ່
ປົກຄອງຕົນເອງ. ເພາະສະນັ້ນ ຂ້າພະເຈົ້າຈຶ່ງສະໜັບສະໜຸນມັນ.”
ບັນດາພັກຊົນກຸ່ມນ້ອຍ ແລະພັກຝ່າຍຄ້ານທີ່ສຳຄັນ ຄືພັກສັນນິບາດແຫ່ງຊາດ ເພື່ອປະ
ຊາທິປະໄຕ ຄັດຄ້ານຕໍ່ແຜນການມີຜູ້ຕາງໜ້າຕາມສັດສ່ວນ.
ສະມາຊິພັກສັນນິບາດແຫ່ງຊາດ ເພື່ອປະຊາທິປະໄຕ ທ່ານ Khin Thandar ກ່າວວ່າ
ແຜນດັ່ງກ່າວນີ້ ຈະຜິດກົດໝາຍ ຊຶ່ງທ່ານເວົ້າວ່າ ຖ້າພວກເຮົາຈະໃຊ້ ລະບົບຕາງໜ້າ
ຕາມສັດສ່ວນນັ້ນ ແມ່ນບໍ່ໄດ້ຮັບອະນຸຍາດຕາມລັດຖະທຳມະນູນ ສະບັບປີ 2008. ລະ
ບົບທີ່ຜູ້ຊະນະເອົາໝົດໃນປັດຈຸບັນນີ້ ເປັນລະບົບທີ່ເໝາະ ສົມທີ່ສຸດ.
ພວກຕຳໜິຕິຕຽນເຖິງຕໍ່ແຜນດັ່ງກ່າວເວົ້າວ່າ ບັນດາຜູ້ສະເໜີແມ່ນມີຄວາມເປັນຫ່ວງ
ໂດຍສະເພາະກ່ຽວກັບຄວາມເປັນໄປໄດ້ທີ່ວ່າ ພັກສັນນິບາດແຫ່ງຊາດເພື່ອ ປະຊາທິ
ປະໄຕ ຈະໄດ້ຮັບໄຊຊະນະ ຢ່າງຖ້ວມລົ້ນ ໃນການເລືອກຕັ້ງທົ່ວໄປ ຄັ້ງຈະມາ ໃນປີ
2015 ນີ້.
ຂົງເຂດສ່ວນໃຫຍ່ທີ່ມີຊາວຊາວມຽນມາອາໄສຢູ່ ແບ່ງອອກເປັນ 7 ລັດ ແລະບັນດາ
ເຂດຊົນເຜົ່າ ກໍແບ່ງອອກເປັນ 7 ລັດ ໃນລັດຖະທຳມະນູນສະບັບປັດຈຸບັນ.
