ລິ້ງ ສຳຫລັບເຂົ້າຫາ

logo-print

ລັດຖະມົນຕີ ສຫລ ວ່າ ກິດຈະກຳດ້ານ ລູກສອນໄຟ ຂີປະນາວຸດ ຂອງອີຣ່ານ ເພີ້ມຂຶ້ນນັບມື້


ກະຊວງປ້ອງກັນປະເທດ ສະຫະລັດ ວາງສະແດງ ໃຫ້ເຫັນ ລູກສອນໄຟຂີປະນາວຸດ ທີ່ເອີ້ນວ່າ "ກີອາມ Qiam" ທີ່ຜະລິດໂດຍອີຣ່ານ, ຢູ່ທີ່ຖານທັບແຫ່ງນຶ່ງໃນນະຄອນຫຼວງ ວໍຊິງຕັນ, ວັນທີ 29 ພະຈິກ 2018.

ລັດຖະມົນຕີ ກະ​ຊວງການຕ່າງປະເທດ ສະຫະລັດ, ທ່ານ ໄມຄ໌ ພອມພຽວ ໄດ້ກ່າວຕໍ່
ສະພາຄວາມໝັ້ນຄົງ ຂອງອົງການສະຫະປະຊາຊາດ ໃນວັນພຸດຜ່ານມານີ້ວ່າ ກິດຈະ-
ກຳ ດ້ານລູກສອນໄຟຂີປະນາວຸດຂອງອີຣ່ານ ກຳລັງນັບ​ມື້ ນັບເພີ້ມຂຶ້ນ ຕັ້ງແຕ່ໄດ້ມີ
ຂໍ້ຕົກລົງ ກ່ຽວກັບນິວເຄລຍໃນປີ 2015 ເປັນ​ຕົ້ນ​ມາ ແລະ ທ່ານໄດ້ຮຽກຮ້ອງໃຫ້ນາໆ
ຊາດ ວາງມາດຕະການຈຳກັດທີ່ເຄັ່ງຂັດຂຶ້ນກວ່າເກົ່າ ເພື່ອກີດກັນບໍ່​ໃຫ້​ມີການເຄື່ອນ
ໄຫວດັ່ງກ່າວນັ້ນ. ມາຣກາເຣັຕ ເບີເຊຍ ນັກຂ່າວວີໂອເອ ປະຈຳອົງການສະຫະປະຊາ
ຊາດ ມີລາຍງານກ່ຽວ​ກັບ​ເລື້ອງນີ້​ເພີ້ມອີກ ຊຶ່ງໄຊຈະເລີນສຸກ ຈະນຳເອົາລາຍລະອຽດ
ມາສະເໜີທ່ານ ໃນອັນດັບຕໍ່ໄປ.

ບັນດາສະມາຊິກສະພາຄວາມໝັ້ນຄົງ ສະຫະປະຊາຊາດ ທັງໝົດ ໄດ້ໃຫ້​ການສະໜັບ
ສະໜຸນ ຂໍ້ຕົກລົງນິວເຄລຍ, ມີແຕ່ລັດຖະບານສະຫະລັດໃນປັດຈຸບັນ ເທົ່າ​ນັ້ນ ທີ່ໄດ້
ຖອນໂຕອອກຈາກຂໍ້ຕົກລົງດັ່ງກ່າວ ໃນເດືອນພຶດສະພາ ຜ່ານມານີ້ ແລະ ໄດ້ວາງ
ມາດຕະການລົງໂທດຄືນໃໝ່ອີກ ເມື່ອເດືອນແລ້ວນີ້.

ທ່ານໄມຄ໌ ພອມພຽວ ລັດຖະມົນຕີວ່າການຕ່າງປະເທດ ກ່າວວ່າ “ອີຣ່ານ ໄດ້ເອົາລັດ
ເອົາປຽບໃນຄວາມຫວັງດີຂອງປະເທດຕ່າງໆ ແລະ ໄດ້ຫລີກລ່ຽງ ມະຕິຕົກລົງຕ່າງໆ
ຂອງສະພາຄວາມໝັ້ນຄົງ ໃນການສະແຫວງຫາ ກຳລັງລູກສອນໄຟຂີປະນາວຸດ ທີ່ແຂງແກ່ນຮອບດ້ານ. ສະຫະລັດ ຈະບໍ່ຍອມໃຫ້ເປັນເຊັ່ນນີ້ໄດ້.”

ທ່ານ ພອມພຽວ ໄດ້ອ້າງວ່າ ອີຣ່ານ ມີກຳລັງລູກສອນໄຟຂີປະນາວຸດ ທີ່ໃຫຍ່ທີ່ສຸດໃນ
ເຂດຕາເວັນອອກກາງ ໂດຍທີ່ມີລະບົບແບບນີ້ ຫຼາຍກວ່າ 10 ລະບົບຢູ່ ໃນຄັງອາວຸດ
ຂອ​ງ​ຕົນ ຫຼື ກຳ​ລັງຢູ່ໃນຂັ້ນ​ຕອນ​ໄດ້​ຮັບການພັດທະນາຢູ່.

ລັດຖະມົນຕີວ່າການຕ່າງປະເທດ ສະຫະລັດ ທ່ານ ໄມຄ໌ ພອມພຽວ ກຳລັບຟັງ ໃນລະຫວ່າງ ກອງປະຊຸມ ສະພາຄວາມໝັ້ນຄົງ ສະຫະປະຊາຊາດ ກ່ຽວກັບ ການຮ້ອງຮຽນຂອງອີຣ່ານ ໃນເລື່ອງ ສັນຍາຕົກລົງນິວເຄລຍ ປີ 2015 ຢູ່ທີ່ສຳນັກງານໃຫຍ່ຂອງອົງການສະຫະປະຊາຊາດ, ວັນທີ 12 ທັນວາ 2018.
ລັດຖະມົນຕີວ່າການຕ່າງປະເທດ ສະຫະລັດ ທ່ານ ໄມຄ໌ ພອມພຽວ ກຳລັບຟັງ ໃນລະຫວ່າງ ກອງປະຊຸມ ສະພາຄວາມໝັ້ນຄົງ ສະຫະປະຊາຊາດ ກ່ຽວກັບ ການຮ້ອງຮຽນຂອງອີຣ່ານ ໃນເລື່ອງ ສັນຍາຕົກລົງນິວເຄລຍ ປີ 2015 ຢູ່ທີ່ສຳນັກງານໃຫຍ່ຂອງອົງການສະຫະປະຊາຊາດ, ວັນທີ 12 ທັນວາ 2018.

ອີງຕາມບັນດາເຈົ້າໜ້າທີ່ຂອງອີຣ່ານແລ້ວ ລູກສອນໄຟບາງສ່ວນ ຂອງພວກເຂົາເຈົ້າ
ສາມາດບິນໄປໄກເຖິງ 2,000 ກິໂລແມັດ ອັນເປັນໄລຍະ ທີ່ທ່ານ ພອມພຽວ ໄດ້ກ່າວ
ວ່າ ອາດເຮັດໃຫ້ບັນດາປະເທດຕ່າງໆ ໃນຢູໂຣບ ຕົກ​ຢູ່​ໃນ​ສະ​ພາບ​ທີ່​ເປັນໄພອັນຕະ
ລາຍໄດ້. ສັນຍານິວເຄລຍ ປີ 2015 ດັ່ງກ່າວ ທີ່ໄດ້ຍົກເລີກມາດຕະການລົງໂທດທາງ
ດ້ານເສດຖະກິດ ຕໍ່ອີຣ່ານ ​ເພື່ອແລກປ່ຽນກັບການຈຳກັດກິດຈະກຳຕ່າງໆດ້ານນິວ
ເຄລຍຂອງຕົນ ແລະ ອະນຸຍາດໃຫ້ບັນດານັກກວດສອບສາກົນ ເຂົ້າໄປ​ກວດ​ຢູ່​ໃນ
ປະເທດ​ນັ້ນໄດ້.

ອົງການພະລັງງານປະລະມານູສາກົນ ຫຼື IAEA ໄດ້ຢັ້ງຢືນຊ້ຳແລ້ວຊ້ຳອີກວ່າ ອີຣ່ານ
ປະຕິບັດພັນ​ທະຂອງຕົນຕາມຄວາມໝາຍໝັ້ນທີ່ກຳ​ນົດ​ຢູ່ພາຍໃຕ້ຂໍ້ຕົກລົງນັ້ນ.

ມະຕິຕົກລົງ ສະ​ບັບນຶ່ງຂອງສະພາຄວາມໝັ້ນຄົງ ສະຫະປະຊາຊາດ ໄດ້ຮັບຮອງເອົາ
ຂໍ້ຕົກລົງສະ​ບັບນີ້ ທີ່ “ຮຽກຮ້ອງ” ອີຣ່ານ ບໍ່ໃຫ້ເຄື່ອນໄຫວ ໃນກິດຈະກຳດ້ານລູກສອນ
ໄຟຂີປະນາວຸດ ທີ່ມີອະນຸພາບໃນການນຳສົ່ງຫົວອາວຸດນິວເຄລຍໃດໆ ແຕ່ມັນກໍບໍ່ໄດ້
ເວົ້າຢ່າງຊັດເຈນ ວ່າ ຫ້າມບໍ່ໃຫ້ມີ​ເລີຍ.

ໃນວັນພຸດທີ່ຜ່ານມານີ້ ທ່ານ ພອມພຽວ ໄດ້ຮຽກຮ້ອງຕໍ່ນານາຊາດ ໃຫ້ມີມາດຕະການ
ຈຳກັດເຄັ່ງຄັດຂຶ້ນ ຕໍ່ການເຄື່ອນໄຫວ ໃນດ້ານລູກສອນໄຟຂີປະນາວຸດຂອງອີຣ່ານ.

ທ່ານ ພອມພຽວ ໄດ້ກ່າວວ່າ “ສະຫະລັດ ຈະ​ຫາ​ທາງທຳງານຮ່ວມກັບບັນດາປະ​ເທດ
ສະມາຊິກອື່ນໆ ຂອງສະພານີ້ ເພື່ອວາງ​ຂໍ້ຈຳກັດດ້ານລູກສອນໄຟຂີປະນາວຸດຂອງ
ອີຣ່ານ ທີ່ໄດ້ກຳ​ນົດ​ໄວ້ ຢູ່ໃນມະຕິຕົກລົງຂອງປີ 1929 ນັ້ນ ຄືນ​ອີກ.”

ຮູບພາບທີ່ໄດ້ຖືກເປີດເຜີຍໃນ ວັນທີ 1 ຕຸລາ 2018, ໂດຍ ກຳລັງພິທັກປະຕິວັດຂອງອີຣ່ານ, ທີ່ສະແດງໃຫ້ເຫັນ ລູກສອນໄຟໄດ້ຖືກຍິງຈາກເມືອງ ເຄີຣມານຊາ ໃນພາກຕາເວັນຕົກ ຂອງອີຣ່ານ ທີ່ແນໃສ່ ກຸ່ມລັດອິສລາມ ໃນຊີເຣຍ.
ຮູບພາບທີ່ໄດ້ຖືກເປີດເຜີຍໃນ ວັນທີ 1 ຕຸລາ 2018, ໂດຍ ກຳລັງພິທັກປະຕິວັດຂອງອີຣ່ານ, ທີ່ສະແດງໃຫ້ເຫັນ ລູກສອນໄຟໄດ້ຖືກຍິງຈາກເມືອງ ເຄີຣມານຊາ ໃນພາກຕາເວັນຕົກ ຂອງອີຣ່ານ ທີ່ແນໃສ່ ກຸ່ມລັດອິສລາມ ໃນຊີເຣຍ.

ບັນດາເຈົ້າໜ້າທີ່ຂອງອີຣ່ານ ຜູ້ທີ່ໄດ້ຢືນຢັດຢູ່ສະເໝີວ່າ ໂຄງການນິວເຄລຍ ຂອງ
ປະເທດພວກເຂົາເຈົ້າ ແມ່ນມີຈຸດປະສົງໃນທາງທີ່ສັນຕິເທົ່ານັ້ນ ຊຶ່ງພວກເຂົາເຈົ້າໄດ້
ຕິຕຽນການຖອນໂຕອອກຈາກສັນຍາດັ່ງ​ກ່າວ ຂອງລັດຖະບານ ທ່ານ ທຣຳ.

ທ່ານ ອີຊາກຮ໌ ອາລ ຮາບີບ ຮອງເອກອັກຄະລັດຖະທູດ ອີຣ່ານ ປະຈຳສະຫະປະຊາ
ຊາດ ໄດ້ກ່າວວ່າ “ສະພານີ້ ຄວນປະນາມ ສະຫະລັດ ຢ່າງແຮງທີ່​ໄດ້ວາງມາດຕະ
ການລົງໂທດຄືນໃໝ່ ຢ່າງຜິດກົດໝາຍ ຕໍ່ຊາວອີຣ່ານຊຶ່ງເປັນການລະເມີດຕໍ່ກົດບັດ
ຂອງສະຫະປະຊາຊາດ ແລະກົດໝາຍສາກົນ.”

ແລະ ບັນດາປະເທດໃນຢູໂຣບທີ່ເປັນພັນທະມິດຂອງວໍຊິຕັນນັ້ນ ກໍສະໜັບສະໜຸນ
ຂໍ້ຕົກລົງ ທີ່ມີຊື່ຫຍໍ້ເອີ້ນ​ວ່າ JCPOA ຫຼື ແຜນການປະຕິບັດງານຮ່ວມຮອບດ້ານ ຢ່າງ
ໜຽວແໜ້ນ.

ທ່ານ ຄຣິສຕອັຟ ໂຮຍສເກັນ ເອກອັກຄະລັດຖະທູດ ເຢຍຣະມັນ ປະຈຳສະຫະປະຊາ
ຊາດ ໄດ້ກ່າວວ່າ “ພວກເຮົາເຊື່ອວ່າ JCPOA ແມ່ນມີຄວາມສຳຄັນຫຼາຍ ໃນການ
ປະກອບສ່ວນເຂົ້າໃນໂຄງຮ່າງ ການຫ້າມແຜ່ຂະ​ຫ​ຍາຍອາວຸດນິວເຄລຍ ໃນໂລກ.
ມັນເປັນສິ່ງສຳຄັນສຳລັບຄວາມໝັ້ນຄົງຂອງຂົງເຂດ ແລະສຳລັບຄວາມໝັ້ນຄົງ
ຂອງຢູໂຣບ--ແລະອັນນີ້ ແມ່ນຜົນປະໂຫຍດທີ່ສຳຄັນຂອງພວກເຮົາ.”

ການພັກ​ດັນຂອງສະຫະລັດ ໃຫ້ວາງຂໍ້ຈຳກັດໃນດ້ານລູກສອນໄຟ ຂີປະນາວຸດຕໍ່ອີຣ່ານ ຢ່າງເຄັ່ງຄັດຂຶ້ນກວ່າເກົ່າ ແມ່ນອາດຈະບໍ່ໄປໄດ້ໄກປານ​ໃດຢູ່​ໃນສະພາຄວາມໝັ້ນຄົງນີ້
ຊຶ່ງ​ເປັນບ່ອນທີ່ປະເທດຕ່າງໆ ເຊັ່ນ ຣັດເຊຍ ແລະ ຈີນ ສາມາດທີ່ຈະໃຊ້ສິດຍັບຍັ້ງ ຕໍ່
ມາດຕະການໃດໆທີ່​ເປັນເຊັ່ນນີ້.

ອ່ານຂ່າວນີ້ຕື່ມ ເປັນພາສາອັງກິດ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG