ລິ້ງ ສຳຫລັບເຂົ້າຫາ

logo-print

ILO ຈະທົດລອງ ຊ່ວຍປັບປຸງ ໂພຊະນາການຂອງ ຄົນງານຕັດຫຍິບຂະເໝນ


ເບິ່ງວີດີໂອ ກ່ຽວກັບລາຍງານນີ້.

ການ​ສຶກສາ​ບັ້ນ​ນຶ່ງ ​ໂດຍ​ອົງການ​ແຮງ​ງານ​ສາກົນ ຫລື ILO
(International Labor Organization) ຂອງອົງການ​ສະຫະ
​ປະຊາ​ຊາດ ສະ​ແດງ​ໃຫ້​ເຫັນ​ວ່າ ​ໂດຍ​ສ່ວນ​ໃຫຍ່​ແລ້ວ ພວກ​ຄົນ
​ງານ​ຕັດຫຍິບ​ຂະ​ເໝນ ​ບໍ່​ໄດ້​ກິນ​ອາຫານທີ່​ມີ​ຄຸນຄ່າ​ທາງ​ໂພ​ສະ
ນາການ​ຢ່າງ​ພຽງພໍ ​ແລະ​ເພາະ​ສະ​ນັ້ນ ຫລາຍໆ​ຄົນ​ຈຶ່ງ​ເປັນ​ໂຣກ
ເລືອດຈາງ ​ແລະ​ຈ່ອຍ​ຜອມ. ບັດ​ນີ້ ກຳລັງຈະ​ມີ​ການຈັດ​ຕັ້ງ​ປະຕິ
ບັດ​ໂຄງການທົດ​ລອງອັນນຶ່ງ ຊຶ່ງ​ຈະ​ສະໜອງ​ອາຫານປະຈຳ​ວັນ
​ຟີ ​ໃຫ້​ພວກ​ຄົນ​ງານ​ຕັດຫຍິບ ຢູ່​ໃນ 5 ​ໂຮງງານ ​ໃນ​ຕະຫລອດປີ
ໜ້າ​ນີ້ ແລະ​ວັດ​ແທກ ​ເບິ່ງ​ສຸຂະພາບແລະ​ຜົນ​ຜະລິດຂອງ​ເຂົ​າ​ເຈົ້າ. ​
ແນວ​ຄິດ​ກໍ​ແມ່ນ​ເພື່ອ​ເຮັດ​ໃຫ້​ ບັນດາ​ໂຮງງານແລະລັດຖະບານ​
ກຳປູ​ເຈຍ ຫລິ່ງ​ເຫັນ​ເຖິງ​ຜົນ​ປະ​ໂຫຍ​ດທາງ​ເສດຖະກິດ ທີ່​ຈະ​ໄດ້
​ຮັບຈາກ​ການ​ສະໜອງ​ອາຫານ​ຟີ​ໃຫ້​ພວກ​ຄົນ​ງານ. ນັກ​ຂ່າວ​ວີ​ໂອ​ເອ Robert Carmichael ມີ​ລາຍ​ງານ​ຈາກ ​ນະ​ຄອນຫລວງ​ພະນົມເປັນ ຊຶ່ງ​ດາຣາຈະ​ນຳ​ມາສະ​ເໜີ​ທ່ານ.




ເວລາ 11 ​ໂມງ​ເຊົ້າ ບັນດາ​ຄົນ​ງານ​ໂຮງງານ​ຕັດຫຍິບ Gladpeer ​ໃນ​ນະຄອນຫລວງ​ພະນົມ​ເປັນ ພາກັນ​ຫລັ່ງ​ໄຫລ​ອອກ​ມາຊອກ​ຊື້​ເຂົ້າ​ທ່ຽງກິນ ຈາກ​ພວກ​ຄົນ​ຂາຍຢູ່​ແຄມ​ທາງ.

ນື່ງ​ໃນ​ນັ້ນ ​ແມ່ນ​ນາງ Phon Chany ອາຍຸ 21 ປີ. ລາວເຮັດວຽກມື້​ນຶ່ງດົນ​ຮອດ 14 ຊົ່ວໂມງ
​ກໍ​ມີ ​ແລະໄດ້​ເງິ​ນ​ເດືອນໆ​ລະ 130 ດອລລ່າ. 20 ດອລລ່າ ​ແມ່ນ​ສຳ​ຫລັບ​ຄ່າ​ເຊົ່າ​ເຮືອນ​ແລະ
​ຄ່າ​ໄຟ​ຟ້າ ​ແລະ 50 ດອລລ່າ​ແມ່ນສົ່ງ​ໄປ​ຊ່ວຍ​ພໍ່​ແມ່ ລ້ຽງ​ດູພວກ​ອ້າຍ​ເອື້ອຍ​ນ້ອງ​ຂອງ​ນາງ
ຢູ່​ໝູ່​ບ້ານ​ເຂົາ​ເຈົ້າ ຊຶ່ງ​ເຮັດ​ໃຫ້ນາງ​ເຫລືອ​ເງິນ​ບໍ່​ຮອດ​ເຄິ່ງນຶ່ງ ຂອງ​ເງິນ​ເດືອນ​ດ້ວຍ​ຊ້ຳ. ​ເພື່ອ
ໃຫ້ມີ​ເງິນ​ສຳ​ຫລັບໃຊ້​ຈ່າຍປະຈຳ​ວັນ ນາງ​ພອນ​ຕ້ອງ​ໄດ້ປະ​ຫຍັດຄ່າ​ອາຫານ​ ຊຶ່ງ​ພາ​ໃຫ້​ມີ
​ຄ່າ​ໃຊ້​ຈ່າຍ​ດ້ານ​ອື່ນໆ​ແທນ.

ນາງ Phon Chany ຄົນງານຕັດຫຍິບ ໄວ 21 ປີ ກ່າວວ່າ ນາງເຮັດວຽກຫລາຍຊົ່ວໂມງ ແລະບໍ່ໄດ້ກິນອາຫານພຽງພໍ.
ນາງ Phon Chany ຄົນງານຕັດຫຍິບ ໄວ 21 ປີ ກ່າວວ່າ ນາງເຮັດວຽກຫລາຍຊົ່ວໂມງ ແລະບໍ່ໄດ້ກິນອາຫານພຽງພໍ.


ນາງ​ພອນ​ເວົ້າວ່າ “ຂ້ອຍ​ເປັນ​ໄຂ້​ແລະ​ເຈັບ​ຫົວ​ ເປັນ​ປະຈຳ
ຊຶ່ງ​ສາ​ເຫດອັນ​ທີ​ນຶ່ງ​ ກໍ​ແມ່ນ​ຍ້ອນ​ວ່າ ຂ້ອຍ​ບໍ່​ໄດ້​ກິນ​ອາຫານ
​ຢ່າງ​ພຽງພໍ ​ແລະ​ສອງມາ ຍ້ອນ​ຂ້ອຍເຮັດ​ວຽກ​ຫລາຍ​ຊົ່ວ​ໂມງ
​ໂພດ ​ແລະ​ບໍ່​ໄດ້​ນອນພັກຜ່ອນ​ພໍ”

ພາກສ່ວນ​ອຸດສາຫະກຳ​ຕັດຫຍິບ​ຂອງກຳປູ​ເຈຍນັ້ນ ມີມູນ​ຄ່າ
5.500 ລ້ານດອລລ່າ​ຕໍ່​ປີ ​ໂດຍ​ມີ​ໂຮງ​ຈັກ​ໂຮງງານ​ຢູ່​ປະມານ
600 ​ແຫ່ງທີ່​ຜະລິດ​ເສື້ອ​ຜ້າ ​ໃຫ້ຫລາຍໆ​ບໍລິ​ສັດ​ຕ່າງປະ​ເທດ ​
|ເຊັ່ນຫ້າງ​ຂາຍ​ເສື້ອ​ຜ້າ H&M ຂອງ​ອັງກິດ ​ແລະ Levi-Strauss
ກັບ Walmart ຂອງ​ອາ​ເມຣິກາ. ​ແຕ່​ວ່າພວກ​ຄົນ​ງານຈຳນວນ
600.000 ຄົນຂອງ​ອຸດສາຫະກຳ​ນີ້ ຊຶ່ງ​ໂດຍ​ສ່ວນ​ໃຫຍ່​ແລ້ວ​ເປັນ
​ຊາວ​ໜຸ່ມ ​ເຊັ່ນ​ນາງ ພອນ ຈະ​ນີ ນັ້ນ ຕ້ອງ​ໄດ້​ດິ້ນຮົນ​ຕໍ່ສູ້ ​ເພື່ອ​ໃຫ້​ຢູ່​ລອດ​ດ້ວຍ​ເງິນ​ເດືອນ
​ລະດັບ​ຕ່ຳ​ສຸດ ຄື 100 ດອລລ່າ​ຕໍ່​ເດືອນ.

ການ​ສຶກສາ​ເບິ່ງ​ຄົນ​ງານ ​ເກືອບ 4.000 ຄົນ​ຂອງ​ອົງການ​ແຮງ​ງານ​ສາກົນ ຫລື ILO ພົບ​ວ່າ
43 ສ່ວນ​ຮ້ອຍ​ຂອງ​ຄົນ​ງານ​ເຫລົ່າ​ນັ້ນເປັນ​ໂຣກໂລ​ຫິດ​ຈາງ ​ແລະ 15 ສ່ວນ​ຮ້ອຍ​ແມ່ນ​ຈ່ອຍ
ຜອມ ນ້ຳໜັກ​ບໍ່ພຽງ ພໍ.

​ເຖິງ​ແມ່ນ​ວ່າ ພວກ​ຄົນ​ງານ​ຕັດຫຍິບ​ຂະ​ເໝນຈະ​ໄດ້​ເງິນ​ເດືອນ​ມາ​ທຸກໆ​ເດືອນ​ກໍ​ຕາມ ​ແຕ່
ວ່າ​ສຸຂະພາບ​ຂອງ​ເຂົາ​ເຈົ້າ​ກໍ​ບໍ່​ໄດ້​ດີ​ໄປ​ກ່ວາສຸຂະພາບ ຂອງ​ປະຊາຊົນ​ ຜູ້​ທຸກ​ຈົນຄົນ​ອື່ນໆ
ຢູ່​ໃນ​ປະ​ເທດ​ທີ່ທຸກ​ຍາກ​ແຫ່ງ​ນັ້ນ.

ທ່ານ​ນາງ Jill Tucker ​ເປັນເຈົ້າ​ໜ້າ​ທີ່​ອົງການ​ແຮງ​ງານ​ສາກົນ ຫລື ILO ທີ່​ທຳ​ການ​ສຶກ
ສາ ກ່ຽວ​ກັບ​ເລື້ອງ​ນີ້.

ທ່ານ​ນາງ Tucker ​ເວົ້າວ່າ “ນອກ​ນັ້ນ​ແລ້ວ ພວກ​ເຮົາ​ຍັງປະຫລາດ​ໃຈ​ທີ່​ພົບ​ວ່າ
ພວກ​ຄົນ​ງານ​ໃຊ້​ຈ່າຍ​ເງິນ​ໜ້ອຍ​ຫລາຍ​ໃນ​ການຊື້​ອາຫານ​ກິນ. ​ເຂົາ​ເຈົ້າ​ບອກ​ວ່າ ​
ໂດຍ​ສະ​ເລ່ຍ​ແລ້ວ ​ເຂົາ​ເຈົ້າຈ່າຍ​ເງິນ​ປະມານ​ອາທິດ​ລ່ະ 9 ດອລລ່າ ຊື້​ອາ​ຫານ
ກິນ ຫລື 36 ດອລລ່າ​ຕໍ່​ເດືອນ ​ແຕ່​ວ່າ​ເຂົາ​ເຈົ້າເຮັດ​ວຽກໄດ້ເງິນ​ຫລາຍ​ກ່ວາ​ຫັ້ນ.
ສະ​ຫລູບ​ແລ້ວ​ກໍ​ແມ່ນ​ວ່າ ພວກ​ເຂົາ​ເຈົ້າ​ສົ່ງ​ເງິນ​ເມືອ​ບ້ານ​ຫລາຍ ​ແລະ​ໃຊ້​ມັນ​ຊື້
ຂອງ​ອື່ນໆ. ​ໂດຍ​ທົ່ວ​ໄປ ​ແລ້ວ ພວກ​ຄົນ​ງານ​ແມ່ນ​ພາກັນ​ອົດ​ເຂົ້າ ​ເພື່ອ​ວ່າ​ຈະ
​ໄດ້​ມີ​ເງິນ​ສົ່ງ​ໄປ​ລ້ຽງ​ດູ​ຄອບຄົວ.”

​ໃນ​ຕະຫລອດ​ປີໜ້າ​ນີ້ ພວກ​ຄົນ​ງານ​ຢູ່​ໃນ​ຫ້າ​ໂຮງງານ ຈະ​ໄດ້​ກິນເຂົ້າ​ຟີ ມື້​ລະນຶ່ງຄາບ ​ໃນ​ຂະນະ​ທີ່​ພວກ​ຄົນ​ງານ ຢູ່​ໃນ​ອີກ​ຫ້າ​ໂຮງງານ​ຈະ​ບໍ່​ໄດ້ກິນ​ຟີ ​ແລະ​ອົງການ​ແຮງ​ງານ​ສາກົນ
ຈະຕິດຕາມ​ວັດ​ແທກ​ເບິ່ງສຸຂະພາບ​ແລະ​ຜົນ​ຜະລິດ ຂອງ​ຄົນ​ງານ​ສອງ​ກຸ່ມ​ນີ້ ວ່າ​ຈະ​ແຕກ
ຕ່າງ​ກັນ​ບໍ່.

ທ່ານ Dave Welsh ​ເປັນ​ຫົວໜ້າ​ ສູນ​ກາງ​ເອກະ​ພາບ ຫລື Solidarity Center ຊຶ່ງ​ເປັນ
ກຸ່ມ​ຈັດ​ຕັ້ງ​ທີ່ຂຶ້ນ​ກັບ​ຂະ​ບວນການ​ແຮງ​ງານ​ຂອງ​ສະຫະລັດ. ທ່ານ Welsh ກ່າວ​ວ່າ ຜົນ​ກະ
ທົບ​ຂອງ​ໂຄງ ການ​ໂພຊະ​ນາ​ການນີ້ ​ແລະ​ການ​ເຈລະຈາ​ທີ່​ດຳ​ເນີນ​ຢູ່​ຕໍ່​ມາເລື້ອງການເພີ້​ມ
ຄ່າ​ແຮງ​ງານ​ຕ່ຳ​ສຸດ​ຂຶ້ນ​ນັ້ນ ໝາຍ​ຄວາມ​ວ່າ ກຳປູ​ເຈຍ​ມີ​ໂອກາດທີ່​ຈະສ້າງ​ຊື່​ສຽງ ​ໃນ​ຖານະ
ເປັນປະ​ເທດ​ທີ່​ມີ​ອຸດສາຫະກຳ​ໂຕ​ຢ່າງ.

ທ່ານ Welsh ​ເວົ້າວ່າ “ມັນ​ບໍ່​ແມ່ນແຕ່​ພຽງ​ເລື້ອງ​ການ​ຂຶ້ນ​ເງິນ​ຄ່າ​ຈ້າງຕ່ຳ​ສຸດ​ເທົ່າ​ນັ້ນ ​
ແຕ່​ມັນ​ຍັງ​ແມ່ນ​ເລື້ອງ​ການ​ພິຈາລະນາ​ເບິ່ງ​ການເກື້ອ​ກຸນ ​ໃນ​ດ້ານ​ທີ່​ພວກ​ເຂົາ​ເຈົ້າ​ໃຊ້​ຈ່າຍເງິນຫລາຍທີ່ສຸດ ແລະປັດຈຸ ບັນນີ້ ລາຍຈ່າຍສ່ວນໃຫຍ່ແມ່ນສຳຫລັບຄ່າເຊົ່າ
ເຮືອນຢູ່ ໃນອາຄານ ບ່ອນຢູ່ທີ່ບໍ່ໄດ້ມາດຕະຖານ ແລະສຳຫລັບອາຫານການກິນ
ທີ່ບໍ່ມີຄຸນ ຄ່າທາງໂພຊະນາການ ທີ່ສະໜອງໃຫ້ພວກຄົນງານ. ແລະຖ້າຫາກ ທ່ານ
ເອົາພາກສ່ວນໂພຊະນາການອອກໄປ ທ່ານກໍອາດສາມາດ ປະຫຍັດໄວ້ໄດ້ ຮອດ
50 ສ່ວນຮ້ອຍຂອງຄ່າຈ້າງທີ່ ພວກຄົນງານ ໄດ້ຮັບໃນເວລານີ້.”


ພວກເຄື່ອນໄຫວດ້ານແຮງງານກ່າວວ່າ ອາຫານຟີລື້ລະຄາບ ກັບຄ່າແຮງງານຂັ້ນຕ່ຳສຸດ
ທີ່ສູງຂື້ນ ທີ່ບໍ່ຕ້ອງໄດ້ເອົາໄປໃຊ້ຈ່າຍສຳຫລັບຄ່າເຊົ່າເຮືອນແລະຄ່າອາຫານທີ່ແພງຂຶ້ນນັ້ນ ແນ່ນອນ ກໍແມ່ນຈະປັບປຸງ ຊີວິດການເປັນຢູ່ຂອງພວກຄົນງານຕັດຫຍິບຂະເໝນ ໃຫ້ດີຂຶ້ນ
ຢ່າງຫລວງຫລາຍ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG