ທຳນຽບຫ້າແຈ ເປັນຫ່ວງ ກ່ຽວກັບການຮ່ວມມືທີ່ເພີ້ມຂຶ້ນ ລະຫວ່າງ ຈີນ ແລະ ຣັດເຊຍ

ຣັດເຊຍ ແລະຈີນ ພວມຮ່ວມມືກັນເພີ້ມຂຶ້ນຢູ່ໃນເຂດມະຫາສະໝຸດອາກຕິກ ເຊິ່ງອາດສົ່ງຜົນກະທົບຕໍ່ຄວາມໝັ້ນຄົງຢູ່ໃນພາກພື້ນ ກອງທັບສະຫະລັດ ໄດ້ກ່າວ ໃນວັນຈັນວານນີ້ ຂະນະທີ່ຕົນໄດ້ເປີດເຜີຍແຜນຍຸດທະສາດຂອງຕົນສຳລັບຂົງເຂດດັ່ງກ່າວ ອີງຕາມລາຍງານຂອງອົງການຂ່າວຣອຍເຕີສ໌.

ຣັດເຊຍ ໄດ້ເປີດຄືນໃໝ່ສະຖານທີ່ດ້ານການທະຫານໃນຍຸກສະໄໝ ສະຫະພາບໂຊຫວຽດ ຫຼາຍຮ້ອຍແຫ່ງໃນເຂດອາກຕິກ, ລາຍງານໄດ້ກ່າວ. ຈີນ ເຊິ່ງອະທິບາຍວ່າ ຕົນເອງໃນຖານະເປັນປະເທດທີ່ “ຢູ່ໃກ້ເຂດອາກຕິກ” ກໍຍັງມີຄວາມກະຕືລືລົ້ນຢູ່ທີ່ແຫ່ງນັ້ນ ແລະໄດ້ກ່າວວ່າ ຕົນມີຈຸປະສົງຈະສ້າງ “ທາງສາຍໄໝຂົ້ວໂລກ ຫຼື Polar Silk Road”. ຈີນ ໄດ້ຈັບຕາເບິ່ງແຫລ່ງຊັບພະຍາ ກອນແຮ່ທາດຕ່າງໆ ແລະເສັ້ນທາງການຂົນສົ່ງໃໝ່ ຂະນະທີ່ແຜ່ນນ້ຳກ້ອນໜາພວມຫລຸດລົງ ໂດຍມີອຸນຫະພູມສູງຂຶ້ນນັບມື້.

ລາຍງານຂອງທຳນຽບຫ້າແຈ ໄດ້ກ່າວວ່າ “ນັບມື້ນັບເພີ້ມຂຶ້ນ, ສາທາລະນະລັດປະຊາຊົນຈີນ ຫຼື PRC ແລະຣັດເຊຍ ແມ່ນກຳລັງຮ່ວມມືກັນຢູ່ໃນເຂດອາກຕິກ ດ້ວຍອຸປະກອນຫຼາຍຮູບແບບທີ່ມີອຳນາດລະດັບຊາດ.”

ລາຍງານກ່າວຕື່ມວ່າ “ໃນຂະນະທີ່ ພື້ນທີ່ດັ່ງກ່າວ ກໍຍັງມີຄວາມຂັດແຍ້ງກັນລະຫວ່າງ ສປ ຈີນ ກັບ ຣັດເຊຍ ຢູ່, ການຮ່ວມມືທີ່ເພີ້ມທະວີຂຶ້ນຢູ່ໃນພາກພື້ນ ແມ່ນໜ້າເປັນຫ່ວງ ແລະກະຊວງປ້ອງກັນປະເທດ ສືບຕໍ່ຕິດຕາມເບິ່ງການຮ່ວມມືກັນນີ້.”

ເສັ້ນທາງຕ່າງໆໃນເຂດມະຫາສະໝຸດອາກຕິກ ແມ່ນຖືກນຳໃຊ້ເພີ້ມຂຶ້ນນັບມື້ ສຳລັບການເຊື່ອມຕໍ່ເສດຖະກິດທີ່ສຳຄັນ ໃນທົ່ວເຂດມະຫາສະມຸດປາຊີຟິກ ແລະແອັດແລນຕິກ ຂະນະທີ່ແຜ່ນນ້ຳກ່ອນຢູ່ທົ່ວໂລກກຳລັງຫລຸດລົງ ແລະອຳນວຍໃຫ້ມີຊ່ວງເວລາທີ່ປອດແຜ່ນນ້ຳກ້ອນແມ່ນຍາວຂຶ້ນກວ່າເກົ່າຢູ່ທະເລ.

ຈີນ ແລະຣັດເຊຍ ໄດ້ເຮັດວຽກຮ່ວມກັນເພື່ອພັດທະນາເສັ້ນທາງການຂົນສົ່ງຫຼາຍສາຍ ຂະນະທີ່ຣັດເຊຍ ຫາທາງທີ່ຈະນຳສົ່ງນ້ຳມັນ ແລະນ້ຳມັນເຊື້ອໄຟ ໄປຍັງຈີນ ຫຼາຍຂຶ້ນ ທ່າມກາງການວາງມາດຕະການລົງໂທດຂອງຕາເວັນຕົກ, ໃນຂະນະດຽວກັນ ຈີນ ກໍຫາເສັ້ນທາງການຂົນສົ່ງອື່ນ ເພື່ອຫລຸດຜ່ອນການເພິ່ງພາອາໄສຊ່ອງແຄບ ມາລາກາ ຂອງຕົນນັ້ນ.

Russia and China are increasingly cooperating in the Arctic, which could impact regional stability, the U.S. military said as it released its strategy for the region on Monday.

Russia has reopened hundreds of Soviet-era military sites in the Arctic, the report said. China, which describes itself as a "near-Arctic" state, also has ambitions there and has said it intended to build a "Polar Silk Road." China has its eye on mineral resources and new shipping routes as ice packs recede with rising temperatures.

"Increasingly, the (People's Republic of China) and Russia are collaborating in the Arctic across multiple instruments of national power," the Pentagon's report said.

"While significant areas of disagreement between the PRC and Russia remain, their growing alignment in the region is of concern, and (the Department of Defense) continues to monitor this cooperation," it added.

Arctic sea routes are increasingly being used for connecting major economies across the Pacific and Atlantic Oceans as global warming shrinks ice packs and allows for longer ice-free periods at sea.

China and Russia have been working together to develop Arctic shipping routes as Russia seeks to deliver more oil and gas to China amid Western sanctions, while China seeks an alternative shipping route to reduce its dependence on the Strait of Malacca.