ລິ້ງ ສຳຫລັບເຂົ້າຫາ

logo-print

ເກີດການແຕກແຍກ ຫຼັງປຶກສາຫາລື ໃນການສ້າງເຂື່ອນ ດອນສະຫົງ ຂອງລາວ


ພວກນັກເຄື່ອນໄຫວຈາກອົງການຈັດຕັ້ງ ທີ່ບໍ່ຂຶ້ນກັບລັດຖະບານ ໃນກຳປູເຈຍ ນຳເອົາຮູບປາຂ່າ (ຊ້າຍ) ແລະປາຊະນິດອື່ນໆ ທີ່ຈະໄດ້ຮັບຜົນກະທົບ ມາສະແດງໃຫ້ເບິ່ງ ໃນລະຫວ່າງ ການປະທ້ວງ ຕໍ່ຕ້ານການສ້າງເຂື່ອນ ດອນສະຫົງ ທີ່ນະຄອນຫຼວງ ພະນົມເປັນ ປະເທດກຳປູເຈຍ.

ກອງປະຊຸມເປັນເວລາ 2 ມື້ຢູ່ ສປປ ລາວ ກ່ຽວກັບການສ້າງເຂື່ອນ
ດອນສະຫົງທີ່ມີຄວາມແຮງ 260 ເມກາວັດ ໃນເຂດລຸ່ມແມ່ນ້ຳຂອງ
ນັ້ນ ໄດ້ເຮັດໃຫ້ພວກເຈົ້າໜ້າທີ່ ແລະປະຊາຄົມສະພາບແວດລ້ອມ
ມີຄວາມ​ແຕກ​ແຍກກັນຢ່າງເລິກເຊິ່ງ. Ron Corben ຜູ້ສື່ຂ່າວວີໂອ
ເອ ລາຍງານມາຈາກບາງກອກວ່າ ລັດຖະບານລາວ ຍັງສືບຕໍ່ຕົກ
ລົງໃຈທີ່ຈະດຳເນີນການຕໍ່ໄປກ່ຽວກັບໂຄງການດັ່ງກ່າວໂດຍບໍ່ໃຫ້
ຄວາມສຳຄັນໃດໆຕໍ່ຄວາມວິຕົກກັງວົນຕ່າງໆທັງໆທີ່ມີຄວາມຢ້ານ
ກົວວ່າໂຄງການສ້າງເຂື່ອນນີ້ຈະມີຜົນກະທົບຕໍ່ເຂດສາມຫຼ່ຽມປາກ
ແມ່ນ້ຳຂອງ ດັ່ງໄພສານຈະນຳເອົາລາຍລະອຽດມາສະເໜີທ່ານໃນ
ອັນດັບຕໍ່ໄປ.

ຟັງລາຍງານກ່ຽວກັບເລື້ອງນີ້ ເປັນພາສາອັງກິດຊ້າໆ ເພື່ອຮຽນພາສາ:

ແຜນການ ສ້າງເຂື່ອນໄຟຟ້າພະລັງນ້ຳ ດອນສະຫົງ ທີ່ມີຄວາມ
ແຮງ 260 ເມກາວັດ ຢູ່ແຂວງຈຳປາສັກ ໃນພາກໃຕ້ຂອງລາວແມ່ນນຶ່ງໃນຈຳນວນທັງໝົດ 9 ເຂື່ອນ ທີ່ຈະສ້າງໃສ່ລຳແມ່ນ້ຳຂອງຢູ່ໃນລາວ ໃກ້ໆຊາຍແດນລາວ-ໄທ.

ລາວແມ່ນກາງຕໍ່ຢ່າງໃຫຍ່ຫຼວງ ນຳລາຍຮັບຈາກໂຄງການເຂື່ອນໄຟຟ້າພະລັງນ້ຳປະມານ
10 ແຫ່ງ ຊຶ່ງສ່ວນໃຫຍ່ແລ້ວແມ່ນສ້າງໃສ່ສາຂາຕ່າງໆຂອງແມ່ນ້ຳຂອງ ໃນຊຸມປີ 1990 ຢູ່ ພາຍໃນລາວເອງ. ເຂື່ອນເຫຼົ່ານີ້ຜະລິດກະແສໄຟຟ້າໄດ້ປະມານ 2000 ເມກາວັດ ສຳຫຼັບ ໃຊ້ຢູ່ພາຍໃນປະເທດ ແລະສົ່ງອອກໄປຂາຍໃຫ້ແກ່ປະເທດໄທ.

ແຕ່ການກໍ່ສ້າງເຂື່ອນໃໝ່ຂະໜາດໃຫຍ່ 2 ແຫ່ງ ໄດ້ກາຍເປັນບັນຫາຖົກຖຽງໂຕ້ແຍ້ງ. ນຶ່ງ ໃນນັ້ນກໍຄືເຂື່ອນໄຊຍະບູລີມູນຄ່າ 3 ພັນ 800 ລ້ານໂດລາຢູ່ໃນພາກເໜືອຂອງລາວແລະ ເຂື່ອນດອນສະຫົງ ມູນຄ່າ 600 ລ້ານໂດລາ ທີ່ມີໂຄງການກໍ່ສ້າງໃສ່ນ້ຳຕົກ ໃນເຂດສີ່ພັນ ດອນ ແຂວງຈຳປາສັກທາງພາກໃຕ້ຂອງລາວ. ທັງ​ສອງ​ໂຄງການ​ນີ້ໄດ້ຖືກ​ກວດ​ສອບຢ່າງ ລະອຽດຖີ່ຖ້ວນ ຈາກກຸ່ມປົກປ້ອງສະພາບແວດລ້ອມທີ່ມີຄວາມວິຕົກກັງວົນຢ້ານວ່າ ຈະມີ ຜົນກະທົບຕໍ່ການຂຶ້ນລ່ອງຂອງປາແລະການໄຫລຂອງກະແສນ້ຳ.

ທ່ານວິຣະພົນ ວິຣະວົງ ຮອງລັດຖະມົນຕີກະຊວງພະລັງງານແລະບໍ່ແຮ່ ຂອງລາວ ກ່າວວ່າ ລັດຖະບານແມ່ນມີຄວາມໝາຍໝັ້ນ ຕໍ່ອັນທີ່ທ່ານເອີ້ນວ່າ ການພັດທະນາໄຟຟ້າພະລັງນ້ຳ ທີ່ສະອາດແລະໃຊ້ຄືນໃໝ່ໄດ້ ເຖິງແມ່ນມີການຕຳໜິຕິຕຽນກໍຕາມ.

ເພື່ອຊັ່ງຊາເບິ່ງຜົນກະທົບຂອງເຂື່ອນດັ່ງກ່າວນີ້ ຄະນະກຳມາທິການແມ່ນ້ຳຂອງສາກົນຫຼື MRC ຊຶ່ງເປັນອົງການຈັດຕັ້ງລະຫວ່າງລັດຖະບານນັ້ນ ໃນສັບປະດາແລ້ວນີ້ ໄດ້ຈັດ​ກອງ​ປະຊຸມປຶກສາຫາລືກັບ​ສາທາລະນະ​ຊົນເພື່ອຕີລາຄາເບິ່ງຜົນກະທົບຂອງໂຄງການທັງສອງ.
ແຕ່ທ່ານ Robert Mather ຫົວໜ້າປະຈຳເຂດເອເຊຍຕາເວັນອອກສຽງໃຕ້ ຂອງສະຫະ ພັນນາໆຊາດເພື່ອອະນຸລັກທຳມະຊາດຫລື IUCN ກ່າວວ່າ ມີຄຳຖາມຢ່າງຈິງຈັງກ່ຽວກັບ
ວ່າ ການຈັດຂັ້ນຕອນຂອງການຊັ່ງຊານີ້ຂຶ້ນ ມັນກຸ້ມຄ່າຫລືບໍ່?

“ມີຢູ່ 3 ບັນຫາໃຫຍ່ໆດ້ວຍກັນ ຄືເວລາໃນການດຳເນີນຂັ້ນຕອນນີ້ ສອງມາ ກໍ ແມ່ນການຂາດຄວາມຈະແຈ້ງ ກ່ຽວກັບວ່າ ແມ່ນຫຍັງແທ້ ຄືຂີດຈຳກັດຂອງຂັ້ນ ຕອນອັນແທ້ຈິງ ແລະການຂາດການສົນທະນາຫາລື ກ່ຽວກັບ ການຊັ່ງຊາຕີລາ
ຄາ ໃນເລື້ອງຜົນກະທົບດ້ານສະພາບແວດລ້ອມຂ້າມຊາຍແດນ ທີ່ແທ້ຈິງໃດໆ ດັ່ງນັ້ນຂ້າພະເຈົ້າຈຶ່ງບໍ່ຄິດວ່າພວກທ່ານສາມາດຄາດຫວັງວ່າຂັ້ນຕອນນີ້ຈະໃຫ້ ຜົນທີ່ມີຄວາມໝາຍຢ່າງແທ້ຈິງໃດໆເລີຍ.”

ຂັ້ນຕອນຂອງການປຶກສາຫາລື ກ່ຽວກັບໂຄງການດອນສະຫົງນີ້ ຈະໃຊ້ເວລາແຕ່ ພຽງ 6 ເດືອນເທົ່ານັ້ນ. ລັດຖະບານລາວມອງເຫັນວ່າ ການປະຊຸມກັນແມ່ນຊ່ອງທາງນຶ່ງເພື່ອໃຫ້ ຄວາມກະຈ່າງແຈ້ງແກ່ບັນຫາຕ່າງໆ ໃນຂົງເຂດວຽກງານການກໍ່ສ້າງເຂື່ອນ. ແຕ່ພວກຕຳ ໜິຕິຕຽນເວົ້າວ່າ ການສົນທະນາຫາລືຄວນຍົກເອົາບັນຫາທີ່ຈະນຳໄປສູ່ການຢຸດເຊົາໂຄງ ການດັ່ງກ່າວ ຂຶ້ນມາໂອ້ລົມກັນ. ບັນດາກຸ່ມປົກປ້ອງສະພາບແວດລ້ອມ ຮວມທັງກອງທຶນ ອະນຸລັກທຳມະຊາດຂອງໂລກຫຼື WWF ອົງການແມ່ນນ້ຳສາກົນ ທີ່ມີສຳນັກງານຢູ່ສະຫະ ລັດແລະອົງການຟື້ນຟູລະບົບນິເວດ​ໃນເຂດພູມີພາກລຸ່ມແມ່ນ້ຳຂອງຫຼື TERRA ກ່າວວ່າ ເຂື່ອນດອນສະຫົງຈະລົບກວນການອົບພະຍົບຂຶ້ນລ່ອງຂອງປາແລະຈະມີຜົນກະທົບຕໍ່ປະ ຊາຄົມຕ່າງໆໃນເຂດທ້ອງຖິ່ນ.

ທ່ານນາງເປຣມຣືດີ ດາວເຣືອງເວົ້າວ່າ ການປຶກສາຫາລືດັ່ງກ່າວນີ້ບໍ່ໄດ້ແກ້ໄຂບັນຫາເຫຼົ່າ ນີ້ໂດຍສະເພາະຍ້ອນວ່າມີປະຊາຄົມທີ່ກາງຕໍ່ອາໄສນ້ຳໃນການດຳລົງຊີວິດຂອງພວກເຂົາ ເຈົ້າພຽງບໍ່ເທົ່າໃດ​ປະຊາ​ຄົມທີ່ໄດ້ເຂົ້າຮ່ວມໃນຂັ້ນຕອນນີ້.

“ສິ່ງທີ່ພວກເຮົາສືບຕໍ່ຮຽກຮ້ອງ ກໍຄືວ່າ ໃຫ້ອົງການ MRC ເອງ ພ້ອມດ້ວຍແຜນ ການຂອງຕົນ ຕ້ອງໄດ້ຮວມເອົາປະຊາຊົນທ້ອງຖິ່ນເຂົ້ານຳ ພວກທ່ານບໍ່ສາມາດ ດຳເນີນການຕໍ່ໄປກ່ຽວກັບໂຄງການ ຫຼື​ໃຊ້ເວທີທີ່ອະນຸຍາດໃຫ້ ແຕ່ອັນທີ່ເອີ້ນວ່າ ພວກສ້າງເຂື່ອນເທົ່ານັ້ນ ເຂົ້າຮ່ວມ.”

ໃນອະນຸພາກພື້ນລຸ່ມແມ່ນ້ຳຂອງ ມີປະຊາຊົນຫຼາຍເຖິງ 60 ລ້ານຄົນ ກາງຕໍ່ປາແລະການ ໄຫລຢ່າງເສລີຂອງກະແສນ້ຳ ໃນຂະນະທີ່ການຂຶ້ນແລະການລົງຂອງນ້ຳ ແມ່ນຈຳເປັນຕໍ່​ການເຮັດໃຫ້ດິນອຸດົມສົມບູນສຳຫລັບການປູກຝັງໂດຍສະເພາະແລ້ວແມ່ນການປູກເຂົ້າ.

ຫວຽດນາມຊຶ່ງຢູ່ທາງລຸ່ມຂອງເຂື່ອນໄດ້ສະແດງຄວາມຕື່ນຕົກໃຈກ່ຽວກັບຜົນກະທົບຂອງ ເຂື່ອນດອນສະຫົງທີ່ຈະມີຕໍ່ເຂດສາມຫຼ່ຽມປາກແມ່ນ້ຳຂອງຊຶ່ງເປັນຖ້ວຍເຂົ້າຂອງປະເທດ ແລະບ່ອນທຳມາຫາກິນຂອງປະຊາຊົນ 20 ລ້ານຄົນ. ຫວຽດນາມກ່າວວ່າ ເຂື່ອນດັ່ງກ່າວ
ນີ້ ຈະເຮັດໃຫ້ມີນ້ຳເຄັມໄຫລເຂົ້າມາເພີ້ມຂຶ້ນໃນບໍລິເວນປາກແມ່ນ້ຳຂອງ ແລະມີການກັດ
ເຊາະດິນຫຼາຍຂຶ້ນ. ໂຄສົກຄົນນຶ່ງຂອງອົງການ MRC ກ່າວຕໍ່ວີໂອເອວ່າ ການປຶກສາຫາ ລືລະດັບ​ຊາດ​ໃນ​ທຳນອງ​ດຽວ​ກັນກັບ​ທີ່​ໄດ້​ຈັດ​ຂຶ້ນ​ຢູ່​ລາວ ​ໃນ​ອາທິດ​ແລ້ວ​ນີ້ ມີກຳນົດທີ່ຈະ ຈັດຂຶ້ນຢູ່ຫວຽດນາມ ໄທ ແລະກຳປູເຈຍກ່ອນທີ່ຈະມີການຕັດສິນໃຈຂັ້ນສຸດທ້າຍກ່ຽວກັບ ໂຄງການນີ້.

ເບິ່ງຄວາມເຫັນ (9)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG