ຟັງລາຍງານນີ້ ເປັນພາສາອັງກິດຊ້າໆ:
ວີໂອເອຂໍສະເໜີ ສະລະຄະດີການແພດຂອງພະແນກພາສາອັງ
ກິດພິເສດ ກ່ຽວກັບຄຸນນະປະໂຫຍດຂອງໝາກພິລາ ຊຶ່ງວ່າມີ
ປະໂຫຍດແນວໃດແດ່ນັ້ນ ເຊິນທ່ານຕິດຕາມຮັບຟັງຈາກດາຣາ.
ໝາກພິລາ ແມ່ນຮວມຢູ່ໃນບັນດາໝາກໄມ້ ທີ່ເກົ່າແກ່ທີ່ສຸດທີ່ຮູ້ກັນ ເກົ່າຮອດ 5000 ປີ
ພຸ້ນແຫລະ ໂດຍມີການເອີ່ຍເຖິງຢູ່ໃນບົດຂຽນສະໄໝເກົ່າແກ່ ແລະມີຮູບຢູ່ໃນສິນລະປະ
ເກົ່າແກ່ຂອງຫລາຍໆວັດທະນະທຳແລະສາສະໜາ. ນອກນັ້ນ ໝາກພິລາຍັງເປັນສັນຍາ
ລັກຂອງສຸຂະພາບ ຄວາມຈະເລີນພັນ ແລະຊີວິດທີ່ຍືນຍາວ.
ບັນດາຊ່ຽວຊານຄິດວ່າ ໝາກພິລາເປັນໝາກໄມ້ ທີ່ດັ້ງເດີມເກີດຢູ່ໃນພາກເໜືອປະເທດ
ອິນເດຍ ໃນປາກິສຖານ ອິຣ່ານ ແລະອັຟການິສຖານ. ແຕ່ທຸກມື້ນີ້ ໝາກພິລາມີຢູ່ທົ່ວໄປ
ໃນຂົງເຂດເອເຊຍຕາເວັນອອກສຽງໃຕ້ ໃນພາກຕາເວັນຕົກຂອງອາເມຣິກາ ໃນປະເທດ
ອາຣ໌ເມເນຍ ໃນຫລາຍໆເຂດຂອງອາຟຣິກາ ແລະເຂດອື່ນໆອີກ.
ໝາກພິລາມີເປືອກແຂງ ສີແດງຊ້ຳ ຫລືບໍ່ກໍສີມ່ວງ ຫລືເຫລືອງ
ແສດ. ທາງໃນເຕັມໄປດ້ວຍເມັດສີແດງຊ້ຳ ໃສງາມຄືກັນກັບ
ແກ້ວທັບທິມ ຫລືນິນສີແດງຊ້ຳ. ເມັດຫລືແກ່ນໝາກພິລາ ແກະ
ອອກຍາກ ແຕ່ວ່າກິນແຊບແລະເປັນປະໂຫຍດຢ່າງໃຫຍ່ຫລວງ.
ໝາກພິລາເກີດຈາກຕົ້ນທີ່ມີງ່າແຕກອອກຫລາຍໆ. ທັງຕົ້ນແລະໝາກ ໃຊ້ເຮັດຢາໄດ້. ໝາກພິລາໃຊ້ເຮັດຢາປົວອາການຫລາຍໆຢ່າງ. ແຕ່ ສະຖາບັນສຸຂະພາບແຫ່ງຊາດສະຫະລັດ ກ່າວວ່າ ບໍ່ມີຫລັກຖານທາງວິທະຍາສາດຢ່າງພຽງພໍ ທີ່ຈະໃຫ້ຄະແນນໝາກພິລາໄດ້ວ່າ ມີປະສິດທິພາບ ໃນການຮັກສາອາການເຫລົ່ານັ້ນ.
ເຖິງຢ່າງໃດກໍຕາມ ຖ້າເວົ້າເລື້ອງຢາພື້ນເມືອງແລ້ວ ໝາກພິລາແມ່ນໃຊ້ປົວອາການທາງ
ທົວໃຈ ແລະເສ້ນເລືອດ ຊຶ່ງໂຮມທັງອາການຄວາມດັນເລືອດສູງ ແລະ "ເສັ້ນເລືອດແດງ
ກ້າມ ຫລືແຂງຕົວ."
ແກ່ນຫລືເມັດໝາກພິລາ ແມ່ນອຸດົມສົມບູນໄປດ້ວຍສານອາຫານຫຼາຍຢ່າງ ແລະສານເຄມີ
ທີ່ເອີ້ນວ່າ antioxidants.
ສານ antioxidants ກຳຈັດສິ່ງທີ່ເປັນພິດ ອອກໄປຈາກຮ່າງກາຍຂອງເຮົາ. ສະນັ້ນ ສານ antioxidants ທີ່ຢູ່ໃນແກ່ນໝາກພິລາທີ່ເຮົາກິນ ກໍອາດຈະຊ່ວຍກຳຈັດຄວາມເສຍຫາຍ
ທີ່ກໍ່ຕົວຂຶ້ນ ຢູ່ໃນເສ້ນເລືອດໄດ້. ສະຫລູບແລ້ວ ກໍແມ່ນວ່າ ໝາກພິລາເປັນໝາກໄມ້ທີ່ດີ
ຫລາຍສຳຫລັບສຸຂະພາບຫົວໃຈຂອງເຮົາ.
ນອກນັ້ນ ສານ antioxidants ຍັງຖ່ວງດຶງຄວາມຄືບຫນ້າຂອງອາການປ່ວຍ ທີ່ກ່ຽວພັນ
ກັບອາຍຸ ແລະອາດຈະເຮັດໃຫ້ ແຊລມະເຮັງ ເຕີບໂຕຊ້າລົງໄດ້. ຜູ້ຊາຍທີ່ເປັນມະເຮັງໃນອັນທະຫລືຫຳ ອາດໄດ້ຮັບປະໂຫຍດ ຈາກການກິນນ້ຳໝາກພິລາ ມື້ລະຈອກ.
ການກິນໝາກພິລາຍັງພາໃຫ້ ນ້ຳໜັກຫລຸດລົງອີກ ແລະໃຊ້ຮັກສາອາການເຈັບຄໍ. ໝາກພິລາມີ ໄວຕາມິນ K ທາດ phosphorus ທາດ magnesium ທາດ calcium ທາດ zinc
ແລະທາດເຫລັກ ໃນລະດັບສູງອີກ. ເວົ້າສັ້ນໆກໍແມ່ນວ່າ ໝາກພິລາເຕັມໄປດ້ວຍສິ່ງທີ່ດີໆ
ສຳຫລັບທາງໃນຂອງຮ່າງກາຍຂອງເຮົາ.
ປະໂຫຍດດ້ານຄວາມງາມ:
ບໍ່ພຽງແຕ່ເທົ່ານັ້ນ ໝາກພິລາຍັງດີສຳຫລັບທາງນອກຂອງຮ່າງກາຍ ຂອງເຮົານຳອີກ.
ໝາກພິລາແມ່ນດີຫລາຍສຳຫລັບຜິວໜັງ. ມັນປົກປ້ອງຜິວໜັງໂດຍການກະຕຸ້ນໃຫ້ໜັງໃໝ່ເກີດຂຶ້ນ ປົວບາດແຜໃຫ້ຫາຍ ແລະຊ່ອມແຊມເນື້ອເຫຍື່ອ. ໝາກພິລາຍັງປົກປ້ອງຜິວໜັງ
ບໍ່ໃຫ້ເສຍຫາຍຍ້ອນແສງຕາເວັນນຳ ແລະອາດຈະຊ່ວຍໃຫ້ຜິວໜັງ ເບິ່ງຄືອ່ອນກ່ວາໄວ ໂດຍການໃຫ້ຄວາມຊຸ່ມຊື່ນ ແລະຄວາມຍືດຍຸ່ນ.
ວີດີໂອຮຽນພາສາອັງກິດ ກ່ຽວກັບລາຍງານນີ້:
ວິທີປຸງແຕ່ງໝາກພິລາກິນ:
ນອກຈາກກິນແກ່ນຫລືເມັດຂອງມັນແລ້ວ ເຮົາເອົາໝາກພິລາມາເຮັດຫຍັງກິນໄດ້ແດ່?
ແກ່ນໝາກພິລາແມ່ນທັງຫວານແລະຝາດ. ການໃຊ້ນ້ຳຊອສໝາກພິລາຂຸ້ນໆ ກິນກັບເນື້ອແກະ ໝູ ແລະໄກ່ ແມ່ນແຊບຫລາຍ.
ການເອົາແກ່ນໝາກພິລາມາປະສົມ ໃສ່ກັບສະລັດແລະອາຫານຜັກອື່ນໆ ກໍເພີ້ມລົດຊາດໃຫ້ແຊບຂຶ້ນເຊັ່ນກັນ. ເອົາໄປປຸງໃສ່ກັບເຂົ້າແລະອາຫານປະເພດເມັດອື່ນໆ ກໍແຊບຄືກັນ. ໝາກພິລາຍັງໃຊ້ເຮັດຂອງຫວານນຳ. ຢູ່ໃນສະຫະລັດ ນ້ຳໝາກພິລາຍັງໃຊ້ປະສົມໃສ່ກັບເຄື່ອງດື່ມ ຫລືເຮັດນ້ຳໝາກພິລາປັ່ນນຳ.
ຢູ່ໃນສະຫະລັດ ໝາກພິລາສົດແມ່ນຈະຫາຊື້ໄດ້ ຕັ້ງແຕ່ເດືອນກັນຍາ ຫາເດືອນມັງກອນ
ເທົ່ານັ້ນ. ຖ້າຫາກທ່ານເກັບມັນໃສ່ຖົງພລາສຕິກ ແລ້ວເອົາໄວ້ໃນຕູ້ເຢັນ ກໍແມ່ນຈະເກັບ
ມັນໄວ້ກິນໄດ້ ຮອດປະມານສອງເດືອນ.
ວິທີປອກໝາກພິລາ:
_____________________________________________________________
Words in this Story
ruby - n.a deep red stone that is used in jewelry : a dark red color
moisture - n. a small amount of a liquid (such as water) that makes something wet or moist
elasticity - n. the quality or state of being elastic
elastic - adj. able to return to an original shape or size after being stretched, squeezed, etc.
tart - adj. having a sharp or sour taste. For example, lemonade without enough sugar is tart.
