ຢູ່ໃນຄຳປາໄສປະຈຳສັບປະດາຂອງທ່ານ ໃນວັນເສົາມື້ນີ້ ປະທານາທິບໍດີສະຫະລັດ
ທ່ານ Barack Obama ໄດ້ເນັ້ນຢໍ້າເຖິງການຂຶ້ນເງິນເດືອນ ໃນລະຫວ່າງການເປັນປະທານາທິບໍດີຂອງທ່ານ. ນັບແຕ່ປີ 2012 ເປັນຕົ້ນມາເງິນເດືອນທີ່ແທ້ຈິງໄດ້ສູງຂຶ້ນ ປະມານ 20 ເທື່ອ ໄວກວ່າທີ່ເຄີຍເປັນມາໃນໄລຍະເກືອບສາມທົດສະວັດລະຫວ່າງປີ 1980 ຫາປີ 2007.
ໃນປີກາຍນີ້ ລາຍໄດ້ໂດຍທົ່ວໄປຂອງຄອບຄົວ ໄດ້ເພີ້ມຂຶ້ນເຖິງ 2,800 ໂດລາ ຊຶ່ງເປັນການເພີ້ມຂຶ້ນ ໃນໄລຍະນຶ່ງປີທີ່ໃຫຍ່ສຸດ ໃນປະຫວັດສາດ. ໃນທົ່ວທຸກ ຜີວພັນ ແລະກຸ່ມ ອາຍຸຢູ່ໃນອາເມຣິກາ ລາຍໄດ້ແມ່ນສູງຂຶ້ນ ແລະອັດຕາຄວາມທຸກຍາກໄດ້ຫລຸດລົງ ແລະ 3 ລ້ານ 5 ແສນຄົນ ໄດ້ຫລຸດພົ້ນ ຈາກຄວາມທຸກຈົນ ຊຶ່ງເປັນໂຕເລກທີ່ຫລຸດລົງ ໃຫຍ່ທີ່ສຸດພາຍໃນໄລຍະປີນຶ່ງຂອງອັດຕາຄວາມທຸກຍາກນັບແຕ່ປີ 1968 ເປັນຕົ້ນມາ. ສ່ວນນຶ່ງກໍເປັນຍ້ອນບັນດາລັດຕ່າງໆ ແລະປະຊາຄົມທີ່ໄດ້ຄ່າຈ້າງຂັ້ນຕ່ຳສຸດ ເຮັດໃຫ້ບັນດາຄອບ ຄົວທີ່ມີລາຍໄດ້ຕໍ່າ ແລະປານກາງໄດ້ເຫັນລາຍໄດ້ເພີ້ມຂຶ້ນຫລາຍທີ່ສຸດ. ເຖິງແມ່ນວ່າເຮົາໄດ້ທຳຄວາມຄືບໜ້າທີ່ສຳຄັນ ປະທານາທິບໍດີກ່າວວ່າ ຍັງມີວຽກການທີ່ຈຳເປັນຫຼາຍຢ່າງ
ຈະຕ້ອງໄດ້ເຮັດເພື່ອເສີມຂະຫຍາຍຊົນຊັ້ນກາງ ແລະນີ້ແມ່ນເລີ້ມຕົ້ນດ້ວຍ ລັດຖະສະພາ ທີ່ຈະປະການເມືອງໄວ້ຢູ່ທາງຂ້າງ ແລະປະຕິບັດແນວຄິດໃຫ້ເປັນປະໂຫຍດ
In this week's address, President Obama highlighted wage growth over the course of his presidency. Since 2012, real wages have grown about 20 times faster than they did for almost three decades between 1980 and 2007. Last year, typical household income rose by $2,800 the single largest increase on record. Across every race and age group in America, incomes rose and poverty rates fell; and 3.5 million people were lifted out of poverty the largest one-year drop in the poverty rate since 1968. Thanks in part to states and communities that have raised the minimum wage, lower- and middle-income families saw the biggest boost in incomes. Although we've made significant progress, the President said more work needs to be done to strengthen the middle class and this starts with a Congress that will put politics aside and act on commonsense ideas.
