ສານແຫ່ງນຶ່ງຂອງປາກິສຖານ ໄດ້ຢືນຢັນຄຳຕັດສິນລົງໂທດ
ປະຫານຊີວິດ ຂອງຜູ້ຍິງນັບຖືສາສາໜາຄຣິສຕຽນຄົນໜຶ່ງ ຜູ້
ທີ່ຖືກສານຕັດສິນເມື່ອປີ 2010 ວ່າມີຄວາມຜິດ ໃນຂໍ້ຫາໝິ່ນ
ປະໝາດ ອັນພາໃຫ້ເກີດການລອບສັງຫານນັກການເມືອງ 2
ຄົນ ທີ່ສະໜັບສະໜຸນນາງນັ້ນ.
ນາງ Asia Bibi ມີລູກທັງໝົດ 4 ຄົນ ໄດ້ຖືກກັກຂັງມານັບຕັ້ງ
ແຕ່ສານພິຈາລະນາວ່າມີຄວາມຜິດ ໃນຖານໃຊ້ຄຳເວົ້າທີ່ເປັນ
ຄວາມເສຍຫາຍ ກ່ຽວກັບ ພະເຈົ້າ Mohamad ຂອງສາສະໜາ
ອິສລາມ ໃນລະຫວ່າງການໂຕ້ຖຽງກັນກັບຜູ້ຍິງນັບຖືສາສະໜາ
ມຸສລິມຄົນໜຶ່ງ.
ທະນາຍຄວາມຂອງນາງ Bibi ກ່າວວ່າ ທ່ານ ຈະອຸທອນຄຳຕັດສິນເມື່ອວັນພະຫັດວານນີ້ ຕໍ່ສານສູງສຸດຂອງປາກິສຖານ.
ຮອງອຳນວຍການອົງການນິລະໂທດກຳພາກພື້ນເອເຊຍປາຊີຟິກ ທ່ານ David Griffiths
ບັນລະຍາຍເຖິງຄວາມຈິງທີ່ວ່ານາງ Bibi ອາດເສຍຊີວິດຍ້ອນການໂຕ້ຖຽງອັນ ເຫັນວ່າ
“ໜ້າລັງກຽດ” ແລະ “ເປັນຄວາມບໍ່ຍຸດຕິທຳທີ່ສຸດ” ນັ້ນ.
ໃນປີ 2011 ລັດຖະມົນຕີປາກິສຖານຂອງບັນດາຊົນເຜົ່າກຸ່ມນ້ອຍ ທ່ານ Shabaz
Bhatti ແລະ ຜູ້ວ່າການເມືອງ Punjab ຢູ່ທາງພາກຕາເວັນອອກຂອງປະເທດ ທ່ານ
Salman Taseer ໄດ້ຖືກຂ້າຕາຍເພາະທັງສອງທ່ານໄດ້ສະໜັບສະໜຸນ ນາງ Bibi
ແລະ ຂັດຄ້ານກົດໝາຍໝິ່ນປະໝາດຕ່າງໆ.
ກຸ່ມສິດທິມະນຸດທັງຫຼາຍ ກ່າວວ່າ ກົດໝາຍໝິ່ນປະໝາດ ແມ່ນເຮັດໃຫ້ມີການສວຍໃຊ້
ກົດໝາຍນີ້ ເພື່ອຜົນປະໂຫຍດໂດຍພວກຫົວຮຸນແຮງດ້ານສາສະໜາ ຫຼາຍຂຶ້ນ ລວມທັງ
ການແກ້ໄຂບັນຫາສ່ວນຕົວຂອງຊາວປາກິສຖານທົ່ວໄປນຳ.
