ລິ້ງ ສຳຫລັບເຂົ້າຫາ

logo-print

ຈະມີໂຣກລະບາດ ຫຼືບໍ່ ກໍ່ຕາມ ບັນດາເຈົ້າໜ້າທີ່ເລືອກຕັ້ງ ກໍຈະເຮັດໜ້າທີ່ ເພື່ອໃຫ້ການເລືອກຕັ້ງ ດຳເນີນໄປໄດ້


USA VOTES Election Officers -- USAGM
please wait

No media source currently available

0:00 0:03:16 0:00

ເຊີນຊົມວີດີໂອ ພາກພາສາອັງກິດ

ຈາກການຮັບປະກັນວ່າ ພວກຜູ້ປ່ອນບັດເລືອກຕັ້ງທັງຫຼາຍ ໄດ້ຮັບສິດຖືກຕ້ອງທີ່ຈະປ່ອນບັດໄດ້ ຕະຫຼອດເຖິງການຕິດຕາມແລະລາຍງານຜົນຕ່າງໆເປັນຕົ້ນ ບັນດາເຈົ້າໜ້າທີ່ເລືອກຕັ້ງໃນທ້ອງຖິ່ນ ແມ່ນເປັນຜູ້ມີບົດບາດທີ່ສຳຄັນໃນການເລືອກຕັ້ງປະທານາທິບໍດີຂອງສະຫະລັດ. ເວີຣໍນິກາ ບອລເດີຣັສ ອີເກລຊີອັສ ນັກຂ່າວວີໂອເອ ລາຍງານກ່ຽວກັບສິ່ງທີ່ພວກເຈົ້າໜ້າທີ່ດັ່ງກ່າວ ຕ້ອງເຮັດເພື່ອໃຫ້ການປ່ອນບັດລົງຄະແນນສຽງ ເປັນທຳແລະປອດໄພ ຊຶ່ງໄຊຈະເລີນສຸກ ຈະນຳເອົາລາຍລະອຽດມາສະເໜີທ່ານ ໃນອັນດັບຕໍ່ໄປ.

ໃນຊ່ວງທີ່ມີໂຣກລະບາດຢູ່ນີ້ ສິ່ງກີດກັ້ນທີ່ເປັນແຜ່ນພລາສຕິກໃສ ໜ້າກາກ ແລະນ້ຳຢາຂ້າເຊື່ອສຳລັບມື ທັງຫຼາຍເຫຼົ່ານີ້ ແມ່ນເປັນເຄື່ອງມືທີ່ຈຳເປັນ - ບໍ່ພຽງແຕ່ສຳລັບຄວາມປອດໄພເທົ່ານັ້ນ ແຕ່ສຳລັບປະຊາທິປະໄຕຂອງສະຫະລັດ ນຳດ້ວຍ.

ທ່ານນາງ ແອນຈີ ມານີເກລຍ ເທີນເນີຣ ຫົວໜ້າດ້ານການລົງທະບຽນຂອງເມືອງອາເລັກແຊນເດຣຍ ກ່າວວ່າ “ພວກເຮົາໄດ້ເພີ້ມເຄື່ອງໝາຍໃຫ້ຢູ່ຫ່າງກັນ ເພື່ອຮັບປະກັນວ່າ ໝົດທຸກຄົນເຄົາລົບຕໍ່ຂໍ້ບັງຄັບໃຫ້ຢູ່ຫ່າງກັນ 6 ຟຸດ ຊຶ່ງເທົ່າກັບ 1.8 ແມັດ. ພວກເຮົາຂໍຮ້ອງໃຫ້ບັນດຜູ້ປ່ອນບັດເລືອກຕັ້ງທັງໝົດໃສ່ໜ້າກາກ ເມື່ອເຂົ້າມາໃນສະຖານທີ່ໜ່ວຍເລືອກຕັ້ງ. ພວກເຮົານຳໃຊ້ປາກກາທີ່ໃຊ້ພຽງແຕ່ຄັ້ງດຽວ ແລະພວກແຟ້ມເອກກະສານສ່ວນຕົວ ທີ່ໃຊ້ແລ້ວຖິ້ມໂລດ.”

ທ່ານນາງ ແອນຈີ ມານີເກລຍ ເທີນເນີຣ ເປັນເຈົ້າໜ້າທີ່ເລືອກຕັ້ງຂັ້ນສູງ ໃນເມືອງອາເລັກແຊນເດຣຍ ລັດເວີຈີເນຍ ທີ່ຕັ້ງຢູ່ບໍ່ໄກຈາກນະຄອນຫຼວງ ວໍຊິງຕັນ ດີ.ຊີ. ການລົງຄະແນນສຽງເລືອກປະທານາທິບໍດີໃນວັນທີ 3 ພະຈິກ ຈະມາເຖິງນີ້ ແມ່ນເປັນການເລືອກຕັ້ງແຫ່ງຊາດ ແຕ່ມັນເປັນໜ້າທີ່ຂອງບັນດາເຈົ້າໜ້າທີ່ທ້ອງຖິ່ນ ພາຍໃຕ້ການກຳກັບເບິ່ງແຍງໂດຍທ່ານນາງ ຜູ້ທີ່ເຮັດວຽກທີ່ສຳຄັນຍິ່ງໃນການນັບບັດລົງຄະແນນສຽງ ແລະບັດລົງຄະແນນສຽງທີ່ສົ່ງທາງໄປສະນີທັງຫຼາຍ. ພາຍໃນກາງເດືອນຕຸລາ ປະຊາຊົນເກືອບ 17,000 ຄົນໄດ້ໄປປ່ອນບັດດ້ວຍຕົນເອງ ຢູ່ທີ່ຫ້ອງການເລືອກຕັ້ງແຫ່ງຕ່າງໆ.

ນາງຟາຕີມາ ແມຕທີນ ຜູ້ທີ່ໄປປ່ອນບັດດ້ວຍຕົນເອງ ກ່າວວ່າ “ຂ້າພະເຈົ້າບໍ່ຢາກສ່ຽງມັນເລີຍ ທີ່ຈະສູນຫາຍໃນໄປສະນີ ຫຼືວ່າ ຂ້າພະເຈົ້າກອກຟອມບໍ່ຖືກ ຫຼື ສິ່ງໃດໆຄືແນວນັ້ນ.”

ມັນເປັນພາກສ່ວນນຶ່ງຂອງການປ່ອນບັດກ່ອນກຳນົດໃນທົ່ວປະເທດທີ່ລັ່ງໄຫລເຂົ້າມາຢ່າງຕໍ່ເນື່ອງຊຶ່ງບໍ່ເຄີຍເຫັນມາກ່ອນ--ຈະເປັນການປ່ອນບັດດ້ວຍຕົນເອງ ຫຼື ດ້ວຍທາງໄປສະນີ ໃນຈຳນວນທີ່ເປັນສະຖິຕິໃໝ່.

ຢູ່ທີ່ນີ້ ຄະແນນສຽງ ຈະບໍ່ຖືກນັບໄດ້ຈົນກວ່າຈະຮອດເວລາ 7 ໂມງແລງຂອງວັນເລືອກຕັ້ງ ແຕ່ການປ່ອນບັດເລືອກຕັ້ງກ່ອນກຳນົດນັ້ນ ສາມາດຈັດການກ່ອນໄດ້ ເພື່ອໃຫ້ໄດ້ຮັບຜົນໄວຂຶ້ນ.

ທ່ານຈັສຕິນ ຄໂນນຊຈາຍ ຜູ້ຊ່ວຍອາວຸໂສດ້ານການລົງທະບຽນຂອງເມືອງອາເລັກແຊນເດຣຍ ກ່າວວ່າ “ການກວດເບິ່ງວ່າ ຜູ້ປ່ອນບັດເຮັດທຸກຢ່າງຖືກຕ້ອງແລ້ວ ເຊັ່ນວ່າ ບັດເລືອກຕັ້ງ ໄດ້ສົ່ງກັບຄືນໄປ ໄດ້ຖືກໝາຍ ໄດ້ລົງນາມໝົດທຸກບ່ອນທີ່ຕ້ອງການ.”

ແຕ່ວິທີການເຮັດວຽກນີ້ ແຕກຕ່າງກັນໄປ ຈາກລັດນຶ່ງຫາອີກລັດນຶ່ງ. ມັນສຳຄັນ ຢູ່ໃນລັດທີ່ຈະອ່ຽງໄປທາງໃດທາງນຶ່ງນັ້ນ ເຊັ່ນລັດວິສຄອນຊິນ ແລະລັດເພັນຊີລ ເວເນຍ ທີ່ບໍ່ສາມາດເປີດບັດເລືອກຕັ້ງທັງຫຼາຍໄດ້ ຈົນກວ່າຈະເຖິງວັນເລືອກຕັ້ງແລະອັນນັ້ນ ອາດໝາຍເຖິງການຊັກຊ້າໃນການປະກາດຜູ້ຊະນະ.

ໃນທົ່ວປະເທດ ສຳນັກງານເລືອກຕັ້ງທັງຫຼາຍ ແມ່ນກຳລັງເລັ່ງກະກຽມ. ເມືອງອາເລັກແຊນເດຣຍ ແມ່ນກຳລັງຝຶກອົບຮົມ ໃຫ້ແກ່ບັນດາເຈົ້າໜ້າທີ່ເລືອກຕັ້ງ 600 ຄົນ ຜູ້ທີ່ຈະໄປປະຈໍາການຢູ່ໜ່ວຍເລືອກຕັ້ງໃນ 30 ແຫ່ງ.

ທ່ານຄໂນນຊຈາຍ ກ່າວວ່າ “ພວກເຮົາ ມີປຶ້ມຂອງຜູ້ມີສິດລົງຄະແນນສຽງທີ່ໄດ້ລົງທະບຽນ. ພວກປຶ້ມເຫຼົ່ານັ້ນ ເປັນເຄື່ອງອີເລັກໂທຣນິກ ທີ່ຖືກນຳໃຊ້ເພື່ອກວດ ເບິ່ງພວກຜູ້ເຂົ້າມາປ່ອນບັດທັງຫຼາຍ. ມັນເປັນເຄື່ອງຈັກ ທີ່ສະແກນບັດເລືອກຕັ້ງໃນວັນເລືອກຕັ້ງ ແລະນັບພວກມັນພ້ອມ. ແລະຕໍ່ຈາກນັ້ນ ຍັງມີພວກເຄື່ອງຈັກທີ່ເກັບກຳຂໍ້ມູນທັງຫຼາຍໄວ້ເພື່ອເຂົ້າຫາໄດ້.”

ບັນດາເຈົ້າໜ້າທີ່ ຜູ້ທີ່ຖືກຈ້າງໂດຍສະເລ່ຍແລ້ວ 150 ໂດລາ ແມ່ນຍັງໄດ້ຮັບການຝຶກອົບຮົມໃຫ້ສັງເກດໜ່ວຍເລືອກຕັ້ງຫາເຫດການສຸກເສີນ ຫຼືການລົບກວນຕ່າງໆເປັນຕົ້ນ.

ທ່ານສຕີບ ໂລມບ໌ ຫົວໜ້າເຈົ້າໜ້າທີ່ເລືອກຕັ້ງ ກ່າວວ່າ “ເຈົ້າບໍ່ສາມາດຢູ່ພາຍໃນ 40 ຟຸດ ຫຼື 12 ແມັດ ຂອງທາງເຂົ້າໜ່ວຍເລືອກຕັ້ງ. ແຕ່ຖ້າມັນກາຍເຂົ້າມາເກີນກວ່ານັ້ນ ຂ້າພະເຈົ້າຈະຕ້ອງໄດ້ໂທຫາຕຳຫຼວດໃຫ້ມາຊ່ອຍ.”

ທ່ານນາງເດັນນິສ ແບລກເບີນ ເຈົ້າໜ້າທີ່ເລືອກຕັ້ງ ກ່າວວ່າ “ພວກເຮົາບໍ່ໄດ້ມາຢູ່ທີ່ນີ້ ເພື່ອເປັນຕົວແທນໃຫ້ແກ່ພັກໃດພັກນຶ່ງ. ພວກເຮົາເຮັດເຊັ່ນນີ້ ໃນນາມຂອງລັດພວກເຮົາ ແລະເພື່ອນພົນນລະເມືອງຂອງພວກເຮົາ. ແລະພວກເຮົາບໍ່ສົນໃຈວ່າ ຜູ້ໃດທີ່ເຈົ້າຈະລົງຄະແນນສຽງໃຫ້. ພວກເຮົາພຽງຢາກຈະເຮັດໃຫ້ແນ່ໃຈວ່າ ເຈົ້າສາມາດປ່ອນບັດໄດ້ຢ່າງປອດໄພ ແລະບໍ່ຮົ່ວໄຫລ.”

ໃນປີ 2018 ກົມເລືອກຕັ້ງແລະການສຳຫຼວດໃນການປ່ອນບັດ ໄດ້ພົບເຫັນວ່າ ເຄິ່ງນຶ່ງຂອງບັນດາພະນັກງານໜ່ວຍເລືອກຕັ້ງຂອງສະຫະລັດ ມີອາຍຸ 61 ປີ ຫຼືແກ່ກວ່າ ຊຶ່ງເປັນກຸ່ມທີ່ມີຄວາມສ່ຽງສູງຫຼາຍກວ່າໝູ່ຈາກໄວຣັສໂຄວິດ-19. ຢູ່ທີ່ເມືອງອາເລັກຫແຊນເດຣຍນີ້ ພວກເຂົາເຈົ້າກ່າວວ່າ ໂດຍຮັບເອົາຄວາມສ່ຽງນັ້ນ ແມ່ນຄຸ້ມຄ່າ.

ສ່ວນທ່ານໄມຄ໌ ເຄແມນ ເຈົ້າໜ້າທີ່ເລືອກຕັ້ງ ກ່າວວ່າ “ຄວາມຈິງແລ້ວ ກໍແມ່ນວ່າ ພວກເຮົາມາທີ່ນີ້ ບົ່ງບອງເຖິງຄວາມໝັ້ນໝາຍ ຂອງພວກເຮົາ ແລະຂ້າພະ ເຈົ້າຄຶດວ່າ ໃຫ້ແບບຢ່າງທີ່ດີຕໍ່ພວກພົນລະເມືອງທີ່ເຂົ້າມາ ແຕ່ມັນກໍຍັງເປັນ ຄວາມສຳຄັນ ເພື່ອຮັບປະກັນວ່າ ການເລືອກຕັ້ງນີ້ ໂດຍສະເພາະໃນປີນີ້ ແມ່ນເປັນທຳ ແລະສັດຊື່ອັນນຶ່ງ.”

ອ່ານຂ່າວນີ້ຕື່ມ ເປັນພາສາອັງກິດ

From making sure voters are eligible to cast a ballot, to tracking and reporting results, local election officers are key players in the U.S. presidential election. VOA’s Veronica Balderas Iglesias reports on what they’re doing to make the voting fair and safe.

In this pandemic, plexiglass barriers, masks and hand sanitizers are essential tools – not just for safety, but for U.S. democracy.

(Angie Maniglia Turner/General Registrar, City of Alexandria)
“We’ve added social distancing markers to ensure that everyone’s respecting the six-foot requirement. We do ask that all voters wear masks when entering the polling place. We are using one-time use only pens, disposable privacy folders.”

Angie Maniglia Turner is the top elections official in the City of Alexandria, Virginia, just outside Washington, D.C. The November 3 presidential vote is a national election, but it is local officials supervised by her who do the critical work of counting votes and mail-in ballots. By mid-October almost 17,000 people had voted in person at this Office of Elections.

(Fatimah Matteen/In-Person Early Voter)
“I didn’t want to risk it getting lost in the mail or that I filled out the wrong form or anything like that.”

It’s part of an unprecedented torrent of early voting nationwide ­– record numbers will be casting ballots in person or by mail.

Here, the votes won’t be counted until 7 p.m. on Election Day, but early ballots can be pre-processed to get results faster.

(Justin Knoernschild/Senior Assistant Registrar, City of Alexandria)
“Checking that the voter has done everything properly, that the ballot was returned marked, that has all the signatures that are needed.”

How this works varies from state to state, though.

Important swing states like Wisconsin and Pennsylvania can’t even open ballots until Election Day ­–and that could mean delays in calling the winner.

Across the country, elections offices are in high gear. The City of Alexandria is training 600 election officials who will serve at 30 polling stations.

(Justin Knoernschild/Senior Assistant Registrar, City of Alexandria)
“We have the poll books. Those are electronic products that are used to check in voters. / Machines that are scanning the ballots on Election Day and counting those. / And then there are also the accessible machines.”

The officers, who are paid an average of 150 US, dollars are also trained to watch for polling place emergencies or disruptions.

(Steve Lomb/Chief Election Officer)
“You can’t be within 40 feet of the entrance of the polling place. So if anyone is harassing voters in that area, I will tell them they have to move away. / But if it goes beyond that, I’ll have to call the police to help.”

(Denise Blackburn/ Election Officer)
“We are not here to represent any one party. / We are doing this on behalf of our state and our fellow citizens. And we don’t care who you vote for. We just want to make sure that you are able to vote safely and securely.”

In 2018, the Election Administration and Voting Survey found that half of U.S. poll workers were age 61 or older – a group at higher risk from COVID-19. Here in the City of Alexandria, they say taking that risk is worth it.

(Mike Cayman/Election Officer)
“The fact that we are here indicates our commitment and I think gives a good example to the citizens that come, but it’s also important to make sure that this election, particularly this year, is a fair and honest one.”

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG